الجزء 15

جيت حضنتو من وراء وقلت ليهو اي حنكون تلاتهه ❤طوالي اتلفت وعاين لي مسافهه خت يدو في خدي قال لي انتي جاده مووش ي علا! قلت ليهو هههه اكييد ودا موضوع بهظروا فيهو طوالي حضني شدييد وكان ماسك فيني وهو بقول انا م مصدق انا ح اكون اب اخيرا!! يعني حيجي بيبي صغير يقول لي بابا!! الحمدلله يارب انا مبسووط شديييد والله.. قلت ليهو وانا كمان مبسوطه حبيبي يااخ شعور حلو شدييد اخير ثمرة حبنا حتجي 💜قلت ليهو انت عايزو يكون بت ولا ولد قال لي اي حاجهه من الله سمحهه.. قلت ليهو اكييد ودا الشهر الأول لسسه بعد شهرين تاني حنعرف جنسو شنوو عشان نجهز حاجات البيبي😭😭💓💓💓قال لي اكييد ي عمري💜طوالي عاين لي وجراني عليهو اكتررر قال لي علا انا مشتاق ليك.. رجع لي شعري لوراء ونزل باسني في رقبتي وانا كنت لافه يديني حوالين رقبتو قال لي بحبك قلت ليهو وانا بموت فيك❤❤اتلفت لقى الطربيزة فيها اكل قال لي ي سلاااام جاتوه بالفانيليا عرفتي كيف اني بحبو قلت ليهو ساره م بتقصر سألتها زمان😂💜💜قال لي تعالي ومسكني من يدي وقعدني في الكرسي ومشى قعد قصادي والشموع كان مضويه المكان بقينا بنأكل في الجاتوه وشربنا العصائر مصطفى وقف وقرب علي قلت ليهو مالك!! طوالي خت لي كريمهه في وشي 😂😂بقيت مخلوعهه م عارفع اعمل شنو وهو مييت ضحك قلت ليهو دا شنوو😢😢💔قال لي م عجبك خلاص سوري حبيبي م قاصد طوالي جاني عشان يهديني شلت كريمهه وعملتها ليهو في وشو ولحيتوو🙈💜وقعدت اضحك قال لي ايوه وكدا نقول انتي بديتي الحرب العالميهه التالته وبقى ساكيني عشان يملاني كريمهه وانا جاريهه وراهو وهو بقول لي حبيبي م تجري انتي حامل هسي قلت ليهو بعد كم شهر م ح اقدر اقوم من محلي ياخ😂😂💜لحدي م وصلني ولصقني على الحيطه ووقف قدامي خت يدو في الحيطهه عملها حاجز قال لي م في ليك طريقه تانيهه ختيت يدي في رقبتو قلت ليهو لاا في طرق قال لي طيب وريني ليها وطوالي شالني وانا كنت مبسوطهه وبضحك لحدي م مشينا على غرفتنا🙈💜💜.. يمكن بديت اعشق الحياة دي يمكن بديت احب نفسي.. او يمكن اكون ابتليت بعشقوو يااخ مصطفى دا نعمه من رب السماء ربنا يديمو لي والله العظييم بموت فيهوو احساس تلقى مواصفات شريك حياتك كلها في زول م اتوقعت في يوم من الايام تكون معاهو تحت سقف واحد افتكر م في احلى من الحاجهه دي💜كلنا عندنا قدر و زول معين مكتوب لينا وفي الوقت الحيجي فيهو على حياتنا ممكن نقول انو حياتنا اكتملت❤.. دي الحياة الصاح مع الزول الصاح💕كنت بكتب في الكلام دا وانا سرحانه بعاين لمصطفى وهو نايم وقلت في نفسي بعد كم شهر تاني حيجي البيبي الحينور حياتنا ان شاء الله يارب💜... امي وابوي رجعوا لبعض وانا مصطفى علاقتنا اقوى وحيجينا بيبي م في احلى من كدا والله💓....كنت لا أريدك ولكن الله أراد لي الخير معاك💜.. كل شهر بطني كانت بتزيد 😂💕وطلباتي لمصطفى كترت.. طبعا في يووم كان المساء وانا قاعده في التلفزيون ولابسهه بجامهه ورديهه وفاكهه شعري وبطني واصله لحلقي😂😂وخالفهه رجل برجل وبأكل لي في نوتيلا مصطفى جاء ربع يديهو وعاين لي قال لي مدام علا شايفك الايام دي طلباتك كترت قلت لي هششش دي طلبات بتك😂😂💕قال لي م هو انا متحملك عشان بتي تاني قلت ليهو مصطفى انا عايزة فراولة 😢😢💕💕قال لي اجيبها من ويين ي علا بعدين هي بتطلع في الشتاء ودا م موسمها قلت ليهو بس م عارفه جيبها لي نفسي فيها شديييد😭😭💕💕قال لي غايتو الله يحلنا من الوحم دا😑❤🔥وطلع مشى.. فضلت اكل في نوتيلتي واتفرج في فيلم ومصطفى يحليلو طلع بقى لافي كل البقالات عشان يجيبها لي وم لقاها لحدي م وصل اخر بقاله دخل قال ليهو السلام عليكم بتاع البقاله قال ليهو وعليكم السلام اتفضل .. مصطفى قال ليهو عندك فروالة!! والله فتشت اي مكان عاارفها م موسمها لكن المره مجنناني عليك الله قول لي في😂😂❤✋بتاع البقاله قال ليهو والله ي ولدي حظكك حلوو شديييد كانت عندي ٣ صناديق كنت شايلهم البيت لكن م مشكلهه مدام لمرتك شيلهم طوالي اسألني انا من جن النسوان دا مرتي ومجربها😂😂شيلهم كلهم بالله تكون م قصرت.. مصطفى قال لي لالا ياخ ي عم والله مدام شايلهم البيت.. عمو بتاع البقاله قال ليهو والله هم بحبوها شدييد وفي البيت في كم علبهه لكن انا قلت م في زول بشتريها في البقاله الا اوديها البيت الفريزر لكن حظكك سمح شيلها ي ولدي ❤مصطفى قال ليهو تسسلم يااخ والله م قصرت ي عم قال ليهو الله يسلمك ي ولدي يلا الله يعدلها عليك ❤... انا كنت قاعده وبتفرج لما الفيلم انتهى والنوتيلا خلصت ضربت لمصطفى قلت ليهو اها لقيتها😢😢💜! قال لي اصبري لما اجث البيت بنتفاهم انا سايق هسي 😂😂قلت ليهو طيب شوويه كدا فتح الباب جاني داخل ووراهو كيس م شفتو قال لي م لقيتها جبت ليك تفاح بدلها قلت ليهو م عايزة تفاح انا😭😭قال لي وهو بضحك اخخ ي حبيبي الحلوو بالله لما تزعلي بتكوني حلوه حلا هااك يلاا قلت ليهو واااااي جبتها😭😭💜💜💜💜قال لي بعد سلة رووح وال

