الجزء 3

في جانب تاني خالص...

عارفه ي ياسمين انا م عارفه اعمل شنو والله م عارفه ليه بتهرب مني يعني يغشني ويبليني بالبلوة دي ويمشي يخليني م عافيهه ليهو والله الحقيير دا💔💔رووقي ياخ اصلا هو واحد حقيير وحينكشف في يوم من الايام انتي خليك قويه بس لانو م بستاهلك انتي بستاهلك رااجل بالجد م واحد خايب زيو حبيبتي 💓..

قفلت الشيت تبعي وقمت جهزت ملابسي حقت الجامعه والاسبورت واي شي وكالعادة عملت سبوتلس في وشي ومرطب لشفايفي واتمسحت ورقدت طفيت النور نمت نووم عمييق.. صحيت الصباح بدري صليت ادوشت وصليت الصبح ودعيت شويه كدا وبقيت بقرأ قرآن لحدي م الساعهه 6 جات قمت خشيت المطبخ عملت الشاي وكان في شويه كيك شربت الشاي حقي قلت امشي اصبح لأمي خشيت لقيتها ماسكهه تلفونها وراقده في السرير قلت ليها ماما صباح الخير💋💜قالت لي صباح النور كيف اصبحتي ي بتي قلت ليها والله بخيير وانتي قالت لي الحمدالله شغاله كم الليله؟ قلت ليها بدري زي 8كدا قالت لي خلاص كويس شوفي سلمى دي صحيها عشان المدرسه قلت ليها طيب مشيت ليها طبعا هي نايمه في غرفة رهام عشان مافي🌚فتحت الباب لقيتها مجدوعه في طرف السرير والملايه مكومه في النص ورجل في الشرق والتانيهه في الغرب دا غير الشعر المنكوش حقها شمس السودان التي لا تغيب مع انو ناعم وطويل بس على العليهو غزييير شدييد وانا م عارفاها م بتصحى لي الا بطرق بعرفها براي طوالي كبيت لي كبايه مويه بارده وجيت قلت ليها سلوووم اصححي رفعت ليها وشها وبديت ارش فيها قامت تصرخ وتجوط😂😂💔قالت لي ياااااخ مالك 😠قلت ليها قوومي قالت لي هسي دي طريقه ليك والله اوري ليك امي قلت ليها جررري الباب فااتح دايره تقووم كدا تمشي قلت ليها عاايني م في زمن الساعه ستهه وحاجه اسرعي طوالي رجعت خشت الحمام رجعت عرفتي فصلت تلفوني من الشاحن وفتحت الداتا لقيت مسجات كتييره ومعاطه كدا من قروب الدفعه م فتحتها زاتو عاينت لقيت ساره اونلاين قلت ليها ي بيبي قالت لي صباح الاجازة😍قلت ليها اجازة شنوو؟ قالت لي الليله م شغالين قلت ليها كذابه والله؟؟ قالت لي مالك م قريتي كلام القروب 😒قلت ليها م ركزت معاهم ياخ معاطيين شدييد قلت ليها اووف يعني هسي ح اعيش في الملل دا قالت لي انا م ح امل لانو اخوي الليله راجع من قطر😍😍❤❤قلت ليها ياتو واحد ماشاءالله هم كتار😂💜قالت لي مصطفى 😌💗قلت ليها ايوا يصل بالسلامه قالت لي تسلمي ان شاء الله لكن عاايني هو بجي زي المغرب كدا يعني بعدين والوقت دا ح اكون قاعده زهجانه تعالي اتونسي معاي ياخ او نطلع مكان لاني زهجت من البيت قلت ليها نطلع وين قال لي ارح شارع النيل ان شاء الله نغير جو بس قلت ليها م نفسي يااخ م قادره قالت لي طيب تعالي لي قلت ليها اوك بجيك بعد الفطور كدا قالت لي لالا ياخ تعالي افطري معاي عازماك🌚قلت ليها هاك العزومه دي بالله دايره تشريني بطبق بيض بس هو انتي بتعرفي تسوي شنو🌚🔫قالت لي بس تعالي امي طبخت اكل كتيير يعني جاهز بس نسخن 😂😂✋قلت ليها ظابط وطلعت من الواتس مشيت قعدت في التلفزيون سلمى جات طالعهه لابسهه ملابس المدرسهه دخلت اتكلمت مع امي وشالت منها المصروف وطلعت امي قالت لي ي بتي موش قلتي شغاله 8؟؟قلت ليها اليوم اتلغى ي امي م شغالين قالت لي ايوه تمام خلاص اقعدي معاي قلت ليها ماشهه لساره عازماني فطور عندهم قالت لي جنك طلعهه م بتروقي نهاي الا تلفي قلت ليها كدي قولي بسم الله ي امي هسي انا بطلع ويين بس من الجامعه للبيت ومن ساره لبيت ابوي اها قالت لي سمحح طيري ليها قعدت اضحك قلت ليها سمح ح اطير ليها😂💋قالت لي بعدين نازله اتونس مع جارتنا رقيه دي لانو راجلها سافر وقاعده براها هي واولادها الصغار قالت لي نشرب الجبنه سوا قلت ليها طيب امشي عشام تغيري جو م ممكن تكوني اربعهه وعشرين ساعه في البيت ي امي اطلعي اتنفسي شمي الهواء دا قالت لي امشي ويين بس ي بتي قلت ليها اجي ي امي امشي لناس حبوبه واخواتك قالت لي كل مره بمشي ليهم قلت ليها وبرضو بتملي؟ 😂والله الا نسفرك اسبانيا ي امي تغيري جو وترجعي قالت لي دايره تفكيني في البلد ديك لابعرف ليها راس لا قعر قلت ليها خلاص اقعدي في وطنا الحبيب سودانا الجميل🌚غايتو انا حللمي اطير اسبانيا دي يااخ بحبها شديييد لمن بقيت بقرأ في لغتهم😍💓 قالت لي اقري الطب العندك دا بعدين قبلي للباقي.. الصراحه ضربتني 😂😂✋قلت ليها سمحح وخشت غرفتها خلتني بتكلم براي فضلت احضر لحدي م الساعهه 10جات لقيت مكالمه من سارة رجعت ليها قلت ليها الشفقه تطير مالك هسي 🌚🔫قالت لي اتأخرتي قلت ليها ي بت انتي دايرني اجيك من الصباح اهجمكم هسي امك تقول شنوو😒💔؟؟ قالت لي ولاشي اصلا هي بتريدك وعندها مزاج معاك وكانت دائما بتقول لي ياريت لو كانت علا مره واحد من أولادي 🌚💜قلت ليها واااي للدرجه دي😂🙈💗💗لو كدا خلاص لكن ح اعرس منو🙈💜قالت لي عندك تلاته خيارات بس ي اما مازن او محمد او مصطفى🌚❤قلت ليها وخالد وين🌚؟ قالت لي اطمني مجكس وكلم امي بالبت وعايز يخطبه

