الجزء 4

المهم شردنا من الجامعة كان المحاضرة التانية لسة فضل ليها 45 دقيقة مشينا كافيه كدا قريب م بتذكر اسمو المهم قعدنا طلبنا سندوتشات نون قالت لينا اصدموني و قولو لي ميمو ده اب نظارات شمسية 🐸 رؤى قالت ليها ياهو زاااااتو نون قالت لينا اعلن انبراشي التام 🐸 سهى قالت لينا الصراااحة يعني الولد كساااار 😍 قلت ليهم كسار علي نفسو م علي انا 🏽👋🏽👋😒 نون قالت لي يعني دايراني اصدقك انك شايفاو شين 🐸 قلت ليها انا م قلت شين لكن شايف نفسو 😒 رؤى قالت لي عاد ليهو حق يشوف نفسو 🐸قلت ليها حتى انتي ي رؤى منبرشة ☹ قالت لي عاد م بكذب عليك انا المرة دي انبرشت 🐸 قلت ليها لا لا عاد البخلي رؤى تنبرش م هين سهى قالت لي انتي مهند وين من الموضوع ده مش ديل اولاد دفعتو و مفروض يوقفهم عند حدهم 😒 قلت ليها هووووي ي سهى انتي عااارفة مهند عصبي انا م دايراو يقع ف المشاكل ساي ب سببي رؤى قالت لي يختشييييي ياريت بديك نفس الاهتمام الانتي مدياو ليو ده 😒 قلت ليها ي رؤى ده م وقت الكلام ده خلونا ناكل سندوتشاتنا المحاضرة قربت 🙂 المهم اليوم عدا عادي رجعت البيت الساعه كانت 3 غيرت ملابسي من شدة التعب و لااا استحميت رقدت نمت بي عفني داك و يا فرحة م تمتش امي كالعادة صحتني قالت لي قومي الغدا قلت ليها م دايرة اتغدا قالت لي صحباتك جو قلت ليها دايرة انووم قالت لي خلاص علي كيفك و طلعت انا بعد مسااافة استوعبت انها قالت لي صحباتك بس قمت مخلوعة مشيت استحميت سريع سريع و اتوضيت صليت العصر نزلت ليهم تحت لقيتهم قاعدييين التلاتة بتغدو مع امي و مايا قلت ليهم الجابكم شنو 😒 امي قالت لي ي بت عيب 😒 قلت ليها عيب شنو حسة ديل خلق يعملو ليهم غدا ي امي؟ كل وحدة أسمن من التانية رؤى قالت لأمي خليها ي خالتو اصلا م شغالين بيها كتير المهم قعدت اكل معاهم قلت ليهم لأ بالجد الجابكم شنو ☹سهى قالت لي مش انتي قبيل قلتي لينا نجي ننضف معاكم البيت امي قالت لي صحي الكلام ده ي بت 😒 سكت ساااي امي قالت لي حسابك معاي بعدين قلت ليها ي امي انا كنت بهظر معاهم و لمن قلت ليهم كدا هم زاتهم عملو رايحين و سهى دي بالذات البتتكلم دي قالت لي انا ما بعرفك سهى قاعدة قصادي عفصتني بي تحت قعدت اتبسم 🙊 المهم اتغدينا و طلعنا طبعا ناس نون جو مع سواق سهى ، سهى و رؤى ركبو ورا و نون ركبت قدام جيت دايرة افتح الباب لقيتو مأمن قلت ليهم افتحو الباب سهى نزلت الشباك قالت لي مش

