الفصل الثاني عشر

جهز وقام طالع طبعا لابس قميص كحلي غااااامض قال لي انا طالع عايزة حاجهه؟ واحلى حاجهه عندو حركه اتو بدخل يديهو جووة جيوبو والجو مغمم غمام مبالغ فيهو قولته ليهو امممم انا ماشه بيتنا اليوم اشتقته لي بابا قال لي بس كدة طيب حااااضر الاسبووع الجااااي تمشي طوالي تشوفي بابا وقعد يحااااكي في صوتي طبعا ضحكني ضحك لأنو بحاااكيني بصوره فظيعهه قولته ليهو بصوووت دلع كدة انا جادة معاك ي فارس قال لي طيب حاضر اجهزي عشان اوصلك قولته ليهو بجد قال لي ااايوة بجد اجهزي بس سرررعهه عشان زمني وزحمهه المواصلات قولته ليهو مواصلات خلاص امشي ياخ انا حأتأخر شويه

قال لي مالك غيرتي رايك؟قولته ليهو لا ماف شي قال لي طيب تمام يلا سلام وطلع مشى نزلته رتبته البيت طببعا اتعووودته الشغل بقيت اشتغل براي وحبوبه فاطمهه م قاعدة تقصر علمتني كم طبخهه كدة الموهم نضفتهه بيتي ورشيتو نادتني ساره بي فوق قالت لي ي كعبهه لو م سالنا منك م بتسألي قولته ليها لا م كدة والله قعدتهه اتونسته معاها كداابالحيطهه بعدها قالت لي تعالي افطري معاي النبي فيك تعالي حلفتك قولته ليها طيب

لبستهه توبي ومشيت ليها بعد م فطرنا حبوبه فاطمهه قعدت تونس فيني قالت لي والله ي شهد راجلك دة راااجل الهنا والسرور حنيييين انشاءالله ولد النسوان كلهم هدي ورضي والله انشاءالله ولدك وتعقري عليهو ساره قالت ليها اي والله ي عمتي دكتور فارس راجل

ساره قالت لي عارفهي شهد في ولد اسمو اواب ود جيرانا ساكنين بالشارع التاني الولد دة كان مرضو م معروف وامو وابوهو مهملين اهمال عجيب الولد دة شدة م تعب قرب يموت واهلو على قدر حالهم دكتور فارس م قصر معاهو ياخي والله اتكفل بي مصروف علاجو وعملو ليهو عمليه مجان تتخيلي؟واسي ناس الحي كلهم اي زول عيان بجي لي دكتور فارس وم بشيل من زول قرش وماشااءالله عليهو مصاحب نص الحلهه بالزات الشياب

حبوبه قالت لي اسي شوفتي طبعا انا كنت شغاله في دار العجزة والمسنين وشغاله في منظمات خيريه اسي راجلك دة شهريا بديني 2000 جنيه نصها بتبرع بيها دار العجزة والمسنين والنص التاني بتبرع بيهو لزوي الحاجات الخاصه المعاقين وكدة طبعا استغربته معقوله البتكلمو عنو دة الحيوان الانا بعرفو طلعتهه مشيت البيت قبل م اقلع تووبي الباب دقه رجعتهه قولته يمكن دي ساره جات لاحقاني فتحته الباب لقيتها مره كبيره م كبيره شديد وماشاءالله عليها حلبيه سلمت علي قولته ليها اتفضلي انا افتكرتها مره جيرانا وجايه تسلم علي

قالت لي عايزة اسأل من بيت واحد اسمو محمود عمر بتعرفيهو؟قولته ليها لا والله انا زاتي جديدة في الحي دة م بعرف زول قالت لي ايوااا طيب ممكن تديني مويه لو سمحتي؟قولته ليها حااااضر اتفضلي ي خالتو دخلت بتعاين للبيت يمين وشمال قالت لي امك وين؟قولته ليها لأ انا متزوووجهه ودة بيتي قالت لي بإستغراب متزوجه؟سبحان الله م ظاهر عليك قولته ليها اي عشان م قاعدة اتحنن وكدة قالت لي ايواااااا وراجلك شغال شنو ي بتي بي سماحتك دي معرسه ليك راجل مسكنك في بيت زي دة؟قولته ليها شغال دكتووور

