الجزء 11

مشيت فعلا لقيت المفتاح فوق باب البلكونة فتحتها لقيت كرسي خشب كدا هزاز قلت يا سلاااام السهرة اكتملت 😍😍 خليت جزو بسيط من الباب مفتوح قعدت ف الكرسي و فتحت التلفون الساعه 5 صباحا جات لمن الاذان اذن صليت و رجعت تاني القعدة كانت حلوة كان في ضو بسيط الجو كان هاادئ قفلت التلفون و قعدت اعاين للزهور لاحظت في مزهرية كدا فيها اسورة وردية كانت حلوة شديد شلتها لبستها و وقفت في البلكونة قعدت اعاين للشارع بس احس ليك زول جه قال لي الجابك هنا شنو قبلت لقيتو مروان سكت قال لي بي زهج قلت ليك الجابك هنا شنو انطقي 😡 قلت ليو جيت براي و انت ما عندك حق تتزهج فيني كدا 😡 مسكني من يدي قال لي عندي حق دخلتي هنا كيف طبعا انا اتخلعت قال لي اتكلمي دخلتي هنا كيف الفتح ليك الباب ده منو 😡 كان زهجان شديد قلت ليو براي قال لي الاداك المفتاح منو 😡قلت ليو شلتو براي قال لي عشان الناس احترموك و دخلوك بيتهم تقومي تعملي الدايراو 😡 قلت ليو فك يدي دي قال لي السمح ليك منو تدخلي هنا قلت ليو يدي وجعتني ياخ عاين لي يدي شاف الاسورة قال لي دي شلتيها من وييين 😤😤 انا خففت 😥😥 قلت ليو كانت فوق الزهور قال لي انتي بتشتغلي علي كيفك يعني فاكرة ده بيتكم؟ ! نزلت راسي في الارض قال لي ده ما بيتكم عشان تتصرفي زي م دايرة و اقلعي الاسورة دي سريع رفع يدي و بقى بحاول يفك في الاسورة و يدو بترجف مسافة بحاول ما قدر زحيت يدي قلت ليو بفكها براي فكيتا و رميتا فوق الزهور قلت ليو مش الاسورة؟يلا امشي شيلا و مش بيتكم؟ طالعه ليك منو و انا طالعة جو مؤمن و ميادة ميادة قالت لينا مالكم بتكوركو كده في شنو و مالك يا ميمي بتبكي طلعت سريع مشيت الغرفة قفلت علي الباب فتحت الدولاب قعدت افرغ في ملابسي اختها في الشنط باب الغرفة دق سمعت صوت ميادة قالت لي افتحي يا ميمي قلت ليها ميادة معليش ممكن اقعد براي دقيقه؟ قالت لي افتحي بس لحظة فتحت ليها الباب دخلت و قفلتو وراها المهم قعدنا في السرير قالت لي احكي لي الحصل من الاول المهم وريتا قالت لي اصلا مروان ما بخلي اي زول يدخل البلكونة دي حتى نحن اهلو ما بخلينا ما تزعلي لو اتزهج فيك قلت ليها على العموم انا ماشة قالت لي وين؟قلت ليها ما عارفة امشي داخلية ول اي محل ان شاء الله امشي ل امي ف مدني انا م قاعدة هنا قالت لي م تزعلي ي ميمي طيب انتي عارفة السبب الخلى مروان يعمل كدا؟ قلت ليها ما دايرة اعرف قالت لي طيب اسمعيني عشان ما تظلميو ساي قلت ليها عشانك بس حأسمع قالت لي متذكرة لمن قلت ليك الغرفة دي حقت ميس اختي الله يرحما صح ؟