الجزء 1

انتي طالق..طالق بالتلاته كمان ياخ خلاص انا فترت منك انا معرسك عشان اولد منك اولاد م عندك #عقيمه كمان وبعد دا تزعلي لمن اقول ليك ماشي اعرس ليه تزعلي؟هسي انا مستفيد منك شنو؟؟ها؟ولا شي غير صرف قروش بس بنفخ في قربة مقدودة انا ماشي اعرس واحدة بتولد فهمتي وانتي برميك عند أهلك وشوفي ليك زول يلمك ولي علمك انا معرسك انتي التانية وعلي فكرة كمان كنت ح اطلقك بعد أولد منك لانو مرتي ديك عقيمه برضو ولأني بحبها شديدددد اتفقت معاها اني أتزوج واولد واشيل الولد واطلقك واديها الولد بس دا كلو القصة فهمتي ي حلوة.. صمت كدا غريب شال تلفونو والمفتاح وطلع أما انا فكنت م برمش اصلا من شدة الصدمة والشي السمعتو دا حاسة بي ألم وخلعهة وخوف وانكسار وكدا احاسيس ملخبطة حتى م قادرة انزل دمعة ولا قادرة ارمش بعد تعب غمضت عيوني بسرعه وفتحتهم عسى ولعل يكون دا حلم مخيف بس للاسف دا الواقع ودي الحقيقة المرة قعدت في الأرض كدا واديت نفسي كف حاااار حتى بديت أبكى بكيت بكاء لمن الله غفر لي حسيت انو ح أتشرط من البكاء ودموعي ديل انتهو انا العروس ال م تميت سنه اتطلق؟؟الناس ح يقولو عني شنو؟؟وانا اعمل شنو هسي؟؟وامشي وين؟؟اكيد اخواتي ح يشمتو.امي ح تنصدم واحتمال تمرض.دا كل الكلام الكان في راسي اللحظة ديك تلفوني رنه لمن قطع م قمت تاني رد برضو م قمت بعد أربع مرات قمت بتكااسل كدا من شدة البكاء مشيت لقيتو دا راجلي اسمو منذر ي حلات مسجلاهو وتيني💖استغربت لكن فرحت قلت بكون أتراجع عن الطلاق رديت ليهو بلهفة وسرعهة قلت ليهو الووو قال لي اسمعي بعد ساعهة كدا القاك جهزتي عشان اوديك ناس أمك فهمتي ستفي شنطك وطق قفل الخط تاني دموعي جرو مسكت التلفون مسحت اي شي بتعلق بي منذر ومشيت نزلت شنطي وانا ببكي بحرقة وبرجف كل حاجاتي ختيها لكن م شلت منو ولا شي حتى الدهب خليتو ليهو بس حاجاتي ولبست عبايتي دخلت كل الغرف ودعتهم والمطبخ الحمام الحوش اي شي في البيت هبشتو ومشيت قدمت حاجاتي للباب وانتظرت منذر جاني بعد مسافهة ضرب لي بوري طلعت شنطي حتى م جا ساعدني فيهم تعبت شديد في رفع الشنط رفعتهم وطوالي ركبت أول م ركبت مدا لي ورقتي ابتسمت بي ألم كدا طبقتها وختيتها في الشنطه واتحركنا..

مسافة الطريق تعالو أعرفكم علي :-انا دعاء بت من أسرة مكونه من 3بنات أكبر مني متزوجات كلهم رجال يسدو عين الشمس واحدة اسمها دانه الوسط بتحبني شديد والصغيرة دنيا حنيينه بس بتكرهني دا الشئ ال عرفتو من تصرفاتها الكبيرة داليا رأس الهوس بتكرهني شديد ابوي متوفي زي م قالو وأمي مرة كبيرة قاعده معاها واحده من اخواتي بي اولادها عشان امي م تقعد معاها انا قريت هندسة ديكور وم اشتغلت منذر شافني في حفلة واتقدم لي وعملنا العرس وكدا انا ملامحي بسيطه وجميلة نوع البتسرح فيهم داك بدون م تشعر (والله لو دي حقيقة احلق شعري😂😂قال تسرح قال انا لمن اسرح في روحي 3يوم م بنوم من المغصه😂🐸الوش حدث ولا حرج)ومنذر تاجر كبير في السوق مرطب امي بتحبني شديد م كنت عارفة انو منذر معرس ولا أهلي م كانو عارفين الا بعد الطلاق حتى صدمني بس الغربية طول فترة عرسنا دي م شفت منو شي غريب إلا مرة سافر شهرين قال عندو بضاعهة ماشي بجيبها وانا مشيت بيت ناس امي (اتاريهو ساق مرتو ديك وسافرو😂)

وصلنا البيت نزلت دقيت الباب أول فتحت لي بت اختي اسمها هيام عمرها 7عاينت لي باستغراب لانو عيوني مدمعهة وشكلي غريب دخلت الشنط وطق قفلت الباب في وشو اتفضل م قلت ليهو دخلت وجري لي امي لقيت راقدة بتحضر أول م شافتني اتخلعت ووقغت علي حيلها جريت ضميتها وبكيت بقول كلمة واحدة بس طلقني طلقني وأبكي امي زاتها بكت معاي قالت لي م يستاهلك الكعب دا وتبكي اختي كانت في المطبخ طلعت بصوت بكانا اسمها دنيا ام هيام دي عندي هيام أكبر واحدة والدين وتؤام اسمهم همام وهشام حلوين م شاء عمرهم5 وهسي حامل راجلا عندو مكتب كدا ومقررش هي بتكرهني لكن حننننيينه استغربت طبعا من بكاي قالت لي مالك امي قالت ليها طلقها منذر عاينت ليها لقيتها اتأثرت لكن عملت الموضوع عادي وكدا بس هي عيونها قلبوو حمر وانا لسه ببكي أما دنيا رجعت المطبخ انا بقيت بتكلم مع امي بصوت مسموع قلت ليها طلع معرس وكان ح يولد مني ويطلقتي ويدي الولد لمرتو ديك لأنها م بتولد برضو ي امي انا ذنبي شنووو انو أنا م بولد ذنبي شنو انا انا دا م قدري كدا انا ح اعمل شنو مثلا في يدي شنو؟؟هو لي بعمل كدا انا مالي؟؟وأبكي جو هيام وهمام وهاشم بقو يبكو معاي مع أنهم م عارفين الحاصل فتحت ليهم يدي جو جارين علي ضميتهم وقعدت أبكي لمن خلاص دموعي انتهو قلت ليهم يلا ي حلوين البكاء انتهى ارح نلعب دس دس الدموع في عيونهم قعود يصفقو قبلت لقيت امي سرحانه دخلت المطبخ لقيت دنيا أول م شافتني قشت دموعها وم اتكلمت ابتسمت ليها قلت ليها ممكن اعمل حاجه قالت لي اي اعملي صوتها ظااهر أنها متأثرة زحيت بعيد منها وتاني جريت عليها حضنتها قلت ليها حتى لو بتكرهيني انا بحبك ضحكت لي.