الفصل التاسع

طبعا لما ابوووي قال كلمهه عقدنا دي انا گأنو زوول كاااشح فيني كباااايهه موووويهه باااردة من التلاجهه رفعتهه راسي مخلوعهه وبعدها تعالو شووفو البكى ياخي بكيت بكى انا ببكي والبنات ببكو معاي مجتبى قال لي أبوي دي فرحه فكهه البورة بس والببكو معاها ديل زعلانين على روحهم لأنهم لسسسه بايرات م تخافن هيي بتعرسن اطمنكم ابوي جا مسكني قال لي بتبكي مالك انتي غيرتي رايك؟قولته ليهو لالا م غيرتو ي بابا وحضنتو وقعدتهه ابكي ياخي بكيت لمن مليت ليهو جلابيتو دموع ابوي فاكرني ببكي من فرحتي بس هو م عاارف انو انا بموت 100 موته من جوة

ابوي زاتو بكى انا ببكي وهو ببكي معاي والله انا مهما لفيت م بلقى احن من ابوووي علي عمر جا داخل مسكني وقعد يبكي وبعدها اتلما علينا مجتبى

فجأة امي جات داخله قالت ليهو عملته الفي بالك ي ابو عمر عقدته ليها من غير رضااي؟طيب ي عبدالله اسمع كلامي دة كويس بتك زي م عقدتهه ليها براك رحلها برااااك تمام؟وم تسألني من تجهيز ولا شي وانا م عندي شغله بيها ولاااا حتى وداع م بودعها تمام؟بس زي م عقدته ليها تتحمل مسؤليه المشااااكل الحتجيك ورا العقد دة تمام؟ابوي قال ليها برحلها بيتها واليوم قبل بكره بتتعوداسي الرجال قاعدين في الصالون والراجل حارس مرتو وصلت؟

مشيت مسكتها وقعدتهه ابكي فيها قالت لي اصلك م تبكي تبكي لشنوو مش براك قولتي دايراهو يلا زحي مني فكتني ومشت اوووول مره ماما اشوفها بالقساوة دي واول مره تتعامل معي كدة بعد م طلعت ابوي قال لي اسيل قال ليها اسيل جهزي لي اختك دي شنطها طوالي تمام؟م اجي اللقاها م جاهزة مجتبى قال ليهو ابوي خلي نرحلها بكره تجهز نفسها بالمره ابوي قال ليهو لا مش عقدنا ليها؟نسلمها لي راجلها طوالي بس وطلع مشى وطلعو وراهو اخواني الاتنين خلاص بقيت مغطيه وشي بي يدي اسيل نزلت الشنط وفتحت دولابي ودو يرتبو

بعد ساعهه ابوي جا داخل لينا شايل كم تووب وجلبابات قال ليها امسكي ختيهم ليها في الشنطه معاك مشى قعد شويه كدة جانا راجع قال لي جاهزة؟قولته ليهو ايوة قال لي طيب اطلعي طبعا كأنو عندي زول ميت لابسه توب عادي طلعته ابوي قال لي تعالي سلمي مشيت الهووول سلمته كان في دكتور فارس ومعاهو دكتور خالد وتاني معاهم ناس الموهم سلمته دكتور خالد قال لي مبرووك ي عروس وانشاءالله بيت مال وعيال سكته سااي م رديت عليهو دكتور فارس قال ليهم نطلع بعد كدة؟دكتور خالد قعد يضحك قال ليهو افضل نطلع العريس مستعجل مستعجل

ابوي قال ليهم طيب بس انتظرو نقرو ليهم يس ي جماعهه ولا شنوو؟دكتور خالد قال ليهو ايواا يس قعدنا ابووي قرا لينا يس بعدها طلعنا قولته ليهو ابوي خليني امشي اودع امي بس قال لي امك دي خليها لمن تهدا اسي م بتتفاهم معاك اسيل جات لاحقانا قالت ليهو ابوي نحن ماشين معاكم انتظرونا قال ليها لالا خليكم هنا امشو ليها في وقت تاني بكره ولاكدة طلعنا ركبته في عربيه ابووي وركب معاي مجتبى عمر اخوي ركب في عربيتو ودكتور فارس عايز يركب مع دكتور خالد قام دكتور خالد قال ليهو شنو ي عريس لالا امشي اركب جنب مرتك طوالي بتخجل ولا شنوو

