الجزء 10
طبعا عدي نسي تلفونو عندي كنت خايفه افتحو يقوم يضرب لي يسألني منو انتظرت لحدي الساعه بقت 3:30 صباحآ فتحت تلفونو وتحديدآ الواتس حقو لقيت الدردشه بينو وبين محمد مكذب فيا جنس كذب قال شنو انا كتبتو عند شيخ الا مشي اتعالج مني بي الرقيه تشيخ واقف بركه الله ياعفن يا رمه طلعت في الدردشه فوق محمد بقرب ليهم من بعيد لكن اهل ومتواصلين ومحمد في كندا هناك شغال في مستشفي دكتور اااحححي يا قلبي اريتو يا عدي ابوك قتلك طيرت مني عريس عمري كلووو ما بلقي زيو الهي ما تلقي البتعاين ليك يا فتان يا قوال
... فتحت حزم البيانات لقيت محمد اون لاين
... طووالي راسلتو كتبت ليهو كيفك يا زول اخبارك شنو؟ ! قال لي والله شغااال ومع التعب اسكت سااي يامان اخبارك !!! قلت ليهو تمام لكن والله يا محمد خجلان منك شديد في شنو احكي يا عدي !!! بس احلف انك ما تزعل مني؟ ! قال لي ما بزعل قول سااي ياخوه ماف بينا زعل قلت ليهو والله " سمر " دي انا كذبت فيها لانها كانت عاجباني شديد وما اتقبات فكره انها ما تديني وش وحلفت اني اخرب عليها حياتها وجيت كذبت عليك فيها هي بت محترررمه والله وماشفت منها الا كل خير وبت ناس .... قال لي عدي انت جاادي يعني ما كتبتك وجرت وراك وانشاكلت مع راجل في الميدان والطلس داك؟ !!! ... قلت ليهو ااي هي زول بتعرف الله كيييف يعني تكتبني عند شيخ؟ ! بعدين هي الف من يتمناها يعني ما وقفت علي انا ... اما حكايه الخيمه وشكلتها الولد غلط في حقها وهي اخدت حقها عاادي يعني اتمني انك تسامحني يا اخوي الغيره عمت عيوني ... كتب لي شوف يا مان ما اخوان بعملو في بعض كدا والعملتو انت دا ما بقدر اسامحك عليهو وتاني ما تراسلني يا فرده عشان ما يحصل ليك شر وطووووالي حظر عدي ايوووووويي يووووووووييي تستاهل يا عدي يا جزمه .. مسحت الدردشه ومسحت ليهو كل الارقام من الشريحه وفرمط الجهاز وختيتو ونمت .. .. صحيت علي صوت امي بتصحيني سمر سمرر قووومي يابت عدي منتظرك بره سجمي عدي