قالت لي دكتووور اسي دة بيت دكتوور؟قولته ليها لسه في بدايه حياتو عشان كدة قالت لي ايوااا يعني مبسوووطه معاااهو عاد انتي طفره ي بتي في الجيل دة وقعدت تضحك قعدت اتونست معي مسااافه وطلعت مشت بعدها جهزتهه ومشيت بيتنا اخخخخخخ ياخي لمن دخلته غرفتي وشغلته المكيف لمن مااااااصدقتهه ياخي مشيت بيتنا ملهووووفهه لهفهه ابوي لقيتو ماف اسيل اتونست معاي كدااا وبعدها قالت لي ماشه اجهز الغداء انا نممممممتهه صحيت نازله في السلم اسيل قالت لي مجتبى جا سأل منك قاعد في غرفتو قولته ليها ماشه اشوفو مشيت قولته ليهو تبو قال لي اهلين بي صوووت مكتئب كدة

قولته ليهو مشتاقين شنو مالك مكرفس وشك كدة؟قال لي ماف شي قعدته اتونستهه معاهو كدااا فجأة قال لي اها عملو شنو في موضوع تبيان؟قولته ليهو انت عرفته يعني؟قال لي ايوة عرفتهه وزعلته شديد والله قولته ليهو ودة سبب اكتئااابك؟معقوله تبيان بتهمك للدرجه دي؟قال لي مش بت خالتي اكيد بتهمني شديد قال لي عايز اطمن عليها هي كيفها؟قولته ليهو مسكينه ياخ التافه لقاها شافعهه وغشاها قال لي الحيوان دة فتشتو وم لقيتو مشيت الكليه حقتو قالو لي أجز وساااافر وربي كنت ناوي ليهو نيه م يعلم بيها الا رب العالمين لكن الحمدلله انو م لقيتو

قولته ليهو مجتبى من متين وتبيان بتهمك للدرجهه دي؟قال لي ياخ انسي قولته ليهو مجتبى انت بتحبها صح؟قال لي شهد دة م زمن هبالتك قولته ليهو لا بالجد؟سكت قال لي عايني اطلعي من غرفتي لو سمحتي قولته ليهو طيب انت حرر بس لما تقرر تحكي اتصل علي مشيت المطبخ لقيت اسيل بتطبخ وعامله سلطهه روووب ياخ بحبها حب والعجب المخلل قعدته اكل اسيل شاكلتني ابوي جا سلمته عليهو قولته ليهو ابوي شوف بتك دي ابت تخليني اكل مخلل ابوي ضحك قال ليها مالك ي بت مع شهد؟قالت ليهو بتك دي زاتها كرهتني خليها تمشي بيتها

ابوي قال ليها اها وانتي ناويه تمشي بيتك متين؟ضحكته بصوت عالي قولته ليها يلا طاخ اضرب اضرب كمان ي حاج قالت ليهو بابا كويس كويس اسي شهد دي بتمشي بيتها نشوووف البفضل ليك منوو تاني غيري انا مرتك زاتها زعلانهه منك ابوي قعد يضحك قال ليها امك دي تلاتهه قبااايش دهب رضوها م مشكلهه قولته ليهو شغغغب بابا عارف نقاط الضعف وين المساء ودعتهم مع اني م كان عندي نفس ارجع بس ابووي قال لي الا تمشي بيتك وصلني مجتبى البيت ورجع