اها طوالي الحيوان جا ركب جنبي ومجتبى اول م شافو قعد جنبي نزل مشى قعد مع ابوي قدام في العربيه اتحركنا لما خلااااص وصلنا على كبري الفتيحاب ياخ لمن قلبي عمل شحح داخله على بلد لا بعرفها ولا متعودة عليها ولا حتى حأقدر اتأقلم عليها طبعا هو ماشي وبوصف لي ابوي في الطريق بعدها دخلنا في مكان كدة بيوتو عااااديه كدة والمكان زاتو غريب شديد ابوي قال ليهو الفتيحاب دي ماشاءالله اتعمرت زمان كانت مهجوره وم فيها سكان قال ليهو والله ي عمي اتعمرت ياخ

قال ليهو اسي ايجاراتها كيف؟قال ليهو والله يعني م غاليه على حسب البيت بس اسي انا في الشهر بدفع 2000 طبعا خلعني وكمان مأجر يعني هو وأسرتو كلهم عايشين في شقه بالايجار واااي لكن ديل عايشين كيف ماشين كدة قال ليهو بس الشارع التاني تاني بيت على يدك اليمين ي عمي اول م لفينا وابوي وقف طبعا انا بقيت مخلوووعه بيت عاااادي وبناهو من بره اقل من عااااااادي طوالي فتح باب العربيه قال لينا اتفضلو انزلو طبعا انا اتجمدته في محلي م اتجمدته وبس انا مسكني هبوط عديل لانو انا م كنت متوقعهه انو الوضع حيكون بالسؤ دة

مجتبى فتح لي الباب قال لي انزلي وهو زاتو محتار بعدها جا دكتور خالد وعمر اخووي وقفو عرباتهم نزلو واول م فتح الباب كدة في نسوان كتاااار طلعو من بيت كدة جنبهم وقعدو يزغرو قالو ليهو مبرروك وربنا يهنيكم ي رب وفي مره كبيره جات مسكتو حضنتو قالت ليهو انشاءالله ي ولدي انت تتعلى م تتدلى ويديك السعد السمح ويديك حسب نيتك انت قال ليها اميييين ي امي بعدها جات سلمت علي قالت ليهو عاااد عروس السرور ي ولدي تضوي براااها تسووو كدي

دخلنا البيت طبعا هنا كانت الصدمهه الحقيقيه بيت يعني انا زاتي مصدومه ومخلوعهه فيها وم عارفه اقول شي قولته لي نفسي دة شنوو العملتيهو في روووحك دة ي شهد طيب اوصف ليكم البيت بيت عاااادي فيهو تلاته غرف تقريبا ومظلهه بتاعهه حديد ولا زنك م بعرف وارضيتو تراب اتخيلو تراب يعني لا سيراميك ولا أسمنت اللهم اني لقد أديت بنفسي الى التهلكهه)طبعا مجتبى م عارف يقول شنو بس بقى بعاين لي مستغرب اما عمر اخووي جا قال لي عيشه عاديه وبسيطهه بس العريس لقطططه والله

طبعا سكتتته سااي قال لي هيي انا اخوووك اتونسي معاي عادي خلي حركات العروس البتعملها لي صحباتها يوم عرسها دي طبعا لقينا في سراير مفررشششه برره ومن ناحيه البيت نضيف نضيف وفيهو شجر قعدنا في السراير النسوان جو داخلين شايلين عصير وحلاوة وبلح وحجات كتيره في شيالات وفجأة الناس بقت تجي تسلم كل شويه داخلين علينا ناس رجال ونسوان يعني والله شي يحير ويزهج بجد وانا من يومي زهجانه وقااااافله معي

ناس ابوي قعدو لحدي المغرب بعد المغرب صلو وقامو ماشين قبل م يطلعو دكتور خالد قال لينا طبعا ي جماعهه الزواج دة مسؤليه وداير ليهو قوة تحمل وطوووله بال يعني لو م الواحد طوول بالو م حتقدرو تتفاهمو وانت ي فارس زول واعي وعاقل والزوله دي وافقت بيك بالرغم من وضعك دة وقبلت تعيش معاك عشان كدة انت كمان كمان اديها حقها وطبعا ي فارس انت زول م محتاج توصيه ومحل ثقه لو م كدة والله عبدالله دة م بديك بتو عشان كدة الله يقدرك على سعدها وم تخزلنا قال ليهو انشاءالله والله ي دكتور خالد