له لقيتها والراجل كان شايلها لأهلو واداني ليها😂💜💜طوالي شلتها منو وبقيت اكل فيها وبمسك بطني وبقول وااي ي حبيبتي شفتي ابوك دا حلوو كيف مشى جاب ليك الفراولة 😢💜💜قولي ثانكسس لبابا يلا مصطفى جا قعد جمبي وخت راسو في بطني قال لي حبيبي قولي ليها بابا بحبكك شدييد ومستعد يعمل اي شي عشانك طوالي انا مسكت مصطفى وبقيت ممشيهه يدي في شعرو وهو راقد في بطني💕💕.. مرت الشهور الكنت منتظراها وجا موعد الولاده والحمدلله ولدت وجبت بت وسميتها بيان💜 بيان كانت خليط بيني وبين مصطفى يعني شايلهه جينات شعري ولوني بس ضحكتها زي ابوها وكمان عندها غمازة زيو 😭😭💕💕💕.. م كنت متخيله انو حياتنا حتكون بالبساطهه والجمال دا ❤....بعد بيان عمرها بقى سنهه وبقت تتعلم المشي وبتقيف كنا وانا ومصطفى بنصورها طوالي من ولدتها لحدي عمرها دا عشان نحتفظ بالذكريات ونعلق الصور في البوم كبير كدا مكتوب فيهو ب بره we are family 💕كل خطوه بتخطيها وكل كلمهه بتقولها كنا بنكتب التفاصيل دي تحت الصوره ونختها في الالبوم.. عشان لما تكبر تكون عندها ذكريات حلوه توريها لاولادها واحفادها بعدين ان شاء الله 💜.."خلقت لأكون لك لأكون معاك ولأكون سندك في هذة الحياة الصعبهه.. احببتك للحد الذي لا يمكن لقلبي ان يحب احدا سواك💕" في الوقت الأنا كنت بفرح فيهو اسامهه حياتو كانت بتتدمر لانو زواجو فشل وروان عرفت الحقيقه المره ودي كانت اكبر صدمه ليها كونو تنصدمي في زول بتحبيهو دي حاجهه حاره شدييد زي م حصل معاي انا.. هيام وياسمين م قصروا كلموا روان بكل حاجهه وتقريبا رسلوا ليها صورو في الشقه مع بنات وكدا انا م اتمنيت الشر لروان ابدا هدفي كان اسامهه وفعلا حصل الكلام القلتو ليهو انو في يوم ح يكسرك زول عزيز عليك ويخليك مزلول عشان تجرب شعوري الحسيتو لما اتخدعت فيك بس في النهايهه بقولوا كما تدين وتدان ودي كانت أكبر حقيقه في حياتي انو انا قدرت اكسر اسامهه أخيراً 🔥

