الجزء 4

مشى مهند الشغل وبقى قاعد وسرحااااان جا صاحبو

محجوب قال ليو مالك الليلة ماعاجبني بتحب ولاشنو

مهند دنقر راسو قال ليو والله حاجة بالشكل ده ياعمك ..

ماتقول لي حاجة بالشكل ده يا ااااي يا لا ده شنو الكلام

المبهم ده .. ودي منو وبت منووو واسما منو وشغالة معانا

هنا ولا قرت معانا ..

مهند // هييي هيييي يازول مالك برااااحة وطي صوتك ده

الناس بقت تعاين لينا ..

يازول لاقرت معانا لاشغالة معانا اها ارتحتا

محجوب // يبقى اكيد زولة جاتك عيانة وعالجتا وحبيتا

اصلوا انتا بتجيبا لينا ورامة مايكون عندها مرض معدي

وعادتك

مهند / محجوب عليك دينك بطل هزار ده ماموضوع

ضحك ده موضوع جادي جدااا

محجوب / خلاص سكتا اها احكي لي يازول لاقيتا وين

...

بدا دكتور مهند يحكي لي محجوب بي نعمات وكيف

الصدفة الجمعتهم وكل الحاجات الحسا بيها من اول مرة

شافا وقال ليو شوف معاي خطة نقدر نقنع امي كييييف

بالكلام ده انا حبيت نعمات دي صدقني الحب من اول نظرة

والله يامهند صاحبي طلعتا بتحب وانسان طبيعي

قووووم من وشي ياحيوان مامنك غلطان انا البحكي لي

واحد زيك ...

كدي اهدى يامهند انا بهزر معاك ..

يازول اسمعني ابوك ده كلمتو مسمووووعة للصغير والكبير

كلمو ولو وافق بقدر يعصر امك توافق بعدين امك دي

بتتحنك خالتو بسمات دي زولة عسل بس خليها لي بحنكا

ليك

وسمع مهند كلام صاحبو محجوب ضرب لي ابو تلفون

الووو ابوي كيفك قيلتا كيف ...

اهلا ياولدي الحمدلله انتا كيف والعربية ان شالله ماوقفت

تاني ..

لالا ياابوي الحمدلله ماوقفت وهنا بدا يتمتم مهند ياابوي

قولتا ليك ...

اي يامهند ..

انا دايرك في موضوع مهم كده وياريت نتلاقى برة البيت

..

خير ياولدي انتا كويس ??

انا كووويس ياابوي ماتقلق ...

خلاص ياولدي شوف نتقابل وين ورسل لي اللوكيشن وحدد

لي الزمن ..

حاضر ياابوي في امان الله ... وقفل الخط

يتبع ....