فضحتينا مع أمك؟يلا م تمشي معانا ، اتخيلو بس حمارات خلاص 😒 انا واقفة ساعة بحنس فيهم في النهاية فتحو لي و امي و مايا و يسرى مشو مع ابوي قدامنا يلا نحن الطريق كلو نتونس و نضحك قربنا نصل البيت مرينا بي ولد وجيه ماشي معاو واحد تاني طبعا نون المؤفنة ركبت قدام عشان تكشف لقيناها ليك مبحلقة ف الولد و نحن بي ورا متنا ضحك 😂😂😂😂😂 الولد زاتو لمن لاحظ لينا نون قالت لينا يعني الناس الزي ديل بيمشو في الشارع عادي زينا كدا 😢 و نحن ميتين ضحك يلا وصلنا البيت و جه وقت الجد نزلنا امي نادت مرة الغفير يلا امي و يسرى و مرة الغفير قعدو ينضفو ف الطابق الاول و انا و شلتي قعدنا ننضف ف الطابق التاني مرة نلعب مرة ننضف خلصنا سريع م حسينا بالوقت الساعة كانت 8 و حاجة امي قالت لينا مدام خلصنا سريع ننضف الطابق الاخير مرة وحدة يلا كلللنا طلعنا ننضف خلصناو سريع برضو طبعا لمن انتهينا اشكاااااالنا كانت في حالة يرثى لها 💔💔 رؤى شالت تلفونا قعدت تصور فينا و نحن نضضضحك 💔💔 و التراب مغتي وشوشنا طبعا انا يدوووب اتذكرت تلفوني قلت ليهم واااي انا نسيت تلفوني عند عمر 😪 سهى قالت لي عمر شالو لي 😕 قلت ليها اديتو القديم و الجديد يحول لي الحاجات قلت ل سهى اديني تلفونك اضرب ليو يجيبهم لي ضربت ل عمر قال لي انا قاعد في نادي كفوري بتقدري تجي؟قلت ليو كويس مشيت كلمت امي قلت ليها انا حارجع مع سهى عندنا مشوار قالت لي مشوار شنو بي بجامتك دي قلت ليها انا م حأنزل قالت لي خلاص م تتأخرو قلت ليها طيب 💞 المهم مشينا نادي كفوري قلت ليهم يلا وحدة فيكم تنزل سريع 🐸 سهى قالت لي بنزل انا 😃 نون قالت ليها الخفة الخفة 😏 المهم سهى نزلت استنيناها كتير جات، رؤى قالت ليها ساعة بتعملي في شنو ؟قالت لينا بتونس مع عمر مالكم 🐸 رؤى قالت ليها مششششم علي الونسة 😏 المهم فتحت التلفون الجديد لقيتو منزل لي فيس و انستا و واتس و سناب شات و تويتر طبعا كلهم عندي فيهم حسابات 🏽✌😂 و منزل لي برامج صور و العاب قلت ليهم يااااه عمر عزاني عزة 😆😆 رؤى قالت لي عزة ول نفيسة قلت ليها اضحك ول كيف 😃 قالت لي سخيفة خلاص 🏽👊😂😂😂😂 المهم فتحت الاستديو لقيت عمر و خالد و احمد و مصطفى متصورين كم صورة سهى قالت لي اي صورة فيها عمر رسليها لي 🐸 رؤى قالت ليها سهى يااااخ اتقلي 🏽👊 لاحظنا نون كانت ساكتة

كانت بتكشف المؤفنة 😂😂😂😂😂😂 سهى قالت ليها م ممكن ي نون مرتين تقعدي في كرسي الكشيف ☹👊🏽 نون قالت ليها انتي خليك مع عمر بتاعك ده 😒👊🏽 المهم وصلوني البيت و مشو مشيت استحميت رقدت ف سريري مسااافة كنت تعبانة شديد شلت التلفون ضربت ل مهند سلمت عليو و كده المهم قفلت منو فتحت واتس لقيتم دخلوني ف القروب داك تاني ، طلعت منو طوالي عندنا قروب فيهو انا و نون و رؤى و سهى و عمر و احمد و مصطفى و خالد كنا قاعدين نتونس عمر قال لي اها يا ميمي التلفون كيف معاك 😎 قلت ليو مااا قصرت عاد تسسسلم ي غالي 💕💕 قال لي العفو علي شنو ❣ سهى