الجزء 7

اها بعد طلع مهند من البيت زهجان وقافلة معاو مشى لاقا

محجوب في شارع النيل هناك ...

مالك يامهند زهجان الحاصل شنو ان شالله خير ...

كلمتا امي يامحجوب وامي رفضت وقالت لي تاني لو

فتحتا معاي الموضوع لا ولدي ولابعرفك

اسوي شنو يامحجوب واعمل شنو ..

اسمعني ابوك مش قال ليك . لو امك رفضت انا بدخل ..

اااي قال لي طيب كلمتوووو ??

لا لانو جا تعبان ورقد ماحبيت ازعجووو ..

خلاص بكرة طوالي كلموا وشوف البحصل ...

ان شالله ..

وبدا مهند من التوتر يشرب في الجبنة ولاول مرة طلب

سجارة من محجوب وهو اصلا مابدخن .. محجوب اتخلع

قال ليو شنوو من متين بدخن يامهند ماتتهور ياخ ...

انتا بتنصح فيني وانتا اصلا مدخن .. اي انا مدخن يامهند

لكن مارضيان بالتدخين وبدعي ربي اني اخليو لكن

مابساعدك وبأيدك على التدخين ..

محجوب عليك ربك اسكت مني انا ماناقصك ياخ اقول

ليك كلام انا راجع البيت اندمس وصباحاتو كده اكلم ابوي

واشوف البحصل يلا يامان لي باكر ان شالله ... اوكي سلام

ركب مهند ومشى بيتهم وماقادر ينوم يتقلب ويتقلب

ويفكر في كلام امو لحدي الواطة صبحت مهند ماشاف

النوم

استنى ابو وهو طالع الشركة ..

ابوي صباح الخير .. صباح النور اصبحتا كيف .. والله

ياابوي خليها ساي انا نوم مانمتا ..

في شنو ياولدي مالك .. ابوي انا ماش معاك المكتب وهناك

بحكي ليك ..

انتا الليلة ماماش العيادة ولاشنو ...

ماماشي ياابوي ولا عندي نفس لي شغل .. اوكي خير

ياولدي ارح الشاي زاتو نشربو قداااام .. اتوكلنا على الله

ارح

وصلوا المكتب قعد مع ابوه وحكى ليو الحصل بالتفصيل

الممل ..

ابوه اضايق جدااا //

قال ليو كيف الكلام ده .. ده شي مامقبول وامك دي انا

بتكلم معاها قوم . ارح معاي البيت .. ياابوي خلي بعدين

لا مابعدين هسي بس قوم معاي ..

وقام زهجان ومضايق لمن ضغطتو ارتفع وصل البيت وكان

مسخن شديد وهايج مهند دنقر في اضانووو قال ليو ..

ياابوي عليك الله براحة ماتهيج طول بالك ..

وناداها بي صوت عاااالي ياااااابسمااااااات بسماااااات

.. طبعا بسمات كانت في المطبخ بتجهز في الفطور

اتخلعت من الكواريك ونبرة صوت متوكل كانت غريبة اول

مرة يناديها كده ...

جاتو مخلوعة .. متوووكل بسم الله الرحمن الرحيم مالك

ياراجل بتكورك كده براحة الجيران يقولوا علينا شنووو

...

يازولة لابراحة لاشي انتي اصلك بتشتغلي بالناس من

ماعرستك وانتي غير المقارنة للناس ماعندك شي وبتعملي

حساب للناس اكتر من حساب ناس بيتك ياخ 30 سنة وانا

بحاول افهمك واغيرك تخلي طبعك ده لكن للاسف انتي

ماشة للاسوء ....

بسم الله يامتوكل في شنو والكلام ده مافي داعي ليو

براحة وريني الحاصل شنووو ..

الحاصل ياستي ولدك كلمك وقال ليك داير يعرس وانتي

رفضتي صح ولا لا !!!

ايواااا انتا قصدك موضوع العرس اي مابعرسا ولو دايرا

يمشي ليها وعفوي مابدي ليو ولو متا مايجي يشيل فيني

الفاتحة

.....

حيعرسا يابسمات رضيتي ولا مارضيتي البتهمني سعادة

مهند ..

هنا مهند ادخل ابوي كدي اهداا ..

وياامي انا مابعمل شي غير ماانتي تكوني رضيانة والعرس

ده خلاص خليتو ماتعملوا مشكلة بي سببي عليكم الله

ياابوي وامي 😥..

ابوه ياولدي مافي اي مشاكل البت الدايرة حتعرسا انا راجل

البيت وانا البحدد ماامك شنبي ده ماشايفو ولاشنو !??

العفو ياابوي ...

وطلع مهند غرفتو وابو طلع رجع الشركة .....

يتبع ...