الجزء 12

قال لي لالا م حلوه بتجنني عديل ❤.. نزلت راسي وخجلت قال لي حبيبي الحلوو خجل.. قعدت اضحك قام شالني قلت ليهو مصطفى نزلني ياخ نزلني 😢قال لي مالك عملت شيء غلط؟ مرتي وحر فيك قلت ليهو بس نزلني قال لي ابييت مااف لييك.. انا بجواي وبقلبي م عايزه انزل لانو معاهو بحس بالأمان والراحهه💜بقى شايلني لحدي م وصل بي الغرفهه دخل وقفل الباب انل فضلت متوتره وشدييد كمان قال لي حبيبي م عايزة تنومي قلت ليهو اي ح انوم عايزة اطلع امشي قال لي وين وين؟؟ قلت ليهو غرفتي.. جراني عليهو وقال لي دي غرفتك كمان مسكني وقربني عليهو وبقى يقرب اكتر واكتر لحدي م نزل شفايفي وباسني انا خلاص استسلمت للحاجهه دي وهو كان مكمل وفضلنا كدا لحدي م شالني على السرير انا م كنت رافضهه الفكره او استسلمت ليهو لانو فعلا بديت ارتاح ليهو واعتبرو راجلي.. وبعدها حصل الحصل.. صحيت الصباح بدري فتحت عيوني لقيتو بعاااين لي وسرحان كمان وكان بمرر يدو في شعري قال لي احللى صباح يبدأ معاك صباح الخير❤قلت ليهو صباح النور عااين لي مسافه لما اتوترت وغطيت وشي بالملايه قال لي انا قايم ادوش اوك قلت ليهو اوك وقام دخل الحمام انا قمت غيرت الملايه ولبست ملابس تانيهه مصطفى طلع من الحمام لابس شورت وخاتي البشكير في كتفو وم لابس قميص 🙈💜بسس اللهم وااااي نفسيات بقيت بعاين ليهو قال اي علا م رديت قال لي هييي قلت ليها هاا قلت شي؟ قعد يضحك قال لي ولاشي خشي يلا الحمام لو عايزة.. طوالي دخلت وادوشت وغسلت شعري طلعت بجفف فيهو ولافه البشكير حواليني لانو افتكرت مصطفى بره الغرفه بس لاا طلعت لقيتو في وشي😂😂❤🙈بقى يعاين لي قال لي والله الواحد م يمشي الليله الشغل ويقعد معاك بسس قلت ليهو لالا امشي❤قال لي هاتي بوسه قلت ليهو ياخ امشي❤🙈قال لي بجي بشيلها براي قلت ليهو لالا😢قال لي اها 😂😂قلت ليهو طيب ثواني جيت قربت عليهو بوستو في خدو ولفيت يدي حوالين رقبتو وقلت ليهو كدا تمام؟ قال لي يوومي كلوو حيكون حلو بعد البوسه دي😂😂❤قلت ليهو يلا يااخ قال لي طيب طيب وطلع.. بقيت بجفف في شعري وبعاين للمرايه وكل دقيقتين ببتسم وبتذكر لما قرب مني وباسني قلت لنفسي السعااده دي كانت ويين من زمان ياخ❤الحمدلله والله على كل حاجهه حلوه في حياتنا.. فجأة ابتديت احب مصطفى واتقبلو اي نحنا متزوجين وبنتصرف زي البنحب بعض لكن ولا واحد حصل قال للتاني بحبك لانو عارفين انو نحنا بقلبنا بنعششق بعض مووش حب بس💜قعدت عديت يومي كلو ماشهه