الفصل الثالث والعشرون

وفجأهه م اشوفها إلا وهي بتلصق لي مهيد كف طاااخ وقالت ليهو خسارهه ولادتي فيك العملو صحبكك وود خالتكك م بساووو ذرهه من العملتو إنت ي عفن وتاني شالت يدها ورصعتو ليك كف طاااخ في وشو، انا فضلته خاته يدي في خشمي وببكي وبعاين لمهيد ومنظرو، ابدا م إتمنيت يجي يوووم وهو يتخت في الموقف دة او امو تستحقرو بالصورهه دي

طلع من الغرفه وانا بعدها في الأرض، جات مسكتني قالت لي ليييه م إتكلمتي؟ليييهه سكتي وضاريتي ليهو، ليهه إتزوجتي الباطل دة، بقيت ابكي بي حرقه حضنتني وبقت تبكي معي قالت إستحملتي دة كلوو عشان شنو ي بتي إنتي م مجبورة على الحاجه دي اهلك عارفين؟الكلام دة حصل متين؟قومي ي بتي كدة قومي رفعتني قعدتني في السرير وبقت تهدي فيني، تقريبا دة كان تاني اصعب ايامي في الحياة دي بعد اليوم الإغتصبني فيهه مهييد...

عمر في العربيه وهو سايق باقصى سرعو طلع تلفونو وعمل مكالمه وقال"اسمع، المره الإسمها سميه دي لسسه متواصل معاها؟طيب م عندك علم حاليا في السودان ولا رجعت؟طيب جيب لي معلوماتها في قطر وين بالظبط ضروري لازم تلمني فيها المرهه دي فاهم ولا لأ؟يلا سلام...

عدة إسبووع من الكلام دهه ومهيد م رجع البيت تاني بالرغم من كل شي كل تفكييري كان معاهو هو وين وبعمل في شنو حاليا حاصله عليهو حاجه او كويس م كنت بنوم بسسبو الليل كلو بفضل صاحيه على أمل إنو اسمع حركتو وهو داخل على البيت بالليل، بس امو وروابي م قصرو كانو مهتمين بي شديد لغااايهه م إتحسنت شويه، حتى لما كنت م اكل عمتو ليلى كانت بغصبني على الاكل وبتقول لي روابي هي ي يمهه هي كان بتاكل دي حالتهاااا؟في يوم جات لقتني قافله نفسي في الغرفه قالت لي ي بت ي شهد، قولته ليها ايوة، قالت لي قومي تعالي كدة، قولته ليها في شنوو؟قالت لي تعالي بس، قولته ليها حااااضر طلعتهه لقيتها مجهزة الجبنه بي مكسراتها كلها وبخور وعامله برنامج ظريف وتتونس مع روابي ويضحكو سااي، اول م شافتني قالت لي تعالي اقعدي، طبعا مستغربه انا بعاين ساي، قالت لي مالك مقلعه عيونكك كدة اقعدي، روابي ي بت شغلي لينا إنصاف مدني لو عندك لو م عندك خليني اجيب تلفوني، روابي قالت ليها م عندي والله ي عمتو

قالت ليها سمح اقوم اجيب تلفوني، مشت غرفتها فجأهه جرس الباب دق، روابي قالت لي خلي انا بمشي افتحو، مشت فتحت كانت مره كدة سلمت عليها وجات داخله، خالتو ليلى طلعت من غرفتها قالت ليها هي حنينه جيتي؟حمدلله على السلامهه يختي، سلمت عليها وضيفتها بعدها قعدت قالت ليها طبعا دي مرت ولدي ودي بت عمو، قالت ليها ماشاءالله عليهم الليله مزاجك عالي جبنتك بي بخوره، قالت ليها اي يختي الدنيا دي فيها شنو غير إنو نضحك ونفرفش اها إن شاءالله تكوني جبتيهو؟قالت ليها ااااي جبتو معقوله اجي المسافه دي كلها سااي ه 8 هه، فتحت شنطتها وطلعت حاجه شايلاها في يدها، خالتو ليلى قالت لينا يلا تعالن ي بنات الونسه والجبنهه م بتحلى إلا بالودع، قلعته ليها عيوني وبقيت متنحه فيها، روابي قعدت تضحكك، المره قالت لينا مالكن خايفات، عمتو ليلى قالت ليها الليله فضايح السواد والرماد تعالن ي بنوت هاا دي ونسهه ساااي م اكتر

