الفصل الثامن والعشرون

م حاقول ليك اوعدكك بكدة بس طول م انا هنا حأعمل كل البطلع بي يدي عشان انتي تكوني بخير، شديت نفسي عليهو وإتمسكتهه فيهو اكتر زي الطفلهه قولته ليهو إن شاءالله يااخي إن شاءالله قال لي وبعدين مش امريكا دي قريبه ياااخي نشتري طيارتنا الخاصهه ونمشيها زياارهه على طول بس انتي قولي ماشهه قولته ليهو ماشهه، قال لي لأ م تستعجلي انتي كمان للدرجهه دي ه، مسح لي دموعي وقال لي يلا انا حأطلع عشان إنتي ترتاحي شويه، مسكتو قولته ليهو مهيد، قال لي روحو، قولته ليهو م نفسي تبعد مني انا

قال لي بس كدة؟جدااا م طلبتي حاجه، رقدني في السرير ورقد جمبي وقال لي يلا حاولي نومي، قولته ليهو ممكن انوم هنااا؟واشرته بصباعي على صدرو، قال لي هو اصلا ملكك من غير م تستأزني حتى وجراني عليهو ه اليوم التاني ملك جات وبقت في نكهه في البيت وحس كدة، كان في غرفه مقفوله قولته لي عمتو ليلى افتحها علشان انضفها لي ملك، قالت لي الغرفه دي مفتاحها عند مهيد وم بفتحها زول غيرو لكن اديها الغرفه الجمبهاا، قولته ليها طيب وبالفعل دة الحصل، بعد اسبوعين في يووم ملك قالت لي شههد عندي تخريج صحبتي بكرهه تمشي معي؟

، قولته ليها صحبتك منوو؟قالت لي م بتعرفيها إنتي ياخ بس ارح نغير جو شويه، قولته ليها طيب تمام، قالت لي انا ماشه الكوفير اظبط شعري وكدة ارح، قولته ليها مصدعه ياخ، قالت لي بلا مصدعه معاك ارح نمشي بطلي كسسل، طلعنا مشينا الكوفيير، اثناء م هي بتعمل قي حمام الزيت قالت لي شهد انني م ترسمي ياخ، قولته ليها ارسم لشنووو ي بت؟قالت لي ارسم سااي بس الراجل دة تعب من شوفتك زي اختو كدة المره قالت ليها يعني هي متزوجهه؟قالت ليها تخيلي

قالت ليها بري وحات الله فاكراها م متزوجه ي بتي هي مالك والله بكره تلقاهو بت حلال تلفحو منك إتجيهي وإتحكحكي وخليك حليوة كدة دايما انتي لسسه صغيره يعني لو م إتجيهتي ليهو اسي تتجيهي متين لمن يجوكم اولاد؟النسوان المعاها قعدو يضحكو ويتكلمو معي لغايه م خجلته قولته ليهم طيب برسم، قعدته للحنانه قالت لي عشان النقه السمعتيها دي برسم ليك اسمح رسمه عندي لكن استفيدي من تجارب امهاتك ديل شايفه المرهه الطلعت اسي دي كبيرهه كيف ولسسه مهتمهه ومتشببه كيف ملك قالت ليها تكوني م قصرتي والله

رجعنا متأخرين بعد صلاة العشاء ومهيد كان لسسه م جا وانا كنت نعسانه نمته والصباح م لقيتو ولا حتى فكر يتصل علي او يرسل لي مسج ويصبح علي فيها، بعد الفطور عمتو ليلى قالت لينا انا عندي مشوار ماشه، قولنا ليها كويس، حوالي الساعه 3 كدة ملك قالت لي يلا اجهزي علشان نطلع و طلعت لي فستان باللون البصلي مشغول بالأبيض في الكتف ونهايه اليد قالت لي البسي دة، قولته ليها زي الماشين عرس حاشوف لي اي حاجه بس ياخ، قالت لي بطلي عواره اللبسيهو، لبستو ومكيجتني وسرحت لي، عمتو ليلى كانت مافي ومهيد في الشغل، شويه كدة جاتها مكالمه قالت لي يلا نطلع، طلعنا كانت في عربيه منتظرانا بره، قولته ليها دة منوو؟قالت لي انتيمي الجديد، طبعا عندو عربيه Gxr تقول ي ليل

قولته ليها عربيهه لكن، قعدت تضحك، نزل سلم علينا ماشاءالله لو م قولتي ماشاءالله م بتقدري تعايني ليهو ركبنا قال لي احلى شهد في الدنيا، ضحكتهه قولته ليهو م تجاملني ياخ قال لي م مجامله بالجد احلى من ام راس دي ه، ملك قالت ليهو شكراا من ذوقكك ي استاذ بعد نص ساعه كدة ملك جاتها مكالمه قال: الوو قربنا والله العظيم قربنا يلا سلام حبيبتي شويه كدة العربيه وقفت، نزلنا ملك إتصلت تلفون وقالت يلا خلااص وصلنا شنوووو المعط دهه

