الجزء 6

قالت لي مؤيد #سافر !

*سافر !!! ... اااا و انتي عرفتي من وين ؟

_بب بصراحه مؤيد كان متواصل معاي من لحظة جيتي هنا وكان بيتطمن عليكي مني و طلب مني ما اكلمك ، و اسي والدتو تعبت شوية و سافر !

*سافر ! يا رب ،، يارب .... اسوي شنو انا اسي ، يا الله اسوي شنوووو ؟

_في شنو انتي ، حاسة في حاجة غلط يا رحمة ، انتي ومؤيد في شنو ؟

*مافي حاجة .. بالنسبة للحاجات العايزة اشتريها لناس البيت ، ينفع ننجز اسي عشان بكرة استف ولسه عندي غسيل !

_ايوة ممكن ، و غسيلكك الا تودي الدرايكلين

غسالتنا بتكهرب ..

*طيب ...

_طيب افردي وشك الا ما تتعدل يا رحمة ، اسي ربنا رتب امورك بطريقه حلوة و مفاجأة انا بالجد اتعلمت منك اليقين ، لدرجة بقيت ما بقيم المشكلة ولا بحس بيها و بتعامل بي رضا تام. .

*الحمدلله ... يلا نمشي ..

( م ح اجيب جوانب تانية في الجزء دا )

المهم ، بدينا طوالي لف ، كل حاجة نفسي فيها جبتها ليهم ،كل حاجة جربتها من غيرهم و اتمنيت وجودهم معاي جبتها ، و اشتريت لابوي حبيبي جلاليب وشباطه ( زي قفة فرح محمدة بالسلامة باذن الله )

م خليت حاجة ، حتى مريم و مناهل جبت ليهم لبسة لبسة .. وبقيت محتارة في متوكل بين عايزة اجيب و بين لا حا اجيب بمناسبه شنو .. اخر حاجة جبت ليهو كم حاجة كدا .. واشتريت شنطتين زيادة ..

المهم ساعات من اللف ، اخر شي اتعشينا في مطعم و رجعنا البيت .. دخلت الحاجات كلها في الغرفة .. و انجدعت في السرير الغيار غالبني ،،

المهم جاي جاي قمتا ، اخدت دش و غيرتا ، و رجعتاا قعدت في الارض ، وبعاين للحاجات الجبتها و قعدت ابكي ابكي ابكي ، بي حسي و الله ما قادرة افرح مغبونة شديد ، و الكسرة دي ما دايرة تفارقني حسيت حياتي انتهت بالجد ،، البت شنو ؟

البت شنو غير العفه والشرف والاحترام ، بالجد لو كان وافقت اشتغل الشغل بارادتي انا كان قتلت نفسي ، الحصل فيني دا غصب عني و رغم كدا مشيلة رقبتي الذنب ، الندم داير يقتلني ، و كل م اتزكر انه بالزواج برتاح بالجد مشاعري متناقضه ، انا جات علي لحظلت بقيت بفكر اتقرب من مؤيد ، عشان زواجنا يبقى فعلي وموثق ،،

انا ما عارفة اعمل شنووو ! المهم حاولت اشغل نفسي ، بقيت بفضي كل الاشتريتو و ارصووو ، رتبت شنطي كلها والداير الغسيل خليتو برا لحد بكرة ...

( م ح اجيب ليكم جانب مشية ناس يمنة المستشفى ملفي حاجة تزكر غير نظرات محمد ل يمنة الفاضحاهووو ، و ضيق متوكل من مريم ، وابوي في تحسن حمدلله ) ..

المهم ، انتو متخيلين انا نمت في الارض !

نمت و ما صحيت الا بصوت الصلاة ، قمتا مخلوعه ، عاينت للتلفون لقيتو الفجر ،، قمتاا طوالي اتجهزتا و صليت و دعيت ربنا يكترر يخفف علي وعني ..

رجعت نمته .. و صحيت الصباح ،،

ما لقيت سيدة ، شلت ملابسي و نزلت فتخت درايكلين ، وديت ملابسي واديتو العنوان ، و بقيت بتمشى في الشوارع ، بودع اكتر بلد انا اتوجعت فيهاااا ،، و ف نفس الوقت قدمت لي النجاح . .

رجعت البيت بعد جولة طويلة شديد ، رجعت البيت ، جابو لي ملابسي ، رصيتها و بقيت على طقم المطار،، رجعت سيدة ، قالت لي لازم نطلع مشوار الختام ..

قلت ليها م لي نفس والله ، قالت لي خلاص يلا كوافير زبطي نفسك ي بت انتي راجعه من الامارات ، ما لازم تظهري معاناتك ..قلت ليعا حيشوفني منو ، الحمدلله النقاب ساتر ! قالت لي انتي محبطة ياخ خلاص قعدنااا ..