انا مترددة بس قعدتهه، عمتو ليلى قالت ليها هاك دة بياضكك يلا عزينااا ي حنينهه، بدت ترمي وتتكلم وروابي تضحكك وعمتو ليلى كل مرهه تقول ليها كرر علي لغاايه م فجأهه قالت لي في زول قلبك دايرو وعقلك دايرو بس، قبل م تكمل كلامها روابي قالت ليها دهه مهيد عاينته ليها بغيظ قمته قولته ليهم انا حأمشي ادفي ليكم الجبنهه دي إنتو كملو، روابي قالت ليها خايفهه تتفضح ي خالتو خاايفه لااحظتي

دخلته المطبخ اخدته نفس عميق بعدها شلته ليهم الجبنه رجعتها ليهم، عدة اليوم دة عاادي لغاايه م بالليل سمعتهه صوت حركهه في البيت، نزلته وانا مستعجله وملهوفهه فتحته الباب بالفعل كان مهيد اول م شافني إتجاوزني من غير م يرفع عينو يعاين لي وانا فضلته واقفهه بعاين ليهو كان نفسي يتكلم معي بس م سمعني نبره صوتو حتى رجعته الغرفه ورقدته في سريري وفضلته سرحانهه وبفكر فيهو يعني هو زاتو حالتو بقت تحنن الكاافر والمره بيهو م شويه م عارفه انا ببرر ليهو ولا بكذب على نفسي بس حاسه إنو ربنا عيشو نفس الوجعه بتاعتي لما إبتلاه بخيانه صحبو دي وم عارفه هل دي حاجه بتبسط ولا بتزعل بس قلبي واجعني عليهه، ، صحيت الصباح طلعته من غرفتي لقيت خالتو ليلى طالعه، قالت لي ماشه اجيب لينا خدار خلاص تلاجتنا بقت فااضيهه والشاي جهزتو ليكم جااهز في المطبخ كويس؟قولته ليها طيب حااضر، بعد خليتها تطلع دخلته المطبخ، عايزه اكب لي نفسي فجأهه مهيد خطر على بالي، على طول جهزته الصينيه معاها ينسون في صحن وكبيت ليهو شاي شلتو وديتو ليهو، روابي كانت نايمهه، دقيت ليهو باب غرفتو، وختيتهم ليهو قدام الباب قولته كان فتح يلقاهم، قبل م اتحرك فتح الباب وهنا كانت الصدمه، كان لابس شكلو طالع، انا إتخلعتهه وفضلته مجمدة وانا بعاين ليهو وبطقطق في اصابع يدي ملامحو حتى وهو زهجان ومتضايق تهبل

قولته ليهو اممممم عمتو ليلى قالت لي اوصل ليك الشاي دة، رفع الصينيه قال لي انا م عايز هاك، قولته ليهو لييييهه..تاني سكتهه م قدرته اكمل، قولته ليهو طيب شلتها منو قال لي ممكن توصليها وتجي راجعه نتكلم دقيقتين؟قولته ليهو طيب، شلته الصينيه وانا قلبي بدق وراسي بقى يودي ويجيب، ي ربي عايزني لشنوو؟شكلو عايز يعتزر لي ي حليلو بعد العملتو فيهو امو قدامي دة كلو عايز يعتزر؟ وكان إعتزر انا حاقول ليهو شنوووو؟ي ربي تخليني متماااااسكهه

بقيت بتكلم مع نفسي ومتوترهه لغاايه م وصلته غرفتو، دقيت الباب فتح لي، فضلته واقفه في محلي وبعاين ليهو وهو منتظرني ادخل، عمل لي إشاره بي يدو نظام ادخلي وكذاا، دخلته، قفل الباب، اول م قفل الباب قولته الليلهه دة مالو قفل الباب

