الجزء 6

الحياة بتفرض علينا عقوبات وشروط كتيره عشان نقدر نعيش فيها سالمين.. انا م طلبت شي من الحياة دي غير زول يحبني ويهتم بي ويعوضني عن حنان الاهل الفقدتو من زمان طلاق امي وابوي أثر شدييد على نفسيتي زمان وبعد فتره رجعت احسن واتقبلت الواقع لكن فعلا السعاده م بتدوم رجعت انتكست بواقع أليم الزول الوحيد الكنت بعتبرو سندي في الحياة دي خذلني وأخد مني شرفي.. لييه انا ذنبي شنو! بس عشان حبيتو؟اذا كان الحب بوصل لمراحل زي دي م كان دخلتو وجازفت بنفسي.. حسيت اني ارتكبت جريمه في حق نفسي لانو العملتو غلط اي كاان حتى لو م كان عندي فيهو ذنب برضو بلوم نفسي على المصيبه الحصلت لي دي بحس بالذنب لدرجه اني كرهت نفسي وحياتي واتمنيت الموت حاولت!! لا فكرت بس مجرد تفكير انو انهي حياتي البقت مسخره قدام الناس.. في نفس اليوم ابوي عرف الحاصل كلوو وافق على زواجي من مصطفى عشان السترة بس برضو م كان عايز يخلي اسامه يطلع منها بالساهل حسيت بالخجل وانا بعاين في وش امي وابوي و اي زول حتى لو مشيت الجامعهه وعاينت للناس بحس بيهم عارفين شي عني بس م بظهروا لي عن كميه الوجع والانكسارات الحصلت لي في الفتره الاخيره دي صاح اني حبييتو لكن حبو كان غلطة عمري.. اليوم البعدو خالتو سميه جات واتكلمت معاي قالت لي ي علا نحنا مقدرين خوفك وعدم ثقتك في اي زول تاني لكن صدقيني ي بتي لو لفيتي الدنيا دي كلها م بتلقي زي مصطفى ولدي وان شاء الله يختك فوق عيونو بس انتي وافقي ي بتي قلت ليها اعمل شنو مدام انتو ختيتوني قدام الامر الواقع اعملوا البتشوفوا مناسب قالت لي سمح ي بتي💜.. في الوقت الكانت كل الناس مبسوطه بعرسي كنت بحس نفسي دا يوم موتي كنت بتخنق من جوه من وجعي.. قاعده براي في غرفتي وسرحانهه جاتني ساره قالت لي مره اخوي احم احم 🌚💕م رديت ليها جات قعدت جمبي وقالت لي علا انا حاسهه بوجعك والله لكن م معناها خلاص تدفني نفسك كدا💔 قلت ليها ادفن نفسي! مووش انتو كنتو عايزين العرس دا ووافقتو؟ طيب كيف اكون دافنه نفسي؟ قالت لي انتي م موافقه يعني ولا خالتو جبرتك وريني الحقيقه!! قلت ليها م في زول جبرني لكن الواقع بفرض علي اني اكون مره اخوك في الوقت الحالي قالت لي اممم طيب واذا م اتفقتوا انتي ومصطفى حتعملي شنو؟ قلت ليها البعملوا كل الناس لما م يحصل توافق الطلاق بس قالت لي يعني انتي اصلا م فارق معاك الموضوع عايزة كلام اهلك يمشي والبيحصل يحصل بعدين موش؟ قلت ليها بالظبط بعدين انا م ح اقدر اثق في زول تاني ولا حتى اخوك معليش بس انا قلت الحقيقه اللي كلكم مفترض تتقبلوها قالت لي رووقي ياخ يمكن تحبيهو والله مصطفى دا م في زيو ي علا قلت ليها حب!! في الوقت الكنت رافضه فيهو فكره الحب اسامه دخل على حياتي لكن وريني حصدت شنو من حبو لي غير الوجع والكره؟ عشان كدا م تتوقعي اني احب او اثق في زول تاني قالت لي الله كريم ي علا يلا نومي شويه نتكلم في الصباح انا ماشهه البيت عندنا تحضيرات كتيره للعرس لانو اتحدد بعد عشرين وانتي كمان لازم نحبسك وكدا يعني ونقوم بالواجب قلت ليها م في داعي م عايزة اي حبسهه لاني م حاسهه نفسي ماشه كعروس لاا كجنازة م اكتر قالت لي علا انتي عارفه نفسك بتقولي في شنو اصصحي خلاص الحاصل دا كلو قدامك وانتي بحسك كأنك م واعيهه على كلي ارتاحي نتكلم بكره يلا وطلعت... حسيت بسارة انزعجت لاني قللت من احترام اخوها شويه قدامها اي هي عارفه وجعي لكن برضو كان تقيف ضدهم في موضوع العرس لانو م نفسي اخوض في اي علاقه تانيه بس هي قالت لي دا كلو لمصلحتك.. ح اعيش الوجع براي م في زول حيتقاسمو معاي...

