الجزء 21

ماعارفتا اودي وشي وين واتوترتا بقيت بتمتم بيهو .. هو عاين لي و سكت قام اتعدل

في الكنبه و مسح زشو بي ايدينو .. قلت ليهو جيت اصحيك اعمل ليك قهوه لانو

رجاء قالت في زحمه قال لي طيب تمام ظريف .. وما سألني انتي كنتي بتعملي في

شنو قمتا سريع للمطبخ اكركب من التوتر و الإحراج و هو بره بعاين لي ساااي و هو

ساكت قلتا ليهو قهوتك وسط زي ما كانت قال لي هسي تقليها شوية عشان اصحصح

شكلها ح تتأخر رجاء .. قلت ليهو تمام عملتها وجبتها وقعدتا كبيتها ليهو و قعدتاا ما

عارفه اعاين ليهو كيف .. قال لي القهوه ظابطه قلتا ليهو شكرا وسكتنا تاني .. قال لي

راجلك كان بعاين ليك الحفله كلها ماشال عيونو منك قلت ليهو اولا هو ما راجلي تانيا

ما لي دخل اذا عاين او لا البعلينوا كتار .. قال لي زعلانه مالك انتي هسي ؟ قلتا ليهو

هو طليقي ما راجلي قال لي عارف قلت ليهو لي مصر انك تقول لي كل مره راجلك ..

قال لي اسف طيب يا ستي اذا الموضوع ده بزهجك قلت ليهو ما مشكله حصل خير

خلاص .. ضحك و سكت و شرب من القهوه امو اتصلت عليهو طلع تلفونو و شاف انو

امو متصله ردا عليها و طوالي شالتوا انت وين لحدي الان ؟ قال ليها امي انتي اليله

مالك؟ قالت ليهو اتأخرتا قال ليها اساسا كل يوم بتأخر وانا الليله ما جاي نايم بره

البيت قالت ليهو مع منو انت ياولد قال ليها مع صاحبي قالت ليهو منو في اصحابك

قال ليها مع اسامه امي انتي في شنو مالك ؟ قالت ليهو طيب تمام .. لما قفل منها

لقاني بتبسم وعايزة اضحك قال لي البضحك شنو؟ قلتا ليهو امك خايفه مني قدر ده !