ا قريب 🐸💔قلت ليها والضامني شنو انو الباقين يكونوا م مرتبطين 😂😂✋قالت لي الصراحه كلهم بتاعين جكس والعجب مصطفى دا فظييع نسونجي شديييد 🐸قلت ليها اخوك دا م متذكره شكلو للآن😂😂💔قالت لي اتغييير بقى قررررررض للدين احيييي بس ياريتو م اخوي كنت عرستوو🌚✋قلت ليها بالله انا اخر مره شفتو قبل تلاته سنه ونص تقريباً وم كنت بركز معاهو قالت لي على اساس هو المركز ياخ اقفلي تعالي لي عدييل😒🔫قلت ليها طيب جااايهه هههه😂✋قمت طلعت لي عبايه وطرحهه ملونهه خططت حواجبي على خفيف وعملت مرطب بس وريت امي وطلعت قالت لي م تتأخري قلت ليها طيب❤نزلت تحت وطلعت الشارع اصلا هم جيرانا طوالي بس فاصلنا بيت تاني دقيت الباب لقيتو فاتح قلت بتكون خلتو لي فاتح خشيت طبعا هم عندهم حديقه كدا فيها نجيله كتيييرة قدام البيت لقيت فيها بت خالتها الصغيره لينه قاعده فيها مشيت حضنتها و سلمت عليها وبقيت ابوس فيها ياااخ كييييوت بطريقه م عاديه😭💓💓.. وهي طبعا عمرها سنتين وبتقعد معاهم طوالي عشان امها مشغوله بتحضر في الدكتوارة 💓بس قاعده بتلعب براها بعد شويه الحبشيه حقتهم جات علي طبعا بتعرفني عشان اتعودت على وشي دا كتيير 🌚قالت لي اولا كيفك(علا) قلت ليها كويسهه والله ي سميره انتي كيفك قالت لي تمام واللهي.. جيبيهو اشان م يتعبك انا بشيلو قلت ليها لالا م مشكله خليها انا بشيلها قالت لي بلعب فيهو بره عشان جوه ببكي قلت ليها طيب هاك ليها واديتها لينه قلت ليها سارة جوه! قالت لي اي خشي جوه قاعد في غرفتو قلت ليها اوك💜خشيت توووك لاقيت امها في الهول قالت لي علوو وينك ي بت مشتاقيين ياخ طولتي بقيتي م بتجينا ياخ قلت ليها خالتو سميهه كتيير والله لكن تقولي شنو الجامعه مرضتنا عدييل 😂😂قالت لي انتي بتقري بس العواليق ديك م بتقرأ اها كيف ناس امك واخواتك والله اليوم داك امك في بالي قلت امشي ليها بس اختي جاتنا قعدت معانا وخلت لينه وانا انشغلت معاها والله قلت ليها م بتقصري والله ي خالتو سميه في اي وقت تشرفينا 💓💓قالت لي ان شاء الله اطلعي لسارى فوق في غرفتها قلت ليها طيب طلعت دقيت ليها الباب م في زول فتح لزيتو لقيتها مركبه السماعات واصلا م شايفاني وقفت وراها براحهه وقلعت السماعه اتلفتت مخلوعه😂😂قالت لي وااااااااي قطعتي قلبي 😂😂💔قلت ليها مووش عارفاني جايهه طيب مالك قالت لي مليت بس وحركات مصطفى دي بطليها بالله😂😂قلت ليها هو برضو بتعاور معاك كدا قالت لي اي والله واكتر😭💓💓.. قلت ليها الحمدلله م عندي اخوان🌚💜✋قالت وانا م عندي اخوات 😭😭😭💔ارح نتبادل قلت ليها بديك رهام دي اصلا م منها فايدة لكن سلمى دي خط احمر 😂😂💔قالت لي انا بديك محمد بس لانو عصبي م بنفع معاي🙊قلت ليها بررري والله يقوم بديني شلوت يكسر عضامي قالت لي شي طبيعي شايل الحزام الاسود تقريبآ في الكاراتيه 😂😂💓قلت ليها النصيحه م بجازف 🌚قطع كلامنا صوت تلفوني رديت عليهو لقيتو اسامه قال لي صباح الخير💓قلت ليهو صباح النور.. قال لي في الجامعه ولاشنو؟