الجزء 1

نعمات بت ريفية من الاقاليم زولة عسل وبتحب نفسها

وروحها شديد يعني مهتمة بي نفسها شديد شدة ماسمحة

بقولوا ليها ‏( نعمات ست البنات ‏) مجننة الحلة كلها من اولا

لي اخراا

وشباب الحلة كلهم . اتقدموا ليها كانت بترفض كانت في

احلاما نفسها تعرس واحد من اولاد الخرطوم وينتشلا من

الحلة دي وترتاح وتريح نفسها ...

نعمات بيتهم واقع على شارع مدني الخرطوم وفي يوم في

نهار رمضان جا ابوها وقال ليها يابت جهزوا الفطور الليلة

معانا ضيوووف طبعا نعمات الشمار حرقا مشت تتاوق بي

حيطة مبنية من قش وتشوف ديل منو لمحت ليها ولد

حليوووة كده وحلاتو ومعاهم راجل قاعدين قالت ياربي

ديل منو والليلة الجابهم حلتنا القبيحة دي شنووو وبدت

تتخيل وتسرح انو ده فتى احلاما اتلفتت يمين شمال

لمحت ودعمها السغيل الطاهر قالت ماف الا الطاهر السغيل

ده اسئلوا من الشمار نادتو

الطااااهر الطااااهر تعال بدور اسئلك الطاهر جاها ينكرش

وحفيان وكرعيو مشققات قالت ليو كان مامجبورة مابقيف

معاك اسمعني الرجال البرة ديل منووو قال ليها ديل ناس

عربيتون اتعطلت وابوك حلف طلاق الا ينزلوا يفطروا طبعا

نعمات فرحت وقامت تتبسم قالت ليو والولد ده اب بدلة

وقميص كحلي ده اسمو منو قال ليها وانا شن عرفني نهرتو

وقالت ليو امش ياوسخان ياجربان 😒😒😒

وفي سرها قالت لازم لازم انا اعرف الولد ده اسمو منو

واثناء ماهي واقفة بتسمع طقشت اضانا كلمة دكتور مهند

وهنا قالت وااااي كمان دكتور وقامت تدعي عاد يالله يالله

بركة من صلى الدكتور ده يبقى من نصيبي ويسوقني من

العفن والقرف ده ياااااخ زهجتا من الحلة وناس الحلة انا

زاااااتي شبهي ده شبه مدن

ودكاترة حلاتي يحلفوا بيها يالله ياخ

يتبع ...