الجزء 6

بعد شوية كدا البلابل جوني قعدو معاي سهى قالت لي بسم الله ي بت مالو وشك عامل كدا زي الشبح 😳 بس حكيت ليهم القصة رؤى قالت لي بت الذين دي انا كان لميت فيها م بخلي ليها شعرة الاسمها نسرين دي كان هي كان الزفت الاسمو قصي ده 😡 قلت ليها كفاية الكف الاديتو ليها و للولد التافه المعاها نون قالت لي اشوف يدك زحيت البلوزة من يدي كانت حمراااا و ورمانة سهى شهقت قالت لي م يكون كسرها ليك 😨 نون قالت لي قومي نمشي المستشفى قلت ليهم هيييي مستشفى شنو ده ورم ساي لي بعدين بروح رؤى قالت لي ي ميمي م تهملي نفسك احسن نمشي نشوف الحاصل لي يدك شنو قلت ليها ياخ اصلا م حارقاني شديد رؤى قالت لي نسرين دي طلعت بت خال مروان و قصي ده ولد خالتها يعني مروان ببقى ليها من اهل ابوها و قصي من اهل امها سهى قالت لي اوعك تسكتي علي الحصل امشي اشتكي للعميد عشان تاني م يتعرضو ليك 😡 رؤى قالت ليها لا ي سهى ده اكككبر غلط ممكن تعملو لأنو عايني اول شي حيقول ليها المقعدك برة شنو؟ حتقول ليهو جيت متأخرة و م خلوني ادخل المحاضرة؟يلا دي نقطة ما في صالحا ثانيا الناس الشاهدة علي الحصل كلهم دفعة رابع يعني م حيشهدو معاك و يخلو صحبتهم صاح؟دي تاني نقطة ما في صالحا ثالثا انتي الاديتي البت كف يعني انتي البديتي و انتي ما غلطانة لكن العميد م حيفهم ليك كدا فا عشان كدا انو تمشي للعميد دي خطوة غلط في غلط لو حسبناها من كل الجهات الموضوع ما في صالحك ي ميمي بس تاني الناس الزي ديل اتجاهليهم لانو لو كان الولد عايز يمد يدو عليكي م بعيد يكون بعمل حاجة تانية و انتو فاهمين قصدي لانو لو ولد محترم مهما فعلتي ليو م حيمد يدو عليكي سهى قالت ليها كلامك صاح 😪 بعد شوية جه ولد من دفعتنا اسمو احمد قال لي ي ميمي العميد دايرك في مكتبو نون قالت لي معقولة يكون عرف بالموضوع 😱 سهى قالت ليها حيعرف كيف لكن 😱 رؤى قالت ليهم م تخوفو البت ساي قلت ليهم ادعو لي بس و مشيت دخلت المكتب لقيت نسرين و قصي قاعدين و نسرين دموعا بتنزل بالرجالة العميد قال لي اقعدي يا ميمي نسرين قالت ليو بعد العملتو ده كلو تقول ليها اقعدي يا عمو؟ قال ليها انا هنا ما عمك انا هنا العميد طبعا انا اتخلعت المهم قعدت قال لي احكي الحصل يا ميرا حكيت ليهو القصة كلللها قال لي يعني اول شي نسرين رمت تلفونك قلت ليو و بعديها اهانت ابوي 😡 نسرين قالت ليو ي عميد انا بس كنت عايزة اشوف التلفون و وقع مني و لا سألت في ابوها زاتو قلت ليها كذابة 😡 قال لينا سكوت 😡 نادى ليو ولد كدا كان واقف برا قال ليهو نادي لي مروان الولد قال ليهو ما بعرفو قال ليهو سنة رابع هندسة مدنية و ناديهو سريع بعد شوية مروان دخل المهم سلم علي العميد قال ليهو وين يا خال العميد قال ليهو نحن مش قلنا في الجامعه انا ما خالك مروان ضحك قال ليهو آسف ي عميدنا انا قلت في نفسي ده شنو ده 😨 الناس ديل كلهم ببقو لي بعض 😨 الليله خلاص موضوعك استحمى ي ميمي المهم مروان قعد جمب قصي و نسرين و انا قاعدة قصادهم العميد قال ليهو قالو لي انت حضرت مشكلة الناس ديل مروان