الجزء 14

مرقت نعمات الجوال وفتحت الكرتووونة وتقلب يمين

وشمال مافاهمة اااي شي ...

النصيبة دي بركبوها وووين زاتو ... هي يااخواني اسوي

شنووو كدي النكورك لي عوضية بالحيطة خالا عندو موبايل

بتكون بتعرف .... وقفت في الحيطة

عوووضييييية ياعووووضية ... اي اي يانعمات ... تعالي

لي بهناك بدور اسعلك ... في شنو ?? امرقي تعالي ...

وجات عوضية وركبت الشاحن لي نعمات وخلتو يشحن ..

ونامت وصحت .. بقت في الطريقة التركب بيها الشريحة

بفتحو كيف بركبو كيف مابتعرف ... مشت لي ابوها ...

يابا هاااك ... ده شنو يابتي ... ركب لي النصيبة دي في

الداهي ده مهند بدور يضرب يناغمني ودنقرت وابتسمت ...

ابوها قال ليها

من الله خلقني ماشفتا شكل التلفون ده انا حقي هدا ربيكا

وشغال الا يدو خبتة في ضهرو الا التلفونات الحديثة دي

مابعرفها ... لكن اقول ليك شي ولد جارنا امحمد بقرى فوق

الخرتوم وامس جانا في العقد اظنو جالو يومين كدي لي

اهلو النمش ادي ليو بكون بعرف بقرى فوق الجامعة بكون

مثقف .. خلاص يابا كلامك صاح امش وتعال بنتظرك

هاك يابا وخلي يسجل لي رقم مهند ده فوقو ويوريك

ادوس شنو القى مهند .. سمح يابتي

وفعلا فات ابوها وادا للولد وركب ليهم الشريحة وسجل

ليهم الرقم وشرح ليو كيف يتصل ... جا راجع ابوها ...

هاك يابتي اها ركب ليك الشريحة وسجل ليك الرقم ..

اخد ليو ضحكة لكن يابتي النصيبة دي مافيها ازرار وحات

الله صلاح بي اصبعو شغال هلله هلله تكلنوجيا اها قال

ليك تدوسي بي اصبعك في الداهي ده ... يابا ياتو اصبع

في اصابعي ... مابعرف لكن شوفي الاصبع الحركتو خفيفة

طبزي بيو هنا بجيك طوالي مهند .. سمح يابا ..

وقامت ومشت دخلت الغرفة ومسكت التلفون وحات الله

تلفون ماشالله زي التلفزيون وااااضح ونضيف وحات الله

ملون كمان اها وينا النصيبة الابوي قال لي اطبزيها ....

طبعا نعمات انتو المعلومة الماعرفنها انها درست للمتوسط

وبعد داك خلت الدراسة يعني بتعرف تقرى

وااااي هدا مكتوب م ه مهند اها ابوي قال لي اطبزيها بسم

الله الرحمن الرحيم .... اها ...

وااااي وحات الله كتب لي جاري الاتصال لي مهند

قاااادر الله شوف العلم ده كيف ...

الووووووو نعمات .. الووو مهند عرفتني كيف

..

انتي ناسية انو انا الجبتا ليك الشريحة وسجلتا رقما قبل

اجيبا ليك ... اي اي نسيت .. كيفك ياقلبي ياخ انا امس

الليل كلوووو مانمتا رااااجيك ياخ ...

اجججي وحات الله مرقن بنات الحلة انجدعتا في السرير

زي السخيلة الكانت رايحة ونمتا نومة ماصحيت الا ابوي

اداني عكاز في كريعاتي قال لي قومي سوي الشاي 😂

😂😂😂😂😂..😂😂

نوم العوافي يارب .. نوم شنو ??,.. نوم العوافي ..

العوافي دي شنو كمان

نوم العوافي يعني تنومي بي عافية وصحة وتكوني طيبة

وكويسة وماعيانة ... بري وحات الله عيانة وجسمي

مكسسسسر .. مهند قعد يضحك 😂😂😂😂

😂😂😂😂😂😂😂😂 عسل انتي

بحبك وبحب عفويتك ...

وقعدوا يتونسوا ويضحكوا يلا نرجع بيكم شووية لي وراااا

انتو عارفين انو اسمهان متوعدة مهند انها ماحتخلي العرس

يتم وبقت من شيخ لي شيخ .. كلو عشان تعمل الضرر لي

مهند ونعمات .. وارادة ربنا فوق كلو شي العقد تمااا وهي

سمعت انو العقد تما قالت مابقيف الا اخرب العرس

ومازاااالت بتمش للشيوخ ...