أسامه اسمعني هيام اتصلت علي تاني قالت ضروري تشوفك الموضوع مهم قال ليهو يااخ البت دي لصقهه دايره مني شنوو كنا في علاقه وانتهينا مالها تاني.. ي اسامه انت اسمعها يمكن الموضوع ضروري قال ليهو طيب بشوفها..

في جانب تاني..

الوو اسامه كيفك.. اهلين هيام خير ان شاء الله.. اسامه انا عايزة اقول ليك شي مهم قال ليها اتفضلي.. قالت ليهو انا حامل منك💔قعد يضحك قال ليها شنوو حامل منو ي بت الناس؟انتي بتتبلي علي مووش امشي شوفي ابوهو وين بالله.. قعدت تصرخ قالت ليهو ابوهو هو انت نسيت زمان عملت شنوو نسيت ولا اذكرك؟؟ مووش كنا في علاقه وعلى اساس تخطبني وتتقدم لي!! ولما حصل الحصل طوالي اتخليت عني ولما جيتك هسي عشان اقول ليك انو ولدك في بطني نكرتوو؟؟ قال ليها هيام اعملي اي شي بالله نزليهو اي شي اتصرفي انا م عندي بيك اي شغله ولا مستعد اتقبلو حتى قالت ليهوو انت واااحد حقيييير ي اسامه حقييييير شديييد بكره حبيبتك لما تعرف حيحصل شنو؟ قال ليها خليها تعرف اصلا هي لحقتك زماان قالت ليهو كيف يعني؟ عملتها مووش؟؟ قال ليها م عارف يلاا وقفل الخط فيها..

هيام قعدت تبكي وقالت لصحبتها شوفتيهو واطي وحقيير كيف قالت لي انا من البدايه كلمتك انو اسامه دا بتاع شقق لكن انتي م صدقتيني يعني هسي من كل قلبك كنتي حاباهو؟؟ قالت ليها اعمل شنوو انا هسي وريني قالت ل

يها رووقي بس انتي والبيبي حنشوف ليهو حل قالت ليها البيبي م عندو ذنب ي ياسمين💔قالت ليها اها حتعملي شنوو يعني يقولوا حملت من واحد كان بتجيهو في الشقه كل يوم!! حنشوف دايه م تخافي صحبتي بتعرفها حنوديك ونجهضو لانو دي لسه البدايه قالت ليها مووش انتي كنتي حتكلميهو اليوم داك لما وقفتي معاهو قدام الجامعه؟؟ قالت ليها اي بس خوفني وهددني انو يفضحني انو انا عامله معاهو علاقه وبجيهو كتيير وحذرني م اوري زول حتى حبيبتو دي ياسمين قالت ليها حبيبتو؟؟ قالت ليها اي بت دفعتي ياسمين قالت ليها م تستبعدي بكون عمل فيها نفس الشي قالت ليها يمكن لانو قال لي هي لحقتك خلاص 💔...

