الجزء 3

ضربت لي مهند و ما رد لي قلت مالو ي ربي ☹ ، قلت خلاص امشي ليهم محل قاعتهم اسأل اصحابو و كده مشيت سألت صلاح داك بتاع القروب متذكرنو؟بس قال لي مهند ده طلع قبل شوية قلت خلاص بكون مشى برجع ليو لمن اصل البيت المهم سماعاتي ديك زاتا م طلعتها شلت ابهوني الجديد من الشنطة 💓💓 و دخلت الاول داك ركبت فيو السماعات و كان فيو اغاني قلت اسمعا مركبة السماعات فاتحة الاغاني 💓 و بعاين للتلفون و ماشة بس احس ليك فجأة طاااااخ ضربت حاجة قوية قدامي و التلفون وقع و انا زاتي لمن رجعت لي ورا بس طوالي عاينت للتلفون و شلتو من الارض قلبتو كويييس م حصل ليهو حاجة غايتو الحممممد لله 😭😭😭😭😭😭😭 رفعتو و عاينت قدامي القاو ليك ولد بس انا عفاريت الدنيا دي اتنططت لي في وشي 😡😡 قلت ليهو ما شايف قدامك انت؟؟ ماشي و م بتشوف علي اي اساس 😡😡 قال لي علي فكرة انتي الما بتشوفي قدامك يعني شايلة التلفون و ماشة تتوقعي يحصل شنو؟ لمن تكوني ماشة ارفعي راسك ده و عايني قدامك كويس مالك م بتشوفي !!عميانة 😡😡!! قلت ليو فلنفترض انا عميانة و م بشوف قدامي انت مشكلتك شنو؟؟ آآ؟ بس وريني مشكلتك شنو؟؟ فلنفرض انو التلفون ده حصل ليهو حاجة كنت حتغرمو لي يعني؟ قال لي ست التلفون م منتبهة انا انتبه علي اي اساس 😡😡 و بعدين لو الكواريك دي كلها علي التلفون بغرمو ليك م غالبني بس م تجي تغلطي و تتنهري ف الناس بعد شوية لاحظت انو الناس بتعاين لينا و م حسيت ب روحي اني بكورك 🙊 المهم حمرت للولد و مشيت ضربت ل عصومي قال لي هو جاي علي بس م وقفت دقيقتين كدا عصومي جه و مشينا قلت ليو عليك الله اقيف لي في محل الميلك شيك ده نزلت اشتريت خمسة ميلك شيك اديت واحد ل عصومي 💖 رجعت البيت م لقيت زول غير يسرى دي البت الحبشية المهم مشيت استحميت صليت الضهر الساعه كانت 2 قعدت ف السرير مربعة رجليني ضربت ل مهند رد قلت ليو قبيل مالك م بترد قال لي انتي الما بتردي قلت ليو انا كنت ف محاضرة قال لي ايوااا اها مرقتنا بعدين نسيتيها ول شنو قلت ليو بحاااول قال لي يعني شنو 😡 قلت ليو م عارفة احتمال كبير م اجي قال لي م ممكن كل مرة تتحججي لي ‏( يلا مهند ده م حصل مرقت معاو من بيتنا كنا بنطلع من الجامعة بس نفطر ول ناكل ايسكريم و كدا ‏) قلت ليو خلاص نشوف قال لي اديني خبر قلت ليو طيب باي 💕 قال لي باي 💓 رقدت نمت امي صحتني قالت لي ي بت بعد ده المغرب اذن قومي قلت ليها ي امي شوية بسسس💔💔 قالت لي قومي علي صلاتك عشان نحن مارقين بس قولة مارقين دي انا وقفت في نص السرير

