الفصل الأول

انا بت م بقول ليكم فقيررة و عاديه لاني م كدة عششته واتربيت مع اهلي في قريه في ضوااحي مدني لكن قبيلتي كانت كبيييرة ونحنا عايشين وسطهم يعني بالمختصر المفيييد بت ريفيه طبعا زي م عااارفين الاسر في الريف كلهم بكونو عااايشين في بيت واحد مهما كان عددهم كبيير اهم شي عندهم المحنه يلا نحنا بيتنا كاان كبيييييير عايشن معانا اعمااامي كلهم وحبوووبه وجدي طبعا متوووفي ربنا يرحمه يلا ابوووي كااان كبييير البيت يعني اي شي بتعلق بالاسرة وقراتها هو بتخذو ابوي عبدالله وعندي اعمامي اربعه محمد والهادي حسيين وراشد وكلهم متزووجين

ابوي بالرغم من انو كبيرهم لكن م كان عندي اخوان نحنا اتنين بس وعندنا اخوووي كبييير لكن متوفي انا شهد واوختي شرووق وحيدتي وطبعا اووومي اهمه حااااجه في حياااتنا فطومتي اي بنااديها كدة مالكم انتو بس فطومتي مرة كانت كانت قاعدة تسررح لي في شعري و بتونس معاها قلته ليها فطومتي ياااخ الله يخليك لي ابوي قال لي اذا انتي بتقولي ليها فطووومتي انا ادلعها بشنو امي قالت ليها اجي ي حااج نسيت انك بتتكلم مع بتك قلته لي ي ابوووي ايشي على الغيرة قال ليها الحكايه اولوياات انا من زمااان بقوول ليك فطووومه تجي بت امبااارح دي تشييل مني الاسم

شروق قالت ليهو اي ي ابووي م عندها حق طوالي اهرشها انا وامي قعدنا نضحك قلته ليهو رررركز ي ابووووي انت بتدعلها فطوومه ساي وانا بدعلها فطوومتي م شااايف تاء الملكيه دي انت وبتك طيب خلي اغووولها ليكم تاااني تسمعوووها كويس فطومتي قال لي خلااااث سمعتها تب يلا قووومي فزي من هنا ي بت قبل م اجدعك بالعكااز دي امي ماسكه لي شعري وبتقول لي ي بت دقيقه اللم ليك شعرك دة حته واحدة وابوي قعد يضحك طوالي شلته نعلاتي وقمته جاريه

يلا خلوني اكمل ليكم شكل بيتنا يلا اعمامي مقسميين ليهم البيت بالتساااوي كل واحد بيتو فيهو اربعه اووض وصاااله كبيييرة ومطبخ ومظله كدة علشان يقعدو فيها بالنهار وصالون للرجااال الا ابوووي كان مدنووو البييين الكبيييير لانو اكتر الضيووووف لما يجو بنزلو معانا في بيتنا وحبووبه برضو كانت غااااعدة معانا نحنا لانها كبيييرة في العمر وكدة يلا بيتنا كان فيهو صااالووون كبيييير وسته غرف اقصد اوض بعدين بفهمكم نكته غرف اوض دي خليكم متزكرنها الموهم وكان عندنا مظله كبيييييرة كدة ومطبخ كان بيتنا مقسم كالاتي اوضه لي انا وشروووق واوووضه حقت اومي واووضه حقت حبوبه

والباقي قاعدات فاضيااات ساااي للضيووف وكدة وطبعا ابوووي بقعد في الصالون وفي بيتنا في شجررة نييييمه كبيييييرة يووم الجمعه بنقعد فيها كلناا نتونس فيها وطبعا اولاد اعمامي من شدة م كتااار م بقدر احسبهم ليكم الواحد براااهو جايب اكتر من نص دسته قل هو الله احد المووهم جدي قبل م بتوفى ماشاءالله م قصر من ناس ابووي خلى ليهم وررثه هااايله قطع اراااضي زريبه بقرررر وخرفااان وكم عربيه وبابور حق الزراعه دة يعني اهلي ماشاءالله عليهم مافي شي بنقصهم وكل شي بجينا جاااهز يلا اصلا هم شغلهم الاساااسي الزراعه