هو واقف قدامي ومدخل جيوبو في يدينو ومديني ضهرو وانا وراهو وقفه جمب الباب، بعد مسااافهه إتلفت علي قال لي طبعا ي شهد إنتي كل لحظهه عايشاها من حياتكك في الوقت الحالي دة مفروضهه عليكك وإنتي مقيدة ومجبوره إنك تعيشيها، أنا عارف الإحساس دة كويس صدقيني، إحساس إنك مسجونهه ومجبوره تعيشي حياة م كانت في توقعاتكك دة إحساس مهلكك ومستفز لكل بني ادم طبيعي، انتي عانيتي معي عشان كدة كان كلو تصرف بطلع منكك حتى ولو كان بإزيني م كان بكون عندي اي رد فعل تجاهو، يعني ماف اصعب واسوأ من أنو تفتحي عينكك الصباح وتصطبحي بي وش الزول الإغتصبكك وتكوني مجبوره إنك تتعايشي معاه بصورهه طبيعيه، هو بتكلم وانا ببكي، قال لي علشان كدة ي شهد انا حأطلقكك وهسلمكك ورقتكك ابدا م حاخليك مقيدة بي ولا حاجبركك علي وانا لما فرضته عليك الزواج دة فرضتو لأني عرفتهه حجم الغلطه الأنا إرتكبتها في لحظه لا وعي مني وعارف المجتمع والحاصل فيهه، كنت عايز اغطي عليك من لسان الناس ومن كل حاجهه حواليك ممكن تأزيك بسبب الموضوع دة، م تفتكري انا بقول ليك الكلام دة علشان تطلعي من البيت وكذاا لا ابدااا البيت بيتكك ي شههد وحتى لما رجع وإترمم بعد 15 سنهه هجرهه إترمم بي إسمكك بس حطلقكك علشان دي حياتك والمفروض إنتي تعيشيها بالطريقه العايزاها من غير م يتفرض عليك شي، ذنبك في رقبتي حيفضل معلق لغايه م اموت انا عارف الحاجه دي بس اعمل شنو ي شهد كل الحجات دي مقدره ومكتوبه ي ريت الظروف جمعتنا زي م إجتمعنا في البدايه، ، قولته ليهو طيب تمام اساسا كدة احسن بالنسبه لي وليك احسن كتييير كماان، بتكلم معاه ودموعي جاريه، طلعته وقفلته الباب ومشيت المطبخ قعدته في صفره المطبخ بكيت كدااا اثناء م ببكي سمعته صوت مهيد بقول لي شههد، رفعته راسي ومسحته دموعي بسرعه لقيتو واقف وبعاين لي، قولته ليهو ايوة، سكتت مساافه وهو بعاين لي بعدعا قال لي إتصلت علي هديل صحبتك امس بالليل وقالت م قادره تلم فيك وعايزة تتكلم هاك انا متصل ليها إتكلمي معاها لأنو قالت عايزاك في موضوع ضروري، وانا من نوع الناس الدموعهم متسبلهه م بتقيف بسهوله وبتبكي من أقل حاجه، شلته التلفون ختيتو في اضانو، وهو لسسه كان بعاين لي ساي، إتلفته منو والتلفون دااخل فجأهه اسمع صوت هديل بتقول الووو؟قولته ليها الو هديل كيفكك، قالت لي شهدوون الزفووته ي بت يعني نحن لو بطلنا نسال علشان عارفين ظروفك ووضعكك إنتي م بتسألي؟قولته ليها ههه لا م كدة والله كيفكك مشتاغين والله، قالت لي كتييير ياااخ والله ي شهد مالك م قاعد تجي الجامعه إنتي ي سجم عارفه دة فاينل يعني موت والله ي شهد كل يوم نخطط نجيك تظهر لينا حاجه مضغوطين ضغط الجن وبعدين إنتي ي سجم إنتي مالك م قاعدة تجي الجامعه؟عارفه إنو الإمتحانات فضل ليها اقل من شهر ي شهد؟قولته ليها م نفسي امتحن والله ي هديل انا شكلي هجمد، قالت لي شنوووو؟تجمدي؟ي بت إنتي مجنونه؟تجميد شنو البتجمديهو ودي اخر سنه وبعدين تعالي هنا صوتك دة متغير مالو إنتي صاحيه من النوم ي دووب ولا بتبكي؟سكتته، قالت لي شههد بتكلم معاك انا؟بعدها إتفقعته ليها في التلفون بكى، قالت لي شهد في شنو قولي لي الحاصل معاك شنو إنتي بتبكي كدة؟قولته ليها ماف شي بس مشتاقهه ليكم دة السبب، قالت لي بكاك دة م بكى زول مشتاق احكي لي الحاصل شنو ي شهد بتبكي كدة، قولته ليها هدييل قولته ليك ماف شي هههه وبعدين مهيد طالع الشغل يلا سلام بتصل عليك بعدين، قالت لي شهد م تقفلي الخط دقيقه، قفلته الخط إتلفته لقيت مهيد واقف وبعاين لي، مديت ليهو التلفون وهو لسسه كان واقف في محلو وبعاين لي ساي، مسحته دموعي بي يدي التانيه، شال تلفونو وطلع بعدها قعدته في صفره المطبخ وبقيت ابكي..

