الفصل الخامس عشر

، قمته طالعه من الغرفهه فجأهه م حسيت إلا وهو ماسكني بككل قوتو وقفل الباب ولصقني بيهو وهو مقرب مني للاخرر حتى انفاسو كانت كلها في وشي وقال لي بي نبرهه حادهه شههد انتي جنيتي ولا عايزهه تجنيني معاك بالحركات دي انتي عارفهه إنو انا منتظر منكك كلمهه واحدهه بس وانهي الحاصل دهه كلوو، وانو ماف زول بهمني ي شهد إنتي بس بتهميني افهمي، بقيت احاول ابعدو مني قولته ليهو مهيد ابعد مني، قال لي لغاايهه هنا كفايهه ي شهد انا سااكت على كل تصرفاتكك دي علشان دي كلها حجات م بتتقارن بالأنا عملتو فيكك بس افهمي ي شهد انا م كنت واعي وانا بعمل فيكك كدهه، وبعدين إنتي كنتي السبب في كدة، قولته ليهو انا السبب؟غمضتهه عيوني قولته ليهو م عايزهه اسمعكك ي مهيد م عايزة اسمعكك خلاص، قال لي لازم تسمعيني ي شهد عشان الفارغهه دي كلها تتحسم، قولته ليهو ماف شي حيتحسم مهما إتكلمته وإتكلمته حتفضل في نظري إنسان حقير وتافهه ومجرم وكتال كتلهه دي حقيقتكك ي مهيد دي حقيقتكك، قربني عليهو اكتر وضغط علي قال لي شهد افهمي انا م كتلته زوول وإستحاله افككر اعمل حاجه زي دي انا، فكرك انا كدة؟قولته ليهو مهما بررتهه لنفسكك الواقع بقول إنو انت إغتصبتني ي مهيد وكسرتني فاهم؟ بقيت اتكلم وابكي، قال لي وهو دموعو جاريهه وانا بحاول اصلح الغلط دة ي شهد بحااول بس إنتي م عايزهه تديني فرصهه، كل م افتح باب بتقفليهو في وشي، قولته ليهو إنت ظلمتني لما عملته عملتكك التافهه دي معاي، وعاقبتني لما جيت فرضتهه علي أتزوجكك انت موتتني فااهم ي مهيد فعلشان كدة كل يوم حقدكك تجاهكك بكبر ودهه الحاصل وانا إستحالهه في يوم اغفر ليك العملتو مهما حصل فاهم ولا لأ

فضل ساكت وهو بعاين لي ودموعو جاريهه وببكي زي الطفل، قولته ليهو بكرهكك ي مهيد بكرهكك شديد انا، وبحب اشوفكك مخنوق ومتضايق والدنيا جايهه عليك كدة، عارف انا مبسوطهه بزواجكك دة لييه؟لأنكك مغصوب عليهو وقرفان منو والناس كلها إستصغرتكك بسببو حتى امجد اللي هو اقرب الاقربين ليك قطع علاقتو بيكك دهه غيير اعمامكك وعماتكك، الحاجه البتوجعكك إنت بتبسطني فهمتهه ي مهيد فهمتهه؟مسحح وشو بي يدو ورجع مني خطوتين قال لي طيب ي شهد مش العرس دهه حيريحكك وحيخليكك تفشي غلكك؟

