الجزء 6

دخلت شلت التوب ومرقت عاينت كدا شفت امو وافقه بره مع مره اشرت ليهو دقيقه بس مشيت سلمت عليها قلت ليها دايره اقعد معاكي تحكي لي قصتك مع الشلابه نفسسسي اعرفها ياااخ ... المهم هدفي كان اتكلم معاها وهو يشوفني طوووالي قالت لي خلاص بكره نمشي بقعد اقصها ليكي اجيكم في بيتكم ولا بتجينا؟ ! قلت المكان البريحك قالت لي خلاص بجيكم مشيت ركبت العربيه شاافتني ركبت اووول ما قفلت الباب قال لي بتعرفي امي !! قلت ليهو بررري انت ما بعرفك اعرف امك من وين؟ ! ... قال لي طيب سلمتي عليها ليه و وقفتي اتكلمتي معاها؟ ! قلت ليهو لااا خلاص يا براد بيت وانا اعرف انك ولدها من وين؟ !!!! دي صحبتي ام احمد ... المهم سكت مني ودور العربيه ماشين في نص الشارع قلتا ليهو اقيييف نزلت لي كم دمعه كدا قلت ليهو بحكي ليك سررر بس حلفتك ما تكلم زول ولا امك انخلع وقال لي قولي " بقيت اببببككككي واببببككككييي وهو بقي يحاول يسكتني عشان يفهم الحاصل دنقرت ورسلت رساله لي ناديه قلت ليها اضربي لي سرررعه طوووالي ضربت لي بقيت اقول ليها اااي قربنا خلاص انتظري قفلت منها قلت ليهو خلينا نمشي ناديه شكلها عايزاني ضروري ما نتأخر عليها بعدين بعد الحفله بكلمك ... قال لي امي تمام؟ !! قلت ليهو ااي بعدين بتعرف .... وصلنا والعروس بقت تتجهز وانا برضو لبست وقشرتا وانتظرناهم يجو ...

الساعه بقت 7 العريس جا داخل حاسب في الرسبشن عشان يشيل عروستو اقسم بالله فررحت ليها بس العوووقه دي كانت بتغيظني وبتعمل لي حركات بخرتها والعريس دا شافها بقي شغال ماشاء الله ولا قوه الا بالله وحصنها بي كلمات الله التامات ااااحححي يا قلبي مسكها من يدها وقمنا طالعين ... انا كنت لابس فستان اسسود منفوش من تحت وفاكه شعري وعملت حجل في رجلي لانها مليانه وبقت بيضاء الحجل كان رهيييييب والله كل شويه ادنقر اعاين ليهو طبعا عملت مكيأب خفيف وركبت عدسات .... طلعنا مسكت فستان العروس لحدي ما وصلنا العربيه هي والعريس دخلو حتي دخلت انا ضاربه في يدي منكير بي الاسوود وعامله حنه بسيطه كدا مع اللون يسووون كدي العريس والعروس شغالين نقنق نقنق وانا ومحمد ساكتين بس ح يجي اليوم البنقنق فيهو برانا اصبرو بس .... وصلنا الصاله وبدت المباركات وبعدها بدأ الهجيج طبعا في كل عرس بكون في زوله بتاعين التصوير مكرهنها انا كنت المكرهني كل شويه واحد واقف جمبي اهااا طبعا محمد كان لابس بدله بالبيجي

كان نفسي اتكلم معاهو بس كيف ما عارفه عاينت كدا شفت كل البنات عينهم عليهو ويتكشمن من غيير موضوع ويصورو فيهو 😐 عااااد انا النار قامت فيااا شلت لي عصير ومشيت عليهو وقفت جمبو كأنو هو ما شايفني ودفقت العصير فينا الاتنين ....🐸 لااااا 😢 معليش والله اسفه ما كنت قاصده 😂😂 هو بقي زززي البايل 😂😂 ... بقي شغال لاحول ولا قوه الا بالله انتي ما بتشوفي 😐 قلت ليهو هوووي ما قلنا ليك خلاص شنو هو ...😒 غبيه !!! هسي انا احضر العرس كيييف وما شايل معاي غييار تاني ... قلت ليهو لا والله انا الشايله ...😏 اررح في محل ملابس قريب نشتري ليك منو بنطلون ولي فستان لانو دا يدااب بدايه العرس وباقي لسسه ساعتين ونص ولا ح نقعد في الترابيز والناس تهجج 😐 .. اخد ليهو سرحه كدا وقال لي ااررح 😍😍😍.... اااايوووووييي يوووووي مشينا ❤ دور العربيه وعلي اقرب محل لقينا مقفل قال لي اهاا في محل قريب؟ ! قلت ليهو لا والله في محل بتاع لبس بلدي ااررح نلبس منهم قال لي لا هي حفله اللبس جلابيه كيف يعني 😐 قلت ليهو لما نقول نصل بنلقي الجرتق واهو نعمل ليهم حركه عشان يفرحو مننا ندخل قدامهم مثلا زي الشباين كدا 😊 ... قال لي اارح عوضنا علي الله ما عندي حل تاني ...💔😐 مشينا لقينا الا ايجار بس مافي شرا قدر ما اقنعهم يبيعو ليهو ابوا اهاا لبس ليهو جلابيه بيضا كدا وفيها خط احمر 😍 وشااال قلبي معاهو وانا لبست لي توب احمر بي اسسود وحات حتى الشبشب اجرتو منهم عالي كدا ولونو اسوود جبت شعري بي الجمبه وعملت مكياج خفيف حتى طلعت عاين لي مسااافه كدا اتنحنح وحاسب عقد حاجبو وقال لي ارررح ...😐 طلعنا ونحنا نازلين من السلم في واحد بقي شغال لي ماشاء الله ولا قوه الا بالله قال ليهو يا زول العين حق حصن مرتك قال ليهو انت لو احترمت نفسك عوجه ما بتجيها فتح لي الباب قال لي اركبي ...😐 ااااحييي وتاااني ااااحححي 😍😍😍😂 قسما بالله وقعت في الكرسي رررررررب حيل مااافي ... اثناء ما نحنا ماشين قال لي اسمك منو؟ ! قلت ليهو سمر ... قال لي شايفك ما رديتي لي الزول لما شاغلك ... قلت ليهو اووول شي هو وجهه الكلام ليك ما لي تاني شي انا بسمع المشاغلات في اليوم اكتر من شعر راسي بس ما برد عارف ليه؟ ! لانو الرجال ديل كلههم كدا تفكيرهم في البت كجسد وانا اغلي من اني ارد عليهم او اسمع تفاهاتهم ... سكت مني وانا سكته .... بعد مساافه قال لي بالمناسبه بعدين نهايه الحفله ح نتلاقي كيف؟ ! قلت ليهو سجل رقمي عندك واضرب لي اديتو الرقم سجلو ... وصلنا الصاله 😌😌 وانا جمبو اتقدددل ......😌

