الجزء 5

اها مشى مهند وقابل ابو وبدا يتكلم ويتمتم ..

ابوي طبعا من الاخر انا داير اعرس قررتا خلاص .. ومالو

ياولدي ده خبر سعيد جداااا نفسي اشوفك عريس واشوف

احفادي قبل اموت ... ياابوي ياخي بعد الشر عليك ماتقول

كده ..

اها منو سعيدة الحظ ياولدي .. طبعا مهند اخد ليو سكته

مسافه وابو بتكلم قول ياولدي .

والله ياابوي انا داير نعمات .. نعمات منو ياولدي نعمات بت

عمتك فاطمة ???

لالالا ياابوي نعمات بت عم عثمان ...

ماعرفتها ياولدي ... طبعا هنا مهند اتوتر زيادة ياابوي ياخ

النزلنا معاهم يوم العربية عطلت ..

اها اها اي اي اتزكرتهم ونعمات دي بتو الكانت وقعت ??

بسسس اي ياابوي ياها زاتاااااا .. ابو اخد ليو سكته

مساااافه وشال نفس طووووويل وقال ليو

طبعا ياولدي عمك عثمان مافيو كلام والله وانا طبعا

ماعندي اي مانع المهم انتتا مقتنع وانا ماداير غيو سعادتك

ياولدي

مهند قام . من الكرسي فرحان وباس راس ابووو وقال ليو

ياابوي الله يخليك لي وتشوف اولادي يارب

لكن . ياابوي في مشكلة

خير ياابني مشكلة شنوووووو ??

امي ياابوي امي خايف انها ترفض لانها دايرة لي ميمي بت

خالتي وانتا ياابوي عارف امي بتحلم دايما بي بت تكون

دكتورة ونفس مستوانا المعيشي وانتا عارف ياابوي

ياولدي ماتشيل هم امك خليها علي المظاهر مافي ليها

داعي العرس ده انتا البتحددو وانتا البتختار لانو انتا

الحتقعد معاها ماامك وده كلام فاضي ومرفوض بالنسبة

لي اي تدخلات طالما البت كويسة واهلا كويسين ..

ابوي ياخي انا بحبك ياابوي علييييك الله ياابوي كلم امي

في اقرب وقت عشان نمش ليهم انا خاااايف البت

يخطبوها

ابو ضحك قال ليو ياولدي شايفك مستعجل ماشالله كبرتا

وداير تعرس

ياابوي ياخ خلاص سكتا ياولدي وصدقني لو من نصيبك

بتعرسا بتعرسا ماتشيل هم بعدين انا جوعتا انتا ماحاتاكلني

ولاشنو ?? معقولة ياابوي انا الليلة بضبح عديييل انتا

ماعارف كمية السعادة الجواي

ربنا يسعدك ياولدي نحنا ماعاوزين غير سعادتكم في الدنيا

دي ..

الله يخليك ياابوي

يتبع ....