الجزء 13

مرت زي تلاتهه اسابيع كدا وانا ومصطفى حالنا واحد وعلاقتنا بقت اقوى من كدا مرات بشتم نفسي وبقول ليه انا كنت رافضاهو! لكن بالجد عوضني عن كل السعاده الضاعت مني وبقى لي اب واخ وصاحب وحبيب ورااجلي اكييد❤م كنت متخيله انو في يوم اثق فيهو او عمومآ في اي ولد بس هو غيرني يعني بالجد الله بجبر كسرك وبجيب ليك الزول الصاح في الوقت الصاح❤..مع انو طولنا حتى عرفنا بعض بس حبنا بدأ بأبسط شي وهو التعويده نحنا اتعودنا على بعض شدييد لدرجه انو اي زول بفقد التاني وبحس انو حياتو او يومو ناقص.. طبعا من الروتين اليومي دا بقيت بزهج بس مصطفى بجي المساء وبعوضني عن كل الزهج بنقعد نتهابل ونتضارب ونجري وراء بعض يعني هو زاتو في الحاجات دي م مقصر ههه سيدها يااخ وانا عشان هبله وبحب الحاجات دي.. في يوم جمعهه كدا صحيت بدري م عارفه الصحاني شنوو انا.. مصطفى رفع راسو قال لي حبيبي مالك صاحيه بدري الليله الجامعهه قلت ليهو م عارفه والله حاسهه في شي ناقص او انا ناسيه شي قال لي تعالي تعالي وجراني عليهو رقدت في حضنو كدا تاني قلت اي اي اتذكرت قال لي شنو؟؟ قلت ليهو عندي واحده صحبتي اسمها روان حكيت ليك عليها ياخ اتلاقينا في المحل قال لي اها مالها؟ قلت ليهو الليله عرسها يااخ ضربت لي كلمتني اول امس وانا نسيت مع المشغوليات دي قال لي وين المشكله هسي تمشي طوالي قلت ليهو اي بس في تجهيزات كتيره وكدا والعرس بليل في الصالهه وقالت لي كلمي مصطفى يجي كمان قال لي انا م عندي مشكلهه بوديك وبقعد معاهم قلت ليهو طيب قال لي يلاا أرقدي نومي الساعهه يادوب 6قلت ليهو طيب ورجعت نمت.. صحيت بعد كم ساعهه كدا فتحت عيني لقيت مصطفى واقف ولابس الجلابيه ومتعطر💕يااااخ الجلابيه يحردوها ليهو مع لونو القمحي النضيف دا والسكسوكهه المقفلهه اححح يااخ بقيت بعاين ليهو قلت ليهو ماشي الصلاة قال لي اي حبيبي عايزة حاجهه؟ قلت ليهو سلامتك بس قال لي يلا انا طالع 💜.. طوالي انا قمت ادوشت وفرشت الملايهه ورتبت الغرفهه ورجعت اتوضيت عشان اصلي بعد خلصت جيت فتحت الدولاب اشوف لي فستان مناسب للحفلهه بقيت بقلب وبقلب م عرفت اختار شنوو قلت لما يجي مصطفى بسألو وبأخد رايو.. انتظرتو لما جا مشيت خلطت ليهو عصير وجبتو ليهو قلت ليهو حبيبي شووف امشي بأي فستان من ديل!! قال لي اللون البعجبك بس قلت ليهو هو انا لو عاجبني واحد م كان سألتك😑💔قال لي اممم شوفي الاسود دا مشيت جربتو وجيت عاين لي من فوق لتحت قال لي لاا البعدو 😂.. مشيت شلت واحد كدا ازرق وطلعت وريتو ليهو قال لي ضيق شديييد 😑..قلت ليهو خلااص آخر واحد بس البيجي دا لو طلع م حلو باقي الفساتين بخليهم بس قال لي امشي اها ولو م عايزة ممكن تغيري هنا عادي يعني انا م عندي مانع 😂😂قلت ليهو مصطفى 😒قال لي طيب طيب😂😂💔دخلت وجيت قلت ليهو اها😢💔قال لي حلووو شدييييييد ❤❤قلت ليهو بالجد 😍❤قال لي اي والله لونو مناسب وجاي معاك كمان واحلى شي انو اكمامو م قصيره شديييد حلوو يلا قلت ليهو طيب❤فضلت ماشهه جايهه اكوي في الفستان واجهز في الشوز والطرحهه والميكاب مصطفى قال لي براحهه براحهه العرس م طاير😂😂قلت ليهو ياخ متحمسهه طولت من الاعراس دي انا😂😂قال لي انا البس شنوو؟ قلت ليهو بدلتك البيجيهه ديك حلوه❤❤قال لي عشان نكون مطقمين قلت ليهو اي💕.. وفعلا المساء جا ولبست فستاني واتمكيجت احلى مكيااج بس بساعده رزان 😂❤❤ومصطفى لبس بدلتو يااخ بالجد درعههه انا خايفهه اتشلب بس واثقه من راجلي 🙈❤ركبنا العربيهه واتحركنا قال لي كويس زاتو الصاله م بعيده مننا لو عارفاها من الاول م كان طلعنا بدري كدا 😂😂قلت ليهو بدري وين الناس دي بتكون جات كلها والله بعد دا.. وصلنا ووقفنا العربيه في الباركن ونزلنا طوالي انا ومصطفى مع بعض عايزين ندخل كدا مصطفى جاتو مكالمهه قال لي ادخلي وانا بلحقك قلت ليهو طيب.. دخلت بالله الناس كلها بتعاين لي تحللف تقول قايلني العروس 😂😂😂واحده جات علي قالت لي انتي اخت العروس؟! قلت ليها لالا صحبتي بس هي زي اختي❤مشيت قعدت طبعا م بعرف اي زول قعدت جوا كم بت قعدوا معاي وتاني سلموا علي واتعرفنا واحده من البنات قالت وااااااااي😭😭😭😭💜💜💜💜💜💜سمححح سماحهه احيييي انا بسس البنات قالوا ليها مالك وينووو قالت ليهم شوفوا انا اتلفت لقيت مصطفى واقف مع زول وهي بتعاين ليهو.. طوالي مصطفى رفع لي يدو يعني انا خلاص قاعد هنا... البت عاينت لي وقالت احييي بتعرفيهو؟؟ 😭😭😭💜دا اخوك ولاشنوو قلت ليهم لا راجلي❤❤البت قالت لي واااااي كرفستي مشااعري وحيات الله 😭😭😭💜انتو حلوين مع بعض ومطقمين كمان والله كيوت يااخ قلت ليها تسلمي 💜بالرغم من جمال البنات وانهم فاكات شعرهم وكدا لكن انا اصلا م اتعقدت ولا خفت على مصطفى لانو واثقهه منو شديييد ❤شويه كدا الناس قالول العرسان وصلوا.. اتلفتنا عاينا للشاشه لقيت روان براها ووقفت مسافهه تاني جاء راجلها ووقف معاها انا لما شفتوو قلبي دق وخفت واتوترت في نفس الوقت م

