الجزء 6

يلا ساقوني اهلي البيت وكانو فرحانين بي رجوعي وانا صراحة ماكنت حاسه بي اي شعور ناحيتهم يمكن عشان مابعرفهم ويمكن عشان انا قلبي بقى دلجه ، بيت خالتي الكانت امي فيهو جابوني ليهو وقعدت مع امي في غرفتا طبعا انا هدومي كلها شاذة وكعبه غايتو منعوني البسا عشان في رجال في البيت وجابو لي هدوم جديده وبقيت البس طرح هههههههههههه ياناس انا فااااااسدة طرح شنو ليكم ، لقيت عندي بت خاله واخوها الكبير المز واخو تاني صغير بكا ، طبعا البت جاتني وسلمت علي وقعدت قالت اسمها رنا قلت ليها وشك مألوف قالت لي اتلاقينا زمان في المول وانتي ضحكتي وغمزتي لي ، والله؟ مامتزكرة معليش

لقيتا عمرها ١٦ سنه فجأة وشي اتغير واتزكرتا نفسي في عمرا قلت ليها اطلعي وسيبيني كانت محتارة لكن مرقت طبعا ماكانو بخلوها تحتك بي كتير مرا الاسبوع الاول وابوي جانا وعرفو منو انو ولدو نجا من الموت وكفرو ليهو واتحمدلو السلامه ، يلا طبعا ابوي ورا امي وخالتي وراجلا وكان في شهاب ود الخالة انو انا كنت عايشه عيشه كعبه كانو مصدومين ومن اليوم داك شهاب بقى يحتقرني لكن منو دي الشغاله بيهو طبعا قررو يحجزوني في البيت فترة طبعا هجتا وقلت ليهم انا دخلت الجامعه ومابتخلا عنها لانها الحسنه الوحيده في حياتي راجل خالتي اقنعهم انو ده كويس لي وكانت المشكلة في الاسم ، انا امتحنت بي اسم لورا خضر وقدمت بي لورا خضر يلا ابوي اسمو السر حمادي يعني غايتو جنس اسامي اصلا ماجايه مع اسم لورا وقلت ليهم انا اسمي مابغيرو وده اسمي العشت بيهو طول عمري يلا بقى اسمي لورا السر حمادي اضحكو اضحكو ماعندكم زوق ، المهم بتغيير الاسم حصلت برجلة بخصوص قرايتي وصلت المحكمة عشان يغيرو لي اسمي في شهادات المدارس واستمارة التقديم وكده وشرحو ظروفي غايتو اتحلت بعد عزااب يبدو انو ربنا وقف معاي رغم اني عاصياهو غايتو ربنا كريم مع عبادو مهما عملو ، يلا بقو خجلانين بي وخايفين زول يعرف وينفضحو واتحول فرحهم لي احراج انا كنت بسمع كلامهم ونقاشاتهم وفي مره قررو انو عشان ماعندي ود عم يغطي عرضو وبماانو مافي راجل برضا بي فلازم شهاب يعرسني ويسترني شهاب كان خاطب ، امو طبعا مارضت ولدا يدخل على واحدة زيي وراجلا اللي هو عمو سليمان كان مصر ، ياخي الراجل ده خلاني اشك انو راجل اصلا افتكرتو ملاك لاني بكره الرجال وبشوفهم حشرات مقذذة وهو عكس ده كلو وقال لي شهاب عرسا واقنع خطيبتك انو ترضي بي ضرة معاها ولا سيبا واستعوض الله، طبعا شهاب بقي يكرهني زيادة ، انا قلت ليهم مابعرس انا بقعد كده ورفضو خافو الناس تسأل مالي ماعرستا وانا حلوة ومابقدرو يمنعو الخطاب ههههههههههههههههه هو بالله في خطاب ؟ يلا سوو لينا عقد بس مالبسوني زفاف وانا اصلا مافارقه معاي زفاف شنو بالله ، انا ياخ الحياة دي بقت مالازماني بي تعريفة ومادايرة شي، يلا عقدو ورحلونا في شقة فوق البيت المفروض كان يعرس فيها شهاب خطيبتو ، يلا شهاب كان زول دمو بقري وكارهني ويصرصر لي طول الوقت وانا اصلا ولااااا هاميني يوم قال لي بسببك حياتي اتدمرت وحبيبتي زعلانه مني طبعا ولا هماني وقلت ليهو مابتخجل تقول حبيبتي قول خطيبتي، قال لي حبيبتي مابمعنى عشيقتي لكن انتي طبعا افكارك كلها وسخه قلت ليهو اي اصلي انا مااتربيت قام داير يضربني قلت ليهو اضرب مامشكله انا ياما انضربتا ومابشكل معاي الضرب فرق انا ابوي الرباني سكير وياما ضوقني علق جامدة فأنت ماحتجيب جديد غايتو بقى ينبز فيني قلت ليهو حيلك حيلك انا ماقلت ليك عرسني ولو اهلك غصبوك وماعندك شخصيه ترفض بيها يبقا ماتجي ترمي اللوم فيني فاهم؟ وقمت مشيت خليتو ، يلا نحن شقتنا بابا فيهو سلم بنزلك الشارع طوالي ماداخلة جوا بيت خالتي وعمو سليمان ، وفي مرة دقا الباب فتحت لقيت ليك بت كده محجبه ولابسه محترم لكن طلعت مامحترمه دخلت وهي بتقول لي : انتي هي البت اللقوك منحلة ولزقوك في شهاب؟ قلت ليها بي كل وقاحه ااااي وانتي منو ، انا طبعا حيوانه ومابسكت لي زول ، يلا قالت لي انا خطيبتو انا سهى وخليك عارفه شهاب بحبني وانتي مجرد شوكه في خصرو حاتنقلعي في الاخر شهاب مصيرو يعرس المحترمه ضحكت ضحك وقلت ليها المحترمه مابتعرف عنوان بيوت الرجال وبتجي بي قهارة وتقول ده حبيبي ، طبعا قصفتها ليك قصف ثلاثي الابعاد ، الوقت داك شهاب جا ولقا الباب فاتح وكان واقف في الباب وسمع الكلام وانا شفتو وقلت ليهو اتفضل خطيبتك المحترمة جات تزورك وقمت دخلت جوة واظنو شاكلا وهي بكت ومرقت وهو رزع الباب ، جيتو راجعة وقلت ليهو تعال لاحقني في بيتكم تحت ونزلت وهو بنادي فيني ، مشيت لقيت امي وخالتي وعمي سليمان قلت ليهم عندي كلام ولازم شهاب يحضرو ،طبعا شهاب دخل بعدي بشوية وقلت ليهم بي غضب : طلقوني منو انا قلت ليكم ماعايزة لي عرس ، اتهجمو وقالو لي مالك بس اهدي رديت بي نفس الغضب : الراجل المحترم القلتو بسترني جرا كلم خطيبتو عني وجات عشان تنبزني رسلا لي في مكاني عشان يزلني ، خالتي صرت لي وقالت لي يابت انتي لميناك وسترناك اقعدي في بطن الواطه واعقلي وامي قالت لي عيب يالورا عمو سل

