الجزء 8
طبعا مهند يوم ابوه جاط في امو كان داكي الشغل مامشى
اها عندو دكتورة زميلة ليو في العيادة اسمها اسمهان لمن
ماجا المغرب ضربت تلفون تشوفو
الوووو مهند كيفك .. اهلين اسمهان انا تمام الحمدلله انتي
كيييف
انا الحمدلله قولتا الليلة غريبة ماجيت العيادة قولتا اضرب
اشوفك انتا كويس ?? ماتكون عيان ولاحاجة ...
مهند سكت مسافة وشال نفس طووووويل .. قال ليها
والله ماعيان لكن عندي ظروف كده حاصلة مضايقاني
شوية
مالك يامهند شفقتني وقلقتا بي احكي لي الحاصل شنو ...
قام مهند حكى القصة كلها لي اسمهاااان قالت ليو
هيييي امك دي خليها علي الموضوع ده ساااهل شديد انا
عندي صحبتي ساكن جنبهم شيخ اسمو شيخ مختار والله
قالو فظيييع شديد صحبتي دي زاتا كان دايرا واحد امها
رافضة والله مشت ليو اسبوووع بس امها وافقت وهسي
البت اتزوجت وحامل كمان
مهند // لالا ياخ شيوخ شنو ده دجل وشعوووذة وانا
مابقتنع بي حاجات زي دي
خلاص يازول المهم وريتك والله العظيم ماحتندم هو
مابعمل شي يضر امك ياخ هو بس بعمل حاجات يخليها
توافق على العموم مافي مشكلة انا كان همي بس اساعدك
...
مابتقصري يااسمهان تسلمي ياراقية ...
خلاص اها لي بكرة الاقيك في العيادة اها بتجي ?? اي اي
ان شالله يازولة اها لي باكر مع السلامة .. في امان الله
طبعا مهند لانو ليو يوم مانايم كان تعبان بعد قفل من
اسمهان طوالي دخل غرفتو وطفى النور داير ينوم لكن
النوم غلبووو نهاااائي لانو بدا يفكر في كلام اسمهان وبقى
سرحان .... طوالي مسك تلفونو ضرب لي اسمهان ...
الووو اسمهان كيف تمام عايني انا فكرتا في كلامك حق
الشيخ لكن البضمني شنو انو مايأذي امي ومايضرها ياخ انا
بضمنو ليك اتوكل وجهز لي القروش انا بكرة بمش ليو اول
في بيتو بعد داك حتى اجي العيادة انهي ليك الموضوع ده
اتفقنا اها داير كم يعني ...
لا هسي بكرة لمن امش طبعا بدي البياض حاجة بسيطة
بسئلني من اسمك واسم امك بشوف لينا الخيرة وبعد داك
بورينا الحاصل شنو
خلاص يازولة اتووووكلي تمام خلاص لي بكرة يامهند تمام
يلا باي مع السلامة ...
مهند // الحمدلله حاسي نفسي مرتاح نفسيا ياربي يسهل
الموضوع ده ياااارب ياخ واعرس نعمات
اها بكرة من الصباح اسمهان مشت للشيخ وكلمتووو قال
ليها اديني اسمو واسم امو وادتو البياض 100 جنيه قال
ليها خلاص اضربي لي بعد ساعتين بوريك الحاصل ....
رجعت اسمهان العيادة لقت مهند واقف في الباب مقلق
شديد اها عملتي شنو اطمن اطمن ان شالله كلو تمام قال
نضرب ليو بعد ساعتين بورينا الحاصل كلو اهدااا واشرب
ليك كباية جبنة كده بي مزاج ....
طول الساعتين ديل مهند يمش ويجي ماقادر يقعد ومقلق
...
تمت الساعتين اتصلت اسمهان للشيخ وفتحت الاسبيكر
عشان مهند جنبها يسمع المكالمة ...
الو ياشيخ انا اسمهان اها بشرني ...
قال ليها
الزول ده موضوعو بسيط جيبي 5 مليون هسي وفي خلال
10 يوم امو دي بتوافق وبعد العرس يتم تجيبو لي الهدية
..
خلاص ابشر اجيبا ليك متين ... جيبيها لي بعدين عشان
ابدا الشغل طوالي ... بعدين مابقدر انا شغالة لكن الصباح
بجيبا ليك ان شالله .. ان شالله .. مع السلامة ... وقفلت
الخط ..
اها يامهند ارتحتا قال عشرة يوم بس 😍😍😍
اسمهان ياخ ان شالله الموضوع ده لو تما هديتك عندي
كبيرة شددديد 😍😍😍 ياخ هديتي انك تكون
مبسوط واكون قدرتا اسعدك مع شريكة حياتك 😍😍
😍
ربنا يديك العافية يااسمهان ...
وكلو زول رجع عيادتوووو ...
يتبع ....