ابوي ضربو في كتفو قال ليهو م محتاج توصيه ي خالد لاني اديت بتي لي راجل وبي قناعهه كمان بعدها قامو طالعين انا من جوااااي بقول وااي ي ابوي سوقني معاك وم تخليني وراك واي دة شنوو الانا عملتو في نفسي دة؟يعني اسي ابوي حيمشي يخليني هنا في المكان دة؟يعني اسي انا حأعيش هنالا م بقدر م بقدر والله م بقدر لما وصلو الباب مسكته في جلابيه ابووي م فضل لي الا اقول ليهو سوقني معاك انا م دايره اقعد هنا م بقدر دكتور خالد قال لي ي شافعهه مكنكشه في جلابيه ابوك كدة مالك

ابوي قال لي يلا ي بتي الله يسعدك وخليك واعيه كويس وم تفكري في امك انا بتكلم معاها بتكلم معي كدة بس حضنتو وبقيت ابكي عمر قال ليهو البت دي دلعتوها زيادة عن اللزوم دكتور خالد قال ليهو دلع شديد والله عمر مسكني وبقيت ابكي فيهو هو زاتو بعدها جات المره الكبيره ديك مسكتني وساقتني هي بتجر فيني وبتقول لي معليش ي بتي دة حال الدنيا كدة م تبكي والغريبه هي زاتها بتبكي معي وانا بحاول اجر يدي منها واتفكهه منها وهي ضاغطهه علي طبعا قربته الزها واقول ليها فكيني انتي عايزة مني شنو؟ بس الحمدلله اتمالكته اعصابي

و لما سمعته اصوات عربات ناس ابوي اتحركت كأنو انا سلو روحي ومدخلني قبر ياخي دة شنو دة بعد م طلعو المره فرشت الملايات كويس وشويه كدة جو ولدين داخلين شايلين مروحه قالت ليهم ختوها هنا ايواا بس خلاث وشيلو الشنط دي دخلوها جوة ووصلو المشترك دة الاولاد شالو الشنط دخلوها ووصلو المشترك شغلو بيهو المروحهه وطبعا انا مع البكى ولا شغاله بيهم المره تشيل وتحنس فيني وتتكلم معي وانا والله م عبرتها ولا بي كلمه بالعكس كنت متضاااايقهه وزهجانه منها حسيتها حشريه ياخ وانا من جواي بقول هي مالها ومالي انشاءالله ابكي دم ياخ دي شنوو دي

بعدها دكتور فارس جا داخل قالت ليهو والله ي ولدي مرتك دي بدر م حنستها م رضت لي تعال اتكلم معاها انت ضحك قال ليها معليش ي امي فاطمهه بكره بتتعود في قلبي قولته ليهو عووود يشقوك بيهو انشاءالله المره قالت ليهو عن ازنك ي ولدي بعد كدة انا اتووكل امشي قال ليها سمح يمهه دي مواعيد دواء الرطوبه صح؟ضحكت قالت ليهو انا زاتي نسيتو انت م نسيتو قال ليها لالا ي حبوبه تنسي كيف؟قال لي واحد من الاولاد ي ابوبكر عليك الله اسي لما تمشي البيت اديها الدواء كويس؟قال ليو كويس

بعدها طلعو دكتور فارس قفل باب الشارع طبعا م متخيلين باب الشارع بقفل كيف عباره عن هززززه ارضيه زلزال عديل من شدة م صوت الباب عالي تاني الباب دق مشى فتح جات مره داخله شايله صينيه نزلت الصينيه وسلمت علي قالت لي انا ساره مرت ولدها لي حجه فاطمهه طبعا من شدة م زهجانهه لو كترت شويه كنت حأطردها وربي سلمته عليها بي طرف يدي قولته ليها اهلين قالت ليهو فارس دة العشاء قال ليها تسلمو ياخ الله يديكم العافيه قالت ليهو العفوو دة واجبنا وطلعت وقفلت الباب واااااي انا من قفله الباب وااي