مهيد بعد م ركب العربيهه وعايز يتحرك فجاهه جاتو مكالمهه ردة الوو؟كانت هديل قالت ليهو السلام عليكم، قال ليها وعليكم السلام كيفكك، قالت ليهو الحمدلله اسفهه رجعته إتصلته عليك مرهه تانيهه بسس كنت عايزة اتكلم مع شهد لأنو قلقتهه عليها هي بتبكي وقالت عايزة تجمد وم حتقدر تمتحن خوفتني عليهااا هي م عارفه إنها حتضيع عليها سنهه كامله في حاصل فارغ، قال ليها فعلا بس ابشري إن شاءالله حتنزل وحتمتحن وم حتضيع عليها ااي سنهه، قالت ليهو ي ريييت والله لأنو إعادة السنه صعبه، قال ليها بس شهد غالبا السمستر دة م شدت فيهو حيلها ودة الشي المخوفهااا اكتر عشان كدة ممكن إنتو تساعدوها في الشرح والكلام دة لانو غالبا المواد حتكون صعبهه عليها، قالت ليهو من غير م تطلب نحن دة الحنعملو والله العظييم، قال ليها طيب بس م اعتقد شهد تكون عندها مراجع وشيتات والكلام دة ممكن توريني انا اجيبهم ليها كيف؟قالت ليهو لا خليهم انا بجيبهم ليها بس هي كيف تقتنع، قال ليها ابشري بكره إن شاءالله بديك خبرر

قالت ليهو اوكيييييهه يلا سلام...

انا في المطبخ قاعدة وببكي جات روابي داخله المطبخ قالت لي شهدون صباح الخير وفتحت التلاجه شربت مويه، مسحته دموعي بسرعه قولته ليها صباح النور، عاينت لي بإستغراب بعدها قالت لي ومالو وشكك مورم من الصباح كدة بتبكي؟هزيت ليها راسي بمعنى لا، قالت لي شهد بتبكي مالكك؟لما بدت تسالني ي دوب دموعي جات جاريهه، قالت لي شههد؟احكي لي في شنووو؟خالتو ليلى سمعتكك فارغ من الصباح؟هزيت ليها راسي بمعنى لأ، قالت لي طيب في شنووو؟قولته ليها ماف حاجهه، قالت لي شههههد بطلي م هو ماف زول ببكي كدة نفسنه منو سااي، قولته ليها مهييد قال لي إنو نحن حنطلق، قالت لي مهيد رجع متين هو؟قولته ليها امبارح، قالت لي وهو جاادي يعني؟لأ اكيد جنى الولد دة هو فاكر إنو الطلاق دهه لعبهه؟لما شافتني ببكي شديد وقفت على حيلها وضمتني عليها وقالت لي يعمري إنتي خلاص بطلي بكى م توجعي قلبي اكتر، قولته ليها اساسا انا م ببكي علشان هو حيطلقني اصلا الطلاق دة كان خياري من البدايه هو م بفرق معي اذا طلقني اسي او لا في الحالتين بالنسبه لي وااحد انا بس متضااايقهه و قلبي واجعني م اكتر