قلت ليها مارقين ويييين؟ !! قالت لي ماشين ننضف البيت قلت ليها ي امي م قااادرة و الله قالت لي نحن كلنا ماشين م بنخليك ف البيت براك قلت ليها م مشكلة بقعد براي و بقفل الابواب كويييس قالت لي انا نازلة بعد ربع ساعه القاك صليتي و نزلتي لينا تحت و طلعت من الغرفة مشيت اتوضيت و صليت العصر و بي بجامتي حقت البيت ديك نزلت ليهم قلت لأمي اتغديتو؟قالت لي اي نحن اتغدينا خلينا ليك اكل بتلقيو في المصطبة مشيت لقيت الاكل برد مع الشتا ده سخنتو و اكلت سريع سريع شلت الميلك شيك بتاعي لقيتو وااحد بس في التلاجة قلت لأمي انتو شلتو حقاتكم؟ قالت لي اي شلناهم قبيل قلت ليها عاد انتو ما شاء الله م عليكم خوف قلت ليها خلاص اتغديت يلا نطلع وين ابوي؟قالت لي مستنينا في العربية برا طلعنا انا و مايا و امي و يسرى مسافة الطريق قعدت آكل في الميلك شيك ‏( يلا انتو لي حسة م فاهمين بيت شنو نحن حاليا ساكنين ف الصافية بيتنا ده من طابقين و حنرحل بعد اسبوع لي بيتنا الجديد في كفوري 💕 يلا بيتنا الجديد ده بابا بناو اربعة طوابق ع اساس اخوانو لمن يجو من السفر بنزلو معانا عندي اعمامي اتنين و عمتي وحدة كلهم مقيمين في لندن اصلا جدي و حبوبتي كانو مقيمين هناك و اتوفو قبل م انا اتولد 💔💔 و ولدو اعمامي و ابوي هناك برضو و نحن زااااتنا يلا اتولدنا هناك و عندنا الجنسيات 💕 م عدا مايا لانو انا لمن عمري بقى خمسة سنوات جينا هنا السودان 🤐 و كانو ناس المدرسة بضحكو فيني عشان لساني زي م بقولو كان معووج 😂😂😂 كنت بتكلم عربي يا الله يا الله يلا عشان السبب ده بالذات نحن جينا السودان بابا و ماما م كانو دايرننا انا و اختي الكبيرة مريم نتطبع بي تقاليدهم اخدت سنة كدا كنت ببكي و اقول نرجع و م طااايقة البلد نهااائي لكن تاني اتعودت و صاحبت لي بنات دخلوني مدرسة عربية كمان 😂😂😂 و اختي مريم لانها كانت قرت اربعه سنين هناك لمن جينا هنا دخلوها مدرسة انجليزية لكن تاني بقينا قدام الامر الواقع و اتأقلمنا و بعد كم سنة جات مايا 💓💓 مسكينة م حضرت عهد لندن 😪💔 و تاني في زول ف العيلة حتعرفوهو وقت تاني 💔 يلا زي م قلت ليكم بابا بنى البيت كبير ع اساس اعمامي لمن يجونا السودان ينزلو معانا نحن بعد م جينا السودان تاني مشينا لندن مرتين بس مرة كنت ف سنة تالت و مرة في سابع ‏)

و اخيرا وصلنا البيت 😪 كنت لابسة بجامة برمودا مع الركبة و اكماما فوق طويلة و عاملة شعري كعكعة و خاتة لي طرحة ف رقبتي نزلنا البيت كان غباااار شديد كان قلت هف ساي الغبار ده يجي طاير 💔💔 المغرب أذن بابا مشى الجامع يصلي و انا و امي صلينا في البيت شلنا مصلايات من الغفير بتاع البيت الجمبنا يسرى مسيحية 💔💔 يلا بابا قال لينا انا بعد ده ماشي بجيكم بعدين بس لفيت الطرحة في راسي و امي قلعت توبا لفت ليها برضو طرحة في راسا و جاتنا مرة الغفير و معانا يسرى اي زول مسك حاجة ينضفا انا مسكت الزعافة قعدت انضف في الحيط معاي يسرى قعدنا تلاااتة ساعات بنضف 💔💔😪 انتهينا يدوب الطابق التحت 😪💔💔 الساعه كانت 10 مساء امي ضربت لابوي قالت ليو تعال لينا امي ادت مرة الغفير حق النضافة و مشينا رجعنا البيت مكسريييين مشيت استحميت من الغبار العلي داك و صليت العشاء نزلت ليهم تحت امي قالت لي تعالي جهزي معاي العشاء قلت ليها ي امي عشاء شنو كمان 😦 قالت لي ابوك قال داير عشاء حنتعشى كلنا معاو المهم عملنا العشاء و قعدنا اتعشينا قلت ليها ي أمي قبيل لي اتأخرتي ؟