بعد م طلعت الحيوان دخل جوة وطلع دخل ليهو مكان مبني مربع كدة تقريبا كدة دة الحمام جا طالع من شايل جردل مشى فتح الماسوره وملى جردلو شالو ورجع استحمى وغير بعد م غير جا وصل تلفونو في الشحن وولع النور طبعا كان بصفر ساااي اتخيلو دة كلووو وانا قاعدة

قال لي حتفضلي قاعدة كدة م حتغيري؟قولته ليهو اقعد وين وأغير وين بس كدة وريني؟قال لي تغيري وين كيف دة م بيت وديل م غرف؟قولته ليهو دة انت بتسميهو بيت يعني دة بيت اساسا انت بتستهبل ولا شنوو؟شايف شكلي دة شكل زوله ممكن تعيش في بيت زي دة وفي حي زي دة؟قال لي في غيرك كتير عايشين م حاصل ليهم اي شي بتنفسو نفس الاوكسجين الانتي بتتنفسيهو طبعا بااارد بروود كدة غريب قولته ليهو شوووف انا لما وافقته بيك م اتوقعتهه انو الوضع حيكون بالسؤ دة ولا اتوقعتهه انو حأعيش في بيت زي دة وفي مكان زي دة فاهم؟ لأنو م شبهي ولا انا شبهو

قال لي وانا م كزبته لا عليك ولا على اهلك بخصوص وضعي انا ختيت ابوك قدام الصوره والامر الواقع وحكيت ليهو عن عيشتي وحياتي وي بت الناس م اكزب عليك انا دة وضعي كدة ودي حياتي ودة واقعي م بقدر اغيرو ولا حتى عندي استطاعهه اني اغيرو عشان م اكزب عليك وانت حره قولته ليهو طيب دكتور على شنوو؟قال لي انا م دكتور لي نفسي وبس لأ انا دكتور للناس كمان واظن انتي وافقتي وعارفهه انو انا على قدر حالي قولته ليهو اتووقع شنووو من واحد كان شغال كمساري؟ حاجه مقرفه بجد انا زاتي م عارفهه في لحظه غباء وافقتهه بيك كيف

سكت خلاني وووب دي وقعهه شنووو دي الانا وقعتها دي

في الجانب التاني امي زعلت وشالت شنطتها ومشت بيت خالتي وحكت ليهم كل الحاصل تسنيم قالت ليها دقيقه دقيقه يعني اسي شهد كدة اتزوجت على الساكت كدة؟امي قالت ليها اتخيلي بس؟البت دي م عرفتها مجنونه ولا مالها تسنيم ضحكت ضحكه استهتار وقالت ليها دة عرس شنووو دة وااي لكن؟طبعا تبيان كاشفاها وبتعاين ليها من فووق لي تحت

تبيان قالت لي امي خالتو م تبكي وم تزعلي نفسك شهد زوله واعيه وعاقله وقلبها ابيض بعد كدة م بيدك شي بس ادعي ليها ربنا يسعدها وبعدين دكتور فارس زول ماشاءالله عليهو خلقهه واخلاق ودكتووووووور بي حاااالو واشطر دكتور في المستشفى م زي الناس البياكلو وعايشين تحت جيوب ابهاتهم قالت الكلام دة وعاينت لي تسليم انا شخصيا شايفه شهد اختارت راجل مش زي ناس تسنيم قامت قالت ليها هي ي تبو قصدك شنوو قولي كلامك عديل تبيات قالت ليها اسي انا سألتك ولاجبته سيره زول؟ لو طرف السوط هبشك دي م مشكلتي اصلا الفي راسو ريشششه بتحسسها

انا في بيت دكتور فارس قاااعدة والقعاد قالبني وهو ولا هموو رااقد وانا قاعدة اصلا الجووو مسخن م مسخن وبس ياخ مولع نار والمروحه شغاله مسخنه الجو زيادة بس العشاء اذن قام مشى اتوضى وجا شال تلفونو قال لي دة العشاء لو عااايزة اتعشى قام ماشي لزيت الطربيزة الفيها صينيه الاكل بي رجلي لمن الصينيه طاااارت ووقعت في الارض هو اتلفت عاين لي ولا اشتغل بي ولا قال لي دة شنو العملتيهو دة طلع وقفل الباب ياخي بعد طلع بكيت بكى لمن بقيت ابكي بي صوت عالي وانا ببكي حسيت روحي نعسااانهه رقدته وانا ببكي لمن نمتتته...

...