الجزء 24

أول شي من الصباح صحيت علي صوت نون بتجعر طبعا في بيتنا صحيت مخلوعه طلعت من الغرفة لقيت البلابل طالعين في السلم يعني لاحظو صوت نون طالع من السلم 💔💔 لمن شافوني جو جاريين علي زي الاسد الشاف فريسة و حضنوني لمن وقعنا في الكنبة منظرنا كان بيش💔💔😂😂😂😂😂😂😂 رؤى قالت لي في عروس بتنوم للوقت ده؟؟ 😒 قلت ليهم و الله نعسانة و تعبانة سهى قالت لي كنتي مساهرة مع مروان بالتلفون مش 😏 قلت ليها يا بت مروان شنو انا و امي مشينا السوق اذان الضهر رجعنا الساعه 1 صباحا سهى قالت لي خلاص يلا يلا ماف وقت البسي سريع نتخارج لبست لي عباية و مشينا الكوفير ظبطوني و البلابل برضو اتظبطو تمااام رجعنا البيت زي الساعه 5 كدا طبعا دخلوني بي الباب بتاع العربات البي ورا عشان كان في ضيوف و كدا امي عملت لينا غداء يلا بدينا نجهز الملابس طبعا انا خيطت فستان كحلي طويل بلمع كدا اكمامو دانتيل و فيو شامو اسود بي اطراف الفستان بي تحت و في نهاية الاكمام يلا اكمامو تلات ارباع مخنصر و فيو حزام كدا لونو اسود فيو لمعه و اشكال زي اشكال الدانتيل الفي نهاية الفستان و كعب عالي اسود كدا خطييير 💓💓 و البلاب و ميادة خيطو فساتين سودا سندريلا بعد شوية سمعنا صوت بصات السيرة ديل ناس مدني جو 💃💃💃 طبعا خيلاني التلاتة و نسوانهم و بناتم شوية كدا ريم و مآب جونا سلمو علي ناس ميادة و نون يلا بعد المغرب كدا كلنا لبسنا طبعا حالتنا بالبلا الطابق التاني ده كان فاضي ما فيو غيرنا نحن و فيو حمامين و نحن واقفين بالصف طبعا انا اول وحدة دخلت عشان العروس 😌😌 مشيت لبست تاني جاتني ميادة ظبطت لي المكياج و شعري كان كعكة مرفوعة لي فوق مثبتة بي مشبك كبير لونو نفس لون الفستان كحلي غامق و في خصل نازلة من قدام لمن جو البلابل قعدو يصرخو سهى قالت لي وبعلي وبعلي بسحرووووك استني جابت مصحف و قعدت تقرا لي في سورة يس كم مرة صلينا المغرب كلنا مع بعض تلفوني ضرب طبعا ده مروان نون ختفت التلفون قالت ليو بعد شوية نازلة ليك الاستعجال شنو و قفلت الخط قرصتها قريص طبعا كلنا قعدنا نضحك 💓😂😂😂😂 قعدنا شوية كدا الباب البي ورا الدخلنا بيو ضرب جات ريم قالت لي ده مروان قال ليك يلا انزلي اتأخرنا طلعنا كلنا لقينا مروان مستنينا في السلم لابس البدلة الكحلية تسو كدي🏻👋🏻👋 ياخ قربت ادردق ليو البنات سلمو عليو و نزلو فضلنا انا و هو في السلم مسك يديني و وقف قصادي قال لي اتحصنتي؟ هزيت ليو راسي بمعنى اي ابتسم قال لي خايفه؟ هزيت راسي تاني باسني في راسي و مسكني من يد وحدة قال لي انا معاك ️❤ نزلنا طبعا النجيلة عاملنها بي زينة كدا خرااافية و التصميم بتاع الكراسي طبعا اي حاجة كانت بالكحلي و كان في سجادة حمرا طويلة زي حقت المشاهير ديك 😂😂😂😂 مشينا فيها لحدي م وصلنا طبعا رشونا بي ورود و حاجات كدا و اتملينا ابيض 😂😂😂 وقفنا لبسنا البدل يلا الناس جو يباركو لينا اول شي جو امي و ابوي و عمو مأمون و خالتو سلوى و مؤمن و ميادة و البلابل اصلا كانو واقفين جمبي قعدو يزغردو طبعا امي و لا اتحننت ولا عملت اي شي 💔 تاني جو خيلاني و اعمامي و نسوانهم تاني جات نسرين باركت لينا و كانت فرحااانة 💓