و كمان فات اليوم دا بخيرو ..

جيت في يوم السفرر ،، جهزتااا. ، و طلعنا الساعه 3 ، شلنا الشنط واتحركنا و بقينا في نقاش منو حينتظرني في المطار و اني ما كلمت زول ! ينتظرني ..

جينا ماشين بي محلات ترزية مجموعه محلات شفت الطقم الباكستاني( بيشبه على الله ) وقفتهااا ، نزلت جبت واحد غلفتو ومعاهو ريحة ، و رجعت ،، قلت ليها المطار في درب شرق8 ارجوكي باسرع م عندك نزليني خمس دقايق ..

قالت لي االزمن و ما الزمن ، المهم صممتا على راي ، و فعلاً دا الحصل ، انتظرتني على الشارع ، مشيت المحل البيشتغغ فيهو كامران ،،وقفت برااا مسافه لمن حاةات اناديهو من زحمة المحل ، في واحد ناداهو لي ،، جاني ضحك سبم علي قالي انتي كريسه ، قلت ليهو حمدلله ، خلاص انا بيروح داخل بلاد ، دي هدية اتزكرني بيهااا ، قالي يعني تاني مافي شوف انت ن قلت ليهو ادعي لي بالستر وراحة البال ، و دعتو ومشيت ، و فضل واقف يعاين لي لمن ركبت العربية !

طوالي اتحركنااا ، وكل ما المسافة تبعد كل م بحس بالغربة و انا ماشة ، بالجد حاسه بالغربة حاسه اني ح اتغرب ، رغم انس راجعه اهلي ، المهم قلت لسيده :

*انتي مش متواصله مع مؤيد ؟

_ايواا

*خلي يكلمني ضروري ، خلي يتصل علي

_انا ما عندي رقمو حق السعوديه

*يعني هو سافر السعودية !

_ايواا ، الا واتساب ، واتسابو ياهو رقمو حق الامارات ، رسلي ليهو ..

*اممم ، انا من جيت تقريبا م عندي نت ، الشريحه العملت فيها النت ياها الاولي ديك و انتي عارفه الحصل ..

_الجعانة المقطعه في شريحه المعفنة دي ..

*م تنسي الشريحة باقماتها

_حتي ولو ، لو هي بت

ناس كان تخليها معاكي و بعد تسافري تمشي تكنسل الخط ..

*الحصل حصل يا سيدة بيهم و من غيرهم الحياة ماشه .. يا ربي منو بيتصل علي ، لحظة ..

*السلام عليكم ..

_وعليكم السلام .. رحمة محمد ؟

*ايوااا ، اتفضلي

_انتي كنتي مقدمة لوظيفة ادارية في شكرة (غ) ، ابو ظبي ..

*انا اسفه قدمت كتير و ما قادرة استحضر المؤهلات حقتكم و كدا ..

_طيب في حارسل المعلومات كاملة على الايميل الموجو في الc.v..

*طيب تمام ، شكراا .. *قفلت

اتخيلي جاني شغل اداري يا سيدة في شركة م.غ

_ما عرفتهاا ، دي هنا في ابو ظبي ؟

*ايواااا ، انا قدمت كتير و م متزكرة ،، انحنا لسه ؟

_حقو ما تسافري طالما ربنا رزقك بالشغل دا اكيد حتكون في مقابله احسن تعملي الانترفيو و بعدين تسافري !

*بسم الله انحنا ماشين على المطار دا اذا ما وصلنا كمان ، صعب..

_انتي خلاص قطعتي كل حاجة ليها علاقة بالبلد دي ؟

*حأرجع، صدقيني حأرجع بس جاليا قلبي اتعلق بالسفر و ابوي و يمنة وامي اخخخ مستحيل اسي اكنسلو م بقدر لو لي نصيب في الشغل دا ربنا بيرتبا لي ..

_ربنا يكتب ليكي الخير

*سيدة ،شكراا على كل حاجة ، و بتمنى تغيري من نفسك انتي فاهماني ! ربنا دايماً بيدي فرص للتوبة و للغفران ، و م حاقول اكتر من كككدا ..

_فهمتك يا رحمة ، وريني التزكرة رقم الصالة كم ؟

*دقيقه .....تلاته !

_اووه الا ارجع وراا ، ولا اقوليكي خلينا نتمشاخا م بعيدة ، انزلي جيبي عربيه انا حابركن هنااا ..

*طيب ....

نزلت و جبت العربيه ، نزلنا الشنط ، و سيدة زافه العربية مني ، ما شايله الا هم الشنط التقيله دي و انا براي !

دخلنا الصالة الاولى ،، عملت الاجراءات البدائية ، و بعد كدا سيدة م حتدخل ثعاي ، ودعتهاااا و دخلت ..