الجزء 14
انا حاتحظر عشان مااتحظر ساعدوني خشو صفحتي الشخصيه واخر اربعه منشورات لي علقي لي بي10كومنتااات عشان الحلقات الجايه تنزل ليككم...
في شندي ....
بصراااخ :اعترف يازول جبت المخدرات دي من وين وشغال مع منو انت؟؟
خالد:والله يا جنابو الشنطة دي ما حقتي اداني ليها صحبي اسمو عبدالله
الشرطي وهو بيضرب فبو :انت لسسسسه مصر علي قصتك دي؟
خالد بقهر :لانها دي الحقيقة وبدا يبكي خالد بكي الظلم اللي هو عايشو بسبب ريان وعرف انو ربنا بنتقم منو بسبب الظلم الظلمو للبت البرئية 😟😟
ام خالد كل يوم بتجيهو في السجن تجيب ليهو اكل وتأكلو بي يدها لانو قلعو ليهو اضافروو وابوهو من لحظة عرفو انو لقو في دمو مخدرات حلف ما يجي يشوفو
ام خالد:حسبي الله علي اللي كان السبب
خالد :دا مهند يمة هو العمل كدا وحكي لي امو قصة يوم الاجتماع
امو من دربها داك مشت لي ناس حامد في بيتهم دقت الجرس فتحت ليها ماريا
ماريا :مرحب مدام تفضلي
ام خالد :ام حسام موجودة
ماريا :ايوا مدام تفضلي
دخلت ام خالد ووشها ملون بمية لون لانها عارفة انو مهند ما هين وممكن يعمل اكتر من كدا عشان اختو
ام مهند لمن شافت ام خالد قدامها ولا عبرتها ولا كانو في قدامها زول😏😏
ام خالد وبدت تبكي :سهام حلفتك بالله قولي لي ولدك يطلع ولدي من السجن
سهام ومواصلة بتحضر التلفزيون :ياتو واحد في اولادي؟😏😏
ام خالد بحقد :مهند وفي غيروو الله ياخدوو
سهام مشت وقفت قداما ورفعت يدها وطااااااااااااخ ضربتا كف ورجعت قعدت محلها وبكل برود قالت ليها اطلعي برا ام خالد:الله ينتقم منكم
سهام: الحصل لي ولدك دي بس البداية انتي لسه ما شفتي شي
رجعت ام خالد بيتا وكرامتها ممسوح بيها الارض وولدا مسجون ظلم وراجلا ولا كانو دا كلو حاصل وصلت باب بيتا فتحت الشغالة دخلت الصالة لقت راجلا شغال في اللابتوب ولا هاميو الحاصل ام خالد حست الدنيا لافة وبقت تشوف كل شي باهت نطقت اسم خالد ووقعت من طولا😕😕
رفعوها ابو خالد والشغالة ودوها المستشفي واخد عهد علي نفسو انو لو حصلت ليها حاجة ما حيسامح خالد طول عمرووو😈😈
. .......
في الخرطوم
ريان قررت انها تعمل بنصيحة سامر عشان تغيظ يوسف لانها حاسو من قلبها انو ما عندو حبيبة وحاسة كمان انو بحس اتجاها نفس الهي بتحسو
ريان :ويوسف
يوسف مبسووووط لانو علاقتو بي ريان رجعت اقوي واحلي من الاول وبقي يتجرأ ويحكي ليها عن مشاعرو تجاه حبيبتو وهي تتضااااايق وهي ما عارفة انو هي حبيبتوو رد :نعمين
ريان :اتعرفت علي واحد خريج في الجامعة 😊😊
يوسف وتلقاااائي نبرة صوتو اتغيرت من الحنية للغضب قال :نعععم؟!! وبدا يغلي من الزعل😤😤
ريان ببرود :صراحة هو عرض علي انو يتقدم لاهلي طوالي حتي ما قال لي نحب بعض او شي يعني طوالي يعمل خطوبة
يوسف من غير ما يشعر قال ليها :بكذب عليك اوع تصدقيو
ريان:وليه ما اصدقو هو جادي وما زول بتاع لف ودوران وكان شفتو حلاااتو وبدت توصف ليهو فارس احلاما قالت ليو :طووويل واخدراني وووجيه ومعضل يعني كااامل والكمال لله من غير ما تحسن ريان وصفت يوسف زي كانو واقف قداما 😁😁وهي ما عارفة انو الزول البتحلم بيو هو نفسو يوسف بكل مواصفاتها القالتا
يوسف قررب يطق بالزعل قال ليها من غير نفس :انتي حكيتي لي ليه؟
ريان حبت تلعب باعصابو :عشااان عشاااااااان اممممم
سكتت مسافة بعدين قالت ليو :مش انت اخوي لازم تحكي ليك
يوسف من غير ما يشعر قال ليها :بس انا ما اخوك ولا معتبرك اختي
ريان حست انها لو ضغطت عليهو اكتر ممكن يعترف ليهاا
سكتت ومشت الموضوع... يوسف وخلاااص الدنيا ضاقت بيو قال ليها : انا عايز انوم
ريان باستهبال لانها عرفتو زعل واتضايق :ماشي تنوم ولا ماشي تحب
يوسف:ما بخصك وقفل الخط
ريان فكتا ضحكة عرفت انو غيران وعرفت انو بحسس اتجاها نفس الهي بتحسوو
طوااالي دخلت الواتس لقت ميار اونلاين اتصلت عليها وكلمتا
ضحكو الاتنين بس ميار حنت ع حالة اخوها وعرفت انو حيكون متضايق😔
يوسف قرر انو يرجع يتصل علي ريان لانو افتكر انها حتكون زعلت لم قال ليها ما يخصك .
