الجزء 11

م لقيت لي شي بقيت بفتش قعدت عديل لأني كنت تعبانة بس الساعة الباب اتأمن وجهاد دور العربية واتحرك انا خفت خوفة بقيت بقول ليهو اقيييف أبى يسمعني بقيت بضرب فيهو برضو أبى خلاص دموعي جرو وقلت الليلة ح يعمل فيني شنو معناها كان بخطط لي كدا وأبكي واضرب فيهو بعد شوية وقف العربية عاينت لقيتو مول اتطمنت شوية نزل قال لي انزلي ي عويرة صريت ليهو قلت ليهو رجعني الببيت قال لي طيب قفل الباب دخل المول قعدت أتلفت كدا مسافة الساعة الجا مجنون شكلو عجيب بقى يدق لي في الشباك خوفني خوفة مشا جاب طوبة بس فتحت ليك الباب وجري للمول بقيت ببكي وبفتش في جهاد لقيتو وافق بتكلم بالتلفون جريت عليهو مسكتو وبقيت ببكي اقول ليهو المجنون برا ح يكسر العربية الليلة مسكني قال لي وين قلت ليهو برا طلعنا لقينا المجنون شايل الطوبة والناس ماسكنو أول م شافني فكى الناس وجاني قال لي انتي ليه م فتحتي الباب جهاد مسكني عليهو شديد بقى محاوطني والناس بمسكو فيهو الساعة ال مجنون فكى الطوبة بس جهاد لزاني الطوبة جلت طوالي جهاد ركبني العربية وطوالي دور العربية بسرعة بقيت برجف من الخوف جهاد مسك يدي فركها لي وداني البيت كنت هديت شوية نزلت قال لي معليش ياخ ومدا لي كيس م كنت فاهمة شي شلتو ودخلت طوالي علي غرفتي رقدت نمت نومه صحيت بعد إذان العصر شفت كيس جهاد لقيتو سلسل كدا رقيق شوكلت م عرفت المناسبة شنو اتذكرت جوانه قاعدة معانا اتوضيت صليت ومشيت لقيتهم قاعدين في الحوش بنضفو الخضار امي قالت لي يخسي تنومي تخلي الضيفة براها قلت ليها والله كنت نعسانه ياخ معليش جوانه قالت لي م مشكلة ياخ قعدت نضفت معاها شوية كدا قمنا انا ودانه ختينا الغداء أكلنا ورجعنا تاني خلصنا النضافة بعد المغرب مشيت مع جوانه غرفتي جوانه قالت لي إلا تحكي لي كنتي وين مع جهاد حكيت ليها طوالي ضحكت وغمزت لي قالت لي عايزة شوكلت طوالي جبت الكيس فتحتو شافت الحاجات قالت لي اوبباا دا كلو اها بقى فيها حب ولا شنو عاينت ليها كدا😕😑رجعت لي الكيس قالت لي دي هدية م بشيل منها قلت ليها عنككك فتحت لي شوكلت بقيت باكل فيها مديت لي شالت حتة كدا تلفوني ضرب رقم غريب قلت الوو قال لي اهلاا ي دعاء عرفتو جهاد قلت ليهو كيغك؟ قال لي تمام ولله وأنتي؟ قلت ليها عال العال حمد لله قال لي معاك زول قلت ليهو أي جوانه قال لي امممم عرفتيني يعني قلت ليهو أي جهاد صاح قال لي اي طيب لمن تكوني برراك مسكلي لي قلت ليهو حاضر قال لي بقيتي كيف من خوفة المجنون قلت ليهو تمام والله قال لي طيب م تنسى سلام قلت ليهو سلام وقفلت جوانه تعاين لي ساي قالت لي قال ليك شنووو؟قلت ليها سألني من خوفة المجنون وكدا قالت لي بلاي طيب انا دخلي شنو قلت ليها قال لي معاك منو؟ قالت لي اممممم صدقتك م رديت ليها قالت لي جبت الفلم بعدين نحضرو قلت ليها زابط امي نادتناا للشاي مشينا قعدنا كلنا والغربية كلنا لابسين هدوم ألوانها قريبة لي بعض جوانه قالت لينا م شاء الله حلوين شديد إلا نتصور وقفت جابت السيلفي واخدت كم صورة كدا وقعدنا شرينا الشاي الباب دق امي قالت بكون الطباخين دخلنا أول حتى هيام مشت فتحت لقتهم اولاد عمتي جو ومعاهم الصيوان استغربت قلت لي امي ليهه كرامه قدر دا كانو فرحانين بالطلاق انحنا قالت لي والله كنت دائرة اعملها بسيطة لكن أهلك اصرو تكون كبيرة قالو سلامه انك بقيتي كويسة في ناس بجنو عديل طبعا اهلي م عارفين قصة جامد بس عارفين انو من الطلاق نفسياتي اتغيرت وكدا عشان كدا رقدت مستشفى م عارفين عشان حامد المهم اولاد عمتي جو وناس الصيوان اشتغلو بعد شوية جو الطباخين ساهرنا كلنا لي قريب الصباح ونسه وضحك بالجد فرقو علي ياخ مشينا نمنا 3ساعات الصباح اذن صحينا للصبح تاني نمنا لي 8حتى قمنا نجهز للكرامه طبعا نسيت جهاد كلو كلو بقينا مشغولين بي الحاجات بتاعت الكرامه والناس بدت تجي الكرامه غداء مشيت لبست جاتني جوانه قالت لي إلا اعمل ليك ميك قلت ليها انت هبلة انا مطلقة ياخ مكياج شنو قالت لي بلاي عادي ياخ وبي القوة قعدتني عملت لي بسيط لبست مشيت أستقبل الضيوف كانو مستغربين طبعا بعاينو لي ساي وأثناء انا م بستقبل فيهم كدا جو ناس خالتو أنصاف لمن شفت جهاد حتى اتذكرت انو قال لي أتصلي علي اول م شافني رفع لي حاجب ابتسمت ليهو بس جا هو وخالتو أنصاف وجمال سلمو علي خالتو انصاف دخلت للنسوان وجمال وقف معاي جهاد قال ليهو نمشي ي جمال؟جمال قال ليهو امشي انت انا قاعد هنا جهاد قال ليهو تعال دقيقة عايزك ساقو ومشى كان بوسوس ليهو غايتو انتهيت من الضيوف دخلت لقيتهم ختو الفطور قعدت مع ناس جوانه وداليا وخالتو أنصاف أكلنا بعد الفطور الناس دي اتكسرت في البيت كتار شديد م شاء الله بي يمنى المحبوسة جات اتغدينا الغداء كان لذيذ وطااعم كنت شغالة مع الناس انا وجوانه وجهاد وجمال ودانه وداليا وياسر نودي ونجيب غدينا الناس كلهم حتى قعدنا في صينيه انحنا أنا قصادي جهاد أكلنا انا م اتفاهمت أكلت آكل لمن قلت بس