قلت ليهو لالا الليله اوف يومنا اتلغى قال لي ظريف طيب ارتاحي فيهو وكدا قلت ليهو اي ان شاء الله تاني قال لي علا طيب مدام انتي فاضيهه ممكن تجيني ونتكلم برواقه قلت ليهو ضروري الليله ي اسامه؟؟ قال لي م مشتاقه لي انتي يعني! قلت ليهوو اكييد مشتاقه ليك حياتي😢💓قال لي طيب تعالي لي قلت ليهو ويين طيب قال لي زي م قلت ليك في شقتي انتي عارفاها قلت ليهو تااني رجعنا الموضوع دا ي اسامه؟ قال لي خلاص ي علا بااي غلطان انا قلت ليهو أسامه شووف ان.. طوالي قفل الخط في وشي زعلت شديييد والله من حركتو دي لما دمعت سارة كانت سامعه اي شي قالت لي عارفاك بتفكري في شنوو لكن اياك تعمليها ي علا قلت ليها اكييد انتي مجنونه ولا شنوو قالت لي اي انتي بتحبيهو وبتقي فيهو لكن برضو م تديهو كامل حريتو معاك في علاقتكم وانتي عارفه الشيطان شااطر وممكن تحصل بلاوي لا قدر الله 💔قلت ليها اي والله كلامك صااح... قعدت اتونس معاها تاني عشان انسى كلام اسامه معاي اتونسنا لما خشمنا وجعنا من لواكه الكلام والقطيعه😂😂نزلت تحت ختيت معاها الفطور كان في بيض طبعا زي م قلت ليكم وسلطة اسود وفطائر بالجبنه واصناف تانيهه كتيره وهي تشيل وتسخن وانا اقول ليها م بحتاج الاكل كتييير ي بتي🐸👏🏻وهي لسه بتزيد غايتو الحمدالله اكلنا لما شبعنا🌚♥... قلت ليها هييي يلا انا ماشهه البيت بعد دا امي بتكون قاعده براها قالت لي سمح سلمي عليها ودعتني وطلعت💜وانا ماشهه في الشارع تلفوني رن فتحتو لقيتو اسامه وقفت رديت قلت الووو رد لي زول تاني قال لي علا💔!! قلت ليهو ايوه معاي منو؟ قال لي انا رامي صاحب اسامه قلت ليهو اهليين في شنو خير ان شاء الله؟ قال لي والله اسامه دا تعبان شدييد ي علا م عارفو مالو فجأة كدا راسو لف طبعا بقيت مصدومه ودخلت في حاله قلت ليهو هو كيف هسي مالو الحصل شنوو😭😭😭😭💔مالوو اسامه جاوبني قال لي بس تعالي انتي قلت ليهو وييين هو قال في شقتوو قلت ليهو م بجيهو براهو في

شقتو وانت معاهو قال لي علا دا م وقتك هسي اسامه محتاج ليك اكتر من اي زول اذا بتحبيهو تعالي عليك الله💔بدون م اشعر لقيت نفسي بدخل بيتنا مشيت شلت شنطتي وقروش ونزلت امي لقيتها ماف قلت بتكون مع رقيه نزلت سريع وركبت أقرب ركشهه واتحركت بيها على شقة اسامه اللي في العمارات كنت خايفه وفي نفس الوقت متوترة في لحظات زي دي الواحد بتهور شدييد ونتيجه تهورو دا ممكن يكون اكبر غلطه في حياتو م كنت واعيه وحبي لأسامة خلاني عمياء اني لازم اشوفو هسي بقيت مقلقه زيادة لحدي م بتاع الركشهه وقفني جنب الشقه حاسبتو ونزلت جرري كانت في الطابق التاني طلعت السلم سريع ودقيت باب الشقه فتح لي رامي وكان متوتر ومصدوم كدا عرفت انو الموضوع م طبيعي قلت ليهو اساامه ويينو قال لي جوووه انا طالع ماشي اجيب حاجه وراجع طلع خلاني بقيت لافه في البيت وانا بنادي اسامه اسامه لحدي م جراني وقفل الباب....