اول م وصلنا الصاله وختينا رجلنا فيها فجأهه اسمعهم بقولو"درست الأساس بمدرسه... والثانوي بمدرسهه...بنسبهه 85%و...فجأهه اسمع بي إسمي"شهد عبدالله"بقيت واقفهه ومخلوعهه بعااين للناس والغنيه شغاله وانا خاته يدي في خشمي، فجأهه ظهر مهيد قدامي جاي ماشي علي وشاايل روب التخريج وبعاين لي وبضحكك، طبعا م قدرته لفيت وشي منو وانا مغطيه وشي والناس بتصفر، وصلني وهو بضحكك، قولته ليهو لا م قادرهه اصدق دة شنو ي مجنون دة شنوو؟قال لي تخريجكك شايفهه شنوو

بقيت اقول ليهو مهييد وهو بلبسني في الروب وبقول لي خليك هااديه، لبسني ليهو ومسكني من يدي قال لي يلا، والغنيه لسسه كانت شغاله والناس تصفر لغاايه م وصلني المنصهه ورجع، وانا م قادره اعمل اي شي بس خاته يدي في وشي، المزيع قال ليهم طبعا ي جماعه شهد مصدومه لأنو م كانت عارفه إنو اليوم تخريجها ف دي مفاجأهه مقدمها ليها زوجها م لاقاني زول م عارف تخريجو متين اول مره تحصل غايتو الناس بقت تضحكك والصفافير ملت الصاله والبنات شغالات يقولو لي ي بختكك بيهو ي بختكك

طبعا انا دموعي بقت جاريه جات هديل واريج مسكوني وضموني عليهم قالو لي بطلي هبل م تخربي ام اللحظهه، مهيد كان واقف ومربع لي يديهو بعيد وبقول لي بحبكك بصوت خاافض يعني بحرك شفايفو بس، شغلو تاني غنيهوجاتني فيها عمتو ليلى وإسلام وهديل طبعا صدموني يعني كلهمم كانو عارفين وإستغبوني

رقصو معي في المنصهه كداااا بعدها في نص الجوطهه والهيصهه ديك نزلته مشيت لي مهيد، قولته ليهو اول مرهه اعرف إنك مجنون، قال لي كل شي عشانك بهون ي ستي حتى الجنون دهه، قولته ليهو بس ليه م كلمتني؟قال لي متزكرهه قبل كدة قولتي لي م نفسك تعملي تخريج؟واساسا الواحد طول فترهه دراستو احلى لحظهه في حياتو بتكون التخريج طيب لييه تتحرمي من احلى لحظه في حياتكك ي هبلتي، قولته ليهو بس دة كلوو، قال لي م علينا المهم دة ااهم يوم في حياتكك وانتي اااحلى خريجهه م عارفه إنو دة تخريجها

قولته ليهو بالجد مصدومهه بس دة المميز هناا، قال لي إنتي كلك على بعضكك تستاهلي كل حاجه مميزهه حبيبي، طبعا هو بتكلم معي ومدخل يدينو في جيوبو وانا بعاين ليهو وهو لابس قميص رصاصي كدة م عارفه المهم لونو فظيع وغريب وشاكيهو، وانا بعاين ليهو من غير م احس لقيت نفسي بقول ليهو والله ماف شي مميز في حياتي غيركك ضحكك قال لي الله الله على الكلام البفتح النفس دهه ه فجأهه جات هديل واريج ومعاهم يس، يس سلم على مهيد قال ليهو ي بشبوش، مهيد قال ليهو ي مرااحب، قال لي شهدون المجنونهه هديل قالت ليهو وهطلهه كمان

قولته يس م تخليني ازعل باقي اليوم دة واجري وراك، قال لي هبالتك دي انتي م بتخليها اريج قرصت هديل قالت ليها وبعلي شوفيهو متنح فيها كيف زي الكأنو اول مرهه يشوفها، هديل قالت ليها ي بختها شهد غاايتو، وانا بتكلم مع يس، شويه كدة جو عمات مهيد ومعاهم عمتو ليلى كل زول بقى يديني كيس هديه براهو، قولته ليهم ي سلاام يااخ حالتي م كنت مخططه لو كنت مخططه كانت حتجيني هدايا اكتر يعني

قعدو يضحكو، انا هديتي هتكون بعد م نرجع بيتنا، عاينته ليهو قولته ليهو طيب، شويه كدة يس قال لي الشباب قالو عاملين لفهه بالعربات في الشوارع هاا معانا؟عايزة افتح خشمي مهيد قال ليهو جدا قدام ي زول عاينته ليهو بخلعه قولته ليهو مهيييييد؟قال لي ي زولهه مش قولنا م حنحرم نفسنا من اي لحظهه حلوة، قولته ليهو انت م جادي طبعا، قال لي قمهه الجداد

، مشى لي امو قال ليها ي حجه نحن حنطلع نمشي من هنا مع الشباب ديل تمشو معانا ولا تاخدو ليكم عربيه؟قالت ليهو بري البودينا معاكم شنوو نحن بنأجر لينا عربيه نرجع بيها، قال ليها خلاص تمام، طلعنا مشينا، هديل واريج مع يس، وانا ومهيد في العربيه، وملك في عربيه حبيبها اواب، ياخ لافين في الشوارع دي هيصنا جنس تهييص وكانو بتسابقو بالعربات في الشوار كمان