قالت لي كان عندنا اجتماع أهل قلت ليها جيتي بتين لانو انا نمت الساعه اتنين خليتك لسة م جيتي قالت لي جيت الساعه اربعة ‏( امي شغالة استاذة ف الروضة البتقرا فيها مايا 𵐽) مسافة م اكلنا و لمينا العدة و طلعت غرفتي الساعه 11 و نص جات رقدت ف السرير كنت تعبانة لكن م كنت نعسانة عشان نومة النهار ديك فتحت التلفون لقيت ليك سبعة مكالمات من مهند طبعا انا خليت تلفوني في البيت قلت اللييييلة # حأدقا رجعت ليو طبعا كورك فيني حكيت ليو انو مشينا البيت و كدا قال لي كان تكلميني و بتاع المهم اتفاهمت معاو قال لي خلاص م حنك قلت ليو زعلت؟ 😬 قال لي لا لا عادي و لا يهمك ادخلي واتس قلت ليو طيب دخلت واتس فتحت قعدت اتونس معاو مسااافة تاني قلت ليو نعست انا قال لي طيب تصبحي علي خير 💕 قلت ليو و انت من اهلو 😘 عاينت للساعة لقيتا وحدة نمت طوالي صحتني الساعه كانت 7 قالت لي ي بت قومي اتأخرتي اتغطيت بالبطانية شالتا مني و فتحت النور المهم قمت استحميت و عملت حاجاتي كلها و طلعت وصلت الجامعة لاقيت خالد و مصطفى و عمر و أحمد واقفين سلمت عليهم قلت ليهم ي جماعة دايرة لي منكم طلب 😬 أحمد قال ليهم أنا ماشي من هنا 🏃🏽 قلت ليو تعال هنا 😡 مصطفى قال لي اطلبي ي ميمي و نحن ننفذ قلت ليو تسلم ي ذوق 😍 م زي ناس كده و حمرت لأحمد 😒 قلت ليهم دايرة لي واحد فيكم يحول لي شريحتي للتلفون الجديد و يحول لي الصور و حاجاتي القديمة كلها للتلفون الجديد خالد قال لي الا توديهو محل ☹ عمر قال ليهو م بحتاج جيبيهو ي ميمي لكن حيحتاج زمن حأرجعو ليك بعدين نهاية اليوم 🙄 قلت ليو م حنك قال لي خلاص تمام 👍🏽 اديتو التلفونين و قلت ليهم وين ناس نون خالد قال لي في الكافتريا مشيت ليهم لقيتهم قاعديين مبسوطين قلت ليهم من صباح الرحمن مرزوعين هنا 😒 رؤى قالت لي صباح النور 🙂 قعدت معاهم قلت ليهم هييي م تنسو حنرحل الأسبوع الجاي نون قالت لي اكيد م ناسيين 😉 قلت ليهم م شفتو الحصل امبارح سهى قالت لي اها 😦 حكيت ليهم بي نضافة البيت قعدو يضحكو نون قالت لي يحليييلك قلت ليهم الليله برضو ماشين ننضف الطابق الفوقو 😪 رؤى قالت لي الله يعيينك 😂😂 قلت ليهم انتو ما تجو تنضفو معانا ☹ سهى عاينت لي مساااافة قالت لي انتي منو ☹ و نون و رؤى كل وحدة قبلت علي اتجاه مؤفنات خلاص 👊🏽 قلت ليهم اصبرو ي كلبات 😑 ايوااا م شفتو طبعا امبارح ابهوني الجديد وقع 😭 ىؤ 騱 قالت لي سجمي 😱نون قالت لي قولي لي اتكسر عشان انا اتكسر وراو 😭😭 قلت ليها لا لا جات في السليم كلو ب سبب الولد داك 😒 سهى قالت لي ولد منو المهم حكيت ليهم بالحصل نون قالت لي الولد دفعتنا؟