يتصل .. هذا الرقم مشغول حاليا يمكنك الانتظار لحظة او معادة الاتصال مرة اخري
يوسف وخلااااص اعصابو تلفت اتخيل انها بتكون بتتكلم مع زولا داك
ريان :مياار الحقي يوسف داخل لي انتظار
ميار :حيقول هسي بتتكلم مع حبيبا
ريان:واااااي حيكرهني😦
ميار :انتي ممكن تكرهيوو؟
ريان:مستحيل😊
ميار :هو كمان مستحيل يكرهك
ريان: نفسي اعرف انتي واثقة كدا ليه؟
ميار : حاسة كدا "وبينا وبين نفسها بتقول لانو يوسف حبيبك هو يوسف اخوي ي ريان وزي ما انتي بتحبيو هو بموت فيك
قفلو من بعض
ريان رجعت لي يوسف لقت تلفونو مقفول عرفت انو حيكون زعل بس غمضت عيونا بالغصب ونامت.
مرت الايام سريعة وحلوة علي الكل ما عدا خالد واسرتو وامو المامعروفة حالتا من يوم دخلت المستشفي وهي في غيبوبة،ويوسف وريان لم يجيبو سيرة الحب طوالي بيتشاكلو عشان بيغيرو علي بعض ..
ريان طلعت الجامعة الصباح لم وصلت لقت الناس ملمومين في البورت
هي
ماشة علي البورت جاتا ميار طايرة ووشها ملون مية لون سألتا :مالك يابت وشك دا مخطوف كدا😰
ميار :نزل
ريان:شنو ولا منو النزل ؟
[ميار :جدول الانتحارات
ريان خافت بالجد حست انو الزمن ضايق :يوم كم تبدا
ميار :اسبوعين من الليلة
ريان: سجمنااااا انا وانا اي شي ما ناقشين
ميار بجدية :ريو تعالي اقعدي معاي في البيت😅
ريان :لاا انتي ارح اقعدي معاي لانو الشقة فاضية
ميار :ابوي لو عرف انك قاعدة في شقة براك ما بيخليك ولا بيخليني اقعد معاك عشان كدا انتي ارح وبعد اقناع وتحانيس وشكل ومحاضرات من ميار حتي واقفت ريان😍
ريان اتصلت علي امها وابوها ورتهم وعرفتهم علي اهل ميار وميار اتصلت علي ابوها كلمتو انو يتصل علي ابو ريان ويكلموو عشان يوافق انو ريان تقعد معاهم
اتصل ابو ميار علي ابو ريان وبعد السلام والتعارف ابو ميار كلم ابو ريان وابو ريان وافق 😍
ابو ريان:انت شغال شنو يا ابو يوسف ؟
ابو يوسف : عندي شركة خاصة ومعرض بتاع عربات
ابو ريان :يازووول كويس والله انا مالك شركة آل حامد لتصدير واستيراد السيارات
ولم لقو انهم بيشتغلو ف نفس المجال ونستهم جررررت واتفقو انهم يتواصلو اكتر وان شاء الله في المستقبل يكون في تعاون بينهم 😍
قفل ابو ميار واتصل علي بتو وكلما بموافقة ابو ريان
واتصل حامد علي ريان
حامد :دلوعتي الحلوة😊
ريان:بابا الغالي
حامد :فضيتو البيت مرة وحدة انتي وميمي ومهند واسامة
ريان :بس اخلص امتحانات بجيكم
حامد :لاا خليك في الخرطوم احنا مسافرين القاهرة عشان اعمل فحوصات لي رجلي واشوف الغضروف حاصل فيو شنووو
ريان:تاني رجلك بتوجعك يا بابا؟
حامد:مرات مرات ما طوالي بس امك واحمد مصرين عشان يطمنووو☺
ريان : طيب ان انشاءالله بس خلي بالك علي نفسك بابا
حامد : انتي كمان يا ريو خلي بالك علي نفسك يا بتي وصلواتك في مواعيدا واعملي حسابك من الشباب والشاباات اللي في الجامعة الزي ميار واسرتا ديل بقو نادرين الزمن دا ☺
ريان:حاضر بابا ما تشيل همي
حامد : ركزي كويس في قرايتك يا بتي وربنا يوفقك انا وامك دعواتنا معاك