بعد م خلصنا فوضى رجعنا البيت قريب للعشاء ياخ اول مرهه بعد فترهه طويلهه شديد احس انو انا مبسوووووووووووووطهه لدرجه دي كأنو حياتك بدت تضحكك وشمسها بدت تشرق من اول وجديد، ملك قالت لي انا تعباانه بس نفسي انوم، دخلت غرفتها، انا دخلته غرفتي إستحميت وغيرته ملابسي م حسيت بشي غير إني عايزه امشي لي مهيد وبس طلعته من غير م احسب خطواتي، اول م وصلته غرفتو إتلاقيت معاه في الباب طالع مستعجل، قولته ليهو مهييد، قال لي طالع ي شهد، قولته ليهو في شنوو خير، قال لي قالو رزان دي شربت صبغهه وحالتها صعبه في المستشفى، طلع جاري حتى م إتلفت عاين لي وانا بتكلم معاه، م عارفه للحظه وانا شايفاه جاري كدة حسيت إنو كل شي إنتهى لحظتهاا، م عارفه هل دي كانت انانيه مني ولا شنو بس نفسي إتكتم وزعلتهه شديد، دقيت باب عمتو ليلى ودخلته ليها لقيتها شبه نايمه، قالت لي شهد، قولته ليها اسي مهيد طلع قال رزان شربت الصبغهه، قالت لي رزان شربت صبغهه؟قولته ليها اي، قالت لي وينو مهيد اسي؟قولته ليها طلع، قامت لبست بسرعه، حتى انا كان نفسي امشي م عارفه لي بس حبيت امشي وخلاص والدنيا ليل م حبيت اخليها براها لبستهه عبايتي وطلعته معاها، إتصلت تلفون على مهيد وراها اسم المستشفى وصلنا لقينا مهيد وامها وعمر اخوها وخالات مهيد، واحدة منهم من شافت عمتو ليلى لفت وشها، ام رزان جات قالت لي ام مهيد جيتي تشوفي جنازة بتي مش؟جايه عشان كدة، إخترتي الغريبهه وبدلتيها ببت اختك يعني قطعهه منكك، جننتو لي بتي إنتي ولدكك الله لا بارك فيكم، جات ممرضهه قالت ليها لو سمحتي في مرضى هنا ممنوع الإزعاج، فجأهه عاينت لي وقالت لي وإنتي ي الحربويهه جايه لشنو؟ لشنو جايه قولي لي؟ي الحاقدة ي الحاسدة عشان م طايلاها جايه تشمتي فيها ولا تشوفيها ميته؟ مهيد جا مسكني وجراني على جنب قال لي إنتي الجابك شنووو؟قولته ليهو جيت مع عمتو ل، ، قال لي امي م صغيره ولا عميانه بتعرف تجي براها إنتي سبب واحد يخليك تجي هنا ماف، طبعا بتكلم معي بي نرفزة وزهج كدة، ، عمتو ليلى جات قالت ليهو وين رزان اسي؟قال ليها في غرفهه الغسيل لسسه م طلعوها، انا على طول إتحركته قمته ماشه جا لاحقني قال لي ماشه وين؟جريت منو يدي قولته ليهو م شغلتكك مالك مالي طلعته وهو لاحقني قال لي إنتظري اوصلك، م رديت عليهو اقرب امجاد لقيتها واقفه قدام المستشفى ركبتها قولته ليهو إتحرك، إتحركنا وانا دموعي جاريه عشرة عشرة من طريقه كلامو معي وصلته البيت م شايفه قدامي إتفقعتهه بكى، عدة إسبوع وهو لا إتكلم معي ولا انا شوفتو بعيني، في يوم كان واقف بره في الحديقهه وبتكلم بالتلفون انا بالصدفه كنت طالعه برهه سمعتو بقول"رزان اسمعي كلامي، م إنتظرتو اساسا بس بقى في بالي إنو بتكلم معاها يعني واصل لدرجه انو بتكلم معاها