قالت لي كل الدموع دي والوش المورم دة وعايزة تقنعنيني إنو م هاميك وم حيفرق معااك؟شههد إنتي بتحبيهو ي شهد بتحبي مهييد دي الحاجه المضايقاك والإنتي مقتنعه بيها بينك وبين نفسكك، وهو نفس الشي بحبكك بنفس الطريقهه ويمكن اكتر كمان لا هو مجنون بيك عدييل م ملاحظه للحاجه دي؟كل حاجهه بتتعلق بيك إنتي هو بكون مجنون فيها م بقبل فيك اي منطق كان، يمكن هو م بيحب يبن الحاجه دي بس واااضح شديد وي بختكك بيهو ي شهد والله العظيم، عارفه م كل حاجه سيئهه بتحصل معانا نحسبها إنو فيها شر ليناا، كل الحجات دي بتحصل لينا علشان ربنا كاتب لينا فيها الخير، وإنتي ومهييد بالرغم من كل المواااقف المرت بيكم وعشتوها م سااي ي شهد، ربنا إبتلاكم في بعض وخلى دة كلوو يحصل علشان ربنا عايز يقربكم ببعض، وعايزكم تتمسكو ببعض، قولته ليها ههه ماف اي شي من الكلام البتقولي فيهو إنتي دة انا م بحبو ولا اي شي وبعدين حتى مهييد م متمسك هو وقف قدامي وبكل صراحه قال لي ي شهد نحن حنطلق انا في فترة وجيزة هديك ورقتكك كان واضح شديد، قالت لي شههههد مهيد م متمسكك عشان لسسه عزاب الضمير جواهو وم قادر يتجاوز الحته بتاعه إنو ظلمكك وفي كل الأحوال ي شهد اي زول مكانو حيعمل كدة، ي شهد افهمي م كل حاجه في الحياة دي ربنا بدينا فيها خيارين وكمان في مواقف وفي فرص ربنا م بدينا ليها مرتين، لازم كل حاجه بتحصل معانا لازم نحكم عقلنا ونعرف نتعامل معاها صح وم نستعجل، لازم نعيش كل لحظه بي وقتها ونديها مساحتها اهميتها اللازمهه وتاخد البتستحقو من كل حاجه علشان م نظلم نفسنا ونجي راجعين بعدين نقول ي رييت ونندم عليها، في فرص ربنا بدينا ليها مرهه واحدة بس وم بدينا الافضل منها مرهه تانيهه، بعدها سكتت مسااافهه وقالت لي عاارفهه ي شهد، خليني احكي ليك حاجه بتخصني م حصل شاركتها مع زول..

