الجزء 2

♥

بقلم امل امير 👣

-٢-

امها : المفاجئة هي انو االاوراق حقت السفر جهزت و بعد اسبوعين ماشين كندا

تيام : شنو 😯 ! كيف؟؟ دقيقة

امها : ي بت مالك 😒م قلتا مسافرين و انا عرفت قبال اسبوعين م حبيت اكلمك ساعتها عشان م الخمك من قرايتك

تيام : (بقت فاتحة خشمها زي الهبلة😂 ) وي وي يعني مسافرين يعني طالعين من السودان يعني ببح سخاانة😩❤

امها : 😂😂😂اي اي

تيام : (بس فجاة اتزكرت ناسها و حياتها و و صحباتها و انها ح تطلع من المكان الاتربت فيه و عاشت اكعب واحلى لحظاتها و بقت تدمع ) : لكن ي ماما و صحباتي و ناسي الهنا

امها : تيوما ي بتي لكن احنا هنا م عندنا زول اخير نقعد مع اخوك هناك (علاقتهم مع اهل ابو تيام و ام تيام م كويسة )

تيام : صح ي ماما خلاص انا ماشا ارتاح و كده

امها : سمح

تيام خشت و رقدت و فتحت نفس محادثة قبيل و ختت التلفون في صدرها و بكت💔 بس جاتها مكالمة مسحت دموعها و ردت

تيام : الو

سارا : بسم الله مالك

تيام : م في شي

سارا : ي كلبة انتي الكلام ده تقوليه ل وحده بتعرفك من يومين في شنو مالك و كنتي بتبكي صح ظاهر من صوتك م تكزبي

تيام : سارا تعالي لي بس 💔

سارا : بت 😭مالك في شنو خوفتيني مسافة السكة و بكون معاك

و جاتها بعد ربع ساعة سلمت على سناء ( ام تيام) و سالتها عن الامتحان كيف و كيف امها منال (طبعا منال و سناء صحبات زي بناتهم تيام و سارا ) و بعدها خشت ل تيام لقتها بتبكي

سارا : ي مرض في شنو

تيام حضنتها و قعدت تبكي كلمتها انها مسافرة و حكت ليها فجاءة سارا كمان بقت تبكي و ببكو الاتنين

سارا : احسن زاتو ارتاح من خلقتك☹

تيام : معفنة وسخة 😂

سارا : م كلمتي باقي البنات صح

تيام : ي بت انا عرفت يادوب اها

سارا : حتى داك م كلمتيو

تيام : سارا عليك الله م تجيبي سيرتو

سارا : مشتاقة ليهو صح ؟

تيام : لا ☺

سارا : ههه كزابة

تيام : انسينا منو ارح نكلم البنات

سارا : اوك

كلمو البنات كلهم فرحو ليها و في نفس الوقت زعلو 💔انهم ح تفارقهم بس قضو الايام كلها طلعات و كده ف يوم كده كانو متفقين يمشو ديلايس المهم لبسو و قشرو بطلتنا كانت طبعا اجمل و حده♥ خشو كده و قعدو و بقو بعاينو و كده ف تيام عاينت ل تربيزة كده و شافتو 💔 يلاا شافت منو ؟ 😂 متزكرين الزول البتفتح محادثتو بس ياهو 😇 المهم اتلبشت

تيام : سارا عايني هناك

سارا (شافتو و بقت مصدومة ) : ياسيين؟؟

* ياسين ده منو و قصتو شنو ح نعرفها الحلقة الجاية😊