والزعله بقت زعلتين لما م حاول يتكلم معي، جا لقاني في المطبخ انا شوفتو وعملته نفسي م شايفاه، قال لي ممكن نتكلم شويه؟سكتت، قال لي شههد مسكني من يدي جريت يدي منو وقولته ليهو م تفكر تهبشني تاني فااهم م دايره اتكلم معاك انا حرهه وبعدين إذا عايز تتكلم امشي إتكلم مع الباربي الدراما كوين بتاعتكك ديك م تمسك بي زمن انا سااي، قال لي امسك بيك زمن؟إنتي شايفه إنو انا ماسك بيكك زمن؟قولته ليهو ااايوة ماسك بي زمن، قال لي كنت عايز اشرح ليك واوضح ليك بس طالما إنتي شايفه إنو انا ماسك بيك زمن يبقى مع نفسكك شديد ي ششهد ابدا م حأوضح ليك شي والفي راسك دة إعتبريهو هو الصح تمام؟قولته ليهو اصلا دة الحاصل والفي راسي اصلا صح ودة الإنت عايزو، جات عمتو ليلى قالت لينا ي اولاد مالكم في شنو جايطين، قال ليها اسأليها وطلع، دموعي جات جاريه قالت لي في شنو ي شهد؟قولته ليها ماف شي، قالت لي كيف ماف شي واصواتكم طالعه كدة؟تعالي اقعدي، قعدته قالت لي إنتو زعلانين من بعض صح؟سكتته، قالت لي اسمغي شيلي من بالكك فكرهه إنو انا ام مهيد إعتبريني صحبتكك او زولتكك او اي شي، اها إنتو مشكلتكم دي من يوم رزان شربت الصبغه في المستشفى صح؟هزيت ليها راسي بمعنى نعم، قالت لي شوفي ي بتي انا مهيد ولدي دي ولدتو وعارفه قلبو الفيهو شنو، ولدي دغري يعني عمرو م قال كلمه ورجع فيها، عمرو م ممكن يلقاك في موقف صعب ويخليك فيهو بقيف معاك للأخيير، مهيد دة انا احيانا بحسو ظالم نفسو يعني ممكن يقطع من لحم جسمو عشان يرضي غيرو، م بقول لي زول لا نهااائي يمكن دة سبب مشاكلو في الحياة انا احيانا بشوف إني م ولدته ضنى انا ولدتهه شهامه ورجولهه وولد حمش م عارفه الحاجه كويسه ولا كعبه بس ده هو ودي اخلاقو ابدا م بغيرها، لكن انا ك زوله صحبتك وفردتكك بقول لي الرجال ديل كلهم زي بعض م بشكرهم ليك ابدا، ولو خليتي الواحد فيهم على كيفو بطلع ليك في راسك عشان كدة اصلا م تتنازلي ليهو مش غلط؟يبقى يعترف بي غلطو، ولو غلطتي وجا يغلطك ابكي دموعك سلاحكك ابكي لمن ربنا يغفر ليك خليك مفتحهه تلقائيا تلقيهو بغلط روحو وبعتزر ليكك، الدموع بتلين قلب الراجل مهما كان جاف دي حاجه خليكك متأكدهه منها

اتجيهي كده وخليك ماشه وجايه في البيت وخلي يعاين ليك وم يقدر يقرب منك وانتي ادي العين البايظهه براهو بجيك راجع صدقيني، وم تبكي نكديه شديد، اي نكدي لكن في حدود المعقول وم تخليك مرهه هراشه وتبقي في يدو زي الأله يوديها يمين في شمال خلي عندك تاثير عليهو، يخليهو يجري ويجي يحكي ليك حتى ابسط تفاصيل يومو، م تخليهو ممكن يعدي يوم عادي بدونكك، خليهو يعتبرك إنتي مرايتو العااااكسهه في كل شي حواليهو، دايما خلي تميزك يتمثل في إنو لو في اااي حاجهه في حياتو حتكون ناقصه طالما إنتي م فيهااا

قعدته اضحكك قالت لي إستغفر الله مع إنو ولدي لكن انتي برضو بتي قولته ليها طيب ي خبرهه ومنكك نتعلم قالت لي م تتعودي كتير عشان تطلعي في راس ولدي بالمرهه كمان عشان حأقوم عليك بنمره واحد ضحكتهه قولته ليها طيب م تهرشيني قعدت تضحكك، جات ملك قالت ليها ضحكوني معاكم، عمتو ليلى قالت ليها لمن تعرسي كدي، ملك قالت ليها وبعدين ي خالتو مع قصف الجبهات دي اليوم التاني الصباح قولته لي ملك ارح معي السوق، قالت لي ليييه؟قولته ليها ارح معي بس، طلعنا مشينا السوق إشتريت لي بجامات وجلبابات وملابس كلها صغيرهه وحلوه

جينا راجعين البيت م عرفته اقول لي عمتي شنو لأني كنت مترددة المهم طلعته بقيت انضف في حفره الدخان بالصدفه جات طالعه لقتني بنضف فيها، عاينت لي مسافهه، خجلته منها، ضحكت قالت لي كان تكلميني انضفها ليك قولته م حبيت اتعبكك بس، قالت لي الزمن داك بخت ليك النار في البوتجاز، قعدته إتدخنته زيين مع إني م بحبو، وعمتو ليلى جابت لي الدلكه قالت لي بعد م تدخني وكدة اليوم التاني قعدتني في الأرض وححننتني، طبعا ملك كانت مسمياها هتلر علشان صعبه وكدة فبقت تقول لي عمري م اتوقعتهه هتلر دي تكون بالظرافهه دي ي سبحان الله

قولته ليها بقولو الزول لو م عاشرتو م بتعرفو ه، قالت لي بالظبط، عدة إسبوعين وانا ي يمه الجيهه كاتلاني ومهيد خبري م جايبو ولا كأنو شايفني ودي اااكتر حاجه كانت ماغصاني وغايظاني باارد وحيوان

