الجزء 13

المهم وصلنا البيت من ما دخلنا لاقينا خالتو سلوى و عمو مأمون قاعدين في الهول سلمت عليهم خالتو سلوى قالت لي ان شاء الله استمتعتي 💓 قلت ليها الحمد لله ي خالتو💕 عمو مامون قال لي اتفضلي اقعدي قلت ليو تسلم لكن حأمشي عشان نعست قال لي طيب تصبحي علي خير قلت ليو و انت من اهلو طلعت غرفتي كنت نعسااانة شديد غيرت ملابسي و نمت 😴 ما من عوايدي انوم بدري يوم الخميس المهم صحيت زي الساعه 6 و حاجة استحميت طوالي و صليت الصبح الجو كان حلو شديد 💕عاينت بي شباك الغرفة قلت انزل الجنينة اقعد شوية البيت كلو كان نايم شلت معاي مصحف و نزلت قعدت في المرجحانية المغطية بالشجر ديك قعدت اقرا في قرآن بالجد الجو كان رهيب 💞💞 بعد م انتهيت قعدت مسافة ف المرجحانية قلت مدام مزاجي رايق كدا اشرب شاي مع انو م بحبو لكن فجأة كدا نفسي دخلت فيو مشيت عملت شاي و عملتو كتير علي اساس لمن ناس خالتو يصحو يشربو منو شلت كبايتي و طلعت قعدت في كراسي كدا ف الجنينة جه مؤمن لقاني قاعدة قعد معاي قال لي صباح الخير 💞 قلت ليو صبااح النور 💓 قال لي مالك صاحية بدري كدا قلت ليو عشان امبارح نمت بدري و انت صحيت بدري لي قال لي اصلا انا يوم الجمعة بصحى بدري قلت ليو ايوااا 💞 قعدنا اتونسنا مسافة م حسينا بالوقت مؤمن عاين للساعه لقاها 10 و حاجة قال لي يلا بعد ده ندخل قلت ليو طيب امشي انا بجي بعد شوية شلت المصحف من المرجحانية و دخلت لقيت خالتو سلوى في المطبخ ساعدتها في الفطور تاني جات ميادة برضو ساعدتنا رصينا الفطور في السفرة جه عمو مأمون خالتو سلوى قالت لي ميادة نادي مؤمن و مروان من فوق بعد شوية جات نازلة مع مؤمن قالت مروان حيجي بعد شوية عمو مأمون قال بتين حيبطل حركاتو دي خالتو سلوى قالت ليو خليو علي راحتو قعدنا اظن ربع ساعه حتن قشران شرف المهم فطرنا و اتونسنا اثناء الفطور تاني اي زول شرب عصير و الرجال مشو الصلاة المهم باقي اليوم مر عادي و برضو باقي الايام مرت ب سرعة كان فضل 10 يوم و امي ترجع من مدني كان يوم اربعاء زي الساعه 10 مساء امي اتصلت علي كان صوتا تعبان قلت ليها امي مالك قالت لي نحن جايين قلت ليها وين و بتين 😧 قالت لي جايين حسة قلت ليها مش فضل ليكم 10 يوم قالت لي مايا تعبت و مسفرنها مصر طوالي قلت ليها مايا مالا 😧 قالت لي مرقدنها في مدني هنا يومين و حسة طوالي ماشين مصر قلت ليها لي ما كلمتوني قالت لي بنتفاهم لمن نصل و قفلت طوالي انا خفت شديد و قعدت ابكي جاتني ميادة قالت لي مالك ي ميمي سامعاك بتبكي حكيت ليها قالت لي م تخافي ان شاء الله خير جانا عمو مأمون قال لي حنمشي المطار عشان نودع ناس امك قلت ليو كلموك؟قال لي ايوة المهم لبست مشينا المطار انا و عمو مأمون و خالتو سلوى و ميادة قعدنا تلاتة ساعات لحدي م نمت في الكراسي ميادة صحتني قالت لي ناس امك وصلو حضنت امي قلت ليها انتي كويسة ي ماما؟