الجزء 9
طبعا مهند من مشى من اسمهان النوم غلبو نام بعد تعب
وفجاة نص الليل صحى مخلوع بي حلم خير اللهم اجعلو
خير حلم بي امو واقفة قدامو قالت ليو
هان عليك لبن صدري يامهند ليييه .. بقول ليها في شنو
ياامي مهند ولدي ماتفرط في لبن صدري وصحى نص الليل
مخلوووع قام شرب موية واستغفر مسك تلفونوا رسل
مسج لي اسمهان كتب ليها
اسمهان صباح الخير الوقت متاخر وماممكن اتصل عليك
الله الصباح قبل تمشي للشيخ ارجعي لي بي تلفون
ضرووووري جدااا ...
وماقدر ينوم تاني والواطة صبحت مشى لي امو بعد انتهت
من الصلاة ولسه قاعدة في المصلاية قعد في الواطة وختا
راسو في كرعيها وببكي بكى هستيري بقول ليها امي اعفي
لي عليك الله اعفي لي وهي حنيينة دموعا جرت بي بكى
مهند ومافاهمة في شنو ... مالك ياولدي مالك يامهند
عافية ورضيانة عليك ياولدي لكن في شنو قصدك موضوع
العرس ??
لا ياامي عليييك الله بس اعفي لي ..
انا ايماني ياامي كان حيضعف وكنتا حاندم طول عمري بس
اعفي لي وادعي لي ربنا يهديني ياامي ويهدي الكان السبب
في الموضوع ده
بسم الله يامهند مالك ياولدي اول مرة اشوفك تبكي كده
قلقتا بي والله ياولدي ...
مهند مسك كراع امو وبي دموعو ببوس فيها لمن هي
احتارت شديد ..
وفجاة من غير ماتشعر رفعت راسو وعاينت ليو في عيونو
وهي بتبكي قالت ليو مهند .. انا موافقة على انك تعرس
البت الدايرة ...
طبعا اللحظة دي ماتتخيلوا مهند زاد البكى وماسك امو
وحضنا وببكي شديد بقول ليها ياامي بحبك بحبك . بحبك
وسجدة سجدة شكر وشكر ربووو انو مااتهور في موضوع
الشيخ ...
سبحان الله نستنتج انو اي شي دايرو ليك ربنا وقال ليو
كووون بكووون كلو بي ارادة ربنا والصبر دايما سمح
والزول مايضعف ايمانو ويباري الشيوخ والدجل والشعوذة
...
مهند طاير من الفرح جرى صحى ابوه من النوم ابو قام
مخلوع في شنو يامهند مالك ياولدي عيونك حمر كده
وبتبكي لاحول ولاقوة الابالله في شنو ...
ومهند غالبو الكلام ودموعو عشرة عشرة ... ياابوي امي
واااافقت اني اعرس نعماااات واااااافقت ياابوي ..😍
😍😍😍😍
ياسلاااام ياولدي الحمدلله الحمدلله ياولدي ربنا يسعدك
ويهنيك وربنا يدي امك العافية يااااخ ..
طبعا مهند كان فرحان انو اتراجع عن الشيخ اكتر من فرحة
امو والحمدلله ربنا عوضو شفتو ربنا ده كريم كيييف ...
مسك تلفونو وضرب لي محجوب قريب عشرة مكالمات
حتى ردا وطبعا نايم ... الووو اهلين مهند .. كيفك
يامحجوب .. الحمدلله ياخ انتا مالك مزعج كده يامان
😒😒😒 ياخ قووووم النايم ليها شنووو امي
يامحجوب ... امك مالا 😲😲😲😲 اني
واااافقت على زواجي من نعمات 😍😍😍😍
😍😍😍
ياسلام والله يامان الف الف مبرووووك والله احلى خبر من
الصباح ربنا يتموا على خير ... اللهم امين يلا سلام تم
نوومتك 😍😍😍
وطبعا مهند كان منتظر اسمهان تتصل .. الساعة 8 جات
اسمهان اتصلت ... الوو مهند صباح الخير .. اهلين اسمهان
صباح الورد والفل والياسمين والسعادة والقشطة ياخ 😍
😍😍😍
الله الله صاحي فايق ورااااايق وصوتك مبسوووط ابسطنا
معاك .. والله يااسمهان سبحان الله امي قبيل قالت لي انا
وافقتا على زواجك من البت 😍😍😍 وانا لمن
قبيل قولتا ليك اضربي لي لاني والله غيرتا راي في
موضوع الشيخ ده وسبحان الله فجاة الصباح امي وافقت
...
اسمهان بي صوت ميييت كده صحي 😒😒 والله
كويس على العموم الف مبروك وربي يسعدك اها انا
استئذنك نتلاقى في العيادة . اوكي سلام ...
اسمهان قفلت الخط وبدت تطنطن ...
اموووو وافقت بالله والله يامهند الا اقلب حياتك جحيم
يااااخي بحبك لي سنتين وساكاكك وجارية وراك تجي
تعرس غيري والله مااخليك تتهنى نهااااائي يامهند نشوف ..
وانتي يانعمات صبرك علي 👹👹👹 بس لو عرفتا
اسم امهااااا ...
الحاجة الانتو ماعارفنها انو اسمهان لمن مشت للشيخ كانت
متفقة معاو من اول انو يقول ليو انا بحل ليك الموضوع
عارفين الفهم شنو ??? الفهم انو تخرب ليو العرس ده
ويعرسا هي شفتوووو نيتا كانت كيف سوداااا شديد ...
لكن ارادة ربنا هي البتمشي .. وانما امره اذا اراد شي ان
يقول له كن فيكون ...
وهسي اسمهان حتبدى تشتغل انو العرس ده يقييييف
مايتم نهااااائي .....
يتبع ....