قلت ليها بري غايتو اول مرة اشوفو لكن م ركزت معاو شديد كان همي ف التلفون و هو زاتو لابس نظارات شمسية وشو م كان ظاهر ياخ لمن رجعت لي ورا و هو يا جبل م يهزك ريح و لا اتحرك انش من محلو 😒 رؤى قالت لي استني بجيب ليك خبرو حسة مشت بعد شوية كدا جات قالت لي ي ميمي 😦😦 قلت ليها خير 😕 قالت لي الولد الاتشاكلتي معاو ف القروب ياهو زاتو الولد الطقشتيو امبارح 🙂 قلت ليها كيف يعني 😧 قالت لي عديييل كده 😐 نون قعدت تقرص فيني قالت لي م لقيتي غير الولد ده عشان تتشاكلي معاو مستقبلنا حيضيع ب سببك 😡 سهى قعدت تحمر ليها 😒 قلت ليهم انا مالي و مالو 😒 رؤى قالت لينا طلع اسمو مروان

نون قالت لينا اححححي ي جمال الاسم 🐸 قلت ليهم م لاحظتو المحاضرة الليلة اتأخرت؟ رؤى قالت لي قالو الدكتور عندو بكى ول شنو المهم الحاضرة دي فاضية قلت ليهم خلاص يلا نحوم بقينا ماشين و بنتونس فجأة سمعت وحدة قالت لي ي بت اتلفت القاها ليك البت بتاعت امبارح ديك المياعه الفي النص ديك كانت بتعاين لي قلت ليها انا؟قالت لي لا لا حبوبتي و ضحكت هي و الناس المعاها كان معاها نفس البتين الجو امبارح ديك و معاهم زي اربعة اولاد كانو كلهم واقفين قلت ليها نعم دايرة شنو 😒 قالت

لي بي استهزاء كدا امبارح م اتعرفنا ممكن تجي تعرفينا قلت ليها م فاضية 😏 قالت لي ايوااا و فاضية ل شنو الجري ورا الاولاد؟ !😏 طبعا انا م حسيت ب روحي الا ماشة عليها و دايرة اديها كف بس سهى مسكتني قالت لي م بتستاهل خليها قلت ليها م بخليها و انتي يا بت كان مرة تعالي اقيفي قدامي في ولد كان واقف معاهم قال ليهم خلوها ي جماعة دي دايرة تلفت نظر ساي رؤى دايرة تتكلم قلت ليها استني ي رؤى قلت ليهو الفت النظر علي شنو 😂😂 م تقول لي عليك انت و البت الشبهك دي البت قالت لي عاملة مفتحة و دايرة تغرميهو تلفونك كمان كان م جارية وراهو البجيبك محل قاعات ناس رابعة شنو 😏 قلت ليها البجيبني م بيخصك و انا كلمتك الود ده انا م بعرفو و انتي كان عندك حاجة ليو امشي كلميو م تجي تتفرعني فيني الولد داك تاني قال ليهم مش كلمتكم دي دايرة تلفت نظر بس م اكتر ول م كده ي ميمو و غمز لي الولد الجمبو 😉 طبعا عاينت ليو لقيتو نفس الولد بتاع امبارح الطقشتو و كان برضو لابس نظارات المهم قعدو يضحكو يلا انا زاتي قعدت اضحك ضحكة استهزاء كده لمن استغربو 😂😂😂😂😂 الولد قال ليهم كمان طلعت مجنونة تاني قعدو يضحكو و انا زاتي قعدت اضحك 😂😂😂😂😂😂😂😂😂 البت قالت ليهم عاينو ليها بتتخافف كيف قلت ليها ابدا و الله م قاعدة اتخافف لكن لمن انا اجي افكر الفت نظر اقوم الفت نظر ده؟؟ و اشرت علي ميمو ده قلتها ليهم ب طريقة استهزائية كدا انتو جااادين؟؟انا الفت نظر ده؟ و قعدت اضحك علي العموم ي جماعة ضحكتوني شديد شكرا ليكم و مشيت معاي رؤى و نون و سهى و نحن ماشين تاااني قلتها انا الفت نظر ده؟ب صوت عالي كده سمعوني و قعدت اضحك و يلا صحباتي م بقصرو قعدو يضحكو معاي 😂😂😂😂😂😂😂 غايتو مثلنا مجانين 😂