في يوم طلعته من الحمام والمكيف كان شغال وراسي ليين فإلتهبتهه شديد، لما عرف جا قال لي قومي ارح نمشي المستشفى، قولته ليهو م ماشه، قال بي صوت عاالي م شايفهه حالتكك دي كيف م ماشه شنو م ماشهه، عمتو ليلى جات قالت ليهو م تجوط فيها م شايفها محمومه كيف؟ مش جبته ليها فلوتاب خلاص كفايه جدا لو داير تجوط إتفضل اطلع برهه، طلع وقفل الباب طاخ، بقيت اعاين ليها لأنها إتكلمت معاهو بإسلوب م حلو بسببي وهو إتضاايق

عديت إسبوع الإلتهاب خف وهو وشو م شوفتو، قولته ليها عمتو ليلى مهيد م قاعد يجي البيت؟قالت لي اليومين دي مضغوط في الشغل اظن انا زاتي م قاعدة اشوفو، قولته ليها بس انا عايزة اشوفو قالت لي ي بت اهدي واتقلي شويه هو بزعل وبرجع براهو ولا أتصل عليهو يجي؟قولته ليها إتصلي قالت لي غايتو ي بنات الزمن صبرن ببل الأبري م عندكن، قالت لي خلاص انا بضرب ليهو لكن برضو كان جاك اتقلي م ترمي حيلك على طول فاهمهه، قولته ليها حاضر

دخلته إستحميت ولبسته لي فستان قصير وسرحته شعري وإتعطرته ورقدته في سريري بعد صلاة العشاء كدة باب غرفتي دق، عملته روحي متغطيه، رفعته راسي الباب فتح كان مهيد قال لي مساء الخير، قولته ليهو مساء النور، قال لي بقيتي كيف إن شاءالله إتحسنتي؟قولته ليهو الحمدلله، قال لي الحمدلله طيب وقفل الباب ومشى ياخي بقى بتعامل معي ببرود غريب ومقرف وانا م متعودهه على كدة ابدا

قلبي اكلني بقيت اكل في ظفوري وافكر لغايه م الساعه 10 جات طلعته مشيت المطبخ خلطته ليهو عصير في جك وشلتو دقيت ليهو الباب م فتح لزيت الباب الغرفه كانت فاضيه صوتو كان في الحمام فضلته واقفه وماسكه الجك لغايه م سمعتو بفتح باب الحمام بعدها إتحركته، قولته ليهو العصير، قال لي م كان تتعبي نفسك م عايز انااا لبس فنيلتو وجدع البشكير في السرير، ختيت الجك على جنب وبقيت اعاين ليهو مساافهه، اداني ضهرو وهو ماسك تلفونو، وموصلو في الشحن، مشيت وقفته وراهو وقريبهه منو قولته ليهو مهييد، قال لي ايوة من غير م يتلفن علي، قولته ليهو إنت لييه بتتعامل معي كدة؟قال لي بتعامل معاك كيف؟لفيت يدي حوالين بطنو ومسكته فيهو قولته ليهو إنت عارف م محتاج اشرح ليك، إتلفت علي قال لي إنتي العايزة كدة ي شهد، قولته ليهو لا ابدا انا م عايزة كدا

قال لي عايزة شنوو طيب؟سكتته ونزلته راسي في الأرض، قال لي شايفه؟حتى إنتي م عارفه نفسكك عايزة شنو، قولته ليهو عايزاك إنت وم عايزة شي في الدنيا دي غيركك بس إنت، قال لي انا شنووو؟اذا انتي كنتي عايزاني وبس فإنتي نفسي الطالع ونازل دة، بس كيف انتي تفهمي الحاجهه؟؟انا م داير منكك غير شويه ثقهه، قولته ليهو وانا واثقهه فيك، قال لي ابداا م واثقه اقل شي ممكن يأثر على علاقتنا يعني ابدا م فيها ثبات، إترميت في حضنو قولته ليهو لا واثقهه والله العظيم

قال لي يوم كنا في المستشفى السبب الخلاني اتكلم معاك كدة لأني م إتحملته النبره والطريقهه الإتكلمت بيها معاك خالتي وانا عشان عارفهم هم شنو م كنت عايزك تجي، وبعدين انا مشيت ووقفته معاهم لأنو مهما حصل ي شهد في يوم من الايام رزان دي كانت مرتي وكانت في بينا عشرهه وقبل كل شي هي بت خالتي يعني اختي قبل كل شي يعني مهما بلغ العملتو من سؤ سواء معي او معاك م بقدر اتجاوزها واخليها في حاله زي دي فهمتي؟انا كدة ي شهد جرب اعمل فيني العايزو وتعال احتاج لي ولا خليني اللقاك في حاره م بخليك ابدااا دة الشي الانتي م عارفاهو عني، قولته ليهو طيب خلاص فهمناااا م نفسكك تضمني زي م بتعمل دايما

قال لي دقيقهه، مشى فتح الدولاب بتاعو طلع كيس هداياا، قال لي إتفضلي، قولته ليهو شنوو؟قال لي مش وعدتكك وقولته ليك إنو هديتي حتكون في بيتناا؟شلته الكيس فتحتو لقيتو جايب لي ايفون X قولته ليهو م جادي إنت طبعاا

