الجزء 2
يلا نعمات بقت تفكر في طريقة تشوف فيها دكتور مهند
وهو يشوفا بس تعمل شنو لو مشت بي هناك ابوها بقطع
كرعينا كلام زي ده ماعندهم اها تفكر وتفكر بس جاتا فكرة
...
انا مافي حل الا اعمل غمرانة واقع اتمردق في الواطة دي
قدر ماالله يديني ويجي عاد دكتور مهند يشوفني بس دي
فكرة ظابطة ...
مشت نعمات قريب لي محل قاعدين ناس مهند وشمس
حااااارة تفسخ عملت روحا وقعت ومعاها صرخة اول زول
جا جاري ليها الجربان الطاهر بقى يكفت فيها وبي صوت
غليظ شابكا ليك نعماااااات نعووومه نعماااات قومي
ماتموتي انا بحبك وهي شغالة تطنطن يحبك كلب اعور
ياكريه قوم ريحتك كتلتني ..
نعمااااات يانعمااااات وهي تطنطن يااخواني دي نصيبة
شنو دي انا بالطريقة دي جدجد حاموت لازم اتصرف ...
نعمات بي صوت واااطي مخنوووق قالت ليو اجر يالطاهر
نادي ابوي انا دايرة اموووت جرى الطاهر نادا ابوووها وقال
ليو اجر ياعمي عصمان نعمات ماتت ابوها قام مخلوع قرب
يتكوم على وشو ومهند وابو واي زول جا جاري مهند قال
ليو كدي ياحاج شوية يلا ابو مهند قال ليو ياحاج ولدي
دكتور وان شالله بشوفا ليك ومافي شي ان شالله ..
زحووو كلهم وجا مهند ومسك يدها يشوف النبض ...
نعمات // احيييي يالله بالله لمن شلتا نفس وقلبي بدق
شديد وسامعاو قال ليهم جيبو لي عطر عشان يفوقني
ياخي عطر شنو انا والله مشيت الجنة وجيت وبقى يهبش
في يدي وفي كضومي والله من ولدوني يد زي يدو
السمحة دي هبشت كضومي ماف الليلة يانعمات دي ليلة
القدر اها بعد شوية كده عملتا روحي فقتا وفتحتا والله
العظيم جمال يوسف بس ده شنو ده بقيت مبكمة الكلام
غلبني وهو يسئل فيني اختي انتي كويسة وانا شابكة اااه
ااااي ااي الحمدلله قمتا اتنفضتا وتكلني ابوي للغرفة انا
بقيت سرحانة بس والله ريحة العطر بتاعو في كضومي اها
جريت على المطبخ مع . امي نجهز في الفطور اذان
المغرب قرب ومشى ابوي جاب ليهم مكنيكي من الحلة
صلح عربيتون فطرو وقالو لي ابوي اها ياحاج نحنا نستئذن
اكرمتونا وماقصرتو معانا المشوار قدامنا طويل لازم نتحرك
هسي
عاد انا الدنيا ضلمت في وشي وكرهتا نفسي وقربتا انتحر
وكل احلامي اندفنت وقلبي شالو معاو وفات تاني الا في
احلامي ده لو تاني حلمتا اصلو انا شبهي ده شبه الطاهر
الجربان الحفيان شن جاب لي جاب انا الظاهر علي عيانة
ومشيت فتحتا غنية انصاف مدني
( شال قلبي سلبو ومشا خلاني مدروشة )
يتبع ...