بزرعو كل المحاااصيل وبعد وفااة جدي م فكرو يقسمو الورثه لانهم اصلا كدة كدة عايشين في بيت واااحد ويدهم واحدة ابوي عندو شغلو الخاص بشتغل في الاسبيرات وكدة اها نرجع لي لحظه انا طالعه من المظله وجااريه لقيت سيف اتصادمته معااهو طبعا سيف دة ود عمي حسيين الاصغر من ابوووي مبااشرة هو عمرو 21 سنه وانا 17 سنه قال لي جاريه مالك قلته ليهو ابوي ساااكيني بالعكااز مسكني قال لي الليله بس امسكك ليهو

طبعا امي كانت ممشاااطني بوووب وشعري كان فاااكي بقيت اتصارع معااهو فجأة حبوبه طلعت من اوضتها قالت لي ي بت ي شهد تعالي هنا بتعيطي مالك كدة مره قدر حالك دة؟؟قلته ليها م تشوووفي ولد ولدك دة يااخ قالت لي قلتي شنوو م سامعاك ي بت طبعا حبووووبه كانت اضااانها تقيله تعيد الكلام جغلميه مرررره بعداك تسمعو فكاني قال لي هسسس اسي بفتنك معاااها تتزكري اليوووم الشلتي ليها فيهو نظارتها مشيتي بيها الحواشه وجيتي راجعه بيها مكسورة قلته ليهو خلاص سكته قلته ليها بصووووت عاااالي حبوبه ماف حاجه بعيط ساي قعد يضحك علي قلته ليهو طيييب ي سيف

حبوبه قالت لي خلاااث تعااالي عندي حنه دايراك تعمليها لي في شعري طبعا حبووبه زوووله متشببه شديييد عاااد الجيهه البتتجيها انا لمن بخجل من نفسي مشيت عليها قالت لي انتي ي بت سمووك منوو طبعا كالعادة ناسيه اسمي قلته ليها شهد ي حبوبه شهد لحقتي تنسيهو قالت لي هييي ي بتي انتي اسمك الزي اسم الكفااار

دة بتحفظ لي كيف قلته ليها حبوووبه كفااار كيف اسي اسمي دة مالو عيبو شنووو بس قالت لي والله اسم كفااار عدييييل كدة ي بت هااا اسكتي ساااي اسي شوووفي بااقي اعمامك ديل كلهم مسمين بناتهم عششه وخديجه وفاااطمه الا ابووووكم انتو مسميكم اسماء م معرووفه زاتها جايه من وين ومعناها شنوو قلته ليها حبووبه دقيقه افهمك بتعرفي العثثل قالت لي اجي ي بتي العثل دة في زول م بعرفو قلته ليها بسسس شهد دة معناهو العثل قالت لي عليك النبي ي بت قلته ليها اوغسم قالت لي هااا بطلي كضب كان معناهو كدة انا اكبر منك مالي م عرفتو م تغشيني ساي

قلته ليها ي حبوووبه انتي م قريتي مدرسه لكن عشان كدة م عرفتي معناهو وقعدته اضحك قالت لي قلتي كدة ي بت؟؟ قلته ليها اااي ي حبووبه دة معناهو قلته ليها عليك الله م اسم على مسمى قالت لي بري شن جاااب لجااب انتي اسي بقااارنووك بالعثل طبعا للحظه حسيت جبهتي طارت حبووبه نسفتها لي قلته ليها حبوبه قصدك شنوو؟؟قالت هاا بت هااا كلامي واضح يلا كملي لي شعري دة قلته ليها طيب ي حبوبه نادي واحدة من بنات اعمامي عشه ولا خديجه تجي تتم ليك شعرك مش انا اسمي اسم كفاار قوولتي قالت لي ها بت ها بطلي قله ادب بهظر معاااك انتي غزاااله بس

قلته في غلبي كضااابه ي حبووبه مصلحه بس قالت لي اها ي بت واختك اسمها معناهو شنوو؟؟قلته ليها اسي دة محتاج ليهو تفكير ي حبوبه شرووق دة مش الشمس بتطلع كلو يووم؟؟ قالت لي اي قلته ليها بس دة معناهو الشروووق قالت لي ايوااااا كان كدي تمام ي بتي والله الاعلام دة سمح خلاص قلته ليها اعلام؟؟ يعني شنوو ي حبوبه؟قالت لي ي بت قصدي القرايه هاا ضحكته قلته ليها حبوووبه اسمو التعليم التعليم م الاعلام قالت لي كلو واحد هااا