مسكو مني قال لي خلي دة على جنب تعالي، جراني عليهو بقى يعاين لي مسااافهه بعدها فتح يدو وشال سلسل نبض بتاع دهب لبسني ليهو، قولته ليهو الله، قال لي وكماان، قولته ليهو اها، مسكك صباعي ولبيني دبلهه ومعاها حباسهه وباسني في رغبتي وقال لي عيب مرهه متزوجهه تكون ماشهه ساي كدة يااخي دة حتى عيب في حق راجلها ولا شنووووووو؟؟قعدته اضحكك، قولته ليهو طيب انت كمان غمض عيونكك، قال لي في شنووووووو؟؟قولته ليهو غمض بس يااخي، غمض عيونو بوستو مسااااااافهه بعدها إترميت في حضنو، ضماني عليهو اكتر قال لي بحبكك يااخي بحببببببك ي بت الناس، طبعا اول مرهه يقولها لي

، كانت طالعه منو وانا بسمعهاا كأنو اول مرهه اسمع احلى كلمه في حياتي، قولته ليهو وانا كمان ياااخي ه وبعدين انت م محتاج تجيب لي هداااياا اساسا انت اكبر هديهه في حياتي شالني ولفهه بي مسافهه قال لي بحاول استوعب إنو الحاصل دة واقع عضيتو في يدو قال لي ااخخخخخ لأ م كدة ي سجم

قولته ليهو مش نفسكك تصدق؟رقدني في السرير وضماني قال لي عارفه ي شهد انو إنتي سبب وجودي في البلد دي حاليااا؟قولته ليهو كيف؟قال في اليوم الإتكلمته معاك فيهو لما كنتي منزله بوست يائسه من الحياة وقرفانه حتى مقلله إيمانك بربنا فيهو ودخلته اتكلمته معاك وطلبته منك تحكي لي الحاصل معاك شنو بالظبط متزكرهه؟قولته ليهو ههه وعمر م حأنسى المحادثه دي، باسني وقال لي يلا اليوم داك انا كنت بتكلم معاك وانا من داخل صاله المغادره، الفتره ديك كنت ي دوب طالع من السجن وم طايق شي كنت مهاجر قاطع تزكره لتركيا ومنها قولته امشي اي بلد.م مهمه المهم كنت عايز اعيش لافي ولاجئ بس بعيد من البلد دي وقرفها، بس لما اتكلمته معاك حسيت بوجعكك ونساني وجعي فخليت كل شي وراي وطلعته من المطار، فتحته خشمي قولته ليهو واااي كذاب والله ي مهيد؟يعني رجعته عشاني وفوته عليك الرحله بالرغم من إنك م بتعرفني؟قال لي م كنت بعرفكك بس كنت حاسي بوجعكك كأنو ربنا ختانا في طريق بعض عشان نصل لي هنا، قربته منو وبوستو مساافهه بعدها قولته ليهو وإبتلانا في بعض، باسني في راسي وقال لي وحببنا في بعض كمان

بعدها بقى يعاين لي مساافهه وانا ساكتهه، قال لي اسف؟قولته ليهو على شنووو؟قال لي ع، ختيت يدي في خشمو وقولته ليهو مش إنت بتقول لي إنو أنا دايما حأكون بخير طالما إنت معي؟يلا انا بس واثقهه من الحتهه بعدها باسني في جبهتي ونزل باسني في شفايفي وفضل على الحاله دي بدون م احس بنفسي بقاومو لغاايه م إستسلمت ليهو وحصل الحصل

الصباح فتحتهه عيوني لقيتو ناايم، صراحه بحسد نفسي على شوفتو وهو ناايم يااخي ملااااك بس ه، قربته منو وختيت يدي في لحيتو بعد مساافهه فتح عيونو وإبتسم وباسني قال صباح الخير، قولته ليهو صباح النور صاحي تتبسم براك مالك ه، قال لي مصطبح بشوفتكك اكييد حافتح عيوني وانا مبتسم اليوم دة كان جمعه فكرنا لقينا الساعه ماشه لي 10 ونص، قولته ليهو والليلهه حنطلع من هنا كيف قال لي قولي انتي حتطلعي كيف انا نايم في غرفتي قولته ليهو مهيد

ضحك قال لي نحن حرين نصحى متأخرين او بدري، قولته ليهو انا نازله، جراني رقدني قال لي خليك شويه م تنزلي رقدته فضل يعاين لي وخاتي يدو في خدي وبمشيها على شعري، طلعته من الغرفه تقريبا الساعه 11 مشيت المطبخ لقيت الفطور جااهز في الصفره وحس زول في البيت ماف، شربته لي مويه عمتو ليلى جات داخله المطبخ، اول م شوفتها إتوترته، قالت لي صباح الخير، قولته ليها صباح النور، قالت لي الفطور جااهز افطري انا طالعه عندي عرس بت صحبتي كويس، قولته ليها حاضر، بعد م طلعت اخدته نفس عمييق وقولته اوووووف الحمدلله، مهيد جا طالع قعدنا فطرنا وانا خجلانه منو وهو غياظ كل م يعاين لي يتبسم

قولته ليهو مهيد وربي م باكل معاك، ضحك قال لي خلاص حبيبي بس اعمل شنو م قادر اشيل عيوني عنكك اتكلمي مع عيوني انتي هااا...

