الجزء 3

بقيت راخيه اضاني شديد ولقطتا كم مقطع كده لانو كانت صوتا عالي بتسمع نص نص وكانت بتقول : انا لورا ياحلوة بقدر اجيب راس اي واحد وبقو يضحكو ، البت انتبهت اني بعاين ليها قامت ابتسمت وغمزت لي انا غايتو خجلتا ونزلت عيوني منها بس كانت مزة جامدة والكل بعاين فيها ، بعد فترة اخوي الكبير اتصل علي وقال انو جا يسوقني قلت ليهو يطلع لي فوق كنت عايزاهو يشوف البت اللي قالت اسمها لورا بس قبال يصل قامت مع صاحبتا ومشو لما اخوي جا زعلت على ضياع الفرصة ،اخوي شهاب اسمو عمرو ٢٥ سنة شاب خلوق وملتزم ، لما جا سقتو علي جمبه وحكيت ليهو الموقف قال لي البت كبيره ولا صغيرة قلت ليهو شكلها سنها صغير بس مابعرف قدر شنو تكون تحت سن العشرين مامتأكدة والله قال لي عاملة كيف وصفتا ليهو هيأتا غايتو فكر كدة وقال لي يمكن مجرد شبه ويخلق من الشبه اربعين ، بعداك ساقني نزلنا مشينا والمفاجأة نلقى البت واقفة في الباب اخوي شهاب بهط منها لما لفتو عليها قال لي فعلا تشبه خالتي وقفنا مبهوطين نعاين لي بعض لما انتبهنا اننا ضيعناها و فاتت مشت شهاب ساقني ومشينا وشهاب قال لي طال مالقيناها هنا معناها بتجي هنا كتير انا تاني بجي كل يوم اشوفا لو بتجي عشان نتأكد اذا دي بتها المفقدوة ولا تشابه مااكتر

%%%%%%%%%%%%

هاي انا لورا رجعت ليكم تاني , انا بعد تميت الساعة مشيت حرست الود سيف تحت في المدخل ولما جا مشيت معاهو وسقتو معاي بيت بتول، انا مابمشي بيوت غريبه عني ابدا عند بتول بنقدر نتحكم في الوقت والزبون كده كده بدفع ، طبعا جننتو ليك جن وقضا معاي ساعتين ومشا بعد دفع كوم قروش ، بتول الجشعة فرحت بي وكانت فخورة ، عبدو كان غيران وعمل فيها زعلان اجي ياكدة ؟ انت ماغرت على امك اللهي امك جاي تغير علي انا ، قلت ليهو ياعبدو ده شغل وانا ماملزومه اراعي مشاعرك قال لي يالورا انا بحبك قلت ليهو ماعندي مكان للحب والعشق ده كلو كلام خارم بارم بالنسبه لي ولو عايز تتمتع تدفع زيك وزي غيرك طبعا بتول انبسطت من رد فعلي كانت عايزاني افضل كده احسن ، انا عن نفسي مانفسي احب ولا نفسي اعرس لاني عملت البعملو المتزوجين واكتر انا لبست قمصان نوم اجدع مرا مالبستا وبتول كانت بتريحني بي الخمر وقت الجريمة ولو عشان الولادة انا ماعايزة اجيب اطفال يتعزبو زيي ويلاقو بتولات يضيعن حياتهم برضو وبعدين انا بت حرام البعرسني منو وديلاك مااهلي ماشين يعرسو لي ويصرفو علي عرسي؟ اذا كان انا البصرف عليهم اقتنعت تماما اني مابنفع غير اني اكون منحلة وبت ليل بي المسمى الراقي ومطلوقة بي المسمى التاني ومابقدر اقول المسمي التالت .

في مرة من المرات بتول قالت لي في مرا في الفريق دايراك تلفحي راجلا عايزاك تخلي مابطلع من هنا ،عشان مرا شايفة روحا وبتحتقر بتول انا طبعا وافقت ويوم راقبت الراجل لقيتو مارق من بيتو جيت ماشه بي عندو وخليتو يبلع في ريقو انا زي ماقلت ليكم ملفته للنظر ولبسي لبس شاذ ، الراجل وقف متسمر وانا قربت سلمت عليهو وقلت ليهو : انت راجلا لي خالتو فتحية مش؟ انا لورا بت خضر البقال ، الراجل اتكبكب فيني وقال لي ماشه وين تعالي اوصلك ومشيت ركبت معاهو وطول الطريق اتونست معاهو وقلت ليهو صراحة انا معجبة بيك من زمان وبحسد خالة فتحية عليك انت لسه باين فيك روح الشباب وهي مامناسبه ليك، الراجل اتخلع مني وانا كابستو بي ضحكة حلوة مخولت ليك مخو قام وقف العربية علي جمبه وبدا يقول لي معقول بت حلوة زيك كده تعجب بي قلت ليهو اي خصوصا انك وقور بس شايفه فيك قوة وبتقدر تجزب البنات من كل الاعمار قال لي انتي جريئة قلت ليهو خلاص معليش ونزلني هنا قال لي استني استني انا بعد قلتي كلامك ده بفكك؟ ضحكت ليهو وهو قرب يدو وختاها في وركي قلت ليهو ماهنا لكن قام ساق مشى بينا حته خرابه كده ووقف العربيه والراجل ماصدق قام يسوي لي في حركات وانا من جوة ميته من الضحك الراجل المابختشي عايز يتصابى معاي ، المهم حصل المراد وهو لمن عرقو كابي يعععععع والله انا شفت كمية قرف في حياتي يكفي ويفيض ، المهم بقى مجهجه بي وراي لحد مادخلتو عند بتول وتاني مرة سوا البدع عشان يثبت لي انو لسه شباب هههههههههههههه غايتو الرجال ديل لما يقومو على الجهل بتجوهلو شديد، طبعا سيف كرر الزيارة وكمان عرف اصحابو الدرب اولاد تافهين صحي، شوفو انا مابنبز الناس وببري نفسي انا عارفة روحي مغمسة في الوحل وغرقانه في الغلط بس دي حياتي كده اسوي شنو

طبعا امتحنت خلاص وحارسه النتيجة تطلع وبتول وامي بقو ياحاولو يقنعوني انى ماابقى طبيبة قلت ليهم صرفت نظر ارتاحو الطب ده مهنة شريفة مادايرة واحدة زيي ماشريفه وخلاص بقرا اي شي تاني

وفي يوم من زات الايام ظهر لي زبون وزنو تقييل ونقلني نقلة تانية