الجزء 10

**بعتذر للتاخير في التنزيل لظروف ...

طبعا بعد ده اسمهان حتعمل المستحيل عشان تبوووظ

العلاقة ...

اليوم التاني اسمهان مامن . عوايدا مشت العيادة بدري

قبل مهند ودخلت ولقت صحبتا شغالة سستر معاها اسمها

مرام قعدو بتونسو ...

مرام قالت ليها مالك الليلة يااسمهان وشك ماعاجبني

ماكانت عاوزة تتكلم بس كانت مضايقة ومحتاجة تفضفض

مع زول وتحكي ليووو بدت تحكي لي مرام وكيف هي

كانت بتحب مهند سنتين وانو هسي مهند عاوز يعرس ..

في اللحظة دي مهند جاااا وصوت اسمهان كان . عالي لمن

حسا انو صوتا عالي مادخل قال شينة وكده امكن عندهم

موضوع بس سمع حاجة وااااحدة قالت اسمهان لي مرام

....

لكن لو عرسا انا في وهو في اصلو مابخلي يعرسا عليك

الله يخليني . انا الدكتورة السمحة ويمشي للعفن الاسما

نعمات ... هنا مهند انصدم صدمة لمن جاو هبوط وغلبو

المشي وبقى ماعارف يتصرف كيف وصبت فيو مطرة

طوالي فات دخل عيادتو وقعد وكلام اسمهان لسسسه في

اضانو بقى يتكلم مع نفسووو ....

معقولة في ناس بالخبث ده يعني اسمهان هسي بتخطط

عشان زواجي مايتم الدنيا دي حصل فيها شنو ... وسكت

..

بعد شوية اسمهان جات داخلة سلمت عاااادي عليووو وهو

كان ماطبيعي قالت ليو مالك .. مهند مشكلتو مابعرف

يدس وبحب المواجهة كان ممكن يسكت بس غلبووو

طوالي بدا يتكلم

اسمهان انا حصل غشيتك اني بحبك ?? قالت ليو لا ..

حصل وعدتك بالزواج ?? قالت ليو لا .. حصل لمحتا ليك

سااااي ... هسي كلامك ده يامهند لي شنو انا مافاهماك

قال ليها انا جاي داخل عليكم سمعتك بتقولي لي مرام

يخليني انا الدكتورة ويمشي للعفن نعمات وانك ماحتخلي

العرس يتم ... هناااا فجاة اسمهان سكتت وصبت فيها

مطرة وغلبا البتقوووولو

ايواااا يعني انتا يادكتور مهند يامحترم كنتا بتتصنت علينا

... اسمعي هنا انا محترم غصبا عنك

وانا ماكنتا بتصنت انا جاي داخل عليكم وسمعتا كلامك ده

... ياخي انا مصدوووم معقولة انتي بالخباثة دي ??

ومركبة لي وش الزولة الطيبانة وانا كيف طول السنين دي

ماقايلك كده ?? وعاملة فيها واااقفة جنببببي وكمان

تساعديني بالشيخ انتي كنتي بتضحكي علي ولاشنو ???

اللحظة دي اسمهان فجاة من غير تحس انفعلت وبقت

تتكلم بي يديها ايوووووة ياخ انا جواااااي بقى اسود

񹆤🐽 من عرفتك داير تعرس 💔💔 ياخي انا لي

سنتين بحبك ياخي شنو الماسويتو ليك تجي تقول عاوز

تعرس غيري ... ايووووة موضوع الشيخ كنتا بغشك كنتا

عاوزة اعمل شي يبوظ العرس اها ارتحتا ... اسمهان طبعا

كانت ماعارفة هي زاتا بتقول في شنووو زي الشيطان

👹👹👹

طوالي مهند سكتا قال ليها كفاااية كفااااية

🤫🤫🤫 ياخي انتي شيطان شكل انسان ياخ

اسمعي هنااا من الليلة وراااايح تلفوني تمسحي وعلاقتي

بيك انتهت ....

انتهت ?? انتا بتغش روحك الحرب بيناتنا ياداب يادكتور

مهند بدت 👹👹 انا حتشوفني في وشك وفي

احلامك وفي كوابيسك ولو عرسك ده تماااا تعال تف في

وشي انا في وانتا في ...

مهند انفعل وبقى يكورك ... اطلعي برة اطلعي برررررة

وصوتو بقى عالي والدكاترة جو .. مالكم في شنو قال ليهم

ماف حاجة وطلعوا ...

مهند فضل في العيادة مدنقر وبفكر في كلام اسمهان لمن

قلبو وجعو وانصدم فيها شديد مسك تلفونو مسح رقما

ودخل الواتس حظرا ومسح اي مسج بيناتهم ... وطبعا

اسمهان شالت شنطتا وقدمت استقالتا ...

الدوام انتهى بعد يوم مزعج .. ومهند رجع البيت

يتبع ...