عاين ليهم و عاين لي و انا قلبي شغال دمبق دمبق مروان قال ليهو ايوة حضرتها العميد قال ليهو ممكن توريني الغلطان منو انا قلت خلاص موضوعي انتهي 😪 مروان قال ليهو انا م حاوريك الغلطان منو لكن حأحكي الحصل زي م انا شفتو نسرين ابتسمت و عاينت لي و انا شغالة ارجف مروان حكى القصة زي م حصلت بالظبط طبعا زي م انا حكيتا نسرين دي تعابير وشها اتقلبت 180 درجة و انا اتخلعت العميد قال ليهو شكرا ليك يا مروان ممكن بعد ده تمشي مروان مشى و قفل وراهو الباب العميد طلع ورقتين من الدرج بتاعو و ختمهم و شال وحدة اداها ل قصي و التانية اداها ل نسرين ، نسرين قالت ليو ده شنو قال ليها دي ورقة فصلكم من الجامعة لمدة أسبوع نسرين قالت ليهو لكن ..😨 قال ليها من غير لكن اطلعو من المكتب قمت علي حيلي دايرة اطلع قال لي ميرا انتي اقعدي المهم قعدت و ديل طلعو قفلو وراهم الباب قال لي انا اول مرة اشوفك شكلك زولة مسكينة و م بتاعت مشاكل لانو اول مرة تجيني في المكتب ده صاح؟قلت ليو صاح قال لي انا عارف عمايل بت اخوي بنصحك بس تبعدي منها و بالذات من الاسمو قصي ده و اتجاهليهم قدر الامكان و اذا تاني اتعرضو ليك انا موجود بتلقيني قااعد هنا قلت ليهو ده الحأعملو اني اتجاهلهم و ان شاء الله م تحصل حاجة تاني قال لي و بالنسبة ل يدك اذا عايزة تعملي شكوى ماف زول حيمنعك طبعا يدوب لاحظت انو البلوزة مرفوعة نزلتها قلت ليو لا لا ما دايرة قال لي ممكن بعد ده تمشي طلعت طبعا و انا حاسة بالنصر 😆😆 لقيت ليك الجامعة دي كلها متلمة جمب مكتب العميد و من ما طلعت الناس مسكوني ي ميمي الحصل شنو ي ميمي الحصل شنو ناس بعرفهم و ناس ما بعرفهم غايتو جنس غايتو 😂😂😂😂😂 في الجامعة دي بس م تحصل حاجة بتنتشر ب سرعة البرق المهم بلابلي جوني مشيت معاهم قعدنا في البينشات حكيت ليهم نون قالت لي يستاااهلو اولاد الذين سهى قالت لي آخر حاجة اتوقعتها مروان يعمل كدا قلت ليها

حتى انا اتخلعتا لكن برضو قشران يظل قشران 😒 رؤى قالت لي الحسنة م بتنفع فيك انتي حسة جنس ده بقولو عليهو قشران 😒 نون قالت ليها خليها ي رؤى اصلا البت دي عندها تخلف بتعرف ليهو براها 😒 المهم باقي اليوم ده عدا ضربت ل عصومي قلت ليو العربية اتصلحت؟قال لي ايوة و حسة جاي عليك قلت ليو طيب منتظراك المهم جاني و وصلت البيت طبعا لمن جيت اغير ملابسي م قدرت ارفع يدي استحميت بعد معانااااة و لبست بجامة اكماما طويلة و ما نمت اليوم داك نومة النهار حقتي السمحة ديك 😪 م قدرت انوم من الالم 😭 جه وقت الغداء كنت راقدة ف الغرفة جاتني مايا نطت فيني طبعا انا بقيت شايفة الدنيا ابيض و اسود كوركت فيها قلت ليها ياخ مالك زحي مني 😡 طبعا عاينت لي و قعدت تبكي مشت لامي برة جاتني امي قالت لي مالك كوركتي في البت دي 😡 قلت ليها ي امي نطت فيني قالت لي ده م سبب كان جيتي اصلا من الجامعة زهجانة م تفكي زهجك ف اختك فاهمة ول لأ 😡 قلت ليها فاهمة 😞قالت لي اختك كانت عايزة تقول ليك تعالي الغدا لكن الحسنة م بتنفع فيك قومي يلا منتظرنك نحن مشيت قعدت آكل بي عدم نفس و م استخدمت يدي الشمال كلو كلو امي قالت لي بعد ننتهي الغدا انا بلم باقي الاكل و انتي غسلي لي العدة قلت ليها يسرى وين 😨 قالت لي مشت اجازتها 😪 اكلنا و امي لمت باقي الاكل يلا جيت اغسل العدة اول شي اتاكدت امي دخلت الغرفة رفعت اكمام البجامة و م قدرت ارفع يدي الشمال بقيت بحاااول اغسل ب يدي اليمين بس امي جات داخلة م عرفت اعمل شنو 😪 قالت لي دي كمان موضة جديدة تغسلي ب يد وحدة؟