الجزء 22

كنت مرهقة بس احساس الفرح كان أعلي انا وسط أهلي وكدا كان شعور حلو قمت نمت وانا مبسوووطه بضحك براي زي الهبلة صحيت بي حركه لقيتها حبوبة راقدة جنبي وماسكاني مسكتها قوي وتاني نمت صحتني للعصر قلت ليها م علي صلاة عايزة انوم تاني جاني مغص وانا مغصي كعب مشيت لي خالتي قلت ليها في صيدلية هنا عندي مغص الا أخد ليهو حقنة قالت لي اصبري هسي بعمل ليك دوا يريحك م اقنعت رجعت جابت لي كباية فيها مويه نعنان وقرفة وحلبة مغليين شربتو كلو كان حار وتاني جابت لي قطعة دافئة كدا بقت تمشيها لي في بطني ارتحت شوية تاني نمت مسافة كدا صحوني للغداء لبست عباية الصلاة ومشيت كان كسره وسلطه ولحمع وحاجات بلدية رهيبة قبل م ناكل الباب دق يوسف فتح لقاهم نسوان الحلة كلو كم واحدة جايبن حاجه الجايبن أكل والجايبن شاي وجبنه وال جايين دقيق لي الزلابية لي شاي المغرب ولمه ظريفة اكتشفت انو لمن كنت نايمه جدو ضبح لي خروف وعزم الناس غداء كانو كتار ظريفين وطيبين طيبة والشفع وبنات الحلة جو سلمو علي واتعرفت عليهم وقالو لي بكرة ح نفسحك والأولاد برضو جو لغاية أذان المغرب عملو شاي بي زلابية والناس تضحك كنت فرحانة فرح ويوسف بنات الحلة ديل م خلوهو في حالو قاعدين معاهو وهو ظريف يتونس معاهم وسنه وانا كنت بعيدة منههم بس حسيت بي حاجه كدا زي الغيرة م رضيت يتونس معاهم بقيت بعاين ليهو وبفكر قلت في نفسي (تااني ي دعاء رجال ح تحبي تاني؟؟لكن اصلا م حبيت.طيب لو م حبيتي منذر شنو كان؟كان اعجاب طيب واحمد؟احمد م حبيتو بس جاني في وقت غلط وقت حرج بالنسبة ليي طيب م توبتي من الرجال تاني يوسف يوسف دا ح يعمل نفس ال عملو ناس أحمد أخير تنسي انتي م عندك حق تحببي ولا تتزوجي وتستقري فهمتي ي بت طيب الله يهون واقدر اتحكم في قلبي بس يوسف غير أول مرة احس انو م مفروض يتكلم مع البنات أحمد ومنذر م كنت بغير المهم حب ولا زفت مافي طيري من حياتك)انتبهت لقيت يوسف بعاين لي غمز لي وجاني قال لي عارف نفسي حلو بس م تسرحي فيني كدا خجلتيني ابتسمت ليهو قلت ليهو معليشش ي يوسف كنت سرحانة ضربني براحه كدا وفات الشارع قعدت تميت الونسه وحكيت ليهم حياتي كيف وعرفت كيف انو امي بلسم بس م جبت سيرة عرسي نهائ ولا اي حاجه عن منذر وأحمد قلت لي جدو انت مش اسمك حاج جاد الله ليه م بعرفوك قال لي جاد الله كان لقبي في الخرطوم أسمي الحقيقي صلاح الدين قلت ليهو ايواا عشان كدا الناس مشت لصقت سريري مع حبوبة ورقدت جمبها في الحوش والهوا يسوي كدي👋والحوش كبير يوسف قال لي ي بابوية ههههه قلت ليهو أسكت ي ولد مشتاقة لي حبوبة أنا قال لي حبوبة كويس ي امي لقيتي بت خالتي وبعتيني زاتي م عايزك عايز جدي ومشا لي جدو كان راقد رقد معاهو جدو ولا اتفاهم زاتو شال عكازو واداهو لبعة قال ليهو أخجل ي راجل قعدت أضحك لمن دمعت يوسف رماني بي المخدة قال لي نومي بلا قلة أدب معاك رقدت نممت صحيت بصوت دييوك لقيت خالتي صحيت وعاست وعملت الشاي والزلابية ونضفت وجدو ويوسف مشو الحواشه وحبوبة بتنضف الخدرة بصحو بدري خجلت من روحي زاتو قمت اتوسكت وكبو لي الشاي شربت ونضفت مع حبوبة الخدرة يوسف متعلق بي حبوبة وجدو وخالتو شديد لانو ربوهو من عمرو سنوات بحبهم شغال في الخرطوم بجيهم دايما قعدت اتونست مع حبوبة وقمت ساعدت خالتو في الفطور قالت لي دعوية تعالي افطري انا ماشة اودي الاكل والعصير دا لي جدك في الحواشة قلت ليها أنا بمشي انتي ارتاحي عليك الله حنستها شديد قالت لي خلاص هاك ووصفت لي مكانها حبوبة قالت ليها م تمشي براها خلي اي بنية توديها فتحت الباب لقت بت قالت ليها امونه تعالي جات قالت ليها ودي دعوية الحواشة جات البت شافعة كدا مسكتني من يدي وودتني لقيت جدو قاعد في عنقريب ويوسف بسقي الزراعة وكدا جيت ورا جدو براحه غمضت ليهو عيوني تخنت صوتي قلت ليهو انا منوو قال لي المزيونة ست البنات ضحكت وبوستو في راسو قلت ليهو صباحك فل وقعدت جمبو قال لي الحواشة منورة بيك الليلة قلت ليهو منورة بي ناسها عاينت لي يوسف لقيتو لابس علي الله ومكفكفها ياخ والله حلو شديد عيونو الكبيرة وانفوو العمودي ورموشو الغزاار والفمازة احيييي واحي وارث الجمال من حبوبة م شاء الله اتونست مع جدو شوية قلت ليهو عايزة اشوف الزراعة قال لي امشي لي يوسف قلت ليهو طيب شلت ليهو عصير كدا ومشيت براحه م حس بي قلت ليهو اليوسفي(ود عم البرتقال) قال لي ي بت انتي مخك دا طبيعي فيهو شي؟هسي لو كان قلبي رهيف وجبان كان خلعتيني لكن أنا بطل hero انا قلت ليهو شنوو؟بتبيع هيروين عاين لي بطرف عينو قلت ليهو هاك اشرب مديت ليهو تاني رجعتو شربت منو أول وتاني مديت ليهو قال لي استفرغي ليي عصيري سرعة قلت ليهو أبيت هاك أشرب قال لي شربيني يدي وسخانه انا قلت ليهو تعال شربتو كدا هو بعاين لي في عيوني وانا دايرة أموت من الخجل حاسة قلبي ح يقع كنت قريبة منو شديد ياخ دا شنو ال بحصل دا كنت فرحانه وخجلانه ومتوترة شربتو ليهو مرة واحدة قرب يتشرق قال لي اقتلي

ني ي حاقدة قلت ليهو...