الجزء 6
-٧-
كل مره جوري بتظهر بي طله احلى من الفاتت مع انو لبسها بسيط شديد كانت لابسه اسكرت اسود وبلوزه اسود بالفضي على شكل فراشه وطرحه فضيه جادعاها في كتفها و فاكا شعرها الاسود بالجنبه وخاته مشبك فراشه صغير ومكياج خفيف (وذي م بقولوا الاناقه في البساطه) .....
دخلت جوري والكل بقى متفاجئ بجمالها 😻 في اللحظه ديك اثرت دخلتها على شخصيه كان ابعد من انو يفكر في جوري وفي اللحظه ديك اخدت نصيب الاسد واكبر حيز من تفكير حسام..... 😏
وهي داخله عينها م وقعت الا في اسد الكان مشهوق م بين سرعه في دقات القلب واحاسيس جااايطه م بين فرح لانو شافها وحزن لانو خايف من عيون الناس الحتاكلها اكل .حس بانو عايز يخطفها منهم ويصرخ باعلى صوت هوي ياناس دى حقتي انا براي شيلو عيونكم منها 🙈🙊😍😶وفجاه قطع تفكيرهم صوت صفافير وصفيق 😉😉😉😁😀😄😄وجوري ماتت من الخجل 🙈🙈🙈🙈وهنا طارق نادا اسد :يلا نشوي .اسد لقى عذر يهرب من جوري ومن جمال جوري😍
جوري بقت تتونس مع باقى الشباب وزهره تعاين ليها من فوق لي تحت تريزا لاحظت لي نظرات زهره ...
تريزا : جوري االليلة طااالعه مزززه 😉😉
نوران : شكلوا السر في الغطس ولا كيف😉😀
زهره : م كلنا غطسنا يختي
تريزا : غطستي مع اسد 😏😏😏
جوري : خجلت 🙈🙈🙈
حصل نقاش بين الشباب في الشواء اي واحد بقول بشوي احسن من التاني 😏 يلا قررو ينادو البنات اصلا عندهم خبره ....
احمد : يلا ي جوري رايك شنو انا م ارهب واحد 😎
جوري : ظاااااابط
تريزا : اصلا جوري اي اكل عندها ظاااابط
شوو وبقوا يتونسوا جوري عجبها منظر البحر شديد حست بانو في حاجه شادها ليهو...
اسد كان مراقبه من بعيد وشداهو منظرها وهي بتلعب بي خصله شعرها وبدون م يحس لقى نفسوا واقف جمبها وبقى بتونس معاها وبساله عن شغلها الجديد واحساسه شنو ..
جوري : والله ي اسد متشوقه شديد يعنى حياه عمليه جديده بس كمان زعلانه ح افارق اهلي قرابة سنه واثناء م بتتكلم انتبهت انو اسد سرحان فيها خجلت بقت تقول ليهو اسد اسد ☺
اسد : عيون اسد 😉
جوري : اوعه تكون سرحه مع السهلبيس 😅
اسد : غمز ليها احلا سهلبيس يااااخ 😍😉😉
وسكتوا مساااافه وهنا اشتغلت( ما دام معاي بدر البدور من نجوم سماي انا شن بدور ست العزارا الشامخات انفاسها عود صندل بخووور) جوري بقت تغني معاهو 🎶🎵
اسد : شكلك بتحبي احمد امين
جوري : شديد والله خاصة الغنيه دي 😍
اسد : بس في بدر بغني لي نفسوا يا بدر البدور 🌝
جوري: ي مجنون انت م ملاحظ احنا مما جينا بورتسودان وانت شغال تتغزل فيني 😂
اسد كان عاوز يعترف لي جوري بالاحاسيس الحاسي بيها اتجاها
حسام : دي شنو الغنيه البايخه دى اصلا الزول دا صوتو م سمح 😤
تريزا ونوران: هو في احلا من احمد امين وبدر البدور
في اللحظه ديك حسام شويه وح يتفجر لمن شاف جوري واسد قاعدين وبعاينو لي بعض بي نظرات مليانه حب نظرة حاجه كدا م مفهومه ومعاها لمعه في عيونهم وهنا اسد عاوز يعترف لي جوري 😍😍😍😍
اتحرك حسام عليهم وبكل غيظ😡 ....
يتتتبع