فضل لي الا اصرخ بس بقيت برجف وبقول معقولهه اساامهه؟؟! مسك يدها ودخلوا مع بعض وانا كنت برجف من فوق لتحت.. والقعاد غلبني بس برضو راجعت نفسي وقلت انا م بكسر نفسي قدامو ح اكون قويه وح اوريهو انا منوو انتظرت اللحظه المناسبهه لحدي م الناس رقصت وهزت وبتاع وبقوا بباركوا للعرسان.. ضربت لمصطفى قلت ليهو تعال عشان نبارك للعرسان ونطلع طوالي قال لي جاي عليك شويه كدا وجاء بقينا ماشين عليهم وفي كل خطوة بخطيها كنت بحس بالانتصار وصلتهم ووقفت قدامهم اسامه كان بشرب في مويه لما شافني اتشرق وبقى يعاين لي عشره عشره انا هنا حسستو بالهزيمهه لانو هو خسر قدامي ولاول مره اشوفو خايف ومتوتر ياخ لمن عرق وطلع منديلو حضنت روان وقلت ليها الف مبروك حبيبتي وان شاء الله تتهني💜💜قالت لي امييين حبيبتي يلا ي علا انا اسامهه.. اسامه دي علا صحبتي عاينت ليهو جوه عيونو وبقت ابتسم ابتسامه كدا م تعرفها خبث ولا انتصار قلت ليهو اتشرفنا ي اسامهه عاين لي مسافهه اظنو كان خايف اكشفو وافضحو قدام كل الناس بس معليش م انا البصل للمستوى الرخيص دا بعدين م ح اشوه سمعه روان واخرب ليها أجمل لحظات حياتها في نفس الوقت حسيت بالزعل عليها لانو بتحب واحد وااطي وبتاع شقق زي اسامهه بس قلت الله في انا منو عشان اعترض على الاقدار وبعدين م عايزة مصطفى يتهور ويعمل مشكلهه لو عرف انو اسامهه هو الاعتدى علي .. تاني قلت لروان يلا دا حبيبي وراجلي مصطفى روان سلمت عليهو وقالت ليهو والله كان نفسي اشوفك هههه والليله شفتك اخيرا اتشرفنا قال ليها لي الشرف يااخ ومبروك كمان قالت ليهو الله يبارك فيك مصطفى سلم على اسامه وقال ليهو اوو ابو الشباب مبروك يااخ اسامه قال ليهو وهو م قادر يبلع الكلام الله يبارك فيك طوالي انا مسكت يد مصطفى وقلت ليهم الله يهنيكم يااخ وطلعنا اتلفتت لقيت اسامهه لسسه م قادر القعاد غلبو عدييل 😂😂💔طلعنا وركبنا العربيههه....