طبعا انا من إتولدت لقيت نفسي في قطر يعني عمرو كلها عايشاه هناك، انا اصغر واحدة وسط اربعهه اولاد، يعني من قمنا لقينا كل شي حوالينا متوفر م حصل طلبنا شي وم إتنفذ، امي دكتورهه، وابوي مهندس معماري، يعني ممكن اقول ليك إنو نحن بنجسد الأسرهه السعيدهه بمعناها الحرفي والفعلي، ابووي قبل م يكون ابونا كان صاحبنا اخونا كل شي، عارفه ي شهد ابوي دهه لو واحد فينا قال وه سااي بقول معناها م كويس بسوقو بودي الدكتور، يعني بخاف علينا شديد وبهتم بي أصغر تفاصيلنا حتى صحابنا في المدارس هو بكون عارفهم ومصاحبهم وعايش معانا دور جيلنا دة اول بأول، هو قريب لينا شديد اكتر من امي حتى، الفرق بينو وبينها إنو متفرغ لينا نحن من اولوياتو، كل طلباتنا مجابه، العيان فيهو هو بساهر معاهو، م كنا بنلقى امي في اي موقف سيئ حصل معانا كنا بنلقاهو هو بس، بتابعنا اول بأول حتى في المدرسه، ممكن اقول ليك امي عندها شغلها اهم مننا، واجباتها تجاه المرضى بتاعنها اهم من واجباتها تجاه بيتها وراجلها وعيالها، م بتزكر في يوم سألتني عن نتيجه او تقدير انا جبتو عكس بابا كان دايما بحفذنا، بخلق لينا مواضيع في البيت، ولما يشوفنا زهجانين بطلعنا من البيت، م حصل يوم نسى تاريخ ميلاد واحد فينا، حتى عيد ملاد امي وعيد زواجهم هو متزكرو ودايما في حاله إحتفالات بيهو يعني هو بالجد بحب امي شديد بقولو الراجل لما يكون بحب المرهه شديد الحاجه دي بتحببو وبتعلقو في اولادو اكتر ودة الكان حاصل في بيتنا مع إنو م كان لاقي إهتمام من امي ولا واجباتها تجاهو كانت زي م المفروض تكون بس عمرو م حاسبها على الحاجه دي بالعكس كان بتجاوز مع إنو امي كانت م بتمثل دورها كأم ولا كزوجهه، قبل كم سنه تقريبا تلاته سنوات اربعه بالكتيير كل حاجه في حياتنا إتغيرت فجاهه بقى في نكد في نقاشات في مهاترات طويلهه عريضهه في حياتنا م ليها اول ولا اااخر وبسبب حجات بسيطهه م بتستاهل حتى الحاجه دي اثرت علينا نحن نفسيا وبقت بالنسبه لينا تراكمات وكل يوم في زيادة مع إنو بابا كان بحاول إنو يتجنب ويخلينا بعيدين كل البعد بس برضو كنا متضررين، وصلو لمرحله إنو بقى إستحاله يعدي إسبوع وم تكون في مشكله في البيت يعني بقت بالنسبه لينا عادة كأنها روتين يومي، والحاجه دي إتضخمت بين اليوم واليوم التاني لغااايهه م وصلو لطريق مسدود ماف ليهو رجعهه بالجد لأنو حتى البيت بقى جحيم ومصدر إكتئاب وتوتر وحرقه أعصاب بس م اكتر، في يوم انا في البيت جاتني مسج من امي على غير العادة فتحتها لقيتها صوره كاتبه لي عليها شوفي زوق ابوك في إختيار النسوان، سالتها مين دي؟قالت لي واحدة من معارف ابوك، قولته ليها ودي سبب المهاترات والجحيم دة كلوو؟م ردت علي، إنتظرته نهايه اليوم يجي وهم الإتنين جو قعدتهم قولته ليهو بابا المره دي بتعرفها؟ورفعته ليهو تلفوني، عاين فيها مسااافهه بعدها قال لي ايوة، امي قالت ليهو يعني م ناكرها؟قال ليها وانكرها لشنوو؟المهم في النقطه دي حصل نقاش طويل عرييض انا بس كنت بتفرج على نقاشهم، في النهايه امي قالت.

ليهو من الاخر هي ولا انا اختار، بابا من غير م يتردد ودي الحاجه الصدمتني قال ليها هي طبعا، وعلى كدة إنفصلو، يمكن الحاجه دي كانت مريحهه بالنسبه ليهم بدل النكد الهم.