قلت ليها ايوة الله يرحما 💔 قالت لي ميس دي كانت توأم مروان طبعا انا اتخلعت قالت لي ايوووة كانو توأم كانو بتشابهو في اي حاجة بلبسو زي بعض بتكلمو زي بعض حتى ميس كانت حالقة شعرها كنا بنقول ليها محمد ولد مع انها كبيرة يعني كانت حالقاو زي الاولاد واحد و بتعمل حلاقة نيمار ديك عادي كانو الناس م بفرقو بينهم زاتو حتى ف الجامعه بس ميس بتتعرف من الحلق 😂😂😂 عندهم نفس الاصحاب و بلبسو ملابس بعض و جزم بعض و دخلو نفس المدرسة و نفس الثانوي و نفس الجامعه و نفس المجال و قبل سنتين مروان و ميس و اصحابهم كانو بلعبو كورة في الميدان الورا البيت داك كانت عادي بتلعب معاهم كورة المهم مروان شات الكورة و وقعت في شارع الظلط ميس مشت تجيبا ضربتا عربية و في لحظتا اتوفت الله يرحما 💔 مروان دخل في حالة نفسية سنة كاملة ما مشى الجامعه سافر دبي قعد هناك سنة براو لا زول شافو و لا هو شاف زول و لا كنا عارفين عنو خبر حتى افتكرناهو تاني م حيرجع لكن رجع الحمد لله بس رجع بي شخصية تانية خالص 💔 ما كان مروان النحن بنعرفو دايما بضحك و بهظر و دايما بلعب بقى نادرا ما يتكلم مع زول و نادرا ما يطلع من غرفتو و لمن السنة بدت دخل جامعه الخرطوم كان بقرا في مامون حميدة هو و ميس و البلكونة الكانت بتحبها ميس بقى مانع اي زول يدخلا و حتى غرفة ميس الحسة انتي قاعدة فيها في البداية كان رافض انو يفتحوها من الاساس عشان انتي تقعدي فيها لكن امي و ابوي اقنعوهو المهم رضى بعد تحانيس عشان كدا اعذريو يا ميمي طبعا حسيت بالذنب 💔💔😭 قلت ليها ا ا ا انا م كنت عارفة و الله 💔😭💔💔 قالت لي عشان كدا انا حكيت ليك انا بعتبرك زي اختي الكبيرة طبعا سكت م عرفت اقول شنو قالت لي و انتي؟ قلت ليها انا شنو قالت لي مش قلتي كان عندك اخو؟ قلت ليها الله يرحمو 💔😞 قالت لي لو ما حابة تحكي عادي قلت ليها كان اسمو مؤيد اكبر مني بي سنتين نحن كنا مقيمين في لندن و جينا السودان لمن كان عمري 5 سنين المهم في الوقت داك انا كان عمري 14 و هو 16 كنت بحبو شديد صح بقولو الاخو بشاكل اختو؟هو كان بالعكس بحكي لي اي حاجة بتحصل معاو تفاصيل يومو و اي شي عنو كنت بعرفو كان حتى اقرب لي من اختي مريم عمرها كان 18 المهم هو كان عندو مشكلة في القلب و اكتشفوها متأخر اتوفى

اثناء عملية كانت في مصر انا حسيت انو فقدت عيلتي كلها اصلا امي في السنة ديك كانت حامل وضعت مايا بعد مايا نسينا الموضوع او ممكن تقولي اتناسيناو قالت لي ربنا يرحمهم جميعا قلت ليها آمين قالت لي اها مصرة انك تمشي طبعا حسيت بالاحراج قلت ليها اعذريني ياخ

قالت لي م مشكلة يلا ماشة انوم كواريكم انتي و مروان صحتني من النوم قلت ليها هههههههه اوك المهم مشت رجعت ملابسي الدولاب حسيت ب عدم الكرامة ياخ المهم نمت صحيت علي صوت زول بدق في الباب قلت اتفضل دي كانت البت الشغالة قالت لي ماما قال تعال فطور تحت مشيت اتسوكت و غيرت ملابسي طبعا كان يوم الجمعه نزلت تحت لقيت مؤمن و خالتو سلوى و عمو مأمون قلت ليها صباح الخير قالو لي صباح النور عمو مأمون قال لي عيونك مالا مورمة كدا قلت ليو كنت مساهرة قال لي مالك م يكون فيك شي قلت ليو لا لا اصلا يوم الاجازة ده بساهر