في الجانب التاني..

اي طبعاا عرسو الليله اتخييلي ي ياسمين.. ياسمين قالت ليها خليهوو يفرح زي م داير لكن شهر عسلو م حيكملوا ودا وعد مني ليك..

طول المسافه كنت ساكتهه مصطفى قال لي انتي مالك ي علا؟ قلت ليهو مالي قال لي شايفك من طلعنا م على طبيعتك قلت ليهو لو قلت ليك حاجهه بتصدق قال لي شنوو قلت ليهوو عريس روان دا اسامهه كان حبيبي مصطفى كبس فراامل طوالي وقال لي شنووو؟؟؟ قلت ليهو اي.. عاين مسافهه وقال لي م تقولي لي دا العمل فيك كدا قلت ليهوو اي💔مصطفى رجع لف بالعربيه طوالي وكان ماشي بأقصى سرعتو قلت ليهة مصطفى مااشي ويين حتعمل شنوو 😭😭😭💔لااا عليك الله ي مصطفى رواان ي مصطفى عليك الله.. لمن بديت ازيد في البكاء وابكي بصوت وقف العربيهه ونزل من الطريق قال لي علا حبيبي مالك؟ لييه م كنتي عايزه تخليني امششي لييه م عايزة تخليني اجيب اجلو هسي دي قلت ليهو مصطفى م تتهور رجاءاً انا قلت ليك عشان م بقدر ادس عنك حاجهه موش انت قلت العلاقات المبنيهه على الكذب م بتدوم؟ يلا انا م عايزة علاقتنا تكون كذب وعايزاك تعرف اي شي عشان م عايزة اخسرك انا م كان غالبني انهي ليهو عرسو دا في ثواني بس الشي المانعني اني م بنزل لمستوى رخيص زي دا بعدين رواان 💔م شفتها مبسوطه كيف وهي معاهو لانها م عندها ذنب انا ليه اخرب ليها حياتها بجي يووم والله بيأخد حقي وانا متأكده مصطفى طوالي حضني وقال لي هششش حبيبي انا اسف💔عشان كدا لما قلت ليك انتي بت قويهه م كان كلامي كذب انتي عارفه اني اسعد انسان في العالم لانو متزوج لي بت عاقلهه وبتفكر صاح قبل اي شي بحبكك يااخ ي بت الناس والله بحبكك مسكت في قميصو شدييد وغمضت عيوني قلت ليكم مصطفى هو الانسان الوحيد البنسيني كل محني بعد امي وابوي طبعآ 💕💕لانو بالجد طلع سند لي قلت ليهو م عايزة امشي البيت انا😢قال لي جدا نمشي هسي مكان ظريف دور العربيه وساق لحدي م وصلنا شارع النيل والساعه كانت 11 وحاجهه م نزلنا من العربيه بس كان موقف العربيه قصاد البحر❤❤يعني بالجد منظر حلوو شدييد تشوف الانوار وانعكاسها في البحر شي مميز والله💕فضلنا بنعاين للمنظر دا وانا مصطفى حاضنين بعض.. قال لي ثواني بس نزل خشى كافي كدا جاب لي نيسكافيهه وبقينا نشرب ونتهابل مع بعض وكان بحكي لي في نكات وانا بضحك بالجد اليوم دا حسيتو مميز عندي شديد اول حاجهه قدرت أواجه اسامهه بدون خوف وممكن اقول هو الخاف مني المره دي.. والحاجه التانيهه انو ضحكت مع مصطفى من كل قلبي لانو حسيت اني بديت اعيش كل لحظهه حلوه معاهو 💗م في احلى من الاحساس دا والله انو تكون قاعد في حضن الزول الاختارو ليك الله وانت مطمن انو م بتعمل شي غلط لانو دا حقك.. وم في احلى من انو نعيش كل لحظهه حب حلوه مع نصنا التاني انو تكون في مكان هادي وتعاين لنجوم السماء وانت ماسك سندك في الحياة دي ممكن اقول انا من اللحظه دي بقيت عاايشهه وكانوا ولدوني من جديد❤❤❤..