قعدت اضحك 😬😬 قالت لي ي بت غسلي زي الناس م تكسري لي العدة دي بس جات طالعة من المطبخ شافت يدي الشمال صرخت واااي ي ميمي ده شنو ده 😱 انا لمن اتخلعت لانو افتكرتها طلعت قلت ليها شنو 😳 قالت لي يدك طبعا اتوترت قلت ليها دي دي ضربة بسيطة 😅 قالت لي بسيطة شنو عايني يدك ورمانة و حمرا كيف 😱 العمل فيك كدا منو 😱 قلت ليها ي امي ماف زول عمل فيني كدا براااي بس اتضربت 😰 نادت ابوي يا معاوية الحق شوف عملو ف بتك شنو 😱 قلت ليها ي امي م تنادي ابوي قالت لي كيف م اناديهو عايني يدك عاملة كيف لمن ما قادرة ترفعيها ابوي جه قال لينا ف شنو 😨 امي قالت ليو شوف يد بتك عاملة كيف و مسكت يدي دايرة ترفعها توريها ل ابوي بس انا صرخت امي قالت لي و تقولي لي ضربة بسيطة و قفلت الموية من الحوض ابوي قال لي تعالي مشيت معاو بقى بقول لي حركي يدك علي الجهة اليمين و تاني علي الجهة الشمال و انا شغالة اقول ليو م قاادرة ي ابوي

قال لي امشي البسي اوديك المستشفى مشيت غرفتي بعد شوية امي جاتني قالت لي هاك البسي العباية دي العباية كانت نوع البتتفتح من قدام لبستني ليها و بي سفنجتي ديك طلعت امي زاتا مشت معانا مشينا مستشفى البراحة محل ابوي شغال عملو لي صور لي يدي شالها ابوي و قال لينا تعالو مشينا معاو انا و امي قعدنا في مكتبو ابوي عاين للصور كدا قال لي ماف كسر و لا فك لكن في رضوخ امي قالت لي الحصل شنو ي ميمي قلت ليها اتضربت في الجامعة بس ابوي قال لي اتضربتي كيف م عرفت اقول شنو سكت مسافة تاني قلت ليهم م متذكرة زاتو الضربني شنو بالظبط انا زاتي م حسيت بالضربة في لحظتا و قعدت اضحك ضحكة مزيفة كدا 😅 قبلت لقيت امي بتحمر لي سكت طوالي ابوي قال لي عدت علي خير امي قالت ليو عدت علي خير شنو انت م شايف يدها عاملة كيف 😡 قال ليها وطي صوتك نحن ما البيت انا عارف شغلي كويس و قلت عدت علي خير يعني عدت علي خير 😡 امي قالت ليو انا ما قلت انت ما عارف شغلك لكن دي ما ضربة بسيطة ميمي احكي الحقيقة عشان م امشي بكرة الجامعة و اعرف ب طريقتي قلت ليها ي امي ماف داعي تمشي اي جامعة قلت ليك ضربة بسيطة زاتو م حسيت بيها في لحظتا، ابوي قال لينا خلاص قومو طلعنا من المكتب الممرضات و الدكاترة بقو شغالين سلامتها ي دكتور سلامة البنية سلامتك ي بت الدكتور المهم طلعنا ابوي وقف جمب صيدلية الأول الفي المؤسسة اشترى لي الآرم سلينغ دي العلاقة البتكلو فيها اليد اشترى لي باللون الاسود قال لي عشان تجي مع لبساتك حقات الجامعة كلها و البنفسجية عشان لونك البتحبيو قلت ليو شكرا ي بابا لكن ما كان في داعي تشتري لي اتنين قال لي المهم راحتك 💕 قلت ليو تسلم 💞 قال لي تلبسيها علي الأقل أسبوعين وصلنا البيت طبعا يدوب لاحظنا انو مايا مختفية امي قالت لينا سجمي نسيت بتي نايمة براها ف البيت 😱 مشينا غرفتا لقيناها نااايمة و لا جايبة للدنيا خبر 😂😂😂 المهم صلينا المغرب و العشاء و انا طوالي نمت 😴