قالت لي انا كويسة الحمد لله انتي كيف قلت ليها بس مشتاقة ليكم 😭😭😭😭 مايا كانت نايمة شلتها سلمت عليها مسااافة و حضنتها و قعدت ابكي متذكرين لمن ابوي قال حيجي بعد اسبوعين و م جه؟يلا هو زاتو شكلو كان عارف بالموضوع و كانو داسين علي المهم استنيناهم لحدي م خلاص مشو صالة المغادرة ودعتهم و انا ببكي شديد امي قالت لي خلي بالك من نفسك قلت ليها ان شاء الله و انتو كمان 💔💔مشو و انا لسة ببكي المهم رجعنا البيت و انا طالعة في السلم جه مروان نازل شافني ببكي قعد يعاين لي مشيت سريع سريع المهم دخلت الغرفة بكيت لمن نمت صحيت زي الساعة 3 مساء قلت ده شنووو ده 😱😱 قلت احتمال ساعتي م مظبوطة نزلت تحت الصالون يااها الساعه 3 قلت لي م صحوني للجامعه ي ربي جات خالتو سلوى قالت لي بقيتي كيف من الصداع؟قلت ليها صداع شنو 😳قالت لي قبيل لمن ميادة صحتك للجامعة قلتي ليها عندك صداع م قادرة تمشي طبعا انا لمن اكون يدوب صاحية من النوم بكون فاصلة سلك قلت ليها احسن الحمد لله 😅قالت لي اذا تاني احتجتي بندول كلمي ميادة قلت ليها انا بلعت بندول ؟قالت لي اي م متذكرة ول شنو قلت ليها م متذكرة و الله 😂😂😂 قالت لي خليت ليك اكل في السفرة و العصير في التلاجة و اذا احتجتي اي حاجة شيلي ساي م تخجلي قلت ليها طيب 😂😂😂 صحي كنت جعاانة مشيت اكلت و شربت العصير و طلعت الغرفة فتحت التلفون لقيت مكالمات من ناس سهى و مهند اول شي رجعت ل مهند 💕 اتكلمت معاو تاني ضربت لي سهى قالت لي انتي وين يا بت قلت ليها اسكتي بس 😪 بتقدرو تجوني؟قالت لي اتوقعينا بعد المغرب كدا قلت ليها خلاص منتظراكم 💔💔 المهم زي الساعه 6 كدا جاتني ميادة قالت لي ميمي بقيتي كيف قلت ليها الحمد لله بس انا م متذكرة حاجة 😂😂 قالت لي اكيد م حتتذكري انتي م شفتي حالتك كانت كيف 😂😂😂 قلت ليها كيف 😳😳قالت لي يا بت كنتي م قادرة تتكلمي زي الناس و عيونك مورمة و حالتك حالة

قلت ليها صحي دايرة اتصل علي ناس امي قالت لي طيب انا ماشة اغير و اخد لي دش 💋💋 قلت ليها صحباتي احتمال يجو بعد المغرب قالت لي يشرفو في اي وقت 💞 ضربت

لي ابوي في رقمو م رد لي بعد شوية كدا رجع لي قلت ليو ابوي مشتاقييين 😭😭😭 قال لي بالاكتر ي ميمي انتي كيف اخبارك و جديدك قلت ليو ماف اي جديد من غيركم قال لي قاعدة مرتاحة انتي؟قلت ليو انا كويسة ي ابوي م تخاف كيف امي و كيف مايا قال لي كويسين قلت ليو ي ابوي لي دسيت عني موضوع مايا انت كنت عارف عشان كدا م جيت السودان مش؟ سكت مسااافة قال لي حسة مرقدنها في المستشفى قلت ليو مالا 😱😱 قال لي كويسة حاليا بس اجراءات سلامة ساي 💔💔 قلت ليو ي ابوي م تدس علي 💔 قال لي و الله ده الحاصل حاليا 💔 قلت ليو وين امي قال لي امسكي هي زاتا دايراك اتكلمت معاها مسافة المهم قفلو مني شوية كدا المغرب اذن صليت و سمعت جرس الباب قلت اكيد ديل ناس سهى نزلت تحت فعلا لقيتهم فتحت ليهم الباب البت سلمو علي خالتو سلوى و عمو مأمون و طلعو معاي غرفتي جاتنا ميادة سلمت عليهم عايزة تطلع كدا قلت ليها اقعدي معانا قال لي يريييت بس طالعة عاملين لمة ناس الدفعة 💔 قلت ليها ايواا تمام 💞💞 بعد م طلعت نون قالت لي خير مالك ي ميمي حكيت ليهم بالحاصل رؤى قالت لي انتي خوافة ساي مش ابوك قال لي كويسة؟ سهى قالت لي بترجع بالسلامة ان شاء الله 💓💓 قلت ليهم دعواتكم بس 😪💔 قعدو اتونسو معاي مساافة كدا نون قالت لي هوي بعد ده نمشي قلت ليهم يدوب الساعه 9 نون قالت لي انا قلت لابوي م حاتاخر م بقدر اقعد اكتر من كدا 💔💔 المهم مشو جهزت ملابسي الحأمشي بيها الجامعه بكرة و صليت العشاء قعدت في التلفون نزلت في انستا صورة لي مايا كتبت فيها ربنا يرجعك لينا بالسلامة 💔💔 نزلت تحت اشرب موية لاقاني مؤمن قال لي ميمي مساء الخير 💞 قلت ليو مسااء النوور 💕 قال لي كيف بقيتي قلت ليو كويسة الحمد لله 💓 قال لي طيب تصبحي علي خير 😂😂 قلت ليو و انت من اهلو دخلت المطبخ لقيت مروان قاعد في السفرة بياكل و لا عاينت ليو شربت مويتي و جيت طالعة كدا قال لي ربنا يشفيها و لا قبلت عليهو قلت ليو آمين و مشيت مرت الايام و جات امتحانات السمستر الاول يلا انا ايام الامتحانات م بتعرف علي زول ممكن عادي ناس سهى ديل م اتكلم معاهم لحدي م ننتهي امتحانات و تلفوني ده بقفلو عديل 💔💔 و ايام الامتحانات دي كلها م لاقيت مروان و لا بالغلط كنت بمشي مع مؤمن معاي ميادة و مروان بمشي براهو عشان هو برضو كان نازل امتحانات المهم آخر يوم لمن انتهينا طلعنا من الجامعه نحن كلنا الشلة بنات و اولاد مشينا مول عفراء قعدنا فيو لحدي الساعه 8 مساء طبعا ضربت ل ميادة كلمتها عشان ناس البيت م يقلقو المهم سهى وصلتني البيت من ما دخلت ميادة قالت لي الليلة مافي راحة ليك 😝 قلت ليها ي حقارة مالك علي ماشة انوم من حسة و الله تعبانة جنس تعب 💔💔 ضحكت قالت لي نوم شنو حتمشي تلمي ملابسك قلت ليها ملابس شنو قالت لي بكرة من الصباح مسافرين مدني قلت ليها لي 😳 قالت لي عشان الاجازة ي بت انا زاتي عندي اجازة اسبوعين كدا و مروان طبعا اجز معاك شهر و نص حنقعد هناك اسبوعين و نرجع قلت ليها ايواا طيب انا حاضرب لي ابوي قالت لي م تخافي ابوي ضرب ليو و كلمو و ابوك قال م عندو اي مانع 💓💓 قلت ليها تمام 😆😆 مشيت لميت ملابس شوية كدا في شنطتي حقت السفر الصغيرة ديك و نمت طوالي الساعه كانت 9 و حاجة ميادة صحتني زي الساعه 5 و حاجة استحميت و صليت و اتأكدت من حاجاتي الفي الشنطة شلت الشنطة قفلت الغرفة و نزلت تحت لقيتهم كلهم قاعدين م عدا مروان و مؤمن خالتو سلوى قالت لي تعالي اشربي ليك شاي 💓 قلت ليها طيب 💓 شربت نص كباية كدا طبعا انتو عارفني م عندي ليو مزاج بس شربتو ساي جه مؤمن نازل عمو مأمون قال ليو شيل شنطة ميمي وديها العربية قلت ليهو م مشكلة ي عمو بشيلها براي اصلا م تقيلة مشينا العربية و معانا ميادة ختينا الشنط و شلنا لي عمو مأمون و خالتو سلوى شنطهم برضو يلا كنا في عربية عمو مامون برداو كبيييرة بيضا تسو كدييي 🏻👋🏻👋 فيها نظام ستة كراسي مؤمن و مروان ركبو ورا اخر حاجة انا و ميادة في النص و عمو مامون سايق طبعا و خالتو سلوى قدام معاو يلا انا في السفر و لاا بهظر بنوم الطريق كلو عشان لو فضلت صاحية راسي بلف و بطني بتقلب 😷😷 ميادة صحتني قالت لي وصلنا يلا متذكرين البيت الفيو سطوح و شبكة سمحة ؟