قال لي ههههههه لا لا كدا تمام طبعا نمت اربعه ساعات بس بعد شوية جات ميادة نازلة خالتو سلوى قالت ليها وين مروان ميادة قالت ليها قال ما داير يفطر المهم فطرنا مشيت المطبخ اشرب موية و انا طالعه لاقيتو طالع علي باب الشارع كان لابس جلابية يحردووها ليو ياخ لحدي الآن انا م وصفت ليكم مروان طيب اول شي لونو قمحي فاتح كدا طويل يعني م شديد المهم اطول مني ب شوية كدا عندو عضلات كدا و العجب اللحية حقتو تهبل تهبل 💔💔😍💔 مظبوطة زي لحية الخليجيين ديك البجيبوهم ف المسلسلات 😍💔😍 اما الشعر الشعر الشعر 😍 شعرو ناعم كدا و كتير شديد شكلو ما بحلقو 😂😂 من شدة ما ناعم لمن مفلفل براو بتحس فيهو موية من شدة م بلمع شعر طبيييعي و لا جل و لا تسريح بس خلقة كدا ما شاء الله 😍💔

المهم طلع طوالي عمو مأمون قال لي بعد الصلاة خليك جاهزة عشان حنمشي المطار قلت ليو مطار شنو قال لي ابوك مسافر الليلة قلت ليو ما كلمني قال لي اي الموضوع كان فجأة هو زاتو كلمني الليلة قلت ليو خلاص طيب 💞 المهم بعد الفطور استحميت و صليت و لبست نزلت تحت لقيت ابوي قااعد ف الصالون قلت ليو ابوووووي 😳😳😳 جريت سلمت عليو المهم مشينا المطار بي عربية عمو مأمون استنيناو لحدي م مشى صالة المغادرة قال لي دايرة شنو احيبو ليك من هناك قلت ليو سلاامتك ي ابوي قال لي اصلا م حاتأخر ان شاء الله اسبوعين بالكتير ودعناو و رجعنا البيت كنا انا و عمو مأمون بس لقيت ميادة و مؤمن و مروان قاعدين في الهول بحضرو مؤمن قال لي تعالي اقعدي معانا قعدت جمب ميادة طوالي قشران قام 😒 ميادة عاينت لي نظام خلاص خليو المهم قلت ليهم انا ماشة عندنا بكرة تيست دايرة اراجع المهم مشيت قعدت ف السرير شلت الشيت كنت بعاين فيهو بس م مركزة كنت بفكر في الحصل في البلكونة لمن يد مروان كانت بترجف قلت امشي اعتذر ليو بالجد انا غلطت المرة دي المهم دقيت الباب قال لي اتفضل م حبيت ادخل قلت ليو دي انا مي سكت مسااافة قام فتح الباب و وقف قال لي دايرة شنو قلت ليو بالنسبة لي قبيل أنا و قبل م اتم كلامي قفل الباب طبعا اتغظت لمن عروق وشي ظهرت قلت في نفسي انا الغلطانة اني جيت اصلا ده شكل مخلوق يعتذرو ليهو رجعت غرفتي و لااا اشتغلت بالموضوع مهند ضرب لي قعدت اتونس معاو مسافة قفلت منو راجعت في الشيت كدا شوية جاتني ميادة قالت لي انزلي تحت المهم نزلت لقيتهم طالبين بيتزا الساعه كانت 5 و حاجة اي زول شال في صحن براو قعدنا ناكل و نحضر الا مروان شال صحنو طلع بيهو غرفتو 😒 ميادة قالت لي بعدين نحن طالعين اجهزي من حسة قلت ليها وين قالت لي ماشين نتعشى في اي مطعم قلت ليها مع منو قالت لي انا و انتي و مؤمن اما مروان ده علي حسب مزاجو قلت ليها طيب المهم مشيت جهزت لبستي المغرب اذن صليت و لبست و انا طالعة كدا لاقيت ميادة طالعة قالت لي احم مزززة انتي و لبستك امزز قلت ليها مزة العيون الشافت 😘😘 كنت لابسة فستان لونو ازرق فيهو ورود بالبمبي معاهو هاف جكت جينز و جزمة سبورت بالبمبي و عاملة كحل و روج المهم