الجزء 22

دخلت الغرفة رقدت في السرير كل دقيقة بلمس راسي لحدي م نمت صحيت بدري م زي كل مرة طوالي اتذكرت الحصل امبارح قلبي عمل دمبق دمبق 💔💔 عاينت ف التلفون الساعه كانت 6 الا ربع و انا ظابطة المنبه علي ستة و تلت قلت افتح الواتس ف المسافات دي الرسايل نزلت كتيرة و اثناء م بقرا ف الرسايل جاتني رسالة من رقم غريب فتحتها مكتوب فيها أحببتك رغم جنونك رغم تصرفاتك الطفولية ، أحببتك ل عفويتك ل ابتسامتك أحببتك و سأظل أحبك حتى آخر نفس ️❤ طبعا عرفتو مروان قعدت اتبسم براااي رسلت ليو منو؟ كان اونلاين طوالي رد لي قال لي معجب 😊 قلت ليو اهااا ممكن نتعرف 😍 قال لي هيييي تتعرفي علي منو 😡 قلت ليو عليك انت 😍 قال لي حبيبك ما مالي عينك؟ 😡 قلت ليو ما عندي حبيب انا ️☹ ممكن اذا اتعرفنا تبقى حبيبي 😍 ضرب لي نفس الرقم رديت قال لي بتردي علي ارقام غريبة مالك 😒 و بتقولي ممكن نتعرف علي اي اساس 😒 و لي قلتي م عندك حبيب 😒 قلت ليو استكييين ي مروان انا عارفة انو ده انت 😂😂😂😂 قال لي قوليها تاني 😍 قلت ليو شنو 😕 قال لي قولي اسمي تاني قلت ليو كلو مرة قاعدة اقولو قال لي لكن المرة دي غير قلت ليو مروااان بطل هبل 😂😂😂 قال لي شفتيها حلوة منك كيف و قعد يضحك طبعا صوتو و هو صاحي من النوم مع الضحكة 😍سكت مساافة قال لي مالك قلت ليو و لا شي 😊 حاقفل عشان البس مواعيد الجامعة جات قال لي م يهون علي اقفل بس يلا مجبور اعمل شنو 💔 قلت ليو انا علي بعد نص متر منك 😂😂😂😂😂 قال لي برضو مشتاق ليك قلت ليو طيب باي قال لي مع السلامة استحميت و لبست نزلت تحت لقيت ميادة بتشرب ف الشاي قالت لي حتشربي شاي ول عصير؟ قلت ليها عصير كبت لي شربت بعد شوية مروان جه نازل قال لينا صباح الخير 😊 قلنا ليو صباح النور 💞 قال لينا خلاص نمشي ؟ انا كنت خلصت عصيري ميادة قالت ليو انا شربت الشاي خلاص قلت ليها انا برضو خلصت قال لينا يلا ركبنا انا و ميادة ورا قال لينا اشغل ليكم غنية شنو ؟ ميادة قالت ليو شغل من اغاني تامر حسني شغل غنية و لا عارف بقول فيها انا و لا عارف انا مالي و انا اللي جرالي بحبك اسمعوها حلوة شديد 😍 قالت ليو الليلة مزاجك مروق 💞 قال ليها الحمد لله 💓😊 قالت ليو ممكن اعرف السبب؟ عاين لي ب المراية انا طوالي عاينت بالشباك و مستنية الاجابة قال ليها في زول حلو دخل حياتي ️❤ قالت ليو منووو 😳 ث