وجايهه اتبسم وانطط وارقص واتعاور قلت بعد الفطور امشي لرزان عشان م ازهج من قعده البيت براي وفعلا بعد الفطور مباشره مشيت ليها دقيت الباب فتحت لي اختها الصغيره هي قدر سلمى اختي كدا سلمت علي وسألتها من رزان قالت لي اي هي جوه قلت ليها طيب قولي ليها علا جات قالت لي طيب اتفضلي❤شويه كدا رزان جاتني سلمت علي وحضنتني قالت لي خشي تعالي اصلا معتز مااف دخلت قعدت معاها قلت ليها نور ويين 😢💜قالت لي ههه نور اخوي جا ساقها لناس امي ونحنا بنمشي ليهم بعدين نسلم عليهم ونرجع المساء قلت ليها ايوا حلو يااخ تغير جو تاني عاينت ليها لقيتها زي المتوتره كدا قلت ليها رزان انتي مالك وشك شاحب كدا؟ في حاجهه؟ قالت لي م في شي بس كان عندي صحبتي شدييد من الجامعهه زماان اتوفت امس كان عندها كانسر حمانا الله.. قلت ليها الله يرحمها يااخ💔💔قالت لي والله من امس ببكي لمن صدعت وم قدرت انوم ونور بقت تبكي وتصرخ ومع الصداع م قدرت اتحمل وديتها ناس امي قلت ليها رزان انتي لازم ترتاحي ابلعي ليك بندول وارقدي تعالي قالت لالا والله برقد بعدين وكدا قلت ليها لالا جريتها بالغصب وديتها غرفتها وجبت ليها الحبوب والمويه بلعت وقعدت جمبها لحدي م نامت طلعت قلت لاختها رحيق رزان نامت هسي طيب لانو مصدعهه شويه م تخليها تقوم مكان قالت لي طيب ❤وطلعت ماشه على البيت قلت احسن اغشى ناس امي اتصلت لمصطفى عشان اقول ليهو بس م رد طوالي خشيت كتبت ليهو ورقه انو انا ماشهه وتاني م عايزاك ولا عايزة اعيش معاك نظام شكل مقلب. و مشيت لبست عبايتي وشلت شنطتي وركبت أمجاد لحدي البيت نزلت خشيت دقيت الباب فتحت لي امي سلمت علي شدييد وقالت لي كيفك ي بتي كويسهه قلت ليها الحمدالله وانتو كيف قالوا لي الحمدالله كويسين والله.. اتلفت لقيت امي بتعاين لي من فوق لتحت وبتتبسم قلت ليها شنوو😨قالت لي بقيتي مره مجيهه.. بت الهناء والسرور عااد تسوي كدي البشوفك قبل أسبوعين م بصدق الفرق بين زمان وهسي. انتي مدام الله أداك نعمه جمال زي دي رافساها مالك وم مهتمه بنفسك قعدت اضحك قالت لي انتي حتنزلي جامعهه متين ي بتي قلت ليها والله السنهه دي م اظن تعدي لانو طولت شدييد بالاجازات الكتيره دي بس الله يعدلها بعد دا قالت لي ان شاء الله.. قعدت معاهم كدا لحدي العصر قلت ليها امي انا ماشهه مصطفى بكون رجع هسي قالت لي طيب خلي بالك من نفسك وبيتك ي بتي قلت ليها اميين.. طلعت تلفوني كان صامت فتحتو لقيت كم مكالمه فتحتهم لقيتهم من