و اللحظات الحلوة بتبدأ من هنا من علاقتنا انا وبيان ومصطفى 💕

القصهه دي العبره منها انو البت مهما واجهت المشاكل في حياتها بتقدر تتخطاها لانو نحنا م في زول بكسرنا نحنا أقوى من انو يكسرنا ولد لانو نحنا البنكونهم.. نحنا البنكون أمهات الغد والمستقبل 💜💜🔥✋..

في نقطهه معينهه علاقهه اسامهه وعلا يمكن علا من جانبها حبتوو وشدييد كمان بس اسامهه كان بحب جسمها اكتر كان عايز يصل ليها بأي طريقه والحقيقه ابدا م حباها بس كانت مجرد رغبه انو عايز يمتلكها بدون م يراعي لمشاعرها دا الغلط هنا انو نحنا بندي مشاعرنا كلها للزول الغلط لييه م بنفكر بعقلنا!! لييه بنستعجل وبنخلي قلبنا يسوقنا!! انا الحمدلله بقدر افرق بين الزول البحبني والزول البستغلني.. اولآ الزول البحبك بالجد وعايزك لقدام م بقول ليك اديني بوسهه ولا بقول ليك نفسي احضنك واكون معاك ولا بقول ليك انتي لابسهه شنوو انا بقول الكلام دا لانو حقيقه وحاصل مع بنات كتيير بس انا عايزو اوعيكم شويه لانو الكلام دا اذا الزول مشى فيهو حيدخل في الغلط وانتو عارفنو م في داعي اشرح.. الزول الصادق معاك م بتكلم ليك عن الجنس ولا بجرجرك بليل عشان يتكلم معاك النوعيهه دي بتكون لافه طوول اليووم وتجيك بليل عشان بس يفضي شهوتو فيك وانتي عشان بتحبيهو حتتماشي معاهو في الكلام ودا اكبر غلط م في ولد بعرس ليهو واحده سلمت ليها نفسها نهاااي ماافي ولا في ولد برضى أساساً يتزوج ليهو واحده اتكلمت معاهو انصاص الليالي في كلام تافهه لانو المعنى عندهم اذا انتي عملتي كدا معاي معناها حتعملي مع غيري حتى لو كنتي بتحبيهو اتأكدي اول وراجعي نفسكك

