الجزء 25

خلصنا الجامعه و نتايجنا حلوة الحمد لله يلا اوريكم يوم التخريج 😂😂😂😂 اول شي من الصباح مشينا الكوفير اتحننا و عملنا شعرنا و اتظبطنا زي العصر كدا مشينا الصالة كان في الصالة الذهبية و العميد كان مظبط لينا اي حاجة حن علينا 😂😂😂😂😂💔 و الناس شغالين يذيعو في اسماءهم لمن ذاعو اسمي امي و خالتو سلوى زغردو و ابوي و عمو مأمون بشرو و مؤمن و منذر و مروان و ميادة اشتغلو يصفقو و يصفرو طبعا دخلتي كانت بي غنية شيرين انا مش بتاعت الكلام ده رقصت فيها رقيص 💃💃💃💃 و نسرين كانت بعديني برضو عملو ليها نفس الفهم 💓💓 و البلابل ديل كمان بدعو 😂😂😂😂😂 و الله كان يوم حلو حلا طبعا انا و البلابل بكينا جنس بكى لمن عدنا المكياج تاني للتصوير ......

بعد كم أسبوع :

فضل ساعتين و يعقدو و انا متوتتترة و خايفة الموضوع عملوهو حنة عروس و عقد في نفس الوقت مروان ضرب لي كنت في الكوفير محننة سهى ردت و ختت لي التلفون في اضاني قال لي حبيبتي انا كيف قيلتي قلت ليو الحمد لله حسة حأطلع من الكوفير قال لي تمام نحن بعد شوية ماشين علي الجامع ❤️ خلاص ي ميرا بعد شوية حتبقي حلالي ❤️ طبعا سكت سااااي قعد يضحك قال لي خايفة؟ قلت ليو مش انت بتقول لي طول م انا معاك م تخافي ؟ قال لي و حسة بقولا ليك انا معاك للآخر م تخافي ❤️ قلت ليو يلا م خايفة 😊❤️ سهى قالت لي يلا عشان نمشي البيت سريع اتأخرنا قلت ليو طيب ي بيبي انا حأمشي قال لي خلي بالك من نفسك ❤️ قلت ليو و انت كمان ❤️ المهم مشينا البيت و البنات كلهم واقفين فيني جزو يلبس فيني و جزو يعمل المكياج و ريم لبستني التوب بعد شوية جات امي تزغرد قالت لينا عقدو و البيت ده اتملى زغاريد و انا قلبي شغال دمبق دمبق 💔💔 امي قالت لي يلا انزلي تحت الناس يباركو ليك كنت متوترة نزلت و الناس جو باركو لي كان يوم بالجد متعب 💔 تاني يوم كان مافي حاجة بس نظمنا البيت و كدا اليوم البعدو كان يوم خميس اللي هو يوم الزفاف 💃💃 طبعا حنتي ديك زاتا بس مشو لي فوقا و كنت محبوسة لي فترة 😂💔😂😂 طبعا اتجرست من الدخان و الدلكة دي لمن كرهتها 😷😷 الشباين كانو البلابل و نسرين و ميادة و الاولاد مؤمن و منذر و قصي و عمر و مصطفى اتقسمو في عربيتين و انا و مروان في العربية الوراهم اول شي الشباين نزلو كل اتنين مع بعض سهى مع عمر طبعا ليها شهر شغالة تقول ان شاااااء الله اقع مع عمر 😂😂😂😂 و مؤمن مع ميادة و قصي مع نسرين و منذر مع نون و رؤى مع مصطفى البنات كانو لابسين فساتين بنفسجية و الاولاد كرفتات بنفسجية دخلو بي غنية waka waka بي رقصتا بعد رقصو و قفو اي اتنين قصاد بعض و الصالة انوارها كلها طفت و اشتغلت غنية Thousand Years اسمعوووها ياخ الغنية خطييرة 😭😭😭💔 رقصنا الاسلو الصالة كلها كانت مضلمة و في انوار متجهة علينا بس مروان قال لي و اخيرا بقيتي حلالي قلت ليو مروان انا م مصدقة 😢💔 قال لي ما مصدقة شنو قلت ليو انو اليوم ده جه ، اليوم ده انا كنت خايفة منو شديد بس و سكت قال لي بس شنو؟قلت ليو عشان انت معاي انا ما خايفة قال لي و عشان انتي معاي انا سعييد و مبسووط اكتر من ما بتتخيلي انتي بالجد احلى حاجة حصلت لي ف حياتي لمن دخلتي حياتي حسيت روحي رجعت مروان القديم مروان البضحك و بتونس مع الناس حسيت ربنا نزلك لي هدية من عندو قلت ليو ربنا يحفظك لي و ما يحرمني منك قال لي و لا يحرمني منك و باسني في راسي قلت ليو مروان ما قدام الناس كدا 😳 قال لي مش انتي حلالي؟ ماف زول بقدر يتكلم طبعا لمن باسني الناس دي اشتغلت تصفر و مروان غمز لي اصحابو و قعد يضحك تاني مشينا قطعنا التورتة و لبسنا الخواتم و الفنان صراااحة ابدع كان طه سليمان 💓💓 يلا الدي جي اشتغل 💃💃💃 و الله رقصنا فيو رقيص 😂😂😂😂 يلا مشينا نغير ملابسنا عشان الجرتق و حبوبة عشة جرتقتنا يلا لمن جينا نشرب اللبن قلت ليو اوعك تدفقو فيني قال لي حاضر بس قبلت كدا شوووو اللبن جاني في وشي شلت جغمة كبيييرة و تفيتا فيو و الناس ديل صفقو و صفرو 😂😂😂😂👏🏻 رجعنا البيت زي الساعه 3 صباحا مشيت اتأكدت من شنطي كلها طبعا جهزو لي الشنط ميادة و ريم و مروان مشى بيتو صحينا 8 ص مؤمن وصلنا المطار طبعا كنا نعسانين و تعبانين مشينا جزر المالديف 😍😍❤️ قعد