عايشنو دة بس كمان كانت صعبه علينا، عارفه ي شهد انا م قدرته اعاتب بابا ابدا على الحاجه دي لأنو فعليا عمل كل البطلع بيدو علشانا وعلشان امي وعلشان يحافظ على بيتو وعلشان م نفلت من يدو بس امي كانت عكس كل م هو يرخي هي كانت بتشد، انا م زعلانه من شي غير اللي كانت السبب في دة كلو وهي امي لأنها م كانت حاسبه لينا حساب م خاتانا ضمن اولوياتها م كنا حاسين بإحساس الأمومهه البعيشوهو كل الأطفال مع امهاتهم، كانت ظالمانا وظالمه بابا معانا ولما حصل الطلاق دة هي ظلمت روحها اكتر لأنها خسرتو بجد، احيانا لما اشوف لبابا بفرح لما احس بيهو مبسووط وهو فعلا مبسوط الحاجه دي ظاهره في شكلو واسلوبو معانا، زي م لما كان في فترة مشاكلو مع امي حتى طريقو كلامو معانا ونبرتو متغيرهه، واحيانا بحقد على المرهه الدخلت حياتو وسببت لينا الفوضى دي كلها، واحيانا بحقد على الزمن، واحيانا على الحياة لأنو في كسسسر من الثانيهه بتتحول ل 360 درجهه، عارفه انا عرفته إنو بابا دة حبو لي امي إنتهى متين؟لما جينا نازلين السودان ونحن في المطار م جا ودعنا خلى السواق يوصلنا، زمان كان عكس بكون معانا لأخر لحظه وحتى الحزن بكون ظاهر في وشو وبفضل يوصي في امي علينا وعلى نفسها، قولته ليها روابي حبيبتي خلاص بطلنا بكى اصلا دي كلها إبتلاءات من ربنا علشان يشوفنا بنصبر عليها ولا لأ بس وبختبر بيها إيمانا بيهو، قالت لي دة الشي الأنا عايزاك تفهميهو إنو نحن في الحياة دي مطالبين بالصبر وربنا لطييف بعبادة وكفيل بإنو يرتبها مهما كانت جايطهه، وكمان م عايزاك تفهمي إنو م كل الفرص ربنا حيديك فيها فرصهه تانيه، م تستعجلي في قرار يمكن تندمي عليهو بعدين وتعيشي وتقولي ي ريت ي شهد، فجأهه سمعنا صوت عمتو ليلى وهي بتقول ي بناات وينكم، مسحنا دموعنا بسرعه، وصلت المطبخ قالت لينا احيييي جنس وجع جسم هو لكن، قمته شلته منها الأكياس قولته ليها تعبتي من لف السوق، قالت لي والله ي شهد بس قولي تعب واسكتي اها جهزو الفطور والله جايه جعانه جووعهه، قولته ليها حاضر، جهزنا الفطور فطرنا بعدها قالت لينا نسيت وانا في السوق لقيت البجامات ديل شوفوفهم، عجبوني شديد جبته ليكم اربعه كل واحدة تختار ليها إتنين، روابي قالت ليها الله ميكي ماااوس قامت باستها وقالت ليها تسلمي ي كميييلهه إنتي ي ام خدود كميلهه

قالت لي شوفي قليله الأدب دي عليك الله اسي خدودي دي كملت بسببكك، ضحكته قولته ليها تسلمي بجد ي عمتو م قصرتي، قالت لينا العفو ي بنات ها بطلن عواره تكملنهن بالعافيهه اصلا انا حجات البنات ديل بريدهن عشان كدة الله م اداني بت، روابي قالت ليها لكن ادااك ولد احيييييهه بس منو قعدت تضحكك قالت لي البت دي دايرهه يفرصوها

عدة اليوم لغاايهه المساء قعدنا نحضر في فيلم هندي إسمو"تشناي إكسبريس، كنا بنحضر وجمبنا بوشار ومكسرات ولابسين بجاماتنا الجديدة وميتين بالضحكك موت، قريب لي نهايه الفيلم كدة مهيد جا داخل، قال لينا السلام عليكم، زول رد عليه غير روابي مافي، طبعا انا من شوفتو قلبي عمل شححح وعيني بقت واحدة مع الفيلم وواحدة في غرفه مهيد، من دخل لا طلع ولامشى على المطبخ شرب مويه لا دة لا دة، بعد م خلصنا الفيلم دخلنا علشان ننوم وانا بتقلب روابي قالت لي شهد اقوم اودي لي مهيد دة مويه وعشاء ي حليلو مسكين يخ، قولته ليها طيب امشي، بعد م طلعت قولته الحمدلله إنها حست بي قلقانهه علشانو من غير م افتح خشمي حتى

