الجزء 16
اسمهان امها نايمة معاها للصباح وكلو شوووية تقوم تتخلع
وتكووورك ... صحت الصباح امها قالت ليها نوديك لي
شيخ يقرا ليك يشوفك مالك ... قعدت تتمتم هنا .. شنووو
.. ش ش شيخ شنو .. انا ماعندي حاجة . يابتي اسمعي
كلامي امي قولتا ليك ماعندي شي ...
دخلت الحمام تستحمى اول مافتحت الماسورة نزل ليهل
بدل الموية دم قعدت تكوووورك لحدي ناس البيت جووو
وكسروا الباب ... وكانت في حالة هستيرية هي شايفا
الموية دم بس ناس البيت شايفنها موووووية عديل ...
يجيها خطيبا البيت تكون قاعدة معاو كووويس فجاة تظهر
الكديسة وتقعد تكورك ... واتكررت كتييير وخطيبا خلاها
وقال ليها مابرتبط بي وحدة مجنونة ... فسخ الخطوبة
مااثر معاها لانها اصلا لمن وافقت للعرس عشان تكسر قلب
مهند بس لانو في اعتقادا انو كده بتغيظو وبتعمل ليو
الكيييييه ...
بي هناك نعمات ام مهند قالت ليو ياولدي نجيب شيخ يقرى
لي نعمات لانو البت دي كانت ماشالله والله سحروها
ونشوف الكشحة دي زاتا شنو .. مهند رفض ياامي شيوخ
شنو انتي مامؤمنة بي قضاء الله وقدرو وبعدين الدكتور
قال مسئلة وووقت بسسس ....
عدت شهرين اسمهان ماشة للاسوء وبقت تتكلم براهاااا
وكديسة الدخان السودا بقت في اي محل بتشوفا .. لحدي
يوم اسمهان قاعدة في غرفتا ... الكديسة فجاة ظهرت
قداما بس كانت كبيرة شديد اسمهان اتخلعت وقعت
وصدمت واغمى عليها جرو بيها الدكتور دربات وحقن حتى
فاقت ... الدكتور قال ليهم الزولة دي اتعرضت لي صدمة
.. سائلوها مالك قالت مافي شي خافت وسكتت لانو ناس
البيت طلعوها انها مجنونة .... وخايفة تمشي لي شيخ
وتنكشف ...
بي جاي نعمات نادت اخت مهند رهف .. ورهف طبعا
طالبة طب في سنة تالتة .. يارهف انا مفترض دورتي
تجي وغايبة ليها ستة يوم كدي جيبي لي التحليل .. رهف
فرحت
ياسلام يارب تكووووني حامل ياااارب ... نعمات خجلت
قالت ليها يارب واقدر افرح مهند ... جابو وعملتو وادتو
ليها وشافتو رهف ولقتا حامل رهف قعدت تكورك وتنطط
من الفرح ... سكتتا نعمات هوووس
خليني اعملا مفاجاة لي مهند
فكري معاي في فكررررة ... وفكرو وفكرووو ... رهف
قالت ليها نغلف التحليل زي الهدية وتكون احلى مفاجاة ...
نعمات الفكرة عجبتا شديد غلفوووها ... وبعد اتغدووو
وقبل يقوموا من الصفرة نعمات رسلت رهف جابت الهدية
وقالت لي مهند افتحا هنا .... مهند فتحا وكانت المفاجاة
.. نعماااات نعماااات انتي انتي ... بقت تهز بي راسا يعني
ايوووة ... نعمات انا مامصدق عليك الله صح ... امو
قالت ليو في شنو فرحونا معاكم ... نعمات ياامي نعمات
ياابوي حامل 😍😍😍😍😍😍... امو
زغردت وقامت باستا وبكت معاها وابوه فرح طبعا اوووول
حفيييد في العائلة اخيراااا حابقى جد .. الحمدلله ياولدي
ربنا يحضرني اولادك يارب وعمت الفرحة البيت وكانو
طايرين من الفرح 😍😍😍😍😍.. مهند قال
ليها خلاص البسي عشان نمشي هسسسي الدكتور ناكدو بي
تحليل الدم ونخش الدكتور عشان يديك العلاجات ...
حاضر هسي حالبس 😍😍😍😍😍😍...
😍😍
طلعوا مشو المستشفى الصدفة والصدمة انو الشغالة في
المختبر صحبة اسمهان 😥😥😥 وبتعرف مهند حق
المعرفة سلمت عليو وعملوا التحليل وباركت ليوووو ...
طلع بي جاي ..
طوالي رفعت تلفون لي اسمهان بي جاي ... الوووو اسمهان
كيييفك يامزة اخبارك .. والله الحمدلله كيفك انتي ... انا
كووويسة ضربتا اوريك الشمار ... شمار شنو اجدعي
😍😍😍😍😍😍..😍 يختيييي
زووووولك جاني مرتووو حااااااامل ... زولي منو 😲
😲😲😲😲 ... مهند داااك 😍😍😍...
😍😍 شنوووووو ... مرتو حامل القال ليك منووو
👹👹👹👹 وبدت تعلي في صوتا .. صحبتا
اتخلعت ... مالك بسم الله مالك هجتي كده .. جوني في
المختبر وانا العملتا التحليل .... وانتي متاكدة من النتيحة
... يابت اي متاكدة مالك .... عايني كدي برجع ليك مع
السلامة .. مع السلامة ..
اسمهان قغلت الخط والعفاريت كانت بتنطط جوااااهااا
احييييي كمان حامل 👹👹👹 والله يامهند ماتتهنى
حقي العملتو فيني وقلبي الكسرتوووو حاكسر قلبك ...
عامل فرحان مووووش انتا ونعمات حقتك دي 👹👹
👹👹 صبرك علي يا يا دكتووووور ....
يتبع ...