عدت فتره وبقينا اسعد ناس او تقريبا ربنا شال سعادة الدنيا دي كلها وختاها في قلوبنا بالجد إقتنعتهه بفكرهه إنو ماف حال بدوم ابدا زي م بتمر علينا ايام صعبه وقاسيه بتجي علينا الأيام الأسعد وربنا بعوضنا خير عن العشناهو وبنولنا ثواب صبرنا على إبتلاءاتو وبالجد ربنا لما قال "وعسى ان تكرهو شيئا وهو خير لكم"كانت حكمتو عظيمه في الأيهه دي يعني ربنا ختانا في الإبتلاءات دي كلها انا ومهيد لدرجه إنو إغتصبني وبعدين رجع إتزوجني وبعدين بقى هو كابوس حياتي وشويه شويه الشي دة إتغير لغااايه م اتحول لي حب م بتغيرو لا الظروف ولا زمن وتمسك وسند ومصدر قوة وكل شي، مهيد وسع شغلو وبدل الوكاله عمل اربعه فروع وشغل معاهو ملك وطبعا هي إتخطبت لي اواب بس كان لسيه عليهم شويه لأنو اواب ابوهو اتوفى، وانا إشتغلته في مستشفى كمتدربهه، امي واليف وبراءة أستقرو هناك في امريكا وبقينا على تواصل دايم، طبعا سميه إتوفت

امجد سافر دبي واستقر هناك دي اخر حاجه سمعناها عنو، رزان بالرغم من محاولاتها من انها تتقرب من مهيد بس دايما كان بقابلها بالصد لغايه م إستسلمت، بعد فتره بقيت دايما احس بنفسي مرهقهه وتعبانه وقافله معي وكل شي حوالي م طايقاهو، عملته الفحوصات طلعته حاامل في الشهر التالت كمان ه، اليوم داك جهزتهه مفاجأهه لمهيد علشان اوريهو الخبر الحلو دة جهزته عشاء وشموع وورود وحجات حلوهه كتيييير طبعا لما وريتو صور الإيكو م صدق كان حيجن المجنون هههههه بس إهتمامو بي زاد اكتر واكتر وخوفو بقى اكتر وحبو لي م بقدر اقول إتضاعف لا بقدر اقول فاااض عديل وكان حيوقف قلبي من كترهه الحب وانا كنت غلبااويهه ومعزبااهو عزاب

لما دخلته في السابع بدينا نجهز في حجات البيبي في يوم قال لي تعالي عاوزك، مسكني من يدي مشينا غرفتو المقفوله المابتفحها غيرو، فتحها كانت مفروشهه احلى فرش وبطريقهه خرافيهه، قولته ليهو لييه قافله طيب؟بس فجأهه عيني وقعت على بوكس بتاع هدايا في السرير وقفتهه مسااافهه بتزكر، نفس البوكس الجبتو ليهو انا في الهديه بتاعتو ديك، قال لي عرفتي لييه ي شهد؟عشان الغرفه دي كل م ادخلها م بقدر اتجاوز البوكس دة والفيهو، سكتته مساافه بعدها وقفته قصادو وطلعته بأمشاط رجلي في رجولي قولته ليهو انا ولا البوكس؟عاين لي بإستغراب، قولته ليهو جاوبني، قال لي إنتي جوة البوكس، لأنو كان بعبر عن كل حاجهه جواك تجاهي، قولته ليهو وانا هنا معناها البوكس دة يدخل الدولاب والغرفه دي تبقى للبيبي حقناااا ممكن؟قال لي انتي عايزة كدة؟قولته ليهو ايزة، قال لي تأمري امر إنتي والعايزاه يتنفذ

بالفعل فرشنا الغرفه دي لي بيبينا م كنا عارفنو بت ولا ولد وم كنا عايزين نعرف حتى الغرفه عملناها ميكس يعني سماوي وبمبي هههه بس برضو كنا متحمسين لي جيتو عدت الشهور وانا كنت خايفه من الولادة موت لدرجه انو مهيد قال الدي بي عمليه لانو اسهل بس انا رفضتهه، يوم ولادتي كان اسوأ يوم لأني إتوجعته 12 بالليل بكيت بكى م خليت دمعه كنت بقول ليهو مهيد انا لو متته خلي بالك من بيبيني فااهم م تديهو لي زول وهو يشيل ويهدي فيني وشويه بقى يبكي معي ولما قالو ليهو ولدت م صدق وزاد في البكى

جبته لي بنوتهه سميناها "لجين"علشان انا واحدة عمتو ليلى لو بت اسميها على الحرف الأول من إسمها عدت علينا سنتين الحمدلله ولجين بتي كبرت وملت علينا الدنيا فرح طبعا كانت بت ابوها وخارب طبعتها شديد وهي زاتها خاربه طبعو احيانا حتى انا لما اشوفهم بلعبو مع بعض او نايمين مع بعض بتغااظ وبغير منهم ه حتى مهيد احيانا لما يحب يغيظني بسألني بقول لي في ام بتغير من بتهااا لو م شافعهه بجد بتشاكل معاه على طول لغايه الان ماسك لي جمله"انا لو متته خلي بالك من بيبيني دي زلهه حيوان خلاص