نزلنا مؤمن كان مستنينا تحت قال لينا اتحصنو يا اخواتي 😉 قال لينا استنو اشوف مروان حيجي ول لأ بيني و بين نفسي قلت ان شاء الله م يجي المهم جه مؤمن نازل قال لينا حنستناو في العربية قال حيجي طبعا استغربنا المهم انا و ميادة ركبنا ورا و مؤمن ركب جمب محل السواق قال مروان قال داير يسوق نحن قاعدين ف العربية نص ساعه مستنيين حضرة السيد مروان لمن جه مؤمن قال ليو نعيما 🙂 مروان قال ليو مالك يا زول حالاقي اصحابي المهم مشينا اوزون قعدنا كدا بعد شوية جو مجموعة من الاولاد و البنات ميادة قالت ل مروان شلتك الكريمة جات و شلتو ما شاء الله م بقصرو كل واحد جر ليو كرسي و الطربيزة بقت كبييييرة المهم بعد م قعدو و سلمو كان من بينهم نسرين و قصي و انا لي زمن م شفتهم المهم ف واحد كدا قال لي مروان ما عرفتنا 😉 مروان قال ليهو ميادة اختي و مؤمن اخوي واحد تاني قال ليهو لا لا ديل بنعرفهم مروان قال ليهو دي بت جيرانا مؤمن قال ليو دي بت عمنا و سكنو جمبنا برضو المهم سلمو علي كلهم كانو ظريفين م عدا نسرين و قصي كانو شغالين يحمرو لي

و يعاينو من فوق ل تحت زي الشي الم عاجبهم م اشتغلت بيهم شديد 😒 المهم طلبنا كنا قرابة ال 10 ناس دقو شيرينغ الاولاد و دفعو طبعا البنات بتحسهم من شدة م ناعمين م عايشين ف السودان مزز و الله ماشاء الله ميادة همست لي قالت لي ديل شلة مروان من جامعتو الاولى المهم قالو دايرين يحضرو فيلم في ناس قالو الوقت اتأخر قالو خلاص يأجلوهو يوم تاني المهم رجعنا البيت طبعا كانت اول مرة اشوف مروان بتونس زي الخلق و الناس و م كان بضحك كتير بضحك مرة مرة لكن عندو نونة في خدو اليمين م ظاهرة شديد اللحية داساها ياخ كسااااارة عدييل 😍😍😍💔 الساعه كانت 12 الا غيرت ملابسي و نمت طوالي ميادة صحتني الساعه كانت 6 و حاجة لبست سريع و نزلت خالتو سلوى قالت لي اشربي ليك عصير قبل م تطلعي كان في عصير برتقال في جك كبيت منو شربت جه مروان قال لينا اطلعو سريع قلت المرة دي مجبورة امشي معاو 😪 وصل ميادة اول و بعد داك مشينا نحن طبعا م حكيت لي ناس سهى بي موضوع ميس و كدا قلت دي خصوصيات عيلة المهم مرو يومين كدا بس بمشي الجامعه و برجع البيت يلا في يوم كدا كان يوم تلات نزلت اشرب موية الساعه كانت 12 صباحا فتحت التلاجة دايرة اشيل موية باردة سمعت صوت مروان قال يا يسرى اعملي لي عشاء و مشى قلت ده مالو كمان عاينت من باب المطبخ لقيتو قاعد في الهول بحضر في تلفزيون قلت و الله ده جنون الليل حسة انا اعمل شنو اقول ليهو انا ميمي ول اعمل شنو مشيت غرفة يسرى لقيتا ناااايمة تشخر

