الجزء 15

نعمااااات كدي قووولي بسم الله عايني لي كدي حاولي

عايني فتحي ... ياناس ادونا مووووية ... رشوها بالموية

وغسلو وشها وبرضو بتبكي وتكورك ماشايفة

... شالا مهند جرى بيها اقرب مستشفى نعمات تااااني

فقدت الوعي من الخلعة دخلوها الغرفة وطلعوا مهند برة

..

مهند برة ببكي انا عرستها شان اسعدا نعمات عمت يوم

فرحتا ياريتني ماعرستها ياخ ياريتني ماكنت سبب في

اذيتا

.. امو جاتو ياولدي استغفر الحصل ده مقدر ومكتوب من

الله وربنا يرفعا ويجيب العواقب سليمة ... جا مارق

الدكتور ... اها اها يادكتور بشر نعمات كيف ..

الحمدلله الزولة دي هسي ادينها حقنة ودربات لانها تقريبا

مصدومة جداا ومنهارة وكلها شوية كده وتسوقوها البيت

.. بالنسبة للعيون انا طبعا دكتور عام وماشايف فيها شي

الحصل ده من ربنا كدي بكرة الساعة 8 تعالو قابلوا دكتور

اخصائي العيون ....

مهند قعد في الواطة وببكي ياامي نعمات تاني ماحتشوف

ياامي دمرتا فرحتا .... ياولدي استهدى بالله انتا بدل تقيف

جنبها وتصبرا تتجرس كده

خش عليها اسندا واقيف معاها ... حاضر ياامي ...

دخل مهند ولقاها نامت لانو ادوها ابرة مهدئه ... مسك

يدها وبقى ببكي بدون صوت ... مرت ساعتين صحت

نعمات .. اول كلمة قالتا مهند مهند ... قشقش دموعو

وقال ليها نعمات حبيبتي انا مهند وجنبك .. مسك حضنا

لمن بكت ... نعمات طبعا زولة مؤمنة بقضاء الله وقدرو ...

قالت ليو يامهند الحصل ده شي مقدر ومكتوب ودي

قسمتي ... بقول الحمدلله ... قال ليها اي الحمدلله لكن انا

دايرة اعرف العمل كده منو وليييه ... يلا هسي حنمش

البيت والصباح ان شالله بنجي للدكتور ..

مرقو ومشو البيت .. نامت امها معاها واخوات مهند ..

ومهند تحت مانام راسو يودي ويجيب ومافاهم في شنو

الساعة 8 جات ... نادا امو وقال ليها كلميهم يلبسوا نعمات

عشان مواعيد الدكتور ... لبسو ومشو وقابلوا الدكتور ...

وللاسف

الدكتور قال ليهم دي مسئلة وقت في حاجة في الشبكية

ودي علاجا قطرات لي مدة ستة شهور بعد داك لو مافتحت

يبقى عملية ... نعمات انهارت وقعدت تبكي وقالت ليو

خلاص يامهند انا تاني مابشوووف ... سكتا وقال ليها

ياحبيبتي بتشوفي ان شالله ماسمعتي الدكتور قال مسئلة

وقت مهند كان من جوووة بتقطع بس ماعاوز يحسسا بي

كده ... ومشو البيت وطلعوا الشقة ... جا مهند وقعد

نعمات في السرير وقعد في الواطة ومسك يدها ....

نعمات انا بحبك وماتفتكري الحصل ده بأثر فيني ولا في

علاقتي معاك كفاية انك شايفاني بي قلبك وان شالله ده

امتحان من ربنا وباذن الله حننجح فيو وحتعدي الازمة دي

على خير ياروحي 😍.. نعمات سكتت ونزلت منها دمعة

قالت ليو 🏻👇🏻👇🏻👇

انا بحبك وبحب ليك السعادة والخير .. طلقني يامهند

وعرس تاني انا زولة بقيت كفيفة زي زي اي كرسي في

البيت لابقدر اخدمك لا اراعيك ... مهند قال ليها هووووس

🤫🤫🤫🤫🤫 وقام باسا في راسا وقال ليها

انا جبتك انتي ملكة البيت ده وحاجيب الناس البخدموك

وانا كفاية علي طلتك وصوتك 😍..😍😍😍

😍 يابت انا بحبك انتي هسي انتي مش شايفاني بي

قلبك ... دنقرت وضحكت 😍😍😍😍 قال ليها

احييييي انا عسل ياخ عسسسسل .. ياخ اعمي روحي

عشان نكون الاتنين عميانين 😂😂😂😂😂

😂 قعدت تضحك قالت ليو ونقعذ نطاقش 😂😂..

😂😂 نزل منها وبدوو يتونسو ويضحكو .. نعمات

ارتاحت من كلام مهند بس لسه جواها موجوعة 😥

😥😥😥😥😥😥

بي جاي اسمهان عرفت الحصل لي نعمات وفرحت شديد

بالمناسبة هي عاوزة تخرب العرس ماعشان تعرس مهند لالا

هي هدفاااا تدمر مهند وتكسر قلبوووو زي ماكسر قلبها ...

قالت بعد ده انا اعرس عشان مهند يندم ويقول كان اعرساا

... هي قايلا انو مهند شغال بيها ....

اسمهان زمان في واحد كان دايرا كييييه لي مهند طبعا

قالت لي الولد انا موافقة وجا اتقدم وحددو العرس ...

بدت الحبسة اسمهاااان .. بقت كلووو ماتمش تقعد في

حفرة الدخان في كديسة كانت بس مقابلاها وبتعاين ليها

وسوداااااا ... 🏻👇🏻👇🏻👇

بسم الله الكديسة دي جاتنا من وين بسسسسسس بسسس

وتنهر فيها الكديسة تحلف ماتزح بس تعاين ليها ... اثناء

مابتدخن مغمضة عيونا عشان الدخان .. فجاة تحس بي

شي تحت في الحفرة بهبش فيهااا ... صرخت ونطت

وكوركت وجو جارين ناس البيت ... مالك يابت في شنو

الحاصل شنو قالت ليهم الكديسة الكديسة السوداااا ... وينا

وينا يابت هديك ياامي ... طبعا الكديسة شايفاها اسمهان

براااااها ناس البيت ماشايفنها وبقت تصرخ وتكورك ...

دخلوها جووة وامها قرت ليها قران وبقت كووويسة ...

مشت تنوم ... ناااايمة حست بي حاجة جنبها في السرير

فتحت عيونا تشووووف نفس الكديسة بتعاين ليها ....

كووووركت ونفضتا .... واهلا جووووو ... بسم الله يابت

انتي مالك الليلة ... الكديسة ياامي الكديسة السودا تاني

😭😭😭😭😭.. يابت كديسة شنو انا

ماشايفاها كدي قولي بسم الله ... الليلة الننوم معاك اااي

ياامي نومي معاي انا خايفة 😭😭😭😭😭

😭😭😭

يتبع ...