الجزء 5

رنا ولسه قصتى ماخلصت ،يلا اخوي شهاب بقى يمشي المول كتير لكن بدون فايدة كأنو بفتش عن ابرة في كوم قش وفشل انو يلقاها تاني، طبعا ماجبنا سيرة لي زول قبل ماشهاب يتأكد وبعد اكتر من اسبوع استسلم وساب التفتيش، يلا حصلت حاجة قلبت حياتنا تاني قلب، خالتي اصلا راجلا كان راجل مرا وعرس خالتي في مرتو ، مرتو دي ماكانت بتلد وعرس فيها وخالتي حملت وراجلا بقا حاتل عندها والعجيب المرا حملت بعد خالتي بي فترة خالتي ولدت البت وياهو سرقوها وديك بعد شهور ولدت وجابت ولد، الدايره اوصل ليهو انو سمعنا انو ولدا عمل حادث كبير وحسي دخل في غيبوبه وحالتو خطيرة والمرا دخلت في حاله هستريا وتبكي وتقول الله عاقبني في ولدي الله عاقبني ياالله خليهو لي ده مازنبو شي ياربي سامحني طبعا راجل خالتي مافهم قصدها شنو لحد ماجاتو وقالت ليهو انا مجرمة انا سرقت بت سهام ‏( سهام دي ياها خالتي ‏) انا دي سرقتها والله حسي حايشيل ولدي طبعا الراجل انبهط منها وقام عليها وخنقا انضمي ده كلام شنو وضحي اكتر قووووولي، يلا حكت انها بعد خالتي ولدت شعرت بي حقد شديد وجابت ليها مرا خلتا تجي ناس خالتي عشان كايسه شغل وعشان البيت كان محتاج شغلوها وقامت المرا غفلت الكل وعرفت تسرق البيبيه ، يلا ودت البت لي المرا دي واسمها رجاء ياها ضرت خالتي وقالت انها شالتا وادتا لي مرا بتعرفا كانت مابتلد وخايفه راجلا يطلقا قامت ادتا البت وقالت ليها خبيها كويس لانو اهلا حيبلغو الشرطة، يعني قسوة وعدم ضمير وحسي ولدا راقد مستني الموت وقالت انا السبب ربنا عايز ينتقم مني، طبعا راجل خالتي مامدت يدو عليها قال بعد ولدو يقوم عايزا تتحسر كده في البداية وقام مشا بلغ الشرطه عشان يجو ياخدو منها معلومات عشان يفتشو عن الناس العندهم البت، طبعا من اهلي بي جاي عرفو حصل هرج ومرج وخالتي الا توصل المرا قالت عشان تقرقشا بي سنونا كان نارا تبرد شويه غايتو هدوها امي وابوي بي العافيه، عايزة اقيف واكلمكم عننا شويه خالتي دي هي وامي بتين ماعندهم اخو وامي الكبيرة وابوي بقى ليهم السند لانو بعد البت اختفت خالتي وارجلا انفصلو لانو كان لايما على ضياع بتو مارحم حرقت حشاها قامو اتطلقو ، وامي وابوي عندهم شهاب واخوي شادي وانا شادي ده اكبر مني بي سنة وخالتي جات سكنت عندنا من الزمن داك، شهاب على ضو الحصل حكا ليهم موقفنا مع البت الفي المول وقصة شبها لي خالتي طبعا ابوي شاكلنا انو سكتنا وانو ماباريناها لمن كانت قدامنا وغايتو كانت زلة شديدة قالو جايز تكون البت الضايعة، غايتو انا تقول عايشه جوا فيلم بس مامصدقة ده كلو يحصل لينا بقيت اكبر من سني مع اني عمري حسي ١٦سنه بس كأني تميت ٣٠ او٤٠سنة وعايشه مشاكل عجيبة .