إعتبريهو حصل، طلعته من الغرفه وجريت دخلته غرفتي وقعدته ابكي، الصباح صحيت إتصلته على عمتو إسلام، ردت علي، قولته ليها حتمشو الصالهه إنتو؟قالت لي ي بت ها صالهه شنو انتي مجنونه ولا شنو والله مهيد مش كان عرس كان جابهم دستهه نسوان كلهم في يوم واحد م بنقبل عليهو، مشى عرس بت خالتو الكانت سبب في محراش حبوبتو وإتسجن ظلم سبع سنوات، مشى عرس بت اهلو الكملو لحمو ولحم ابوهو م صدقو ابوهو مات عشان ياكلو قروش وورثتو، اهلو هم دايرنو عااد نحن معاهم الشحم والنارهه ليوم الدين والله اكبر عليهم محل م يقبلو هو كان نسى العملو معاهو نحن م بننسى المرمطهه الإتمرمطها هو في السجن مظلوم حسبي الله ونعم الوكيل فيهم، قفلته منها وفي قلبي قولته ليها هو ظالم م مظلوم ربنا يسدها في وشو محل م يقبل، قعدته اليوم كلوو في البيت هو كان مافي انا كنت برااي بس في البيت، المغرب لما اذن جاتني فاطمه لقتني بتمكيج، حلفتها تمشي معاي رفضت بس بعد تحانيس قالت لي طيب، لبست وجات، طبعا ام هديل قصت لي الفستان بطريقهه فظيعهه كان لونو عنابي بي شاي لبن بس كان خنفشاري، طلبنا ليموزين جاتنا لغاايه البيت، وصلنا الصالهه متأخرين، اول م دخلنا الصاله كدة لقينا الحفلهه شغالهه والعرسان لسه م وصلو، م كل الناس بعرفوني طبعا، قعدنا وإشتغلنا تعليقات والناس هي الكانت بتعلق عليناا طبعاا

بس النصيحهه عندهم سماحهه بناات وسماحه نسوان ماشاءالله يعقدو واللبس واللون والقشرات تحرديها ليهم، قعدنا نص ساعه كدة قالو العرسان جو، منظمين الحفلهه قالو للناس خليكم هادين، العربيه وصلت لغايهه نص الصالهه بعدها شغلو ليهم غنيه الزفه والتصوير شغاال، مهيد نزل، وانا بعاين للشاشهه الجنبنا علشان اشوف العروس وبزغرد سااي، شويه كدهه مهيد فتح الباب، وبس مع فتحهه الباب دي حسبي الله من الشوفتو

وبعلي من سماحهه البت وبعلي بس عاد البت تقول امها إتوحمت بكل حاجهه حلوه في الدنيا دي، قطعهه مارشميلو من شدة م سمحهه وحلبياهه ونضيفهه وفالفستان والرسم وتسريحهه الشعر تخليكك تعرسي لراجلكك تلاتهه زيهاا، مهيد ملامح وشو الزول م يقدر يعاين ليهو مرتين، وعيونو فظيعهه، حتى لحيتو م فكر يخففهاا كويس، م لبس البدلهه الجبتها ليهو طبعاا

والعروس مبسووطهه وماسكهه ومكنكشهه فيهو، بعد غنيه السيرهه إنتهت ضلمو الصاله وقالو الإسلو، مهيد قال ليهم لا م عايزين إسلو، وبقو واقفين ومنظمين الحفله واقفين والعروس حلفت م تتحرك وفضلت واقفه وماسكهه في مهيد وبتتكلم معاك ومبتهبش ليهو في زراير البدلهه حقتو وملامح وشها بتوحي بالزعل حق البنات الحناكيش دااك بتاع الكاميرا مركز معاهم طبعا وجابوهم في الشاشه وهي بتعاين ليهو وبتقول ليهو بليز

مهييد بضييق وقرف قال ليها طيب، مسكها وبقو يرقصو وهي مبسوطهه وبتعاين ليهو في وشو وبتضحك وفجأهه بتاع الكاميرا جابها في الشاشه وهي بتقول ليهو بحبكك الناس كلها بقت تصرف وشغلوها ليهم، فاطمهه قالت لي خفيفهه وهو مكشر ليها في وشها كدهه قولته ليها بالعكس حلاتها وعفويهه شديد ع فكرهه