لو بحبك بالجد م بقول ليك رسلي لي صورك بملابس النوم لو بحبك م بقعد معاك ويرفع رجلو في رجولك لو بحبك م بتلصق فيك في الشارع لو بحبك م بركب جمبك في المواصلات عشان يتلذذ بيك لو بتحبك م بتكلم معاك في الجنس عشان يجرجرك ويوقعك في الغلط و لو بحبك م بعاين لي مفاتنك.. عشان م تكذبوا على روحكم ساي العلاقات الزي دي مدتها قصيرة لانها مبنيه علي الشهوه م اكتر من كدا لانو لو بحبك بالجد بخاف عليك واهم حاجهه بخاف الله فيك❤وبذكرك بصلاتك دائما وبدعي دائمآ تكوني من نصيبو وبجيك بالباب عدييل يكلم ابوك.. انتي كأنثى غاااليه وغاليه شديييد كمان نفسك دي أهم شي م تضيعيها في حب واحد اهم شي عندو جسمك لييه بنسمح ليهم يقولوا عننا رخاص!! او دي بت رخيصه!! الاختيار بجي بالعقل م بالقلب لانو القلب دا مرات بسوقنا عاادي وبخلينا نجري وراء رغباتنا💔.. فكروا صاح واختاروا صاح.. زي اختيار علا لمصطفى هي كانت رافضاهو بس في النهايه قدر الله وما شاء فعل 💜💜م في احلى من الحلال لانو نحنا بنستهلك كل مشاعرنا في الزول الغلط ولما يجي الزول الصاح بلقانا بدون مشاعر لييه م نحاول ننسى!! ونبدأ نعيش من جديد وم نستعجل لانو الزول الصاح في يوم من الأيام حيجي اكييد وحيملى كل حياتنا سعاده وحب لانو البحبنا بحترمنا قبل اي شيء والاحترام اهم واحسن من الاهتمام بكتير...

م في زول بكسسسرنا م ف

ي زول بكسسسرنا.. م في زول بكسسرنا لانو نحنا بسسس بنكسر نفسنا بنفسنا وكمان بنساند نفسنا بنفسنا✋🏻❤

الحياة دائما بتدينا طرق كويسهه وطرق كعبه واذا فكرنا كويس اكييد ح نمشي في الطريق الصاح... ولازم ننصح ونوعي بعض لانكم كلكم اخواتي 💜الحاجهه الحلوه كمان انو في يوم كنت قاعده وصلتني مسج من رقم غريب قال لي طبعا بدون ذكر اسماء.. انو عايز يقضي معاي ساعهه.. طبعا استغربت وقلت دا خاشي شمال ولاشنو!! تاني حاولت افهم هو ومنو وعايز مني شنو وجاب رقمي كيف!! طوالي قال لي انا ادوني رقمك دا عشان اقضي معاك ساعهه اها انتي موافقه! طبعا اتصدمت ونبذتوو وكنت ح احظرو بس م عملت كدا لانو هو م عندو ذنب بمجرد م انو مشى في طريق الغلط والضلال يمكن يحتاج لزول ينصحو وفعلا اتكلمت معاهو برواق وعرفتو عايز يعمل شنوو وونصحتو لانو الزول البتشوفوا ماشي في غلط م تزيد عليهو الغلط و تساعدو لاا انصحوا وخليهو يخلي كل الكلام دا وفعلا استغفر ربو وقال تاني م حيعمل كدا.. انا زوله غريبه بالنسبه ليهو وهو نفس الشيء بس م رضيت الحاجهه دي ليهو لاني كمان م رضيتها لنفسي.. في اللحظة دي حسيت اني انجزت حاجهه كويسهه في حياتي بنصيحتي لزول غريب خلتو يتراجع عن قرار كان ممكن يدمر حياتو.. الله يحفظو وين ما كان وبتمنى الله يهدي الجميع كمان قبل م تعمل الحاجهه دي فكر في ربك واهلك وصدقني ح تتراجع طوالي❤.."ان الله تواب رحيم💜" ويهدي من يشاء إلى الصراط المستقيم 💜💜❤..

نصف الواقع.. الواقع الحصل لي مع اسامهه م كملتو لانو م كان مقدر لي.. اما الجزء التاني مصطفى كملو وكدا تكون قصتنا كملت🖤..

"لو علمت أن حياتي ستتغير من الأسوء إلى الأفضل لكنت اتلقيتك قبل سنيين من الآن❤"

" اللهم قل لأمنياتنا التي في قلوبنا كوني لتكون ي الله برحمتك يا أرحم الراحمين"

الحب نقاء ومشاعر صادقه ف رجاءاً م تخربوهو بالحاجات الممكن تشوهو وتكرهوا فيهو الناس خليكم واعيين وحبوا بفهم ❤واتذكري العايزك دا م بديك اعذار بجيك طوالي م تكسري ظهر ابوك بغلطهه ممكن تكون سبب في دمار حياتك لانو م في شيء بستاهل نفسنا بس هي البتستاهل كل خير❤❤✋🏻

دعواتكم لي ان شاء الله بتحقيق كل امنياتي وأمنيات الجميع ❤