الجزء 10
و بقينا قاعدين انا و متوكل برانا !! ...
اتوترتا شديد حتى القعدة غلبتني ،، قالي :
_انتي ما رحمة !
*طيب وانا منو ؟
_ما عارف فيكي حاجة ناقصه ، ما انتي !
*ما بتفرق انا ولا لا ، اهو عايشه والحمدلله ..
_ما كنت بخطر على بالك ! ما بتفقديني ، من ما سافرتي اصلو م قلتي كدي اتصل على الزول دا ؟
* ودا بيفرق معاك في شنو ! في كل الاحوال انت رتبت حياتك و لقيت شريكتك ..
_شنووووو ! انتي مجنونة ولا شنو م تخليني اعلي صوتي في المستشفى !
*ااي دا نظام خذوهم بالصوت ، صح ..
_رحمة م تستفذيني
*ما بستفذك يا متوكل ، الرابط الكان بيربطنا اتهدااااا ، كل البينا خيط رقيق شديد ، و علاقتنا بتتمحول حولين ابوي و بس ..
_دا اختيارك انتي ؟
*لا دااا اختيارك انت يا متوكل .. و صح شكرااا لوقفتك الوقفتها مع امي واختي و ابوي م بنساها ليك ..
_وانتي منو عشان تنسيها ولا تتزكريها لي ولا عشان تشكريني اساسا على حاجة زي دي ، لا يعني انا مستني شكر منك مجنونة انتي ولا شنووو. ! انا كان بقدر كان اديت ابوكي داا عافيتي دي كلهاااا ، و انا الولد الكان بحلم بيهو طول عمرو و هو ابوي ... فاهمه !
*انفعلت كدا مالك اسي ؟
_كلامك زي السككاين في كل مرة بتصممي تجرحيني يا رحمة و ما بتترددي ، كل مرة بتغرزي فيني سكين اقوى من القبلووو..
*انا ما اذيتك يا متوووكل ، و بعدين ما تناقشني على ماضينا ، ركز في الحاضر حقك
_عارفه انا ما بمد يدي على مرة ولا من اخلاقي ولا مبداا بمشلني ، لكن جد نفسي اديكي كف افوقك ، ما عارفك غبية ولا بتستغبي ، عارفاني بحبك و منتظر منك حركة ، حركة بس و انتي مصممة تتمادي ، و تعملي فيها ما فاهمة ، اديتيني ضهرك كم مرة يا رحمة ! انتي دايرة توصلي لشنووو ؟
مرة تحسسيني بي حبك و مرة تحسسيني بي لهفتك و مرة بخوفك و مرات كتيرة زي الما بتعرفيني ، بتوجعيني ليه بالطريقه دي ، حبي ليكي دا ذنب ! مضااااايقك انا ؟ واقف ليكي عقبة في خياراتك و حياتك ! لو انا كدا وريني ، عشان انا زاتي ما ابقى سقيل !
*و علاقتك مع مريم !
_مريم ! انتي ..... انتي ... مجنونة في راسك دا ! مريم شنو وزفت شنو ليه عايزة توصليني مرحلة ياخ ..
*انا عارفه ان في بينكم علاقة يا متوكل !
_لا قولي لي انك ما بتقصدي المكالمة ديك ! رحمة انا بعتذر عن اي تفسير عن الموضوع لانو بالجد مهين و كوني ابرر ليكي زي الشافع دي بخليني استصغر نفسي .. اسألي يمنة و هي حتشرح ليكي لانها عارفه كل حاجة ..
*........... متوكل ، انا عارفه ان الفترة الجاية حتكون صعبه شديد و انا خياراتي م بتناسبك و بتجرحك و بأذيك من غير ما اقصد ، عشان كدا العلاقة دي يا ريت يكون حدها هناا !
(يمنة جات )
يمنة : مالكم ؟
متوكل : يمنة اسبقينا العربيه ، عندي كلام مع رحمة معليشش ..
يمنة : طيب ...
_قصدك شنو يا رحمة ؟
*في البداية اعترضت على سفري و انا صممتا و سافرت وانت م راضي و حبك لي جبرك تخضع لقراري ، و ....
_و شنو كملي !
*انا راجعه الامارات تاني يا متوكل !
_!!!!!!! طيب ، اديني السبب ، سفرتك الاولى كانت ليكي اسبابك ! اسي السبب شنو ؟
*حأسالك سوال ، اسي ابوي بعد يتم علاجو هل انت شايف ان عندو طاقه يشتغل بيها ؟
خليك من دا ، ولو حيشتغل ، حيشتغل شنو والجزارة السنينو كلها بشتغل فيها حصلت مشاكل الدنيا فيهااا ! وريني الوضع حيكون كيف ! متوكل ابوي الله م رزقو بي ولد لكن رزقو بي اناا و انا استحالة اخلي ابوي يشقى ..