بالصباح امي فتحت نور الغرفة انا طوالي صحيت قالت لي بتقدري تمشي الجامعة قلت ليها اي بقدر 💔 لمست راسي لقتو مسخن شوية قالت لي اذا م بتقدري ما تجبري روحك ساي قلت ليها ببلع لي بندول بس 💔💔 قالت لي طيب قومي عشان اتأخرتي المهم استحميت و لبست بعد معاناة 😪💔 سمعت كواريك في غرفة أمي و أبوي كنت قاعدة ف الهول عرفتهم بتكلمو في موضوع يدي المهم نزلت تحت وقفت جمب الباب بتاع الشارع كنت ببكي لانو دي اول مرة اشوف امي و ابوي بتشاكلو ب سببي 💔💔 قشران جه طلع عربيتو شافني ببكي لمن شفتو دخلت البيت و قفلت الباب قعدت في كراسي كده جمب الجنينة طبعا الكحل سال قشيتو بالمنديل و طلعت مراية كدا صغيرة عملت واحد تاني و مع اللخمة لقيت روحي م عاملة روج 😂😂😂😂 عملت واحد بمبي خفيف اصلا للجامعة بعمل كحل و روج خفيف سمعت صوت بوري قلت ده عصومي المهم وصلت الجامعة طبعا ناس دفعتي كلهم اتلمو فيني و مالك ي ميمي و الحاصل شنو قلت ليهم ضربة بسيطة بس 💔 المهم قعدو يقولو لي سلامتك المحاضرة كان فضل ليها زي دقيقتين دخلت القاعة لقيت الدكتور قاعد في كرسي مستني الناس تدخل دخلت طبعا كلهم قعدو يعاينو لي قعدت جمب سهى اما نون و رؤى قاعدين قدامنا سهى قالت لي يدك مالا 😱 نون قالت لي اتكسرت؟ 😱 قلت ليهم امبارح مشيت المستشفى مع ابوي و عملو لي صور و كدا و ابوي قال لي فيها رضوخ رؤى قالت لي الله يجازيو زفت قصي 😱 نون قالت لي كلمتي امك و ابوك بالحصل؟قلت ليها لأ طبعا قلت ليهم ضربة بسيطة لكن انتو عارفين امي م صدقتني و احتمال تجي الجامعة الليلة نون قالت لي اذا امك جات و عرفت حتحصل مشكلة كبيرة سهى قالت لي م حتجي بتكون هددتك ساي عشان تحكي ليها قلت ليها اي بكون الدكتور قال لينا يا البتتونسو خلاص وقتكم انتهى المحاضرة انتهت و انا و لاا استوعبت منها حرف كان همي انو امي م تجي طلعنا من المحاضرة و الناس الما اتلمو فيني قبيل الصباح اتلمو فيني حسة غايتو جنس حالة 😪 تاني كان عندنا محاضرتين و لا ركزت فيهم زي الناس دقيقتين اركز و عشرة دقايق اسرح غايتو كان يوم 😪💔 نهاية اليوم قلت ليهم الحمممد لله امي م جات انا شايلة همها اليوم كلو 😫😫 نون قالت لي م تخافي حسة بتجي و كان م جات حسة الأيام قاعدة بكرة ول بعد بكرة بتجي 😁 قرصتها قلت ليها يا حاقدة قالت لي انا حاقدة 😢 قلت ليها كلامك ده م عندو تفسير غير انك حاقدة ☹💔 قالت لي اي و الله حاسداك عشان مروان ساكن جمبكم ☹👊🏽 قل ليها تاااني رجعنا فتحنا سيرة قشران 😡 قالت لي خلاص خلاص 🙊 قلت ليها اصلا المشاكل دي كلها ب سببو سهى قالت لي بالجد الحسنة م بتنفع فيك اول شي مسك الولد منك تاني دافع عنك قدام العميد قلت ليها هو ما دافع عني هو بس قال الحقيقة الكان ممكن اي زول حضر الشكلة يقولا 😒