"في يوم صحيت من النوم هو كان نايم شبه مبتسم كدة بوستو وبقيت ممشيهه يدي في وشي بي اطراف صوابعي بس شويه كدة فتح عيونو قال لي صباح الخيير حبيبي، قولته ليهو في زول بكون نايم وبتبسم براه قال لي كنت بحلم بواحدة كدة، قولته ليهو واحدة منو قال لي واحدة كدة معزباني قولته ليهو امممم بتحبها يعني؟قال لي احكي ليك عنهااا؟قولته ليهو احكي

قال لي اول شي عنيدة م بتعبر عن مشاعرها او شوقها ابداا، وكمان نسبه الرومانسيه عندها بتساوي زيرو، م بتقدر ترفع عينها تعاين لي لما اقول ليها كلام حلو هبلهه شديد ه، لساانها اطول منها إلا في الحب بتقص، ممكن تتشاكل وتردح لي إسبوع كامل بس م بتقدر تقول لي كلام رومانسي لمدة ثانيتين، لاازم كل يوم تنكد علي وتحسسني إني بقيت م بحبهاا وغيورهه لابعد الحدود، مركبهه مكنه انها م سمحه، وهي فعلا لا سمحه لا شينه بس م عارفه انها بالنسبه لي انا كل الجمال، لما تقول لي امشي حب ليك واحدة اسمح مني تلقائيا بفهم انها عايزه تسمع مني كلام حلو وكدة

مزاجيه، نكديه، شرانيه، لسانها اطول منها بس كل الحجات دي كونت شخصيه خلتني م احتاج غيرها ابدا في حياتي وم بعرف اشتاق لغيرها ياخ هي متملكاني ونقطهه ضعف بالنسبه لي، مهما لفيت هي مرساي، قولته ليهو وبتحبهاا؟قال لي وم لي في حب غيرها نصيب ابدا، قولته ليهو طيب قال لي وزعيلهه كمان وغبيهه حتى وانا بتكلم عنها م بتفهم انو هي المقصودهه قولته ليهو طيب امشي قولو ليها عديل انت وقول ليها افهمي، قال لي طيب افهمي، قولته ليهو بالظبط كدة، قعد يضحكك بصوت عالي قولته ليهو مهيييد يااخي ه جراني في حضنو وقال لي حتى غبائكك يتحب يااخي إنتي

قولته ليهو انا كمان عندي سر و بحب واحد كدهه ع فكرهه، قال لي امممم واحد كمان؟ طيب احكي لي عنو؟قولته ليهو م بحب اشارك تفاصيلو مع زول، قال لي بس انا شاركتكك تفاصيل حبيبتي كرد فعل طبيعي إنتي تشاركيني صح؟قولته ليهو اممممم طيب بس حأقول ليك حاجهه صغنونهه عنو، قرب مني ولصق انفو مع انفي قال لي اها شنوو؟قولته ليهو امممم هو ثلاثيني، قال لي ثلاثيني؟ قولته ليهو ايوهه ثلاثيني وكفى...

"الحمدلله دائما وابدا على نعمه الإبتلاءات والإمتحانات والظروف والمواقف البختنا فيها القدر، الحمدلله على نعمه التمسك ولحظات الضعف والقوة وثبات العقل والقلب، والرجوع إلى الله، الحمدلله حمدا حتى يبلغ الحمد منتهاه

شكرا لكل الناس التابعت، اسفهه على الشحتفهه ومسك الزمن وحراق الروح، تقريبا اكتر قصه اخدت مني زمن

بس توضيح بسيط انا ابدا م هدفي من القصه فكره إنو الواحدة لما الظروف تجبرها تمشي تبيع نفسها او تعمل غلط زي ام شهد لأ ابدا بس الجزئيه دي كانت تبع تسلسلات القصه حبيت اوضح فيها قدر شنو الواحدة فينا او قلب الأم على وجه التحديد ممكن يضعف، ممكن يغلط، ممكن يعمل كل حاجهه في سبيل إنو ترسي اولادها على بر بس ابدا انا م بصحح في الحاجه دي او ببرر فعله زي دي لأنها من ناحيه دينيه حرام وم حاجه بتتبرر ابدا، حرفيا انا بحاول اخليهو جزؤ من نمط القصهه ليس إلا، وفي النهايه قصهه هايفهه من انسانهه هايفهه وقليلهه ادب وهميهه وبتحب العولاق ليس إلا،

اعيد واكرر انا م روائيه ولا البكتبو دة عندو مقومات الروايات ولا هدفي الشهرهه والكلام الفارغ دة لأنو م بمثلني ولا بجذبني كل القصه بنمسك زمن ببعض انا بكتب وانتو بتتابعو وببنبسط مع بعضينا كأننا اخوات وامهات بنتونس في حوش وااحد كببير ليس ودي احلى نقطهه ابقو عافيهه وكل واحدة تخلي بالها من نفسها بالله ودعواتكم وكان حيييين بنتلاقى بإذن الله