_تمام سافري ، و ربنا يوفقك ... قومي خليني اوصلكم البيت ...
*دقيقه يا متوكل ، زعلت صح ؟
_في كل الاحوال انتي بتعملي الفي راسك ، عشان كدا دا نقاش عقيم يا رحمة ، مشكلتك بتعايني لكل الجوانب و انا اصلا ما شايفاني ولا شايفة حبي ولا بتفكري فيني اصلااا ..ّ
*متوكل : ما تقول كدا انا بحبك والله بي انا كل حاحة ماشه عكسي و ضدي و م بينفع حتى نتزوج الوضع اتغير و لي اسبابي الخاصة صدقني ..
_انتي شنو ؟
*لي اسباب بتمنعني من العلاقه دي !ّ
_لالا القبلها ، قلتي شنو !! بتحبيني ؟ جادة ؟
* مممم ... مممما ما مم متين قلت كدا ..
_م مهم متين ، المهم قلتيها ، و صدقيني مافي سبب في الدنيا بيمنعني منك غير الموت ، اياً كانت اسبابك انا حاعيشا معاكي بي حلوها و مرهااا يا رحمة ، الحب اقوى من اي حاحة !
*لا ي متوكل انت م فهمتني ، انا قصدي ان ....ّ...*قاطعها
_اششششششش .. منتهي يا رحمة علاقتنا متوقفه على سلامة عم محمد ارجوكي م تقولي ولا حرف ، خلينا كدااا و عيشي لحظة الفرح و خليني اعيشها معاكي ، لو سمحتي كفاية نقاش و ضيق و قلق ، نرتاح شوية ....
*طيب يا متوكل بس حنتكلم فيما بعد ..ّ
_والله م حنتكلم لا فيما بعد ولا فيما قبل منتهي ... يلااااا #قدامي !
*يا الله ...
_يلااااااا ياخ .....
*طيب ...
( في جانب مناهل ) ّجمب الباب
مناهل : انور ...
انور : خير !
مناهل : ممكن اتكلم معاك ؟
_تتكلمي معاي انا ! و هنا ! غريبه ، اتفضلي ..
*طيب اذا هنا ما ممكن ، طيب ممكن رقمك ؟
_اسف ... اتفضلي سامعك ..
*انحنا
ماشين من هنا بعد شوية و تاني م معروف حنجي هنا متين !
_ تمام ...!
*شنو التمام ؟
_ايوا كملي م فهمت ، المطلوب مني شنو ؟
*...........
_يا بت الناس الوقفه كدا في الشارع ما حلوة ، خليكي مني انا ، في حقك انتي ما حلوة ..
*عشان كدا قلت ليك اديني رقمك ..
_كملي كلامك سامعك ..ّ
*باختصار انا معجبة بيك يا انور ، و كنت فاكرة انو متبادل من نظراتك لي ، دا الخلاني اتجرأ واكلمك !
_معجبة بي ! و متبادل ! انتي عيانة ولا شنو ؟
*لا دي الحقيقه ..
_الظاهر انك جنيتي ، دا زمن شنو ، استغفرالله العظيم ، ( دخل وقفل الباب) وخلاها واقفه ...( في داعي للاهانة دي اسي ) ..
رجعنا البيت ،، و متوكل مبسوط بسطة تحير ، نزلنا و دور فات ! و مع دخلتنا البيت ، جاا اسعد طالع ،، شافني اتخلع ، قالي ، رحمة !!
يمنة عاينت ليهو و دخلت البيت ..قلت ليهو يا هلا اسعد كيفك؟ قالي ماشاء ، جيتي تكملي شغلك هنا ! قلت ليهو البلد دي لو فيها شغل البسفرني شنو ؟ قالي بس مجالك دا ف اي بلد متوفر ههههههه ..
قلت ليهو :
* بس انا م اشتغلت بشاهدتي لسة ..
_صح صح اشتغلتي ب....
*ب شنو ما فهمتك ، اا بالمناسبه اتفضل ادخل واقف برا ليه !
_لا والله ما عندي زمن لكن شفتك اتفاجئته هه تتزكري يا رحمة تمسكي بيكي و مشاعري الاتكونت تجاهك بعد الطلاق !
*(اتوترتا) ااا يا اسعد دا موضوع قديم و انتهى ، والكلام مافي فايدة و ...
_ههههههههههههههههه انتي مفتكراني حاقوليكي نرجع و الكلام دا ههه رحمة انتي رخصية شديد شديدد و طلاقي منك كان لخيرر و كل الحصل ف علاقتنا كان لخييير و صدقيني انا مستحيل افكر في اني اتزوج وحدة بتاعت رجاال زيك ، سمعتك فااايحة في الحلة يا رحمة ، يارخيصة !
*دد دا كلام شنو يا اسعد ، بسم الله ، انت ليه بتتكلم عني بالطريقه دي ؟
يتبع .....