و منذر و قصي برضو 💕💕 الناس قعدو اتونسو و اتعشو طبعا نحن ما عملنا حفلة و لا اي شي يلا مؤمن جاب ليو فنان كدا ناس امي و ابوي و عمو مأمون و خالتو سلوى طلعو و قعدو الشباب و الحفلة اشتغلت جه منذر ساق مروان و جات رؤى ساقتني البنات كانو براهم بي جمبة كدا و الاولاد براهم بعد شوية وقفونا انا و مروان جمب بعض و قعدو يكوركو الا نرقص انا بس قعدت اصفق ساي 😂😂😂😂😂 الناس شوية شوية بدو يمشو و ناس مدني اللي هم خيلاني و نسوانهم مشو تاني يوم الصباح يلا يوم النتيجة كنا خايفين بالذات انا لانو ايام الامتحانات كان ايام مايا اتوفت 💔💔 و ما قريت كويس و كنت علي قناااعه انو حأقد مادة 😂😂😂😂 لكن النتيجة طلعت نضييييفة كلنا نتايجنا نضيفة 💓💓 في واحد من دفعتنا عمل حفلة في بيتم بي مناسبة النتيجة زي العصر كدا مروان ضرب قال لي بعدين عازمك عشا قلت ليو بعدين انا ماشة حفلة واحد زميلنا عازم الدفعة كلها 😢 قال لي خلاص ما مشكلة بكرة 💔 قلت ليو زعلت؟قال لي لا يا بيبي ماف شي بزعل بس خلي بالك من نفسك و ما تقيفي مع اولاد 😒 قلت ليو حااضر 😂😂😂 بعد المغرب جاتني سهى و مشينا طبعا قبل م ندخل صوت الدي جي ده واصل الشارع سهى قالت لي الليلى خلط جد 💃💃 دخلنا طبعا قيامة قايمة كأنو متخرجين 😂😂😂😂 اتلمينا انا و سهى و نون و رؤى و احمد و خالد و مصطفى و عمر اتونسنا و الناس دي فرحانة عشان حيتخلصو من قوانين العميد شهرين 😂😂😂😂 زي الساعه 10 كدا مروان ضرب لي قال لي لسة ما رجعتي؟ قلت ليو حسة راجعة مع سهى قال لي بجيك انا وصفي لي البيت وصفت ليو بعد ربع ساعه كدا جه ضرب لي قال لي وصلت قلت ليو انزل قال لي ما بعرف زول من ناس دفعتكم ديل قلت ليو خلاص اوك دقيقه بس و بطلع ليك ودعت الناس و طلعت و نحن في الطريق قلت ليو كيف مع الشغل ‏( طبعا مروان اشتغل مع عمو فيصل ابو نسرين في الشركة بتاعت انشاءات يعني هندسة و مباني و كدا و مروان قرا هندسة مدنية يلا عمو مسكو ادارة كبيرة في الشركة ‏) قال لي و الله الشغل تعب و بعد بكرة مسافر الشارقة عندنا زبائن حنخلص معاهم صفقة كبيرة قلت ليو حترجع بتين 😢 قال لي اسبوعين بالكتير قلت ليو اسبوعين 😱 قال لي بضرب ليك كل يوم و بتونس معاك الوقت كلو قلت ليو حتكون مشغول و ما فاضي لي 😢💔 قال لي كلها اسبوعين و حتعدي ان شاء الله 💔 وصلنا جيت انزل قلت ليو تصبح علي خير 😢 قال لي و انتي من اهلو ❤️ جه يوم السفر طيارتو كانت 9 ص وانا من من صحيت