اهاا من دخلنا كل

الانظار علينا 🙈 كان ما اخاف الكضب بنات الحله جاتهم وجع بطن في الحمان واقفات صف ✌😌 المهم لقينا الجرتق ح يبدأ مشينا دخلنا ورا العرسان ❤😍 كانو حلوين حلا ❤ بدت مباركات الجرتق والرقيص حق الدلوووكه👏👏 عاينت كدا شفت بت طووويله وبيضاء واقفه تتكلم مع محمد 😡😡😡😨 عاااد الغيره شبت فيااا دي منو دي؟ ! وبتتكلم معاهو لييييه !!! وانا برقص وبزح زح عليهم لحدي ما وصلتهم😐 ... عاينت لي كدا 😏 اهلآ مدت لي طرف اصابعها قالت لي انا خطيبه محمد السابقه مديت ليها اصبعي واااحد بس وقلت ليها انا خطيله محمد اللاحقه 👏😏😏 عاينت لي محمد كدا لقيتو ضحك قلت ليهو نسيت حاجه مهمه في العربيه عايزاها قال لي جدآ طلعنا بره قال لي شكرآ ليكي لانك حسيتي بي مضايق وطلعتيني منها قلت ليهو فعلا حجلي وقع في العربيه عايزاهو ... فتح لي الباب شلتو قمت ماشه قلت ليهو صحي دي خطيبتك السابقه؟ ! قال لي ااي قلت ليهو ما تصدق اني اللاحقه 😂 ومعاها ضحكه كدا اقسم بالله ضحك 😭😭😭اااااحححححييي والله ضحك اقسم بالله انا لو مكان خطيبتو كان شلتو وجريت 👏👏👏 دخلنا جوه والعرس تم الحمدلله والناس باركت واتصورنا كان في فتوغراف بعديها ركبنا عشان نوصل العرسان الفندق ❤ قبل ما نطلع بالعربيه امو نادتو نزل ليها اتكلم معاها بعد جا راجع نزلت انا ومشيت عليها سلمت عليها قالت لي عقبالك يااارب قلت ليها بي حياتك اها عند موعدنا قالت لي اااي .... اتحركنا و صلنا الفندق محمد حلف يعشيهم اتعشينا الساعه بقت 1:30 صباحآ ونحنا راجعين محمد وقف جمب ميدان كبيييير قال لي انزلي نزلتا وكان الهواء باااااارد قال لي تقعدي في العربيه ولا في الحجر دا !!! قلت ليهو في الواطه دي ارررح اتحكر واقعد رفع الجلابيه شويه وطلع شبطو واتحكر وقعدت والنسيم باااااارد والليل هادئ وماف اصوات والقمرا مضوويه وفي صوت كلاب بعيده تعووي وشايفين انووار الحله هنااااااك ❤ قال لي انا اسمي محمد والعريس دا تقدري تقولي اخووي عديل ما بعنبرو صحبي اتربينا سووا وعندي 3 اخوان وبت واحده وانا في الوسط وابوي متوفي 💔 وعمري 32 سنه ممكن تعرفيني بيكي؟ ! دا كلووو وهو ما معاين علي مقبل علي قدام والهواء يشيل في ريحتو ويجبها لي لبشتني لبش 💔 سحرت في دقنو وتفاصيل وشو عندو غمازه شفتها لما قلت ليهو اسمي سمر ابتسم اااااححححيييي " عمري 25 سنه قاريه محاسبه في انا وامي بس هي كل دنيتي ابوي اتوفي وانا صغيره خلاني لي امي ابت تعرس ربتني وقرتني ❤ ولو شلتها من هنا لي يوم القيامه ما بقدر اجزيها حقها .. قال لي والعروس بتبقي ليكي شنو؟ ! قلت ليهو بت جيرانا وصحبتي من نحنا صغار اصحاب شديد وما حصل زعلنا من بعض ولا يوم "😂 دي كضبت ليهو فيها " الونسه جرررت سمعنا النباه طووالي قلت ليهو ارررح الصبح جت عديييل كدا .... ركبنا في العربيه وانا في عالم تاااااني ما كان نفسي نصل نفسي نفضل لافين كدا لي اخرررر العمر .... وصلنا البيت لقيت امي واقفه برره مقلقه علي شديد💔 نزل سلم عليها واعتذر منها قال ليها عشينا العرسان حتى جينا قالت ليهو ما مشكله ودعنا ومشي دخل بيت ناس ناديه وانا دخلت البيت امي استلمتني ليكم من الباب كنتي وين 😐 اتاخرتو ليه؟ !! والحاصل شنو؟ .