قال ليها بتعرفي لكن م حسة انا قلبي كالعادة اشتغل دلوكة ❤️❤️ بعد ميادة نزلت قال لي تعالي اركبي قدام قلت ليو هنا كويس 🙂 قال لي راحتك كان بدندن مع الاغاني الطريق كلو لمن وصلنا دايرة انزل قال لي ميرا اتلفت عليو قال لي بحبك ❤️ انا طوالي شلت شنطتي و جري علي الجامعة 💔😂😂😂😂 دخلت لمن نفسي قايم المحاضرة طوالي بدت في البريك بين المحاضرة الاولى و التانية كنا ف الكافتريا بنفطر و البلابل بتونسو نون اشرت بيدها في وشي قال لي هييي من قبيل انتي مسهية الشايل قلبك يتهنى بيييو ما ركزت معاها كنت بتبسم رؤى قالت ليهم جنت 😱 البت جنت 😱 قلت ليهم هييي جنيت شنو نصيييحة م فيني شي نحمدووو 💞💞 سهى قالت لي كدي ورينا كنتي بتفكري في شنو قلت ليهم و لا شي 😊 نون قالت لي بي لهجة مصرية كدا انا ألبي م اتطمنش انا متأكدة انو في مصيبة قلت ليها انتي بس طوالي جارية علي المصايب سهى قالت لي لا بالجد ورينا الحاصل معاك شنو لساااني اكلني ياخ طوالي حكيت ليهم 😂😂😂😂 طبعا قعدو يصرخو لمن الكافتريا دي كلها قعدت تعاين لينا قلت ليهم فضحتووونا ي حيوانات سهى قالت لي و ربييي فرحت ليييك 😭😭😭😭💔 نون قالت لي الله يدينا زي مروااان ده اصلا نحن حظنا زي ركبنا 😭😭 رؤى قالت لي يعني خلاص ماف طريقة احنك معاو 🐸 قلت ليها هييي عينك بعيد عنو 😌 نون قالت لي اجش ي الجكست و غيرت شريحتا 🐸 قعدنا نضحك 😂😂😂😂 جات النص ساعة بتاعت التلفونات كنا قاعدين انا و البلابل لكن اي وحدة ماسكة تلفونا مروان ضرب لي قال لي مشتاق ليك ❤️ قلت ليو قبيل اتلاقينا 😂😂😂 ‏( طبعا انا عديمة الرومانسية و عندي جفاف و تصحر في المشاعر ‏) طبعا البلابل ركزو معاي و بقو مشغلنها لي لمن قمت منهم 😂😂😂😂 قال لي تعالي لي انا ف الكافتريا قلت ليو انت عارف لو المشرفين شافونا ممكن يحصل شنو 😳 قال لي ما عندي شغلة في المشرفين انا اشتقت ليك قلت ليو هييي انا بخااف قال لي طووول م انا معاك م تخافي 💔 اها انتي وين مدام م حتجيني انا بجيك طبعا كان جاادي قلت ليو انا عارفاك م حتجي علي العموم انا في .... و قفلت منو قعدت مع البلابل مطمنة ع اساس كان بهظر معاي بعد شوية اسمه ليك صوتو قال لينا السلام عليكم البلابل لمن شافوهو لسانهم اتربط غلبهم يقولو و عليكم السلام 😂😂😂😂💔 سهى قالت ليو و عليكم قال ليهم ممكن صحبتكم دقيقة؟ قلت ليو هييي ي مجنون بشوفوك حسة امشي ساي قال لي طيب دقيقة دايرك ف موضوع قلت ليو بعدين قال لي لا موضوع ضروري استغربت لانو كان جادي وقفت معاو فتح شنطتو اداني شيتات قلت ليو ديل ل شنو قال لي امسكيهم حتعرفي بعد شوية قلت ليو اها

الموضوع شنو قال لي اشتقت ليك قلت ليو م جاااادي انت قال لي و اشتقت ل صوتك 💔 طبعا انا سكت ساي بعد