في بيت تاني كانت بتدووور احداث راجل بتناقش مع مرتو وبشاكل فيها قالت ليهو معتصم شوفته تاني بيت ابوووي دة ولا ملعقهه م بشيلها منوو كلمتك؟قال ليها لو م شلتيها انتي دايره تخليها لمنوو لباقي اخوانك يعني؟بكره ابوووك بمووون وبخلي القروش اللاميها زي التراب دي عشان كدة افضل نستفيد نحن قالت ليهو اكتر من كدة داير تستفيد شنوو؟من ورا قروش ابوي ماكل وشغال احسن شغل واي شي اطلبو منك تقول لي شيلي من ابوك انا عرستك غصبا عن ناس بيتنا وبعد ده اهلي وافقو بيك معناها المفروض تتحمل مسؤلياتك كفاايه عمله المره الفاتت

قال ليها اسكتي انتي دايره تجيبي لينا مصيبه ولا شنووو وقام ضربها كف قال ليها تعلي صوتك على منووو انتي وقعد يضرب فيها ...

(حنتعرف على الشخصيات دي بعدين)

رجعتهه البيت فجاة اتصلت علي روان قعدت تشاكلني قالت لي لو عارفين العرس بغيرك كدة م كنا خليناك تعرسي معقوله دة كلووو حب لي فرووس قولته ليها ي مجنونه فارس شنووانا احب فارس انتي عارفهه انا اتزوجتو لشنووو فمافي داعي تكتري قالت لي لا والله م عارفه وبعدين شكلك حبيتيهوونسيتي حبابيك قولته ليها احب ليهو شنوو ي بت فارس دة انا عرستو علشان اقهرر بيهو هااشم عشان يعرف انو هو م اخر راجل ولا الدنيا واقفهه عليهو التافه

فجأة اسمع ليك صوت فارس بقول لي مساء الخير طبعا لمن اتخلعتهه قولته ليهو مساء النووور بخلعه كدة بعدها قولته ليها روان يلا بتصل عليك بعدين طبعا لاحظتهه لي انو ملامح وشوو اتغيرت بس هو عمل فيها م سمعني استحمهه وطلع قال لي انا ماشي الخماسيات اللعب كوره قولته ليهو طيب

بعد اسبوووع من الكلام دة جا يوووم الجمعهه وطبعا كان الجووو موبالغه العصر كدة قاعدين بره في الحوش وماف موضوع هو ساكت واناساكته قال لي تعالي نلعب ليدو قولته ليهو تعال طيب فتح التلفون قعدنا لعب طبعا هو ماشاءالله عليهو لعاب كل م يقرب يقلبني بقوم بقفل التلفون بقول ليهو م عايزة م عايزة اخر مره قعدنا نلعب قال لي خليك جادة شويه ياخ انتي حاولي تغلبيني م تستسلمي قولته ليهو طيب قعدنا نلعب كدة ابمطره رشت دخلنا جوة المظله وواصلنا لحبنا انا فضل لي واحد وهو فضل ليهو واحد قولته ليهو حأغلبك قال لي م حتقدري

قولته ليهو ولو غلبتك؟قال لي بشيلك بلف بيك الحوش دة كلووو في المطره دي وانا عارف انو انتي م حتغلبيني قولته ليهو واذا انت غلبتني انا بعمل ليك كل البتطلبو مني قال لي يعني حتولعي النار وحتعملي لينا شاااي؟قولته ليهو ايوة بس دة في حال انو غلبتني وم حتلغبني ابشرك قعدنا نلعب وانا اقووول ي رب ي رب قعدته اتشاااكل معاهو واصرخ لااا والله تكتلني اكسر ليك تلفونك وربي قعد يضحك بعد مساااافه قولته محتاجه سته ويك عشان احجج ي رب سته ي رب فجأة جاتني سته قعدتهه اصررخ واقول ليهو هااااا جاهز؟ قال لي لسه م حججتي يلا