مصطفى قلت ياربي مالو الحصل شنوو وااي من خوفي جريت جري ركبت ركشهه بس وصلتني لحدي البيت نزلت دخلت انا اخش الصاله مصطفى قال لي كنتي وين؟؟ قلت ليهو مصطفى انت كويس؟؟ كورك فيني قال لي قلت ليك كنتي ويين؟!! قلت ليهو مشيت ناس امي😢💔قال لي ليه م كلمتيني لييه؟؟ قلت ليهو اتصلت عليك بس تلفونك... قال لي وهو بكورك هسي لو حصلت ليك شي ماشهه لييييه بدون م تكلميني لييه ي علا؟؟ .. قلت ليهو مصطفى رووق ياخ بعدين الموضوع م بستاهل مسكني ولصقني علة الحيطه وضرب الحيطه بيدو قال لي وحياتك برضو م مهمه؟؟ دموعي نزلوا قلت ليهو اي م مهمه وبقيت ببكي بصوت تاني اتكلم معاي براحهه قال لي علا هسي مالك يعني 💔انا عملت كدا من خوفي عليك من خوفي اخسرك انا الليله جيت راجع بدري عشانك وعشان نقضي وقت مع بعض واجي ادخل القاك خاتهه لي ورقه انك م عايزاني ولا طايقهه تقعدي معاي؟ قلت ليهوو اسفهه 😢😢😢💔💔قال لي بتستمتعي لما تخليني زي المجنون وانا بخاف وبفتش عليك موش؟ زحا مني وطوالي مسكتو فك يدو مني ومشى قعدت ابكي قلت م في داعي للعواره العملتها دي اصلا يعني كنت عايزة اثبت لنفسي انو هو بخاف علي!! م هو اصلا قالها لي قبل كدا 💔.. طوالي مشيت غرفتي قعدت فيها وانا سرحانه م قدرت اتحمل بعادو عني💔كنت مقلقه مشيت دقيت ليهو باب غرفتو ودخلت لقيتو راقد في السرير وشغال بتلفونو ولا عبرني حتى او عااين لي نهااي قلت ليهو مصطفى قال لي نعم بدون م يعاين لي قلت ليهو انا اسفهه💔انا بالجد اسفهه والله م كنت عارفه انو المقلب دا حيعمل مشاكل بينا بدون م أشعر قلت ليهو حبيبي عليك الله طوالي رفع عينو قال لي قلتي شنو؟ قلت ليهو عليك الله😢😢قال لي لاا الكلمه التانيهه قلت ليهو حبيبي 🙈قاام من السرير طوالي جاء علي قال لي انا بحلم ولا سمعتها بالجد! قلت ليهو بالجد قال لي يعني انتي معتبراني بالجد حبيبك؟ قلت ليهو م حبيبي بس وراجلي كمااان ❤❤قعد يضحك قال لي اللله طيييب من قبيل مالك😂😂💜و جراني عليهو بقينا سرحانين في بعض قريب 5 دقائق وهو طبعا طويل ماشاءالله 😂💜وانا قصيره.. ابتسمت ليهو قال لي بحبك.. قلت ليهو بالجد؟؟ قال لي شايفاني بهظر!! قلت ليهو لالا وانا كمان❤قال لي وانتي شنو؟ قلت ليهو وانا بحبك🙈💜شالني لف بي مسافهه قلت ليهو ح اقع ياخ🙈 قال لي م انتي وقعتي لي قلبي كلوو بعد دا اقعي ساي 😂😂💔بقى شايلني وانا ماسكه في رقبتو ومع الهواء شعري عشان طويل بقى مغطي لي وشي قمت زحيتوو من وشي قال لي خليهو💜.. قال لي يلا النوم حبيبي مشى رقد جيت رقدت في حضنو ونمنا...

في جانب تاني...

اساامه انا م مصدقهه أخيراً حنكون مع بعض❤قال لي دائما يارب وان شاء الله اسعدك قالت ليهو انا اسعد انسانه لاني معااك..

حياتنا حلووه شدييد او بالاصح ابتدت تحلى وتعسل😉💜انا ومصطفى حبينا بعض شديييد اي كانت في صعوبات في بدايه علاقتنا بس المشاعر الصادقه بينا قدرت تتغلب على المشاكل دي وخلتنا نكون ناس محظوظين ببعض شدييد انا م حصل اتخيلت نفسي معاهو لانو عالمي كلو كان اسامه بس هسي واقعي الا انا بعيشوا هو مع مصطفى حب حياتي ❤❤..

أحببتك حبا لو تحول إلى ماء لغرق العالم بأسره💜...