قال لي و البخوفها منك شنو ؟ ما عارفه القوه جاتني من وين عشان ارد ردي ده بس

قلتها ليهو بكل ثقه .. خايفه لأنك للآن ما قادر تحب غيري ولا قادر تستمر في حياتك

من دوني انت بتحبني شديييد و للان نفسك اني اكون مرتك .. ضحك و قال لي جبتي

الثقه دي من وين ؟ قلت ليهو من عيونك المافارقتني الحفله كلها و كانت بتقول لي

في كل نظره انا دايرك لي براي .. غيرتك الما بتقدر تدسها للآن دي انا بس البقدر

اعرفها .. ضحك بصووت و كأنوا عايز يستهزا بي بس انا عارفه و واثقه من نفسي و

من حبو لي و الا ما بتجرأ و اقول كده بكل ثقه .. قام على حيلو و قرب مني قعد في

الارض قدامي قال لي قبل شويه كنتي بتشمي في عطري و ماسكه يدي و لو

ماصحيت ما معروف تهورك يوديك لي وين ! انتي كنتي مرت زول غيري و دي حاجه

ما ح تفهميها لأنك مره ما راجل .. البت الرفضتني و عرست غيري و كانت مرتو و

حلالو و لمسها و جابت ليهو اطفال .. همام و هو بتكلم دموعو واقفه في عيونو

وماقادره تنزل حسيت بي اني قدر شنو انانيه و غبيه و تصرفاتي ما فيها ولا ذرة

احترام و حب للغير عرفت انو همام كبريائو اتكسر و البت الدايرها تكون ليهو و رادتها

بالعمق ده كانت لغيرو .. حسيت يادوب بانو الحاجه الاولى المزعله همام ما اني خليتو

لا ! انو ياسر لمسني قبلوا .. كبرياء راجل و اتخدش لما هو بقول لي عملتي فيني كده

ليه! اذيتك ب شنو انا ! غضب همام الكاتمو السنين دي كلها ما قدر يخبيه قدامي

ختى ايدينو في وشو و بكى زي الشافعي الصغييير .. ماكنت قادرة اصدق عيوني

همام الراجل الصعب الشفتو في الحدود اول مره ببكي كده قدامي .. ماقدرت امسك

نفسي و شلت ايدينو ضميتهم بي ايديني و بكيت معاهو .. و بصوت مخنوق و بعبره

واقفه في الحلق و انا ببكي وماسكاهو قلت ليهو امك ما كانت ح ترضى و كنت ح

تكره حياتك بسببي قال لي وهو ببكي و مافكرتي لما تمشي لغيري ويلمسك ح تقتليني

كيف! انتي كسرتيني من جوه .. قلت ليهو ما تقول كده انا اسفه اسفه شديييييييييد

حبيييبي .. حبيبي الكلمه دي طلعت مني ببساطه كيف يااه و بكمية حب ما كنت قايله

همام عزيز علي للدرجه دي ياه .. حسيت بوجع همام الكان عايشو السنين الفاتت دي

كلها و هو بموت كل يوم لما يتذكر اني مرت زول غيري و انو من حقو انا بكل

تفاصيلي .. بكيت بحرقة قلب على اي شي لاني كده و لاني منبوذة كده و لاني لما

حبيت زول و كان وطن بالنسبه لي اتخطيت حدودو و هجرتو و اني انسانه كعبه ..

يمكن المره الولدتني غلطت مره واحده و جابتني بس انا رغم اني ما غلطت مره

بالحرام بس غلطت في حاجات كتييييره حراام .. حاجات كتيره كنت بعملها و بتحاسب

عليها و زي ما كسرت قلب همام و خليتو انا ماعشت حياه سعيدة من غير و ضقتا

نفس المر في بعدوا .. بكينا سوا لنص ساعه او ساعه تقريبا بنبكي لحدي ما سمعنا

صوت ياسمين بتبكي قال لي بتك صحت و قام على حيلو .. قمت من كرسيني و انا

بقش في دموعي مشيت دخلت الاوضه شلتها وضميتها علي و هي الحضنها الصغييير

ده كان بالنسبه لي عالم اطمئنان كبير .. همام غسل وشو و وقف بره بعيد بعاين لي

جوه الغرفه شايله ياسمين و ببكي برراحه .. لحدي ما الجرس دقا .. قشقشتا دموعي

لانو رجاء وصلت همام فتح ليها سلم عليها و طلع طوالي هي جاتني في الغرفه

بتحكي في ما شفتي اتعشيت مع العرسان و بتحكي و بترص و انا في دنيا تانيه طلعنا

بره الصاله و هي لسه ماشه و جايه بتحكي وانا سرحانه ولما اتذكرت كلام همام

بصوت عالي انف

جرتا من البكاء .. رجاء اتخلعتا و جاتني جاريه يابت بسم الله مالك

الحاصل شنو في زول مات؟ حضنتها وقلت ليها انا تعباانه شديييد ضمتني ليها و قالت

لي بسم الله همام زعلك .. قلت ليها انا ليه بت حرام ؟ ليه انا بس؟ قالت لي بسم الله

واستغفر الله يا بت في شنو .. استغفري يابت .. بكيييت بكيييت قدرتي لحدي ما نمتا

من البكاء في الصاله نمتا و قلبي مكسور و روحي مجروووحه من جوووااي رجاء

نامت مع اولادي جوه ..

صحيت الصباح صليت واستغفرتا كتييير و قعدتاا لبستا فؤاد و فادي و فتحتا ليهم

التلفزيون عملت رضعه لياسمين و قعدتاا مع اولادي لحدي ما رجاء صحت صبحت

علي و قالت لي ح اعمل لينا فطور مش جعانه ؟ قلتا ليها طيب تمام اساسا باكل معاك

ما بخليك براك .. قالت لي انتي تلفونك قاعد في الدولاب مع شنطة الاولاد ولا شنو ؟

قلت لها اي دخلتو جوه امبارح و نسيتو قالت لي في زول اتصل عليك كتييير غايتو

حماني النوم قلتا ليها صحي؟ انا ما سمعتو كدي نقوم نشوفو ده منو ! مشيت عليهو

لقيتو رقم غريب متصل علي كتييير فعلا ! استغربت في الاول بس تاني قلت بما انو

هو بتصل من بالليل قريب الصبح معناها يكون همام ولا شنو .. ! المهم طلعت الصاله و

قعدتاا رجعتا ليهو قلت ليهو السلام عليكم منو معاي! قال لي و عليكم السلام ..

الاخت سندس ؟ قلت ليهو ايوة اتفضل قال لي البقاء لله احسن الله عزاكم و ربنا يغفر

ليهو ويجعل مثواه الجنه