بعد شويه حججتهه قعدته اصرخ طبعا انفعلته شديد وهو بقول لي ووووطي صووتك قولته ليهو يلا قووووم اعمل القولتو سورعه قال لي طيب تعالي وانا لابسه بجامهه قصيره قولته ليهو يلا قال لي اشيلك كيف اسي؟طيب خلي المطره تقيف قولته ليهو لأ انت قولته شنووو؟قال لي طيب تعالي اسي يشيلوك كيف انتي؟اتعلقته ليهو في ضهرو قولته ليهو يلا طلعنا بره الحوش والمطر نااازل قال لي لو وقعنا على مسؤليتك فهمتي قولته ليهو بغسل ليك ملابسك لو اتوسخت م تخاف قال لي الجهل مصيبهه غايتو لفه بي الحوش تمام في المطره ديك لمن ملابسنا اتبلت قال لي كفايه ياخ

نزلني انا دخلته وهو جاي ماشي اتزلق وقع وانا فكيتها ضحكه قعد يضحك قال لي غلطان البتبعك والل طيب تعالي ساعديني وانا من الضحك م قادره امشي اساعدو قام براهو دخل جووة ملابسو اتوسخت طبعا طلع فنيلتو انا دخلته وراهو وانا زاتي عايزة أغييير لانو بجامتي مبلوله والبرررد ياخي جسمي تلج اوول م شوفتو من غير فنيله اتصمغتهه واتلفته غلى ضهري قولته ليهو اسفهه ضحك قال لي عاادي ولا يهمك لبس ليهو فنيله وانا لسسسه واقفه على ضهري قال لي خلصتتته قولته ليهو بردانهه برد مبالغهه طوالي جى حضني طبعا انا لمن اتخلعتهه قولته ليهو فارس؟

قال لي مش قولتي بردانهه بعد مساااافهه زحيت منو قولته ليهو بس انا م قصدي كدة قال لي م قصدك شنوو م فهمته؟قولته ليهو الفي بالك قرب مني وهو بعاين لي وانا كل م يعاين لي بتلخبط زياة قال لي طيب وانا الفي بالي شنو؟ قولته ليهو فارس يوخ قام حاكاني وقلد صوتي (فارس يوخ) قال لي شايفه انا م سالتك بس انتي عقلك براهو وسخان وبالك بمشي لبعيد ياخي غيااااظ بشكل م طبيعي بعد م خليتو طلع غيرته بجامتي وجيت رقدتهه الصباح صحيت بي صوتي مبحوووح مباااادئ اللتهاب طبعا قال لي شايفهه دي نهايه اللعب تحت المطره

مشى طلع لي حبوب اداني واحدة قال لي المساء ابلعي واحدة تمام؟قولته ليهو حاضر قال لي انا طالع الشغل عايزة حاجه؟قولته ليهو لأ قال لي طيب خلي بالك من نفسك طبعا الإلتهاب عزبني عزاب وانا اساسا اللتهابي كعب شديد وبقيت انتظر فارس بفارق الصبر ومن ضمن الايام فارس اليود دة اتأخر تأخيير مبالغ فيهو للساعهه 12 م جى قولته م بتصل عليهو عشان م يقول انا بفكر فيهو تاني قولته ياخي اتأخر شديد بجد قمته اتصلته عليهو كتيييير م ردة تاني ردة علي قولته ليهو فارس انت وين

طلع الردة على التلفون دكتور خالد قال لي شهد معليش بس فارس دة في عمليه مهمه وتلفونو معي قولته ليهو م مشكله سلمته عليهو واتونس معي مساااافهه بعدها قفل طبعا فقدتو بجد بقيت م قادره انوم اتقلب فجأة قومته من سريري ورقدته في سريرو قولته بعدين لو سمعتهه دقه الباب اقوم ليهو من سريرو بس انا خايفهه رقدته وانا بتكلم مع نفسي لمن نمتهه صحيت الصباح لقيتو م جى فتحته تلفوني م اتصل علي زعلته زعل لا اتصل علي ولا حتى جى البيت ليه بعمل كدة هو معقوله دي كلها عمليه المفروض بعد كدة يتصل لمن نهايه اليووووم لا اتصل ولا جى البيت

