الجزء 2
الصباح كدا صحيت صليت الصبح و صحيت نور و سحر و جهزنا لقينا حبوبه جهزت الشاي و السندويشات شربنا و انحنا طالعين كدا حبوبه بدت تحصنا من الحسد قلت ليها والله ي حبوبه حصني ساي 😂😂😂 و طلعنا وانحنا ف الطريق نور قالت لينا لازم ننجح قلت ليها اكيد ي بت اذا م نجحنا م معروف يعرسو لينا منو سحر قالت لينا اذا نجحنا ف احتمال يخلونا نقرا الجامعه ف الخرطوم نور قالت اذا مشينا هناك اكيد حنعيش مع عمتو حنان طوالي عاينت ليهم و مشيت ....
دخلت المدرسه و اليوم كلو كان مراجعه و بعد خلصنا رجعنا البيت انا غيرت هدومي و اتغديت و بديت اقرا و اقرا كدا لقايت المغرب بعداك جدو جا دخل غرفتي قلت ليهو اووووو جدو مشتاقين والله قال لي ب الاكتر والله ناقصك حاجه قلت ليهو لا والله الحمد لله قال لي خلاص مرت خالك بتناديكي تشربي شاي المغرب قلت ليهو خلاص اوكي ارح نشرب و طلعنا مشينا الحوش و جابو شاي المغرب و بقينا نشرب الشاي قلت ل حبوبه شايك عمرو م بتغير ي حبوبه سويتي فيهو شنو قالت سر الخلطه 😂😂😂 قلت ليها بالله من متين مش ياهو الشاي و مويه الكفتيرا و نعناع نور قالت ليها احب اطمنك ي حبحب الجيران كلهم عرفو الخلطه😂😂😂😂✋ حبوبه قالت لي جدو عليك الله شوف البنات ديل قليلات ادب كيف انحنا لمن كنا ف عمرهم كنا لين قالت ليها اوووووووقسم بالله ي حبحب فهمنا الكلام دا و حفظناهو😂😂😂😂 جدو قال لينا هي مالكم كلكم هايجين ف رقية قلت ليهو ي حنين انت😂😂😂....
شربنا الشاي و بدينا قرايه تاني لقايت بليل بعداك قلنا نوقف بعد كدا قلت ليهم انا ماشه اشرب مويه و مشيت المطبخ و انا قعد اشرب مويه كدا عامر جا داخل قال لي السلام عليكم قلتا ليهو و عليكم السلام عامر قال لي بكرت امتحاناتكم صح قلت ليهو اي والله قال لي اها كويس واقرو عشان نفرح بيكم قلت ليهو والله من القرايه لمن راسنا طق😂😂 قال لي احسن وانا طالعه كدا قال لي بعد الامتحانات انا حابب اطلب يدك طوالي اتجمدت و عاينت ليهو و قلت ليهو ي عامر انا م موافقه لاني ابدا م قادره اختك ف مكان غير اخوي💔وبعدين انحنا اتربينا مع بعض و بتمنى انك تفهمني💔لو بتحبني بالجد أفهمني💔لو انت طلبت يدي انا متاكده اني حاتجبر اعرسك وانا م عايزه فبليز افهمني💔💔 قال لي ياهه للدرجه دي م عايزاني 💔ماف مشكله ي نغم انا راجل و عندي كبرياء ومستحيل اجبر زول م عايزني و طوالي طلع انا زعلته عليهو شديد و حسيت اني كسرت قلبو بس برضوم بقدر اشوفو اكتر من اخ وانا عندي أحلامي و لازم احققها....مشيت جهزت حاجاتي و نمت الصباح صحينا صلينا الصبح و قرينا و حبوبه دعت لينا💜 و طوالي مشينا المدرسه دخلنا الامتحانات و كنا متوترين شديد بس طلعنا و كنا سعيدين كان ساهل شديد...رجعنا البيت واي زول سألنا و كنا بنقول ساهل💙
تمينا امتحاناتنا و كان منها الصعب و منها الساهل و قعدنا ف الاجازه حسيت كانو هم وانزاح😂😂😂😂مع اني م كنت بقرا كتير ف البيت😂