اصلي الصبح تاني ما نمت زي الساعه 7 كدا ضرب لي قال لي انزلي اودعك نزلت لقيتو بدخل في شنطة العربية قلت ليو يعني انت بالجد مسافر 😢 قعد يضحك قال لي خلي بالك من نفسك و لمن اضرب ليك ردي طوالي م تخليني اقلق عليك قلت ليو و انت كمان خلي بالك من نفسك 😢 قال لي ان شاء الله 💓 جه مؤمن طالع قال لي ميمي صباح الخير قلت ليو صباح النور قال لي مروان يلا عشان اتأخرنا و ركب العربية قلت ليو مؤمن مسافر معاك ؟قال لي لا بس حيوصلني و يرجع قلت ليو طيب دايرة امشي معاكم و برجع مع مؤمن 😢 قال لي ميرا حتتأخري علي الجامعه ‏( طبعا نزلنا الجامعه و اتفقنا انا و مروان انو العرس يكون بعد اخلص ‏) قلت ليو عليك الله 😭 قال لي ميرا م تخليك عنيدة يلا مع السلامة اتأخرت انا قلت ليو مع السلامة 😢 داير يمشي مسكتو من يدو قلت ليو لا اله الا الله 💓 باسني في يدي قال لي محمد رسول الله 💕 عاينت للعربية لحدي ما مشت رجعت استحميت و لبست ضرب لي عصومي ‏( متذكرنو صاح ده السواق بتاع ابوي ‏) المهم جاني و مشينا الجامعه طبعا ما ركزت في المحاضرات و اليوم كلو سرحانة لمن جات النص ساعه بتاعت التلفون جريت جري فتحت تلفوني ضربت ليو تلفونو مقفول نون قالت لي م تقلقي بكون لسة م وصل قلت ليها كيف يعني م وصل الطيارة اتحركت من الساعه 9 و حسة الساعه اتنين الا سهى قالت لي حتى لو وصل يا ميمي بكون تعبان ول نايم اصبري لحدي بعدين 💔 قلت ليها كويس 💔 رؤى قالت لي يلا امسحي دموعك دي و يلا عشان المحاضرة بدت المهم زي المسا كدا الساعه كانت 10 و انا كل دقيقه اعاين للتلفون التلفون ضرب كان رقم اماراتي رديت قال لي حبيبتي كيف امسيتي بس انا اتفقعت بكى قلت ليو م تقول لي حبيبتي يادوب اتذكرتني انا من الصباح بضرب ليك تلفونك مقفول و لا كلفت نفسك ترسل لي رسالة قال لي و الله انا من ما وصلت ما نمت طوالي مشينا اجتماع و مشينا شفنا الارض الحنخططا و يادوب رجعت الفندق ضربت ليك من تلفون صحبي تلفوني قاطع شحن 💔💔 قلت ليو يعني انت كويس 😢 قال لي انا كويس الحمد لله م تخافي انتي كيف قلت ليو بعد سمعت صوتك بقيت كويسة 😢💔 قعد يضحك قال لي دايرة شنو اجيبو ليك من هنا قلت ليو ما دايرة حاجة بس سلامتك انت مش قلت من ما وصلت ما رقدت؟ يلا امشي نوم قعد يضحك قلت ليو البضحك شنو قال لي مش حسة كنتي زعلانة؟قلت ليو مروان امشي نوم بكون احسن 😒 قال لي طيب تصبحي علي خير قلت ليو تلاقي الخير ❤️ كان كلو يوم بضرب لي و كدا بعد اسبوعين جه طبعا جاب لي معاو طقم كدا ياخ رهييييب فيو سلسل و خاتم

