الجزء 5
ناس خالتو سعاد ومريم وعم عبدالله مشوا منتجع ايمان السياحي من اجمل المنتجعات في بورتسودان زياره لي اهلهم .....
جوري وتريزا : الليله ي جوري في حاجه غلط فيك وكانك لابسه فستان ( جوري دايما بتلبس بناطلين ) اي عليك الله دايما البسي حلو فيك يااااخ ( كانت لابسه فستان اسود بالرمادي وعامله شعرها كعكه كانت في قمه جمالها )
وصلو الشباب جزيره سنقنيب الكانت بتتكلم عن الجمال وجمال الشعب المرجانيه وكان المرشد السياحي بتاعهم حسام ( اخو ناس زهره وطارق الاكبر منهم ) لانو كان دايما بيجى مع اصحابو وعندو خلفية عن المكان نوران وعمر كانو متحمسين شديد للغطس .
وأثناء ما هم ماشين ف الجزيرة وبيتفرجوا ع الجزيرة زهرة عفصت ليها حاجة و بقت تكورك واتلموا فيها مالك؟ مالك ف شنو بتكوركى كدّا؟ قالت ليهم عفصت لى حاجة ييعع !! ولمن لمحت خالد بقت تتظاهر بأنها م قادرة تمشى وانو زى الرجلها انكسرت .
تريزا : بالله دى حاجة ممكن تكسر الرجل البت دى حتجيب لى شلل
وهم ف اثناء م واقفين معاها قام طارق جاب ليها أخطبوط ميت خوفو بيها وقال ليها : دا شنو ي زهرة وسكاها بيهو وبقت تكورك وتجرى وقال ليها أسى م قلنا رجلنا انكسرت وما قادرة تتحركى ( غياااااااظ وحقاااااار وتخصص مكاواة ف زهرة ) المهم الشباب كلهم بقو يضحكوا وزهرة قربت تتطق من الغيظ .
الشباب بدو يتحركوا ع اللنش عشان يصلو المنارة ومن هناك ع الغطس والشعب المرجانية .
يلا بعد داك لاقو زول هناك بدا يجهز ليهو حاجات الغطس و بدو ينزلو بس فضل أسد ونوران وعمر وجورى . يلا نوران بقت تتكلم مع جورى وأسد و عمر بقوا يعاينو ليهم خلاص قربو يغطسو اول شى حينزلو نوران وعمر ولمن جوري وقفت فجاءة حست انو رااااسها لاااافى و اغمى عليها اللحظة ديك اسد مسكها وبقى يكورك جوري جوري كان خايف عليها ...
نوران : قلته ليها م تغطسي م تتحركي بس هي مصره ...
جوري بقت تستوعب ( جوري عندها دوار البحر ) اسد قال لي عمر ونوران انزلوا وانا بقعد مع جوري عمر ونوران نزلوا ....
اسد : انتي عارفه انو عندك دوار بحر من البدايه لي بتعملي كدا كان تسمعي كلام نوران م بتعرف قدر شنو انا خفته عليك ...
جوري : خفته على والله ي اسد كان نفسي اغطس واتفرج على جمال الشعب المرجانيه بس شكلو ماف طريقه
اسد : بتثقي فيني يا جوري
جوري : اكيد
اسد : مدا يدو لي جوري لو بالجد بتثقى فيني ح تنزلي معاي
جوري : بس انا مجرد م اقيف واعاين للبحر بحس اني في عالم تاني ...
اسد : مش انتي بتثقي فيني ح تغمضي عيونك وانا ماسكك لحدي م ننزل بعدين تفتحي
جوري : طيب
اسد مسك جوري من يدها وهي مغمضه نزلوا وفتحت عيونا وفجاااااه