بعد م خلصو إسلو قعدوهم والحفلهه بدت تاني والناس بقت مهجهه، قولته ليها ثواني راجعهه، قالت لي ماشه وين ي بت؟قولته ليها جاايهه، مشيت عليهم العروس كانو معاها صحباتها بتكلمو وكدة، مشيت على مهيد، اول م شافني لمن عايز يقيف على حيلو بس إتمالكك اعصابو، مشيت قربته منو شديد قولته ليهو أابششر يااخ ربنا يهنيكم ببعض إن شاءالله

مهيد من هنا خلاص القعدة غلبتو عيونو بقت مبارياني وانا قاعدة مع فاطمه وأضحكك واتونس معاها وابشر بي يدي لما الغنيهه تعجبني، الغريبه من شدة م الناس كتار م شوفته ام مهيد زاتها، بعد الحفله خلصت، فاطمه قالت لي نمشي، فجاهه سمعته انو في حفله جرتق، قولته ليها خلي نحضر حفلهه الجرتق بس يااخ، قالت لي شهد إتاخرنا وم حنلقى حاجه ترجعنا، قولته ليها حنطلب ترحال ياخ، قالت لي طيب، حضرنا حفله الجرتق زين بعدها طلعنا بعد م العرسان طلعو، فاطمه قالت لي ارح بيتي معانا، قولته ليها بدخل اقعد شويه وبطلع بمشي بيتي، قالت لي شهد إنتي م نصيحهه طبعا، قولته ليها نصيحهه والله

مشينا لقينا ناس بيتهم نايمين امها بس صاحيه حارسانا، قعدته جابت لينا مويه، قالت لينا اها الحصل شنوو؟قعدته احكي ليها، فجأهه تلفوني بقى يضرب، عاينته ليهو لقيتو مهيد عملتو صامت، إتصل اكتر من 15 مكالمه، اخر حاجه رسل لي رساله محتواها "إنتي وين اجي اسوقكك لو بعيدهه"م ركزته معاهو وقعدته مع ناس فاطمه قريب للساعه 1 كده قولته ليهم انا ماشه البيت، اصرو علي ابيت، قولته ليهم لا امشي احسن، طلعته وهو طلعو معاي فجأهه فاطمه قالت لي الواقف قدام الباب دة مش مهيد؟امها قالت ليها بشحمو ولحمو يااهو يلا ي بتي تصبحي على خيير والله يعينكك ويربط على قلبكك غايتو انا راجلكك الإضينهه دهه وشو دة م دايرهه اشوفو،

قولته ليها وإنتي من اهلك الخير ي خالتوو

، دخلو بيتهم وانا واصلته مشي على البيت، لما وصلته الباب مهيد بعاين لي وهو سااكت، دخلته البيت جا داخل وراي، مسكني من يدي قال لي إتصلتهه عليكك لييهوم بتردي، إتفكيت منو ولزيتو قولته ليهو وانت مالكك مسؤل مني ولا حاجه؟دخلته البيت وصلته الهول جا لاحقني قال لي شهد بتكلم معاك انا، قولته ليهو اوف ياخ مشكلتكك شنو انت؟عندكك مرهه منتظراكك في غرفتكك امشي شوفها وجودكك في غرفتي هنا م بفيدكك في شي فاهم؟فجأهه أسمع ليك صوت بقول حبيبي في شنوو؟إتلفتهه عليها بالله البت تقول قالعين منها ألإستيكر اسي، كانت لابسهه فستان نوم باللون الأحمر قصيير، مهيد طبعا بقى يعاين ليها ويعاين لي، قالت ليهو بصوت مايع وكلو دلع انا عطشاانهه عايزهه مويهه، مهيد عايز يفتح خشمو، قولته ليها ثواني وتكون عندكك ي عروستنا