قالت لينا بتحبو ف بعض قدامنا كدا عادي يعني 😒 نون قالت ليها الغيرة و الروح الشريرة 🙊 يلا عندنا قروب فيو نحن البنات بس سهى جات قالت ل نون ي حيوانة م تفضحيني قدام عمر 😡 نون قالت ليها براااك لسانك فاضحك 😂😂😂😂 المهم اتونسنا كدا مساافة قلت ليهم هوي مع السلامة انا بكرة عندي صحية بدري 😪 رؤى قالت لي البيت و نضفناو 😕 و بكرة الجمعة و اجازة 😕 تاني في شنو قلت ليهم ماشين محلات الأثاث نختار الحاجات نون قالت لي مش مشيتو الاسبوع الفات ؟قلت ليها فضل بس غرفتي و غرفة مايا يلا تصبحو علي خير 💞 قالو لي و انتي من اهلو 💞 صحيت من الساعة 9 لبست لي اسكيرت و بلوزة و شبط عادي و الطرحة خاتاها في نص شعري و تلفوني في يدي نزلت امي قالت لي غريبة صحيتي بدري ☹ قلت ليها قولي ما شاء الله 😆😆 قالت لي و تبارك الله 😂😂😂😂 المهم طلعنا انا و امي و ابوي و مايا حمنا محلات بحري دي كلها مافي ديكور عجبني امي زهجت قالت لي انتي لا بعجبك العجب و لا الصيام في رجب 😒 ابوي طبعا بالو طوييييل

قال لي نمشي الخرطوم؟ قلت ليو كويس 😍😍 امي قالت لي مششششم جنس دلع 😒 انا راكبة ورا معاي مايا ابوي قال ليها خليني ادلعهم اصلا اتنين م عندي غيرهم المهم مشينا ابو الفاضل الفرع الفي جبرا عجبتني ديكوراتهم و اخيييرا اخترنا منهم ديكور غرفتي كان بالبنفسجي 💜 و غرفة مايا بالبمبي 💗 المهم رجعنا البيت الساعه كانت 12 و حاجة ابوي مشى صلاة الجمعه بعد جه فطرنا يادوب اتخيلو بس 😂😂😂😂😂 يلا يوم الجمعة بنفطر متأخر و م بنتغدا المهم الاسبوع ده عديناو نمشي البيت ننضف و نجي راجعين طبعا بعد م نزلو الاثااث و كده تاني بقينا ننضف و خلاص فضل يوم واحد و نرحل كنت قاعدة اتأكد اني ختيت ملابسي و حاجاتي كلللها كان يوم الخميس بالليل المهم نزلت حاجاتي و فضيت الغرفة من اي شي بقت فاااااضية ودعتها 😭😭 و نزلت شنطي تحت اليوم داك نمنا كلنا في الصالون تحت في الكنب 😪 صحينا من الساعه 7 صباحا مع انو عصومي يوم الجمعة م بشتغل لكن ابوي ضرب ليو قال ليو تعال لينا بقينا بننقل في الحاجات جزو في عربية ابوي و جزو في العربية البسوقا عصومي بعد م اتأكدنا انو خلااص البيت بقى فاضي و قفلناو كويس طلعنا انا و امي و مايا مشينا مع عصومي ابوي كان مستنينا في البيت يلا بدأت مرحلة التفريغ 🐸 غايتو كان يوم متتتعب ب شكل قربت ابكي من التعب 😭😭 وديت شنطي الفيها حاجاتي ل غرفتي الجديدة كانت ف الطابق الاول الطابق التحت كان عبارة عن صالونين واحد للرجال و التاني للنسوان و مطبخ و حمامين و قعدات كده ظريفة 💞 الطابق الاول فيو غرفتي و غرفة مايا و غرفة امي و ابوي كبييرة فيها حمام و جمب غرفتي و غرفة مايا في حمام و مطبخ و هول فيهو