ا فيها اسبوعين عشان مروان م بيقدر يغيب عن الشغل اكتر من كدا

عدو الاسبوعين و رجعنا السودان نزلنا في شقة في المنشية اشتراها مروان فيها تلاتة غرف و مطبخ و حمامين و هول و صالون كبير مقسم علي اتنين جزو رجال و جزو نسوان و بلكونة كبيرة المهم اول يوم ده نمنا كنا تعبانين تاني يوم كان جمعه مشينا فطرنا في بيتنا امي كانت عاملة فطور و عازمانا طبعا ريم حااامل 😍💕💕 رجعنا البيت زي الساعه 5 كدا قلت ليو اعمل ليك في الغدا شنو قال لي ما جعان كان بحضر في التلفزيون في الهول قال لي تعالي اقعدي معاي قعدت جمبو كنا بنحضر في برنامج مسابقات كدا مروان قال لي حاعمل معاك تحدي قلت ليو اها قال لي البجاوب علي اكبر عدد من الاسئلة هو الفايز و اذا انا فزت شفتي البلكونة ديك؟ قلت ليو اها 😱 قال لي تكوركي فيها بي صوت عالي تقولي انا بحب مروان قلت ليو و اذا انا فزت بكرة انت تعمل الفطور و الغدا و العشا 😏 قال لي بس كدا ؟ حااضر طبعا كلو م يسألو سؤال ما بديني فرصة اصلا افتح خشمي طوالي بجاوب 😭😭😭 قلت ليو انا ما دايرة انت خرخار قال لي و الله ما خرخار بس انتي ما بتجاوبي ب سرعة اعمل ليك شنو 😂😂😂 قلت ليو لا لا خرخرار قال لي يا زولة بس تنفذي التحدي قلت ليو كويس زح مني 😒 كان خاتي يدينو حولين رقبتي مشينا البلكونة و هو ماشي وراي وقفت و مسكت في الدرابزين كوركت بي صوت عااالي مروااااان انا بحبك شالني من خصري و دور بي ‏( دور بي حبيبي دور بي 💃💃💃👏􎰼)💃 قال لي و انا بععشقك ❤️❤️ قعدنا نضحك لانو ناس الشارع قعدو يعاينو لينا 😂😂😂😂😂 دخلنا جوة قلت ليو فضحتنا 😂😂😂👊🏽 قال لي مرتي ماف زول بقدر يسألنا ❤️ عدا كم يوم كدا في يوم كنا قاعدين نتغدا قال لي انا مسافر بعد بكرة قلت ليو وين 😱 قال لي الشارقه قلت ليو تاااني 😭😭😭 قال لي ده الشغل انا اعمل شنو 💔 قلت ليو ناس الشغل ديل ما عندهم زول غيرك يسفروهو؟ قال لي ما عشان انا ماسك الادارة و بعمل اجتماعات ضروري امشي قلت ليو خير خير قال لي ميرا ياخ ما تزعلي 💔 قمت من الاكل قلت ليو ما زعلانة عادي كلو الا الشغل 😊 مشيت المطبخ قعدت اغسل في يديني جه مسكني من خصري من ورا قال لي طيب رايك شنو تسافري معاي طبعا كنت زعلااانة و العبرة واقفة لي في حلقي قلت ليو ما دايرة بستناك هنا بس قال لي انا زاتو ما فكرت حتقعدي مع منو ما ممكن تقعدي براك كدا خلاص بسوقك معاي قلت ليو بمشي لأهلي 😊 قال لي يعني ما دايراني امشي و ما دايرة امشي معاي؟قلت ليو مروان انا م منعتك امشي زي م داير خلاص م زعلانة اصلا م لي حق ازعل ده شغلك قال لي انا بحاول اجي في خلال الاسبوع ده قلت ليو تمام بستو في خدو قلت ليو يلا خليني اغسل العدة قال لي طيب بغسل معاك غسل معاي و الله 😂😂😂😂👋🏻 تاني يوم ما مشى الشغل بس جهز ملابسو في الشنطة و قعد اليوم كلو اتونس معاي زي المغرب كدا قال لي رايك شنو نتعشى في مطعم قبل م اسافر قلت ليو اوك لبست توب طبعا قال لي حلااتك بالتوب 😉 مشينا دوبينيرز اتعشينا و رجعنا طبعا من ما رجعنا طوالي غيرت التوب ما مريح نهائي عشان انا م متعودة عليو دخلت الغرفة شنطتو كانت في الارض جمب الدولاب قعدت فتحتها اتأكدت انو دخل حاجاتو كلها رقدنا حضني عليو كان بلمس لي في شعري قال لي خلي بالك من نفسك قلت ليو و انت كمان و اكل كويس قال لي حاااضر 😂😂😂💓 باسني في راسي و نمنا علي كدا