الجزء 4
وصلوا الكورنيش والجو كان جميل ناس خالتو سعاد قعدو يشربوا شاي ولاقوا ناس عم عبد العزيز وعيالوا الشباب شالوا الشاي وقعدو جمب البحر وقعدو دائره وبقوا يتونسوا ويحكو لي بعض زهره م شالت عيونا من خالد وتريزا تعاين ليهم ساي يلا نلعب نوران احمد عاوز تلعب شنو صراحه وجراءه نبدا يلا احمد ح يسال اسد نفسك تعمل شنو ي اسد في حياتك نفسي اكون زول ناجح واعرس لي واحده بتشبه جوري كدا جوري نطط عيونه م تنططي عيونك كدا م عاوز اعرس لي واحده شينه ذيك جوري فكت اسد بالقزازه لو م الله ستر اسد كان اتوكل
لفوا تاني تريزا تسال خالد ( كتمت ) لي قريت مختبرات كان نفسك تكون محامي والله ي جميله عشان اخترع حاجه تحسن ليك مزاجك كلهم بقوا بضحكو نوران قالت ليهو بالعكس ياااخ بس انت افهمه والله بس حبيت المجال يلا الدور على عمر و نوران
نوران بي نظرات شريره صراحه ولا جراءه ي عمرر جراءه وبكل ثقه ( عمر براهو بجيبه لي نفسو ) نوران وبي افكار جهنميه امشي قول لي عمو عبدالله ( عمو عبدالله ابو جوري ونوران واحمد زول صعب شديد وم بحب الهظار وكلهم بخافوا منو وكلمتو واحده سجمو عمر ) بحبك
عمر بقى منطط عيونوا لي ي جماعه انا دايم الضحيه براك ي عمر جبتها لي نفسك نوران غيري ليهو لا بس كدا مش قال جراءه عمر اتوكل وكل م يمشي خطوتين يحمر لي نوران عم عبد الله كان قاعده جمبو مرتو مريم عمر بقي بعاين هسع لو قلت ليهو واداني بنيه كمان بحبك اخخخ ي نوران بس نتوكل بقى قاعد بيناتهم عم عبد الله بتكلم مع معاذ ومريم بتتكلم مع عمر عن الجامعه وكدا وهو في عالم تاني طبعا وهناك الجماعه مراقبين وعمر فجاه قال بحبك عم عبدالله قلت حاجه ي عمر عمر خلاص اتشلا لالا بس دي خالتو مريم قالت ليك بتحبك وشال رجلينوا وقام جااري قلت لي كبرتها ي عمر زهره تسال جوري جوري انتي لي كل مره بتلبسي اسود 😏 عشان بحبو ...🙂 وانتهت اللعبه وبقوا يغنوا احلا ناس طارق وعمر بغنوا ي شلابه 😂😂😂 كل الشباب الباقين عم عبدالله عمر قال لي طارق انا مش قلت ليك م تغني مش قلت ليك وبقوا يضحكو في عمر 😂😂 وهم راجعين اخر صف كانو جوري واسد 😁 جوري قالو انك ح تسافر انجلترا ح تشتغل مع عمو ياسر هناك 🙄
وانا زاتي سمعته انك زوله شاطره شديد وح تسافري الامارات تشتغلي هنالك اي ان شاء الله
فجاه اسد وقف قصاد جوري نفسي اعرف انتي لي بتحبي تلبسي بس اسود بالجد حيرتي لي افكاري 😏 لي الاسود م جميل 🤔 لا بس انتي الجميله غمز ليها 😉 وهنا طارق ( اصغر واحد في اخوانو وبحب اسد شديد عمرو ١٧ سنه ممتحن متخصص مكاوه في اختو زهره ) ناداهو يلا يلا جاي 😄 جوري بقت مجمده في مكانه م عرفت الاحاسيس اتلخبطة م عرفت تضحك تشاكلو 😳 تريزا جاته ي بت جوررري جوررري مالك ذي الكاشحين فيك مويه كدا 😑 ماف حاجه لالا ماف حاجه جاتهم زهره مالكم تريزا ماف حاجه زهره اتغاظه من تريزا قالت ليها اصلا بنات وهميات ساي عاملين نفسكم سمحات 😏 شوفتي خالد وين ي تريزا 😏 شايفاني رابطهو في هدومي امشي شوفي خالد بتاعك دا وين وجوري ماتت من الضحك في رد تريزا زهره عاينت ليهم من فوق لي تحت لولوت خشمها ومشيت ......
( زهره و طارق رجعوا معاهم البيت عشان طولوا منهم كلها يومين وح يرجعوا )
من الصباح كلهم اتلموا بعد الصلاه لي برنامج بتاع يومهم كلها يومين وح نرجع الخرطوم ي جماعه يلا نعمل برنامج ظاابط واصلا م بنتلاقه الا كل اربعه خمسه سنين رايكم شنو خلاص ظابط قررو انهم يمشو جزيره في البور سنقنيب جزيره وسط البحر الاحمر