قلت كمان دي شنو المصيبة دي فتحت التلاجة لقيت باقي بتاع بيتزا معمولة ف البيت و مكرونة سخنتهم بالميكرويف ختيتهم في صينية صغيرة كدا قال لي ختيهم و لاا عاين لي من شدة م مركز في الفيلم عاين للصينية و من غير م يعاين لي قال لي وين العصير م كنت فاضية اتناقش لاني كنت نعسانة مشيت كبيت ليهو عصير ختيتو في الصينية و مشيت ناداني يا يسرى انتي ما عارفاني ما بشرب عصير ليمون اعملي لي برتقال مشيت خلطت البرتقال بالليل داك قلت ليهو اي طلبات اخرى يا سيد؟ 🙂 طبعا يادوووب عاين لي قال لي انتي السألك منو قلت ليو هاهاهاااااي و الاكل البتاكل فيو ده العملو ليك منو قال لي عملتو يسرى قلت ليو ما هو انت لو بتشوف القاعد ف المطبخ منو كان عرفت انو دي انا و يسرى نايمة يعني عصيرك الشربتو انا خلطتو و اكلك الاكلتو انا جهزتو 🙂 المرة الجاية شوف ف المطبخ في منو جيت دايرة امشي قال لي انتي م مجبورة قلت ليو عارفة م مجبورة اعتبرها صدقة اتبرعت ليك بيها 😊 قال لي انا م جبرتك و م محتاج منك صدقة 😡 قلت ليو عفوا 😊 و مشيت تاني يوم كان يوم عادي ف الجامعه كنا قاعدين نتغدا انا و عمو مأمون و خالتو سلوى قلت ليهم وين الباقيين خالتو سلوى قالت لي ميادة مشت لي صحبتا قالت بتجي بعد المغرب و مؤمن لسة م رجع من الشركة اما مروان قاعد ف غرفتو قال ما داير غدا المهم بعد م اتغدينا خالتو سلوى قالت لي ممكن تودي كباية العصير دي لي مروان فوق؟م حبيت اكسفا قلت ليها طيب 💕 شلتها دقيت الباب مافي زول رد فتحت الباب براحة طبعا كانت اول مرة اشوف غرفة مروان ياخ كانت و لا في الخيال كان في بيانو مقفول و فوق ليهو جيتار و الديكور بتاعا خراااافي 💞💞 المهم قلت اخت ليهو الكباية في الطربيزة و اطلع بس في سجادة عترت لي الكباية وقعت مني في السرير و العصير اتدفق قلت اللييييلة و الليلة وتتي وتتي شلت الكباية سريع و طلعت مليتا موية و كبيتا في الملاية محل العصير اتدفق طبعا زادت الطين بلة و الملاية كلها اتبلت و بقيت شغالة اعصر في الملاية م عارفة كان فهمي شنو بس مروان طلع من الحمام كان لابس قميص و بنطلون م تخافو 😂😂😂 بس انا وقفت في محلي و بقيت بتمتم عاين لي الكباية و شاف الملاية مليانة موية قال لي الدخلك غرفتي شنو 😡😡 قلت ليو خ خ خالتو سلوى قالت لي اجيب ليك العصير و السجادة حقتك دي عترت لي بس ال العصير اتدفق و ح حاولت قال لي حاولتي شنو 😡 عايني عملتي الملاية كيف 😡 قلت ليو بنضفا قال لي م تنضفيها و لا داير لي عصير انا بس اطلعي من غرفتي 😡 طبعا انا طوالي اتخارجت سمعتو نادى يسرى هو شكلو كان طالع و انا كنت دايرة امشي الحمام كنت مستنياو يطلع قلت بعد العملتو ده اصلي م بقابلو الليلة بي زهجتو دي منتظراو قرابة الساعه عاد حلف يطلع قلت ياخ م حيعمل لي شي لو لاقاني مشيت الحمام و انا طالعة بس القى ليك نسرين واقفة بتتونس معاو عاينت لي بي طرف عينا و لا اشتغلت بي قعدت تضحك و تتخافف مع مروان واقفين قدام غرفتو كانو و انا و لاا اشتغلت بيها دخلت الغرفة كنت زهجااانة ركبت السماعات قعدت اسمع في اغاني و دخلت واتس و فيس و انستقرام و سناب شات و تلجرام و سااايطة و عايسة المهم اشوف ليك ميادة دخلت قالت لي مركبة السماعات عشان كده م سمعتيني قلت ليها كنتي بتناديني ول شنو