بقت تعاين لي، قولته ليها انا شههد مهيد حيكون حكى ليكك عني صح؟مبرووك البيت نور ي ست البناات إن شاءالله عاامر بوجودكك كدهه طبعا هي زاتها بقت تعاين لي وتعاين لي مهييد، قولته ليها عن إذنكك، دخلته غرفتي غيرتهه ملابسي وجيت طالعه لقيتهم ماف مشيت المطبخ شلته ليهم جك مويه وجهزته ليهم عصيير شلتهم في صينيه ومعاهم كبابي وديتهم ليهم، دقيت الباب مهيد فتح لي قولته ليهو إتفضل، م عارفه إذا إتعشيتو او لا بس إذا إحتجتو لأي حاجهه رسل لي مسج او إتصل علي علشان إحتمال اكون نايمهه

شال مني اليينيه للحظهه حسيتو حيكسرها في راسي، دخلته غرفتي وانا مبسوطهه وطايرهه من الفرح

فجاهه باب غرفتي دق فتحته الباب لقيتو مهيد، قولته ليهو عايزين حاجهه؟قال لي عايزكك إنتي ي شههد اناا، قولته ليهو اسمع مرتكك، قاطعني قال لي إنتي مرتي ي شهد، بقيت م قادره ارد ليهو فقدني المنطق، قولته ليهو افهم ي ود الناس انا م مرتكك نحن زواجنا على الورق عندكك ملاك حارسكك في الغرفهه دييك تصبح على خيير وتاني م تجي تدق لي بابي دهه علشان م تقرفني ام حياتي وطااخ قفلتهه الباب في وشو، إتحرك من جنب غرفتي ومشى الهول قعد في الكنبه وشغل التلفزيون، والساعه كانت قريب للساعهه واحدة رقد نام في محلو، طلعته الصباح لقيتو نايم في الكنبه

دخلته المطبخ جهزتهه الشاي وظبطته ليهم صينيه الفطور خليتهم ليهم جاهزات في المطبخ ورجعتهه غرفتي،

في الجانب التاني مهيد صحى مشى دخل غرفتو فتح باب الحمام بس إتفاجأ ليك بمرتو بتستحم قفل الباب بسرعهه عايز يطلع من الغرفهه طلعت من الحمام لافهه روحها بالبشكير، قالت ليهو بصوت كلو نعومهه وانوثهه حبيبي صباح الخير، عاين ليها بي طرف عينو قال ليها صباح النور، قالت ليهو امس شالتني نومهه انت مشيت وين م نومتهه هنا؟قال ليها كنت بشاهد في الكورهه وشالتني نومه في الكنبه، قالت ليهو طيب، قربت منو ولفت يديها حوالين رقبتو قالت ليهو ليهه م كلمتني كنت جيت حضرتها معااك، فكهه ليها يدينها قال ليها داخل الحمام انا، دخل الحمام إستحم لقاها مجهزة ليهو ملابسو، جا طالع لقاها لسه لافه نفسها بالبشكير وبتسرح في شعرها وإتعطرت، ووصلت المبخر الكهربائي وختت فيهو بخوور، عاين ليها وريحه عطرها ماليهه الغرفهه، فتح الدولاب طلع ليهو قميص وبنطلون، قامت على حيلها قالت ليهو حبيبي ماشي وين

قال ليها ماشي عندي شغل، دموعها جات جاريه وبقت تبكي قربت منو، عاين ليها مسافهه قال ليها في شنو؟قالت ليهو انت ليهه م بتحس كدهه؟انا بحبكك ي مهيد انت عارف الحاجهه دي صح؟ واسي إنت بتتعامل معي بالبرود دهه، قال ليها وين البرود اسي، قالت ليهو في زول بمشي الشغل صباحيهه عرسو؟ولا في زول بنووم في مكان وبخلي مرتو في مكان تاني

