الجزء 13

بقفم رغد اسامة

-١٣-

أمي قالت لي انا كلمت أبوي و ناس البلد انو قيس و امجد طلبو يدكم و يجو عشان نسوي الخطوبة وعارفه جدك قال لازم يسألو عنهم و حياجرو بيت قلت ليها اوك.....

ناس جدو جو كلهم و أجرو بيت انا و سحر و نور مشينا معاهم و أم قيس جات من الإمارات و هم زاتم رحلو في بيتهم جنب ناس أمي

يوم الخطوبة جا وحبينا نسوي خطوبتنا سوا💜 من الصباح رتبنا البيت و جهزنا الأكل والحاجات و الزينه وأي شي المغرب كدا الناس بدت تجي من طرف ناس قيس و من طرف ناس امجد بعداك كلهم جوا و ضيفوهم و بعداك نادونا انا و نور وكنا لابسين :

انا كنت لابسه

انا كنت لابسة

نور كانت لابسة

و في السلم كدا اي واحده عريسها جاها ونزلو مع بعض و لبسنا الخواتم بعداك قلت لي قيس أمك وين ما عرفتها قال لي بعدين بعدين

قعدنا مع بعض واتفقنا العرس بعد اسبوعين قلت ليهم بدري شديد جدو قال عشان يرجع البلد لأنو الشغل مستنيهو اتفقنا و اي زول فرتق بيتو كان يوم متعب شديد

عدو الأسبوعين مع التجهيزات و التحضيرات ما شفت قيس و كنت بس في البيت و ما بطلع و اشترينا انا و نور فستان الزفاف وأي شي مع بعض💙 عرس نور وأمجد يوم الخميس وانا وقيس يوم السبت

يوم عرس ناس نور جهزنا من الصباح و مشينا الكوفير و انا رجعت البيت لأني ما حقدر امشي العرس العريس اخذها و مشو الصاله قام قيس ضرب لي بالفيديو و شفت العرس كلو😂😂😂 خلصو و رجعو البيت و تاني يوم كنا مشغولين شديد مع الناس وكذا

يوم العرس💍❤️:

صحيت بدري و مشينا الكوفير مع رتاج و لينا و نور و سحر و لين الظهر كدا لقيت مكالمه من أمي قالت لي خلاص عقدو الللللللللللللف مبروك ليك يا بتي ربنا يسعدك و يهنيك قلت ليها تسلمي يا امي وقعدنا نبكي😂😂😂 بعداك البت بدت لي الميك اب و اي شي و انتهينا وقيس جاني عشان نمشي الاستديو أول م شافني مسكني من خصري و قال لي وأخيرا أتحقق الكنت منتظرو بقيتي حلالي و نصي التأني وأي شي يخصني❤️ من بعد الليله حاعمل اي شي عشان أسعدك و أكون لي اب و اخ قبل أكون زوجك❤️ ربنا يديمك لي و يخليك لي و يحفظك يا نغمتي💜 من الليله حتكوني بتي💓 عاينت لي و انا مدمعه و قلت ليهو مدامي معاك ما خايفه أبداً من الجاي عارف ليه لأني اخترت راجل بمعني الكلمه بحبك يا حقي💕💕 وعايزين نركب ألعربيه كدا قال لي تعالي بالباب دا قلت ليهو لا الباب التأني احسن لي قال لي أنا بما أني ابوك وأنتي بتي بأمرك تدخلي بالباب دا😂😂😂😂❤️ً قلت ليهو اهدأ اهدأ يالمتحمس م تصدق نفسك😂😂😂✋🏾

مشينا الاستديو و من هناك مشينا الصاله نزلنا وانحنا ماسكين بعض و دخلنا باغنيه اسمها perfect 💙 والحفله بي محمد بشير💚و فجأة الفنان دا هاج ليك و ناس قاعده و ناس تأكل و ناس في السما فوق هايجين😂😂😂😂😂✋🏾👏🏾👏🏾👏🏾👏🏾 بعداك جات مرا حلللللللووووه شديد و سلمت لي بطرف يدها و قالت لي مبروك و من غير نفس قلت دي مالها دي بررررري ناس الدنيا جننو😂😂😂😂😂 قلت لي قيس دي بتعرفها قال لي دي امي قلت ليهو دي هي أمك اهاااااااا قلت في نفسي شكلها كارهاني شديد سجمك ي نغم 😂

و بعد انتهينا عملنا الجرتق و انا رجعت بيتنا عشان الصباح انا و نور و امجد و قيس حنمشي إيطاليا. 🇮🇹🇮🇹🇮🇹🇮🇹🇮🇹 رجعنا نمنا و الصباح بعد ودعت ناس حبوبه عشان لمن نرجع حيكونو رجعو البلد اتحركنا كلنا مع بعض و مشينا المطار و بعد كم ساعه وصلنا إيطاليا و مشينا الفندق.............

تاني يوم الصباح حبيت البس لبسه عادي

طلعنا أتفسحنا و مشينا منتزه حلو كدا ورجعنا الفندق عشان كان في حفله ولبست

بعد أسبوعين رجعنا مقضين أحلا اجازه بأحلى الذكريات رجعنا في بيت ناس قيس اول م دخلنا خالتو نجلاء ام قيس سلمت على قيس بالحضن لمن جيت اسلم عليها بالحضن مدت لي يدها قلت ماف مشكله و طلعت غرفقتنا عشان ارتاح