عدت شهر في علاقة مهند ونعمات ومبسوووطين شديد مع

بعض ومهند فرش شقتو واخوه جا من امريكا وحددو

العرس ومهند حجز التزاكر لي شهر العسل يعني الامور

وااااضحة ...

وجا يووووم العرس وطبعا نعمات اخواتو حجزو ليها عن

اكبر ميك اب ارتيست في الخرطووووم .. واجمل فستان

زفاف حجزوا ليها والعرس في اكبر صالة ...

لبست نعمات وجهزت وجا مهند يسوقا من الكوفير طبعا

العدسات والميكب والنضافة وهي اصلا سمحة طلعت

ياجماعة ملكة جمال سبحان الخالق 😍😍😍😍

😍 ..

مهند جا 👇🏻👇🏻👇🏻👇🏻

لمن شافا اتبكم 😲😲😲😲😲 وماعرف يتكلم

وماقايلا دي هي اصلا اختو قالت ليو مبرووووك ياميمو

مرتك طلعت عسل وهو سااااااكت 😲😲😲😲

بعد مسافة قال ليها نعمات ??? دنقرت ضحكت بي خجل

قالت ليو اااي 😊😊😊😊 قال ليها ماشالله تبارك

الله ياخي ربنا يحفظك ويخليك لي ومسكا باسا في راسا

وفي جبهتا 😘😘😘 ... وركبو العربية ماشين

الاستديو مهند مسك يدها ❤❤ قال ليها ياعمري

اتحصني وانا زاتي بحصنك ... بدا يحصن فيهااا ويقرى

ليها ...

سبحان الله مهند قلبو كان قابضو وحاسي انو في شي

حيحصل 😞😞 طبعا عربية الزفة سايقا صاحبو

محجوووب .. دخلو اتصوروا وفي صور فردية للعروس مع

صحباتا واخواتو وكده مهند طلع برة الاستديو وخلاهم

يتصورو ... نادا محجوووب صاحبووو ... محجووووب

يامحجوووب .... اوووو العريس امر تدلل الليلة يومك

😍😍😍😍😍 ... اسمعني انا والله قلبي

مقبوووض ماعارف ليه 😓😓 ... ياعريس قول بسم

الله دي خوفة العرس ساي 😉😉 ... يامحجوب عليك

دينك ماتهظر يامان 😡😡 انا في شي حاسي

حيحصل ... يازول شي شنو كدي استغفر قول بسم الله

وقوم هديك عروسك جات خلونا نمشي

الصالة للجبجة 🏻💃🏻💃🏻💃🏻

💃 اتاخرنا وشيل الوهم ده من راسك 👊🏻👊

🏻...?

?🏻

واتحركوا مشو الصالة وماشالله في الزفة كل الناس تعلق

في سماحة وجمال نعمات ... وبسمات قعدت تبكي وجات

باركت ليهم وقالت ليو الحمدلله ربنا حضرني وشفتك عريس

😭😭😭😭😭...😭 يخليك لي ياامي

ماتبكي عليك الله ...

اثناء ماهم قاعدين في الكوشة العرسان ❤️👨️

❤️❤👩️❤👩️❤👨️❤👨️❤

👨👩️❤👩️❤👩 وبتوسوسو مع بعض ...

جات مرة منقبة ولابسة اسود في اسود وجونتيات حتى

عيونا ماظاهرة كشحت كشحة في وش نعمات وجرت

وبقووو الناس يكووووركوووو ويصرخووووو ونعمات في

نفس اللحظة وقعت وغمرت 😭😭😭😭 مهند

بقى يكووورك ناولوني ريحة ناولوني موية شوية شوية

لمن فااااقت وصحت ... بس للاسف بتبكي وبتكورك ومهند

بسئلا مالك يانعمات مالك الواجعك شنو .... مهنننننند

مههههنند انا جنبك ياقلبي مالك مهند انا

ماشاااااايفااااااااااك 😭😭😭😭😭😭😭

وفجاة عم الصمت الصالة نعمات عمت ياجماعة نعمات

عمت وهي عروس 😭😭😭😭😭😭😭

😭😭😭😭

يتبع ...