شويه كدة جات راجعه قالت لي امممم شهد إنتي صاحيهه؟قولته ليها ايوة في شنووو؟قالت لي مهيد قال عايزك في غرفتو لو صاحيه، قولته ليها ليييه في شنوو!؟ياخ وبعدين انا نعسانه م قادره انزل ولا شي الصباح رباح، قالت لي امممم يمكن عايزك في حاجه مهمهه شوفيهو، قولته ليها ماف شي مهم بينا، وإتغطيت بس النوم غلبني وبقيت افكر عايزني لشنو؟معناها جاب لي قسيمه الطلاق وعايز يديني ليها، بقيت اتقلب لغايه م فجأهه روابي قالت لي شهد، قولته ليها ايوة، قالت لي انا عايزة مويه، قولته ليها امشي إشربي، قالت لي راسي واجعني م قادره امشي والله، قولته ليها طيب خليك دقيقه انا بجيبها ليكك، نزلته مشيت المطبخ كان نورو مطفي م ولعتو بس فتحته التلاجه ومع فتحه التلاجه دي نور المطبخ ولع وانا إتخلعتهه وبقيت اصرخ اتفاجأتهه بي مهيد ماسكني وقافل لي خشمي حتى م خلاني اكمل صرختي كويس، قال لي في شنو مالكك ي بت الناس، قولته ليهو وكمان فاتح نفسك وبتسألني مالي؟قال لي رسلته ليك روان لييه م جيتي؟قولته ليهو زي م رسلتها كان تديها العايز توصلو لي والكلام العايز تقولو وبس، قال لي والمعنى؟طبعا هو كان قريب مني شديد وانا كنت بتجنب اعاين ليهو في وشو علشان عارفه نفسي حأتلخبط وحأتعولق لفيت منو وشي وقولته ليهو مش عايز تديني ورقه طلاقي؟م ضروري استلمها منك انا بذات نفسي، عاين لي مساافهه وإبتسم إبتسامه خفيفهه وقال لي وإنتي منو القال ليك إنو انا حأطلقكك اليوم؟قولته ليهو قبيل الصباح إنت وضحتهه كل شي، ورجعته لفيت منو وشي مره تانيه، ربع يديو وقال لي في الوقت الحالي حنغض نظر عن موضوع الطلاق دة يعني لا اليوم ولا بكره ولا بعد بكره انا عايز اتكلم معاك في موضوع اهم إنتي قولتي إنك عايزة تجمدي؟قولته ليهو اايوهه عايزهه اجمد حرهه، قال لي ومنو الوافق ليك على كدة؟قولته ليهو محتاجه اخد إذنك يعني لييه إنت منووو؟قال لي هههههه معليش إنتي طولك كلو شبرين من الارض صعبه عليك تعايني لي انا بعيد شديد عليك، طبعا غاظني غييظ قولته ليهو وانت مالك شبرين ولا نص شبر اسمع انا نعسانه زح لي من الشارع عايزة انوم، عايزة اتحرك عارض لي في الشارع، عايزة الزو علشان امشي رجعني لصقني مع التلاجهه قال لي خليكك رايقهه، قولته ليهو يااخ زحح قالعتو علشان يفكني قرب مني اككتر وبقى ماسكني بكل قوتو انا في اللحظهه دي خلاص ريحهه عطرو بس كانت فايحه في مناخري وطريقهه قربو مني ومسكتو لي ابداا م كانت بتبشر بالخيير، قال لي م عندك خيار ي شهد مش عايزة تطلقي ومن زمان بتطالبي بكدهه؟طيب اوكييه اوعدك تخلصي إمتحانات بجاي نطلق بجاي، بس طول م إنتي خاته فكره التجميد دي في راسك ماف ليك طلاق فهمتي؟فضلته اعاين ليهو بهبالهه وهو واقف منتظر ردي، قال لي إتفقنااا؟هزيت ليهو راسي بمعنى لا

قال لي اممممم معناها إنتي م نفسكك تطلقي صح؟قولته ليهو وإنت نفسكك نطلق بجد يعني...

ي جماعه اليوم تطبيق الواتباد بتاعي مسح لي الحلقه الجهزتها بشككل تلقائي م عارفهه ليهه، فإتجبرتهه اقعد و اكتبها من اول وجديد فأااااسفهه على التأخيير يااخ للناس الأعصابهم بتبوظ علشان م اسمع جمله مفتريهه وم بتحس بالناس وندخل في تبريرات م ليها اول ولا ااخر فبس يعني

نتلاقى®