شوية كدا جانا مشرف قال لينا انتو الاتنين بتعملو ف شنو مروان قال ليو ب كللل ثقة عندي شيت داير اشيلو منها قال لي اديني ليو مديت ليهو الشيت و انا مخلوعة قال لي شكرا و مشى و المشرف حمر لينا سااي رجعت ل ناس نون رؤى قالت لي النبي قال ليك شنو الررسووول 😭😭😭😭😭 قلت ليها م عندك شغلة 😏 سهى قالت ليهم امسكوووني منها لا لا حلفتكم 😒😒 نون قالت لي افتريتي 😭😭😭👊🏽😭 قلت ليهم انتو عديمااات شغلة يلا قومن عشان م يطردونا من المحاضرة 😒 اليوم عدااا نهاية اليوم طلعت افتش عربية مروان العربية واقفة بس هو مافي ضربت ليو قال لي طالع بعد شوييه فتحت ليك التأمين اركبي 💓 ركبت ورا استنيت ربع ساعه كدا جه و لا سألتو اتأخر لي المهم ركب قال لي اشغل ليك غنية شنو قلت ليو انت مجنون اغاني؟ حسة لا قدر الله اذا حصل لينا حادث نكون متنا علي الاغاني ؟ قال لي ماااشي ي ستي شغل قرآن و سورة الملك تحديدا قلت ليو ما شاء الله عندك قرآن؟ قال لي فاكراني مسيحي؟ 😂😂😂😂 قلت ليو لا لا تمام 😂😂😂💓 سكتنا الطريق كلو قال لي تحبي نطلع بعدين؟ قلت ليو وين؟ قال لي اي محل نتعشى اتذكرت مهند لمن كان بيعزمني عشاء 😒 قلت ليو مروان انا ما بقدر 😔 قال لي اوك راحتك 😊💞 قلت ليو زعلت؟ قال لي ابدا ماف شي بزعل انا م داير اجبرك علي حاجة 💞💞 غشينا ميادة و رجعنا البيت بالمسا كدا الساعه كانت 8 تقريبا رسل لي قال لي ده شنو الجمب باب غرفتك ده 😳 قلت ليو شنو 😳 قال لي ما عارف شوفيو فتحت باب الغرفة لقيت قدام الباب كيس هدايا احمر عرفتو ده هو 😂💞😂😂 شلتو و دخلت جوة فتحتو اول شي كان في شوكولاتات كتيرة كم نوع و النوع فيو كم قطعة و دبدوب سعنوني كدا ملصق فيهو قلب مكتوب فيو حرف M❤️ و اسورة لونا فضي بتلمع تشكيلتا فظييييعة ياخ و معاعم وردة حمرة طويلة كدا 💕💕 ضربت ليو قلت ليو ده لي انا 😱 قال لي ما عجبك ؟ قلت ليو مرواان عجبني شديييد لكن 💔..💔 قال لي لكن شنو قلت ليو انا ما مستنية منك حاجة و الله ما دايرة منك تعزمني طلعات و مرقات ما دايرة منك هدايا ما دايرة منك شي كونو انك تحبني ده عندي بالدنيا ❤️❤️ قال لي عاارفك ما دايرة مني شي و اذا الحاجات دي بتضايقك خلااص م مشكلة تااني م بعيدها💔 قلت ليو مروان انت زعلان صاح 😢💔 قال لي طوووول م انتي فرحانة انا فرحان و ماف شي بزعل علي فكرة انا محترررم رغبتك 💕 قلت ليو تسلم 😊💕 فجأة سمعتو بكح شديد انا اتخلعت بقيت بقول ليو مروان انت سامعني؟ رميت التلفون و جريت غرفتو لقيتو قاعد في السرير و بكح اشر لي علي الدرج فتحتو ما لقيت البخاخ 💔💔 اشر لي علي الدولاب فتحتو بررضو مااف 💔💔 قلت ليو مااف استنى احتماال تحت و دموعي جارية عشرة عشرة 😭😭💔 فجأة قعد يضحك قال لي البخاخ هدا دسيتو تحت المخدة ما شفتي منظرك و انتي جارية و بتفتشي 😂😂😂😂 قلت ليو بجددد حيوااان انت و فنيتو بالمسند قال لي خفتي علي ؟ قلت ليو لا لا فرحت 😒 بجد قشران قال لي قش شنو 😳 قلت ليو قشراان اصلا انا من زمان بقول ليك قشران 😝 قال لي ما جادة 😂😂😂😂😂💔 بالجد مجنونة 👊🏽😂 قلت ليو تاني اوعك تعمل كدا 😢💔 و دموعي نااازلة جه علي مسح لي دموعي قال لي قلنا كلو الا دموعك 💔 زحيت يدو قلت ليو يلا زح مني زاتو م تتكلم معاي قال لي سبحاااان مغير الاحوال 😂😂😂😂💓 قلت ليو مروان 😢 قال لي عيونو قلت ليو دايرة اسألك 😢 قال لي اتفضلي قلت ليو نسرين 😢 قال لي مالا قلت ليو المرة الفاتت لمن قلت حتخطبا و كدا قعد يضحك قلت ليو ماف شي بضحك انا جادة 😒 قال لي طيب اسمعي ي ستي اصلا نسرين دي زييي اختي وااحد و انا م ممكن اعرس وحدة زي اختي بس اهلنا من زمان حاجزننا ل بعض و انا بعد قلتي لي انك م بتعتبريني شي مهم عندك 👊🏽 قلت خلاص اضمن لي بت خالي قلت ليو ايوااا يعني انت عندك بدائل 😒 قال لي الورد الحلو م ببدلوهو 😉 قلت ليو لا لا م تحنكني خلاص 😒 قال لي و انا كلمتها امبارح انو نحن م بنفع ل بعض 😊 قلت ليو جادي 😢 قال لي و الله 😊 قلت ليو اممم قال لي تحبي تعزفي؟ قلت ليو اوك 😃 عزفت شوية ف البيانو و رجعت غرفتي كنت فرحانة كدا م عارفة لي 😂😂😂👊🏽😂😂 من ما دخلت الغرفة تلفوني ضرب لقيتو مروان قلت ليو اها في شنو تاني 😧 قال لي اشتقت ليك 🙁💔 قلت ليو ياخ ما جااادي 😂😂😂👊🏽 قال لي مستني اليوم الحتكوني فيو حلالي ❤️ طبعا انا كالعادة و السعادة قلبي اشتغل يزغرد ❤️❤️ قال لي بحبك ياخ ❤️ اتعودتا اسمعا كتير من مهند بس المرة دي كانت غير فيها حاجة كدا مختلفة قال لي ميرا انا بتنفسك ❤️ طبعا ده كلو و انا ساكتة 😂😂😂😂 قال لي رايك شنو نعرس انا كنت قاعدة في السرير نطيت قمت من السرير و جاني ابو الشهيق و نططت عيوني قلت ليو ش ش شنو نعررررس؟؟ لا لا مستحيل انا اصلا صغيرة علي حاجة اسمها عرسسس م بعرس حسة انا لا لا م ممكن كيف يعني نعرس قعد يضحك مساافة قال لي استكاناتك ي بت الناس ❤️ م عرس عرس يعني ممكن خطوبة بس عشان الناس تعرف انك حقتي و ماف زول يخت عينو عليك 👊🏽 قلت ليو انت ما جادي و الله 😭😭😭

😭 قال لي كل الجدية قلت ليو طيب استنى اهلي يرجعو من مصر ما بعمل اي شي من غيرهم قال لي حاااضر ❤️❤️ و بكرة ان شاء الله حأكلم ابوي بالموضوع ده قلت ليو لاااا استنى م تكلم زول خلينا نروووق شوووية قال لي بس اكلمو 😢 قلت ليو م حسة 💔 قال لي اكلمو بس 😢 قلت ليو مروان م حسة 🏽😒👊 قال لي اوك راحتك 😂👊😂😂😂 يلا نومي بكرة عندك جامعه 👊🏽 قلت ليو الساعه يدوب 10 قال لي مستنياها تبقى كم يعني عارفة بقى عندك هالات من السهر الكتير 😂😂😂😂 قلت ليو بالجد 😳 قال لي بهظظظر قلت ليو مروان ياخ 😭😭😭👊🏽😭 قال لي عيونو ❤️ قلت ليو تصبح علي خير 😊💕 قال لي و انتي من اهل الخير 💞💞