يلا وانحنا نايمين كدا زي الساعه 10ص كدا حبوبه خبطت الباب بكل قوتها 😂😂😂قلت ليها خير ي حبوبه مالك قالت لينا قوومن قومن يلا نظفن نور قالت ليها حبوبه عك الله انحنا يدوب بدينا الاجازه قالت ليها براكي قلتيها الاجازه يعني خلاص تبدو تبقو بنات قلت ليها بنات شنو انحنا م بنحتاج قالت لي نظام العرسان واقفين ليك بالصف😂😂😂 قلت ليها م كدا ي حبوبه ليه الاحراج ليه الاحراج☺☺✋قالت لينا عاينو قومن قبال اوريكن نجوم الليل بالنهار قلت ليها والله ي حبوبه انا بقووم اشيل هدومي واطلع برا البيت دا🙂قالت لي تكوني م قصرتي نور قالت لي حبوبه شغاله احراجات مع الصباح دا😂😂😂😂😂 (عفكره انا لمن ناس البيت يكتروها معاي بشيل هدومي ف كيس و اطلع الشارع واقيف مسافه كدا و اجي داخله البيت تاني😂😂😂😂😂😂😂😂😂)
قمنا شربنا الشاي و لمينا شعرنا بطرحه و نظفنا ليك البيت من اول و جديد عاد ام راجلي محظوظه بي☺☺☺✋ لكن خلي ولدها اليجي اول😂😂😂 و بعداك مشينا سوينا الفطور و جبنا ل حبوبه قلت ليها اتفضلي ي حبحب الفطور جاهز قالت لي كدا يادوب انتي جاهزه للعرس قلت ليها كدي خلي العريس الما لاقين ليهو اثر دا يشرف و بعداك بوريكم النظافه ع اصولها😂😂😂😂😂☺✋ قالت لي اي والله بالجد ما لاقين ليهو اثر😂 و فطرنا و لمينا الصينيه و قعدنا كلنا مع حبوبه نتونس والله قطعنا قطيعه لمن الله غفر لينا😂😂😂😂 سحر قالت لي حبوبه ي حبحب والله الزول لمن يكون ف عمر زيك كدا مفروض يقعد يسبح ليل نهار😂😂😂😂 لين قالت ليها هييييي وتاني هييي والتالته للجيران حبحب دي م برضى فيها😂😂😂 سحر قالت لينا هييي الشافعه دي لموووها مني😂 حبحب قالت ليها انتي ي سحر ليك اسبوع م سرحت ليك صح سحر قالت ليها اي قامت حبوبه قالت ليها مش قلتي لي انتي كبيره تاني السريح شمي قدح😂😂😂😂 طبعا متنا ضحك قلت ليها حبوبه الليله قامت عليك ي سحر😂😂😂وانحنا بنضحك كده خالتو اماني ام نور قالت لينا نجيب العيش من الدكان قلت ليها طيب لبست العبايه
و طلعنا انا و نور وانا عايزه افتح الباب كدا حسيت ليك بشي بجر عبايتي لقيتو ليك دا عبودي 😂قلت ليهو مالك ي ولد قال لي انا ماثي معاكم قلت ليهو ماثي معانا؟؟😂😂قال لي اي قلت ليهو طيب امثي البث الثفنجه حقتك و استنيناهو لقايت م دخل😂😂و طوالي جرينا الدكان (طبعا ماف اهل سودانين م عملو الحركه دي😂😂😂😂انا كنت بدردق ف الواطه لمن يسوها لي😂🐸✋) مشينا الدكان و قلت لبتاع الدكان يا سامي عك الله اديني عيش قال لي طيب و بقا يعاين لي قلت ليهو احكي يا سامي مالك قال بتعاين كده☺ قال لي ااااااانننت حسي ف زززول ساالك ( هو طبعا بتمتم😂☺) نور قالت ليهو لا لا احكي احكي ي سامي قال لينا ططططبعا امميره امباارح طلقوهو و احلام عععرسوو فيهو نور قالت ليهو اها و سميره راجلها سوا معااها شنو قال لينا ددددا كمان راجلو مشششا خرطوم و خلاهو مع ناس اااااموو قلت ليهو اها انت بس الله يخليك لينا تجيب لينا اي شمار طاير😂😂😂 قال لينا اي يلا ججججيب قروش ذياده قلت ليهو ليه قال لي ليه شنو الشمارات دي ببببراها بالملايين قلت ليهو التدخل في خصوصية الناس دا زاااااتو عيييب😂😂☺✋ يلا ي نور ارح البيت و طوالي مشينا 😂😂😂 دخلنا البيت و جدو و خيلاني رجعو من الشغل ( بالنسبه ل عامر من اليوم داك م شفتو و لمن يجي البيت بيدخل بالباب حقهم) يلا قعدنا رصينا الاكل و اتغدينا و و شربنا الشاي و كالعاده اتونسنا مع بعض و صلينا العشاء قمنا مشينا حضرنا مسلسلاتنا و اي زول مشينا نومنا😴😴😴😴