تلفزيون و سفرة و في بلكونة ... الخ المهم ختيت شنطي و نمت الساعة كانت 2 ضهر صحيت 6 عصر لقيت ناس البيت كلهم نايمين فرغت شنطي في الدولاب المغرب اذن صليت مشيت المطبخ لقيت التلاجة فيها موية صحة و عصاير غازية قلت نحن م اتغدينا و امي حتصحى تعبانة حأطلب ليهم شلت تلفوني لقيت ارقام المطاعم مافيشة قلت لمن يصحى ابوي بكون عندو رقم مطعم طلعت البلكونة قعدت اعاين ف الشارع شفت مطعم شيكانو كان قريب 💞 قلت خلاص امشي اطلب منو مشيت غرفتي قعدت افتش في شنطتي المشيت بيها امبارح الجامعة لقيت فيها قروش قلت الحمممد لله 💞 لبست لي بنطلون جينز ازرق غااامق و قميص بمبي فوق الركبة طوالي كمو تلات ارباع كدا لبست لي طرحة رمادية كنت خاتاها في نص راسي كالعادة و لبست شبط بمبي كدا المهم شلت القروش و طلعت لقيت عصومي مافي قلت اتوكل امشي ب رجليني 😪 اصلا المكان قريب وصلت و فعلا المسافة م كانت بعيدة طلبت قلت مسافة م الطلب يجهز امشي سناء ماركت الفي مجمع النور كان نفسي في سكر قلت اشتري شوكولاتات مشيت نفسي دخلت في اي حاجة كويس كنت شايلة معاي قروش كتيرة كملت مصروفي حق الشهر كلو اشتريت شوكلاتات كم نوع و شيتوز كبير طبعا م بحب الدوريتوز 😣 اشتريت منو كيسين صغار ل مايا عشان الشيتوز حار ما بتاكلو

المهم شلت من هنا و من هنا الكيس اتملى لي 🙂🔪 مشيت شيكانو لقيت الطلب لسة قعدت في طربيزة كدا برااي بعد شوية الطلب جهز كان كيسين و يلا انا شايلة كيس السوبر ماركت معاهم بقو لي تلاتة اكياس 🙂 م عرفت اعمل شنو 😭😭 شلت كيسين في يدي اليمين و كيس في يدي الشمال و بقيت ماشة يا الله يا الله 😭💔😭 قلت بس الليلة الله يوصلني بيتنا بالسلامة طلعت من المطعم كدا كان في اولاد شماسة قعدو يشاغلو فيني 💔😭😭 قلت اصلا انا حظي زي خلقتي 😭💔 رجعت المطعم طواالي خفت قلت اضرب لابوي يجيني اتذكرت انو م شايلة معاي تلفوني 😭💔 قلت خلاص اتوكل شلت اكياسي و ماشة بالعافية بس لاقتني بت كدا بتكون قدري يعني لقتني ماشة و جارة رجليني بالارض و طالعة من المطعم عاينت لي باستغراب و مشت يلا جيت دايرة اقطع شارع الظلط قلت انا الليله المطلعني من بيتنا شنو وقفت مسااافة قلت كان قطعت الظلط ده بي اكياسي ديل ببقع بموت بعد شوية جاتني البت قالت لي اهلين 💞 قلت ليها اهلا 🙂 قالت لي معليش اذا كنت بتدخل او كدا لكن انتي محتاجة مساعدة؟ قلت ليها لا لا شكرا قالت لي خلاص معليش علي الازعاج رجعت مشت يلا انا قلت اعمل شنو اشيل كيس كيس اختهم في الرصيف و تاني كيس كيس احولهم للجهة التانية شلت الكيس الاول قطعت بيهو الزلط ختيتو ف الرصيف رجعت للكيس التاني و الكيس التالت يلا شلت كيس قطعت بيهو الزلط ختيتو ساي في الشارع و رجعت للكيسين التانيات اتخيلو بس 🙂 يلا قلت اها التلاتة اكياس ديل اصل بيهم البيت كيف و انا واقفة كدا جات عربية وقفت قدامي و الباب الورا اتفتح انا بس خليت الاكياس في محلهم و جريت سمعت صوت بت بتنادي لي قبلت لقيت العربية ماشة وراي و في صوت بت شغالة تقول يا بت ارجعي لقيتا نفس البت القبيل ديك مادة راسا بالشباك و انا جريت مساافة منهم جاتني بالعربية قالت لي متأكدة ما محتاجة مساعدة؟قلت ليها الاكياس 😩 قالت لي هديل جبتهم ليك تعالي اركبي نوصلك معانا كانت راكبة قدام و في زول تاني سايق المهم ركبت ورا قالت لي هاك اكياسك طبعا انا اتحرجت احراج 😣😣 شلتهم منها قلت ليها شكرا 🙂 قالت لي العفو 💞 انتي وين ساكنة طبعا هي و الولد الكان سايق جمبها كانو حابسين الضحكة المهم قعدت اوصف ليهم و اتمنيت بس الارض تتشقى و تبلعني من الاحراج 😣💔 المهم لمن وصلنا اشرت ليهم علي البيت البت بي خلعة قالت لي ياتو 😳 قلت ليها

العلي شمالنا ده قالت لي جااااادة؟قلت ليها و الله ☹ قالت لي البيت القصادكم ده بيتنا ☹ قلت ليها انتو جيراننا يعني قالت لي محاسن صدف اتشرفنا انا ميادة 💞💞 قلت ليها لي الشرف انا ميرا لكن قولي لي ميمي 💕 قالت لي اسمك حلو و ده اخوي مؤمن سلمت عليهو قالت لي رحلتو جديد انتو؟قلت ليها يادوب جينا قبيل قالت لي ايوااا عشان كدا المهم لازم نتقابل تاني 😉 قلت ليها ان شاء الله و نزلت الولد نزل قال لي خليهم انا بشيلهم قلت ليهو لا لا ما مشكلة قال لي جيبيهم بدخلهم ليك م بتقدري تشيليهم براك 🙂 المهم شالهم مني دقينا الجرس يسرى فتحت الباب قلت ليها وديهم فوق مطبخ شالتهم رجعت مع الولد لحدي م ركب العربية قلت ليهم علي فكرة اضحكو ساي انا زاتي ضحكت علي روحي 😁 ياخ ضحكو فيني ضحك 😂😂😂😂😂😂😂 الولد قال لي عفيتينا ياخ 😂😂😂😂 المهم بي عربيتهم ديك دق البوري باب البيت فتح من جوة شكلو ده غفيرهم دخلو العربية و قفلو الباب انا بي هنا دخلت مشيت فوق شلت الاكل ختيتو في صحانة و رصيتو في السفرة لقيت امي و ابوي لسسسة نايمين الساعة كانت تسعة ليهم حق ياخ ارهاق بتاع اسبوع كامل 😪 لقيت مايا بتحضر في التلفزيون اديتا اكل براها و انا قلت بستنى امي و ابوي مشيت صليت العشاء و قعدت جمب مايا و اشيل و اعاين للاكل بس باب الغرفة فتح امي طلعت بعد شوية طلع ابوي صلو اتخيلو صلو العصر و المغرب و العشاء امي قالت لي ده شنو الاكل ده قلت ليها قصة طويلة اقعدو اكلو و بحكي ليكم المهم حكيت ليهم لكن م قلت ليهم في شماسة شاغلوني المهم ضحكو فيني و كملو الضحك امي قالت لي تاني م تطلعي من غير م تكلمينا ابوي قال لي حسة لو ما اولاد الحلال الوصلوك ديل كنتي عملتي شنو قلت ليهم طيب