يمان ساكت بسمع قمت انفصمتا ليك فيهم : انتو مابتزلوني بي عرس ولدكم لي وكمان ماعندكم وش تحاسبوني كنتو وين وانا طفله لافة بين النسوان الكبار بسمع في الفارغة كنتو وين لما المفروض كان اسمو ابوي ضربني ضرب الموت مرات ومرات كنتو وين وانا عمري ١٦سنة واهلي باعوني للقوادة كنتو وين يوم ساقتني وخلت ولدا يغتصبني وييين كنتو هاااا ولما علموني ودربوني علي الزنا والفاحشة وانا لسه مراهقة وييييين كنتو لما ابوي جا سكران واغتصبني عشان عرف اني مابتو كنتو وين وامي المزورة سكتت وماحاشتو عشان عشان غايرة عليهو ومادايرة تشوفو معاي، مابتحاسبوني حسي علي حياة عشتها كلها ظلم وقهر ودموع ووضع انفرض على ولو انا اتقبلت الوضع وعشت فيهو فدا مابخصكم ، انا مامربيه انا قليلة ادب ولافة وساقطه واي اسم اختاروهو لي مابفرق ولا بهتز انتو مااهلي مابعرفكم فما تقرفوني في عيشتي وانت ياشهاب طلقني احسن عشان مابشرفك تعرف انا سويت شنو في حياتي ، بالله الجماعة بقو مزهولين امي وخالتي بكن بكا وامي قالت لي اسكتي يالورا ده كلام عيب يتقال اسكتي بالله عليك، وعمي سليمان دمع وشهاب واقف زي الصنم وعيونو قدر الفنجان مفتوحة وانا ولاااااااا دمعة مانزلتها قلت ليهم ماتقعدو لي على الواحدة واصلا لو مستعرين منى انا بمشي واعتبرو انكم مالقيتوني واني متا وانا بعيش في الشارع ان شاءالله مابفرق ماانا بت شوارع وقمت مشيت طلعتا فوق وقفلت نفسي في واحده من الغرف

يلا ادوني فرصة استريح واسمعو القصة على لسان جديد لسان شهاب باي