قال ليها انا قولته ليك شالتني نومهه بس م اكتر، إترمت في حضنو قالت ليهو طيب عشان خاطري م تمشي الشغل طالما م مشينا العسل وقضيناه في بيت برانا خليكك معاي حبيبي، فضلت ماسكه وضاغطهه عليهو، قال ليها طيب، اول م قال ليها طيب رفعت راسها وباستو، لما لقتو بعاين ليها، قالت ليهو من حقي اعمل العايزاه مع راجلي صحح؟سكتت وبقى يعاين ليها من فوق لتحت، وهي خاتهه يديها حوالين رقبتوو، وم عارف يعمل شنو، قالت ليهو بحبكك بحبكك بحبكك شدييد اناا ي مهيد وم مصدقهه إنو ربنا في يوم حيجمعنا مع بعض

مهيد برضو فضل ساكت وبتلفت منها يمين وشمال م قادر يبعدها او يصدها منوو، قالت ليهو م بهمني اي شي انا في الدنيا دي بتهمني إنت بس م عندي مشكله حتى لو متزوج مش معاك إنت انا هستحمل كل حاجه مع إنو م حابه فكرهه إنو هي هتشاركني فيكك بس طالما إنت معاي انا حأستحمل ي مهيد، قال ليها طيب بطلي بكى خلاص، مسح ليها دموعها، قالت ليهو بصوت حنين بحبكك ي مهييد انا

قال ليها خلاص طيب وانا جعاان، قالت ليهو ارحح نجهز لينا فطوور في المطبخ، قال ليها امشي معااك يعني؟قالت ليهو حبيبي بليز، مسكتو من يدو قالت ليهو انا كمان جعاانهه، طلعو مشو المطبخ اول م دخلو إتفاجأو بالشاي جاهز والفطور جاهز انا مظبطهه ليهم صفرهه المطبخ، مهيد قعد يعاين للصفرهه وهي بتعاين ليهو، مسح وشو بي يدو وإتفكك منها وجا دق لي باب غرفتي، فتحتو ليهو قولته ليهو صباح الخيير ي عريس، قال لي ماف زول طلب منكك تجهزي فطور او شااي، قولته ليهو اوبس دهه واجب وطني يااخ م ممكن اكون فيهو عرسان وانوم وم اصحى اجهز ليهم فطور دهه حتى عيب في حقي، فجأهه اشوف ليكك مرتو جايهه من هناك عااد البت سمحهه سماحهه تهببل لابسه بجامه سوداء قصيرهه، مسكتو من يدو وقالت ليهو بصوت ملان مياعهه يلا حبيبي خلينا نمشي نفطر يوخ انا من امس م اكلته حاجهه

بقى يعاين لي كأنو خجلان من مسكتها ليهو وكده، قولته ليها لا حولا يااخي من امس م اكلتي؟مهييد بتبالغ ليهه م جهزتهه ليها عشى؟ في زول بخلي مرتو جعانهه للصباح؟كان تكلمني انا كنت هجهزو ليكم او كنت طلبتو ليكم دليڤري، مهيد مسكك مرتو وإتجه بيها على المطبخ وهو ساكت ومتغاظ غييظ، عااد البت لما ادتني ضهرهه كانت ضافرهه شعرتها واقعهه ليها في ضهرها بالله البت مع الأسود دة تقول بت لعاب بس

مشو المطبخ فطرو بعد م خلصو رجعو غرفتهم، مهيد وصل تلفونو في الشحن، إتلفت لقاها واقفهه وراهو، قالت ليهو إنت ليهه م عايز تقرب مني؟سكتت م ردة ليها، قالت ليهو مش انا مرتكك وإنت حلالي ومن حقي اعيش معاك كل لحظهه بتتمناها اي بت مع حلالها؟قال ليها رزان، قالت ليهو انا عارفه إنو كل حاجه حصلت بسرعهه بس ي مهيد انا من زمان راسمهه كل امالي معاك إنت فما تظلمني بعد م خطيت كل الخطوات دي وبقيت حلالكك، باستو وقالت ليهو بحبكك بجد انا افهم ياخي، قال ليها وانا إستحالهه اظلمكك دامكك حلالي وقربها منو ومشى بيها على السرير...