الجزء 12
الاسم دا مضحك ولا انا براي شايف كده😹😆 اللهم لاشماته اليوم الجمعه والامه مجتمعه يلا نبدا🔥..
[قصة من وواقع معاش]
انا سمر عمري 25 سنه قصيرونه وسمرويه ومايله لي السواد
ملامح وشي ما عارفاها عامله كيف زااتو انا والمرايه خطين متوازيين ما بنتلاقي ابدآ الشعر احسن اسكت غايتو امي قالت لي لما ولدتك كان ناعم هسي لونو شنو ما معروف اصلا الشعر ما مهم لانو مغطي اهم شي الاخلاق انا دبدوبه لو ما اخاف الكضب سمينه اهاا جات ناديه بت الجيران بعد بورتها فكت شفتها من بعييييد متخمخمه بي التوب مقفله نفسها تحلفو تقولو مصدرنها بره جات علي تتحكحك وتقتل في حيلها اهتا مالك في شنو؟ ! سمور انتي عارفاني الكبيره واخواني صغار واختك عروس تعالي اشتغلي مع امي ساعديها اردها ليكي في نجاحك في الماستر ... قبلت عليها مستخسره علي تقولي اردها ليكي في عرسك؟ !!! مخييييييير اللله يا ناديه نسيتي ماضيكي ولا اذكرك ليهو تتذكري جريكي ورا اولاد الحله بتشركي ليهم في الشارع قاعده 24 ساعه فيهو زي عجوز المعاش لما خلااااص قنعتي منهم بقيتي تشركي لي بتاع المويه لحدي ما بقي يوقف كارتو جمب الجيران ويجي يكب المويه لما خلاااص زهج بقي ما بجيكم الا ابوكي بقي يحرسو منك لحدي ما يخلص ويجري جري بي جركاناتو ما تخليني اوريكي المغطي والملان شطه قال نردها ليكي في نجاحك في الماستر قال ... طوووالي العفنه باغتتني سمر عريسي دا عندو اخوهو بفتش لي عروس وانا كنت مقترحاكي ليهو لكن بعد ردحك لي دا يا وسخه تشميهو قدحه ... جريت ووواطي طووالي بسم الله ناديه جيتي متين والله عندي صداع مافهما اي شي كدى اقعدي ما اكون غلطه فيكي لا سمح الله اصلا الليله من الصباح عندي تصرفات لا اراديه تصدقي وتؤمني بالله .... لا إله الا الله شنو ... انا ما متذكره ااي شي من حوارنا القبل شويه الا اخر جمله قلتي لي عريسك عندو اخو ؟ ! قالت لي ااي لكن بي شرط تساعدي امي في شغل العرس دا من طقطق لي السلام عليكم
ولا عريس ماف ... خنقتها طوووالي عايزه تبقيني خدامه عشان شنو عريس؟ ! يايمه شن ها العريس شيلتك الا تميتيها من الجيران نسابتك شبهه حمار ادريس ههييي وتاااني هيييي .... طوالي قامت ماشه جريت وراها ناديه تعالي ما قلت ليكي الليله عندي حاله من الصباح حقك علي خلاص بستحمي وبغيير وبجي عليكم عاينت لي كدا قالت لي البركه الفي العريس دا البخليكي تستحمي امشي عامله كدا تشبهي القراده ... ومرقت ورزعت الباب وراها ... شلت نفس طووويل وقلت ليها هسي ما برد ليكي خليني اعرس والله الا ادخلك في جحر نمله يا شبه سلك الاقاشي من شده ضعفتك بتكوني واقفه وما بنكون عارفنك مقبله علي وين الا نعاين لي وشك وشك البشبه ركبه الحمار دا الجبهه يبنو فيها اخيير انا عندي سلك لماع انتي شعر ما عندك
اثناء ما بصفق سمعت صوتها بتقول لي سمر انا ساااامعاكي قلت ليها هيييههييي حبيبتي يا ناس جاياكم طييياره جريت جهزت الجردل مليتو مويه ودخلتو الحمام اسمح حاجه عندي عبايه صلاه حبت امي جابتها لي رحمه صحبتها من عمره قلت كدا ودخلت في العبايه قمت طالعه عاينت لي رجليني شفتهم غببببششش اتذكرت اني ما استحميت جريت الحمام مسحت رجليني بي المويه ااااي مسيح عااادي المويه بتمسحو بيها وطلعت علي بيت ناس ناديه ......
# انتقام _ بايره 2
وصلت بيت ناس ناديه وكان مليان نسوان واولاد شباب احااااا اهااا دخلت كدا عاينو لي وكل زول واصل شغلو كأنو ماف بت جات داخله 💔😢 مافيهم زول عاين لي مرتين ثانكس يا دنيا بنتلاقي في الرمل الدقاقا 💔😐 اهاا ما اشتغلت بي الموضوع كتير مشيت دخلت في العده بي كلووو وقعت فيها غسيل وحلفت كان تنتهي اهااا اثناء ما انا بغسل جات مره قالت ليهم حرام عليكم البت دي شغاله كدا براها في الحر دي كان تأجروهم بتين اصلا هن ما مخلصات يشيلو القروش ساااي ويبقن مارقات ... 😡😡😨 هااا قايلني خليتها 👏👏👏👏 والله وقفت ردحت ليها ردح جد الا عاينت كدا شفت ناديه بتهدي فيني وبتذكرني بي العريس يا زولا هي العريس في السماء 😡😡 العجوز دي قايلاني شغالتكم ولا شنو 😡😡! فجأه جا صوت من وراي يا امي لكن دي ظااهر عليها انها بت الجيران من احترامها وجمالها دا 😨😨... دا قال شنو 😨😨😨😭😭😭😭😭😭 والله انا امي ما حصل قالت لي انتي سمحه 😭😭😭😭 اااي والله يا بنات قعدت في الووواطه وجعرت الا رفعوني قبلت عليهو ود متوسط الطول لونو قمحي لكن شربان عشان كدا بتشاف اسوود 😍😍 ريحتو ترمي الطير لكن ما مشكله دا عشان الارهاق بس والشغل اللبسه من الوساخه والخرايط الفيها تحلفو تقولو خريطه كنتوريه 😍😍 لكن مديه منظر جميييل مع الكرش بكره انا وهو ننضف وحلات الدنيا علينا المهم كسسسرني وسرحت فيهو وفي عرسنا واولادنا ولما اولادنا عروسو ونحنا عجزنا وهو مات قبليني وجاني خبر موتو فكيت الصرخه والسكليب فجأه لقيت نفسي مربطه وفي زول بقرأ قرآن انا طووالي سكت وبقيت اسمع فيهو عرفتهم العفنين قايلني جنيت وجايبين لي زول يرقي لي ... اهاا الشيخ دا برقي ساااعتين وانا ساكته بعاين ليهو جا ولد
مرسلنو يشوفني بقيت كيف شاف الشيخ برقي وانا قاعده اعاين ليهو ... قاطع الشيخ قاليهو علي علي بي الطلاق دي شيطان ما يدخل فيها كان شافها بتعوز وبجري ... وفات طوووالي اااي انا معروفه اني رداحه بس من السعاده انا مافيا حيل ارردح الشيخ فتر خلاااص والجك الجمبو كمل ميتو لما زهج قال لي زحي من وشي يا شبه القراده ...😐 ومشي ااي والله مافيا هسب حيل اشاكل لكن الم في راجلي واجيك في بيتكم يا كريهه انا قراده؟ !! ... اثناء ما بتكلم مع نفسي وانا قاعده في الواطه شفت راجلي 😍😍 احااا