و اسورة لونهم فضي بلمع فيهم شكل نص قلب ❤️❤️ في يوم كدا كان ناس عمو مأمون عازمننا فطور يوم جمعه بعد الفطور كنا قاعدين في الجنينة انا و ميادة جه مؤمن قال لي ميادة دقيقه داير ميمي في موضوع ميادة قالت لي في شنو 😳 قلت ليها بري 😳 المهم مشت قلت ليو اتفضل يا مؤمن قال لي انتي عندك بت خالتك كدا اسمهااا ريل؟ قلت ليو قصدك ريم؟ قال لي ايوااا بس قلت ليو مالا قال لي و الله البت دي عجبتني و داير اسألك منها قلت ليو و الله يا بختو اللي حيعرس ريم ما شاء الله عليها خلق و اخلاق و واعية و فاهمة قال لي هي عندها زول او مستنية زول؟ قلت ليو علي حد علمي لا ما عندها قال لي خلاص تمام انا ان شاء الله في خلال الاسبوع ده حاكلم اهلي و اكيد حيوافقو بس داير منك طلب قلت ليو امر قال لي انا دايرك تسأليها عني و تشوفيها حتقول شنو طبعا ضحكت و اتذكرت لمن كنا في مدني و مشينا مع مؤمن محل التلفونات و ريم انبرشت فيو 😂😂😂😂 قلت ليو تمام حاسألا ليك و اديك خبر قال لي تمام مستنيك بعد مشى جات ميادة طالعة من ورا الشجر بتاع الجنينة قلت ليها بسسسم الله بالله انتي كتتي واقفة هنا قالت لي ايييوة انا ماف شي بفوتني واااي يا ميمي اخيرا مؤمن فكر في العرس قلت ليها صحي انا دايرة اسألك لمن كنا في مدني و حبوبة عشة قالت ليو انسى البت ديك و كدا البت دي منو و قصتا شنو مع مؤمن سكتت مسافة قلت ليها معليش لو اتدخلت في مشاكل عائلية خلاص انسي كلامي ده قالت لي يا بت ما مشكلة عادي طيب اوريك قبل كم سنة لمن مؤمن كان في سنتو الاخيرة في الجامعه كان عندو علاقة مع بت دفعتو و كان بحبها شديد و هي كانت بتستغلو دايما بتطلب منو قروش و حاجات كان بينفق عليها عديل و بديها قروش كلو شهر زي المرتب و بعد ده بتطلب منو لمن اتخرجو كلو ما مؤمن يقول ليها داير اتقدم ليك بتقول ليهو استنى شوية في النهاية اتزوجت واحد من اهلها و بالقروش ديك سافرو و قالت ل مؤمن اهلي جبروني عليو و كدا بعداك مؤمن دخل في حالة نفسية زي سنة كدا كان انطوائي و ما بتكلم مع الناس كتير و كره البنات مرة وحدة و كره حاجة اسمها حب و ارتباط و زواج و شال الفكرة من راسو بس حسة الله هداهو الحمد لله قلت ليها وااي مسكين الله يجازيها البت دي قالت لي ي زولة انسي القصة دي و لمن تكلمي بت خالك وريني انا زاتي قالت شنو قلت ليها كويس 😂😂😂😂 جه مروان شايل كبايتين عصير قعد قصادي اداني وحدة ميادة قالت ليو انا ماف لي؟ جر ليها نور قالت لي احم احم طيب ي ميمي نكمل بعدين 😏 قلت ليها طيب 😂😂😂😂 بعد مشت مروان قال لي حبيبتي جمعه مباركة قلت ليو يادوب 😒 من قبيل كنت وين قال لي بس مع الشغل و الله قلت ليو الشغل بخليك تعمل كدا ؟ يعني حتى فطور ما نزلت فطرت معانا قال لي انا امبارح رجعت البيت الساعه اتنين صباحا شغالين في مشروع و رجعت طوالي نمت و امي زاتا ما كلمتني انكم جايين صحيت قبل شوية نزلت لقيت عمي معاوية و عمتو شادية قاعدين في الصالون قلت ليو تمام 😒 قال لي ما تزعلي حبيبي كلو غصبا عني و الله قلت ليو خلاص ما مشكلة 💓 قال لي بعدين حنطلع تمام؟ قلت ليو وين؟ قال لي نمشي شارع النيل رايك شنو قلت ليو ما عندي مشكلة لكن ابوي قال لي عمو معاوية خليهو علي 💕 طبعا اقنعو ما عارفاو اقنعو كيف المهم مشينا قعدنا في مطعم كدا اكلنا بيتزا و اتونسنا رجعت البيت زي 11 الا قلت اضرب لي ريم؟ لا لا ياخ بتكون نامت تاني قلت لو نايمة بتعملو صامت اضرب و اشوفا من ما ضربت طوالي ردت قلت ليها ريمو 💓 قالت لي ميمي الكعبة اقسم بالله مشتاقين قلت ليها بالاكتر و الله قالت لي ياكذابة من يوم الخطوبة ما ضربتي لي يعني الخطوبة بتغير الزول كدا قلت ليها اها براك جبتي الموضوع قالت لي موضوع شنو قلت ليها متذكرة مؤمن اخو مروان ؟ قالت لي اي متذكرااو الولد السمح داك قلت ليها باااس ياهو 😂😂 رايك فيهو شنو قالت لي سمح ما فيو كلمة قلت ليها يعني مثلا لو اتقدم ليك بتوافقي؟ قعدت تضحك قالت لي ممكن اوافق لكن لي السؤال الغريب ده قلت ليها هو قال شافك و عجبتيو و داير يتقدم ليك طبعا صرخت لي في التلفون لمن اضاني صنت قالت لي انتي جادة ؟ !!! قلت ليها اي و الله قالت لي بتين قلت ليها هو كلمني قبيل و قال لي اشوف رايك شنو اذا انتي موافقة ول لا قالت لي ما عندي مانع اقسم بالله ما عندي مانع 😍😍 قعدت اضحك قلت ليها تمام انا حأكلمو و بديك خبر قالت لي طيب قفلت منها ضربت لي مؤمن قال لي اها قالت ليك شنو قلت ليو براحة طيب مالك مستعجل كدا 😂😂😂 قلت ليو قالت عندها ولد خالتا مرتبطة معاو و خطبا في الاجازة الفاتت قال لي بالجد؟ 😰 قلت ليو اي قال لي طيب هي مدام مخطوبة انتي مش مفروض تكوني عارفة؟ لمن قلت ليك هي مستنية زول ول حاجة لي قلت لي لا؟ قلت ليو انا زاتي اتفاجأت قالت الخطوبة كانت سريعه عشان هو ما في السودان و كدا قال لي خلاص تمام يا زولة مع السلامة قلت ليو هيي هيي يا ولد بهظر معاك كلمتها و قالت ما عندها مانع طبعا سكت مسافة بكون شماني 🙊 قال لي الله يسامحك ياخ 😂👊🏽😂😂 قلت ليو

خلاص بعد ده انا دوري انتهى حأديك رقما و انت رسل ليها قال لي تمام اديتو الرقم و قفلت منو ضربت لي ميادة بس شغالة مواصلات من ده لي ده 😂😂😂 كلمتها طبعا فرحت شديد حكيت ليها بالمقلب قالت لي حرااام عليك قطعتي ليو قلبو 😂😂😂😂👊🏽 المهم بعد اسبوعين عملو الخطوبة كانت في مدني مشينا بالبصات حقت السيرة 💃💃💃 اما العرس كان في الخرطوم عملو العرس بعد اسبوع بس من الخطوبة و مشو شهر العسل فرنسا طبعا ريم يوم العرس طلعت مزززززة 💓💓💓 لمن رقصو سلو مروان كان واقف جمبي همس لي قال لي عقبالنا ❤️ سكت ساااي 🙈 قلت ليو ما حسة لمن اخلص جامعة قال لي انتي جامعتك دي مش طولت زيادة ؟قلت ليو لا ما طولت 😂😂😂😂👊🏽 فضل شهرين بس قال لي خايف اخطفك قبل م الشهرين يكملو قعدت اضحك قلت ليو حأعمل حسابي منك تاني ما حأطلع معاك مكان قال لي لا و ربي بهظر 😂😂😂😂💔