يلا ده بيتم مؤمن و مروان دخلو الشنط سلمنا علي حبوبة سعاد و جدو عبد الله اللي هم والدين خالتو سلوى ميادة قالت لي حبوبة سعاد دي مي يا حبوبة حبوبة سعاد قالت ليها اي بتذكرا مرة جاتني هنا مع بت خالا ريم ميادة قالت لي جد 😳 قلت ليها اي 😂😂😂 طبعا ده يوم مروان لاقاني في السطوح المهم ميادة قالت لي تعالي معاي نرتاح شوية دخلنا غرفة كدا كانت نضيييفة قلت ليها دي غرفة منو قالت لي بنزل فيها لمن نجي مدني قلت ليها بتجو كتير؟ قالت لي لا بس امي بتجي براها اما نحن مرات مرات قلت ليها انا بجي كل اجازة قالت لي ايواا 💓 الغرفة

كان فيها سريرين المهم رقدنا كدا مسافة جاتنا خالتو سلوى قالت لينا تعالو للفطور قلت لي ميادة انا بطني طامة م حاقدر اكل حسة رقدت كدا طوالي نمت صحيت طوالي طلعت تلفوني لقيت الساعه 5 مساء مشيت خالتو سلوى قالت لي امشي اكلي ليك حاجة يا ميمي خلينا ليك اكل في المطبخ كلمي البت تسخنو ليك قلت ليها مافي داعي بسخنو براي 💕 مشيت المطبخ سخنت الاكل و اكلت كنت جعانة شديد لقيتهم خاتين لي عصير شربتو 💓 قلت لازم اكلم ريم انو انا جيت مدني ضربت ليها تلفونا مقفول مشيت الغرفة لقيت ميادة قاعدة في التلفون قلت ليها ميادة ممكن طلب ؟قالت لي اتفضلي 💓 قلت ليها بيت ناس خالي قريب من هنا و انا دايرة امشي ليهم قالت لي البيت الجيناكم فيو يوم البكا؟ قلت ليها داك بيت حبوبتي بيت ناس خالي جمبهم طوالي قالت لي م مشكلة استنيني البس انا بس لبست عبايتي جينا طالعين قلت ليها استني استني قالت لي شنو 😳 قلت ليها انتي ماشة كدا؟ كانت لابسة اسكيرت قصير شوية و بلوزة كمها تلات ارباع و جزمة سبورت و الطرحة في نص راسا قلت ليها يا حبيبتي دي ما الخرطوم 😂😂😂😂😂😂 هاك هاك امسكي اديتا عباية قالت لي انتي جاادة 😪 قلت ليها يا بت كان طلعتي بي منظرك ده بكرة يشيلو حسك في مدني 😂😂😂😂 المهم لبست عبايتي كلمنا خالتو سلوى و طلعنا فتحت لينا الباب ريم عاينت لي مسافة قالت لي ميمي 😱😱 و حضنتني سلمنا علي بعض مسافة و سلمت علي ميادة قلت ليها متذكرة ميادة ؟قالت لي ايوة اتذكرتها 💓 دخلنا سلمنا علي خالتو امل و خالو فواز والدين ريم و جه اسامة اخو ريم الصغير المهم دخلونا الصالون ريم جابت لينا عصير قلت ليها بتين بقيتي هاادئة كدا ي ريم 😏 قال لي اسكتي الله يفضحك 😂😂😂👊🏽 بعد شوية جاتنا مآب متذكرنها مش؟ البت السغيلة ديك المهم سلمت علينا و قعدت اتونسنا مسافة كدا ميادة قالت لي الوقت اتأخر يا ميمي قلت ليها اي بعد ده مفروض نرجع الساعه 7 ريم قالت لينا اقعدو شوية 💕💕 قلت ليها بنجيك يوم تاني ميادة قالت ليها انتي زاتك تعالي لينا 💞 قالت ليها ان شاء الله 💞 رجعنا البيت و الطريق كلو ميادة ماسكة فيني كانت خايفة خووف 😂😂😂