يلا الشرطة بي ضو المعلومات دي وبي عنوان المرا القديم بدو البحث ، رجاء كانت فاكرة الفريق الساكنة فيهو المرا لكن نست البيت طبعا لازم تنسي ما مرو ١٨ سنه كاملات بس متزكرة انو المرا اسمها حيات سليمان وراجلا اسمو خضر بس ماعارفه اسمو الكامل ، يلا الشرطه مشو الفريق ولفو علي كل البيوت والغالبيه بين مابعرفهم او بعرفهوهم لكن قالو رحلو ماعارفين وين وطبعا الشرطه رسلو عناصر بي لبس مدني عشان مايخوفو الناس او ناس حيات يدرو انو الشرطه كايساهم،غايتو بعد سلت روح لقو مرا في الفريق قالت حيات صاحبتا وحتى بعد رحلت كانو متواصلين وسألوها من عنوانهم وورتهم العنوان ويلا بدا الفيلم الاكشن على اصولو ، مشو على العنوان وبقو يسألو الجيران وكانو بقولو ليهم ديل ناس منبوزين مافي زول بدورهم وبتهم لافة ساي وبتمشي لي مرا في الفريق مرا قواده والناس بتحاشوهم وطبعا البيت عرفوهو بس سألو واطقسو اول ، يلا البت اتلقت فعلا وقبضو المرا وراجلا ومسكو البت عندهم عشان هم انكرو واصرو انها بتهم ويلا عشان المرا حيات دي جاهلة ماعارفه انو في تحليل بتاع ال DNA البثبت النسب لي منو اصرت وكزبت قامو عملو التحليل واخد زمن طبعا عشان تظهر النتيجه وقتها عرفنا انو البت اسمها لورا وهنا انا اتأكدت من انها البت الشفتها صدفه ويلا في احداث كده بحكم سني ماعرفتها لانهم دسوها مني حاجات ماللصغار عشان كده ارجعو اسمعوها على لسان صاحبتا يلا سلام .

هاي انا لورا ويلا نكمل ، انا طبعا تميت١٨ سنه ونتيجتي ظهرت وجبتا ٨٠ وقدمت لي كلية اداب لغة انجليزيه واتقبلت وكنت فرحانه بس وين لقيت الفرح ده اصلو مابدورني وزادت علي الصدمات واحدة جديدة لما في يوم كنت في البيت مامرقتا يجو ناس يدقو الباب ونلقاهم بوليس افتكرت في الاول انهم جاين يقبضوني انا عشان ناس الفريق اخيرا بلغو فيني بوليس الاداب هههههههههه وطلعو ماعملوها والقبض كان لي خضر وحيات خضر كان في الدكان قبضو هناك وحيات ساقوها من البيت وانا معاها مافهمت في شنو الا بعد وصلنا القسم واعرف ليك انو انا بت مخطوفة من اهلا من انا في اللفة وحيات متهمة بي الاشتراك في جريمة مدبره هي وخضر طبعا خضر بهط ودي اول مرة احن عليهو رغم السواهو فيني قال انو ماكان عارف انو دي مابتو الا من فترة قريبه وماعندو فكرة انها مخطوفة ولا كان عارف حيا

ت جابتني من وين غايتو الخبر كان صدمة عنيفه خصوصا اني لقيت اهلي عايشين بس للاسف فات اوان الفرح لانو قلبي اتحجر ومابكيت اصلو رغم زعلي من البحصل فيني ده بس دموعي نشفو زمان طبعا مسكوني عندهم لحد مايتأكدو من صحة قرابتي لي الناس البفتشو عن بتهم ديل ، جوني مرتين ومعاهم راجل واحده قالو لي دي امك والتانيه خالتي وراجلا معاهم وجا راجل تاني قالو ابوي شكلهم غايتو ناس طيبين لكن مافرحت بي شوفتهم كنت جامدة وسلمت بي برود وهم يحضنو ويبوسو ويبكو فيني وانا ساكته ومزهوله، الشرطه رفضو يسلموني ليهم مالم تظهر نتيجة التحليل وطبعا ظهرت بعد فترة وقالو لي انهم اهلي الحقيقيين وسلموني ليهم، الحسنة الوحيده في الموضوع انو من داك اليوم تاني مارجعت لي حياة الزنا والفواحش لكن متأخر بعد وحلت واتمليت قذارة، وساقوني ناس امي وخالتي بيتهم لانو عرفت انها منفصلة من ابوي .

طبعا من هنا بديت مرحلة جديده في حياتي بس قصصي ماانتهت لانو اهلي عرفو اني بت لافة وكنت بنت ليل على المسمي الراقي عشان انتو ناس نضاف مافي داعي اتلفظ واقول اسامي مابتتقال ويلا بدت مغامراتي الجديدة مع ناس جديدة