الأيام مرت شديييد والناس كلها استعدت لليوم الموعود وكلها فرحانهه وانا من جوه بتقطع بس ابتسامتي المصطنعه م كانت بتفارقني حتى مصطفى م شافني الا يوم العقد.. امي لسسه م كانت بتتكلم معاي بس رضت عني لما وافقت ليها على العرس.. رهام كانت دائما معاي وكل مره بتبكي وتقول لي م تمشي💔ساره كانت زعلانه على حالتي بس مبسوطه عشان ح اكون مره اخوها.. لمن الناس عقدوا كلهم خشوا يباركوا لي واحد وراء التاني لبسوني التوب وعملوا لي مكياج مع اني رفضت كم مره لكن امي اصرت علي كدا ريحوني وبخروني والدخان واي شي كأني عروس لكن انا م عروس بالنسبه لنفسي.. نزلنا تحت سامعه الزغاريت والشفع بكوركوا والناس متلميه فيني وامي وخالتو سميه بوصوا فيني.. امي قالت لي لو بتعزيني ي بتي اسمعي كلام راجلك وخليك زوله كويسهه معاهو.. ابتسمت ليها بس ومشت.. حسيتو انو دا كلو حلم مفروض اصحى منو بعد دا لكن لا اتأكدت انو دا بقى واقعي خلاص انا انسانهه متزوجهه!! وحتكون ام لاطفال وعندها مسئوليات! لا م مصدقه ابدا اني ح اكون ديل كلهم.. ركبت العربيه قدام مع مصطفى م عاينت ليهو في وشو نهااي وهو زاتوو م عاين لي والعربيه اتحركت طوول المسافه كنا ساكتيين م عارفه روحي ماشه وين زاتو لحدي م وقفنا جنب بيت كدا قال لي انزلي نزلت وانا ساكته ودموعي في خدي قال لي خشي ح انزل الشنط.. فتح لي الباب دخلت لقيت البيت فظيييع وفيهو حديقه زي الفي بيتهم فتح لي الباب الداخلي خشيت كان مفروش برضو بطريقه رهيبه قال لي الغرفه فوق على يدك اليسار امشي وانا بجيب ليك الشنط طلعت فوق على الغرفه طلعت التوب وقعدت في السرير مكتومه وضامه رجولي وسرحانهه.. مصطفى جاء داخل قال لي ديل الشنط ودا الحمام لو خاشههه قلت ليهو تمام وسكت قال لي اذا احتجتي اي شي انا في الغرفه الجمبك وطلع.. هنا يادوب اخدت بكيتي زي م عايزة قمت غسلت وشي وغيرت ملابسي وجيت رقدت في البدايه م قدرت انوم عشان البيت جديد علي وكدا وانا متعوده على بيتنا.. يعني اي شي حصل سريع في حياتي.. قصه اغتصابي وعرسي من مصطفى كييف يعني الكلام حصل كدا بفكر وبتخيل في الحاجات الفجأة أصبحت جزء من حياتي لحدي م نمت صحيت الصباح قمت صليت وقريت قرآن كالعادة وادوشت وقعدت في غرفتي اصلا م ح اقدر اطلع مكان مسكت تلفوني لقيت رسائل من رقم غريب كاتب لي فيهو احسن ليك تختي اسامه ي علا لانو دا واحد تافه وبتاع شقق نططت عيوني اي انا عارفاهو تافه بس بتاع شقق؟؟ يعني انا م اول واحده يعمل معاها كدا تاني رجعت بنفسي لوراء واتذكرت زماان التلفونات الكتيره البتجيهو والبنات البعاينوا ليهو لما نكون في مطعم ولا كدا في واحده بتذكر كان جات قالت ليهو انت اسامه موش! قال ليها اي لكن انتي منو م عرفتك!! قالت ليهو انا صحبه مروه حسيتو اتوتر قال ليها م بعرف زول بالاسم دا قالت ليهوو كيف وانت اصلا حب.. قاطعها قال ليها م بعرفها ولو سمحتي اتفضلي امشي شكييت في لحظه في شكوكي كلها راحت لانو هو بعرف يخليني اهدأ ويظبطني بمزاجو لكن هل انا كنت غبيه للدرجه دي وم فهمت الحاصل!!.

رجعت للرقم قلت ليهو انت منو اصلاا!! وقفلت منو رميت تلفوني بعييد وقعدت ابكي بصوت مصطفى حاء ماري سمعني ببكي دخل علي قال لي مالك؟ قلت ليهو م في شي جاء قعد جمبي عايز يلمسني صرخت وقلت ليهوو زح مني😭😭😭😭💔قال لي رووقي انا م ح اعمل ليك شي قلت ليهو زح مني بسس واطلع من هنا قال لي طيب وطوالي طلع...

بره بينو وبين نفسو بقول دي واحده مجنونه بس الواحد عايز يعرف مالها ويهديها تكورك فيهو من الصباح اخخخ يا امي جبتي لي بلوه م ليها لا اول ولا اخر استغفر الله بس...