قلقته عليهو بجد بس قولته انا اساسا م مهمه عندو وهو عندو شغلو اهم شي وانا ولااافي بالو صباح اليوم التالت طبعا صحيت قعدتهه بكيت كدااا جاتني ساره لقتني ببكي اصرت علي احكي ليها مالي حكيت ليها قولته ليها معقوله تلاته يوم مداوم لا سأل مني وهوو عارف انو انا عندي اللتهاب حتى م فكر يطمن علي قالت لي عادي ي شهد دة حال الدكاتره كدة بس هو مدلعك زيادة عن اللزوم قولته ليها م دلع ولا اي شي بس عدم لا مبالاة منوو

المساء جا داخل لقا ساره قاعدة معي طبعا م مشت سلم عليها قالت ليهو الزوله دي من الصباح تبكي من خوفها عليك قالت ليك تلاتهه يووم بره البيت عاد فضحتني فضيحهه مع الراجل قالت لي يلا ي شهودة مع السلامهه طبعا ولا اتكلمتهه معاهو طوالي دخلته جوة الغرفه جا داخل وراي قال لي كيفك؟سكتته م رديت عليهو شال ليهو غيااار مشى استحمى وجا راجع قال لي انتي زعلانهه مني يعني؟قولته ليهو وازعل من شنوو يعني انت اساسا م بتهمني

قال لي تمام طيب مالك؟سؤالو مستفز طبعا قولته ليهو كيف يعني مالي تلاته يوم انا بتصل عليك وانت م بترد عندك شغلك اهم من مسؤلياتك م خوفته علي وانت مخليني تلاته ايام نايمه براي م ختيت في بالك انو لو جا حرامي او كدة انا امشي وين وطبعا بتكلم وببكي عاد جنس بكى طوالي جراني عليهو وحضني قال لي هششش بس انا هنا وانتي م حصلت ليك حاجهه صح؟قولته ليهو بس كان ممكن يحصل دة دوام شنو البخليك تقعد تلاته يوم في المستشفى؟قال لي كنت مجبووور قولته ليهو مجبوور لشنوو بس فهمني

قال لي كنت في السجن ي شهد فهمتي؟طبعا اتخلعته قولته ليهو شنووو سجن شنوو وانت عملته شنووو وليه م كلمتني؟قال لي انتظري انا م عملته شي بس عندي صحبي كدة ماضي ليهو على شيكات لي ناس وانا كنت ضامنو واسي الناس دايرين قروشو وهو هرب دي كل القصه وعشان انا الضامنو مسكوني بدلو قعدته اكورك فيهو قولته ليهو انت م جادي ي فارس وتضمنو ليه اساسا؟ اتخيل معي لو م اتلقى بس؟قال لي المشكلهه شبه اتحلت خلاص اهدي وتاني حضني قال لي وحياة ربي طوول الوقت كنت خايف عليك وبفكر فيك قولته ليهو وانا كمان اتوترتهه

قال لي v بتخافي علي؟من غير م احس قولته ليهو كيف يعني م بخاف عليك عاينته ليهو قولته ليهو انت كويس؟قال لي اسي بقيت كويس مسح لي دموعي قال لي خلاص بطلي بكى شوفتي عشان كدة انا م وريتك قولته ليهو طيب اجهز ليك العشاآ؟قال لي لا م عايز بس عايز انوم في برتقال في التلاجهه اديتو لي ساره قولته ليها اخلطيهو لي خلطتو وناولتني ليهو جبتو ليهو قولته ليهو هاك العصير المطر بدت تنقط قال لي تعالي رقدني جنبو وغطاني قال لي انا بخير م تخافي علي...

...