ريان :اي عليك الله يا بابا ادعي لي
ميار بصوت عالي : وانا كمان يا عمو ادعو لي معاكم
حامد :ضحك من كلام ميار وقال لي لنا اديني ليها
ريان مدت التلفون لميار
ميار : ازيك يا عموو
حامد :اهلين يا بتي كيفك وكيف اهلك ان شاء الله طيبين
ميار : طيبين الحمدلله يا عموانت كيفك وخالتي سهام كيف
حامد : كلنا بخير الحمدلله وخالتك سهام بخييير تسلمي يا بتي وربنا يوفقكم يارب😊
ميار :اي عليك الله يا عمو كتر من الدعوة دي بالله
حامد : ان شاء الله ما اوصيك يا ميار خلي بالك من ريان
ميار شالت التلفون وزحت بعيييد من ريان وقالت بثقة :الشر والله يا عمو بتك في الحفظ والصون وريان والله اختي الماولدتها امي
حامد اطمن بعد كلام ريان وقال ليها : ربنا يطمنك يابتي يلا ما اطول عليكم ربنا يسهل ليكم ان شاء الله
ميار :امين يارب
وقفلت الخط
يابناات انا مابقدر انسخ لي كل بت براها اعملو لي متابعه علشان الحلقات الجاايه ماتفوتكم وتتابعوها تدخلي صفحتي الشخصيه ودوسي متابعه المتابعه مفتوحه😘😘😘
نفسو انو ما لابس قميص بعدين اتزكر انو ما عارف شقة ريان ضرب لي ميار وصفت ليو
ميار : يوسف في شنوو وريان مالا فهمني شي
ما اشتغل بيها
وطيران يوسف مشي
....
منزر ضاغط علي ريان في الحيطة فكي ليها شعرا وشرط العباية وريان كانت لابسة بيجامة بيت تحت العباية
ريان : ليه يا منزر انت مش صاحب مهند انت مش اخوي
منزر : لا ي قلبي ما اخوك انا حاولت اصل ليك بالطيب وقدر ما لمحت ليك ما حسيتي امس شايفك في شارع النيل معاك واحد وقلت مدام هو قدر يصل ليك ف انا برضو بصل ليك
وبدا يبوس فيها بالغصب
ريان ورجعت تصرخ الحقوووني
منزر بغضب : صرخي قدر ما تقدري ماف زول حيسمعك
...
يوسف ناس المرور بقو ملاحقنو لانو قطع ٤ اشارات حمرا
وصل يوسف العمارة وجري طلع الطابق الخامس سمع صوت ريان بتصرخ دخل الشقة ووراهو ناس المرور
دخل الغرفة شاف منزر بحاول يعتدي علي ريان
ريان اول من شافتو زاد صراخها : يووووسف الحقني يا يوسف
يوسف والغضب عماهو مشي جرا منزرمن فوق ريان وبدا يضرب فيهو ضرب ما طبيعي وشلتو في وشو منزر وشو اتملي دم
جو ناس المرور بحاولو يجرو يوسف من منزر عشان ما يقتلوو
جو ٣ منهم حتي قدرو يفكوهو من منزر
يوسف وبدا يصرخ : والله بقتلك والله ما برحمك
ناس المرور كفتو منزر ودقوهو سمممممح وساقوهو قسم الشرطة
ريان اول من طلعو منزر من الغرفة جرت ضمت يوسف عليها وهي بتبكي وما واعية بنفسها
ريان: ما تخليني يا يوسف ما تخليهو يلمسني
يوسف بكي غصب عنو وقال ليها : اقسم بالله اليلمسك اشرب دمو انتي حقتي انا يا ريان
ريان وماسكة فيهو قوووي وبكت قدرتا فضت قهرا ووجعا كلو في حضن يوسف وبدت تتكلم : انا .... جيت عشان ... اشيل .. حاجاتتتي وهووو
ورجعت تشهق بالبكي
ويوسف وكل همو في الكتكوتة المتعلقة فيو دي بدا يمسح علي شعرا ويهدي فيها : ما تحكي خلاص يا ريان
يوسف شالا وطلعا برا الشقة وقفل الباب وراهوو وساقا رجعا البيت وكلم امو وميار بالحصل وريان بس بتبكي وخلاها معاهم وشال قميص وطلع للقسم ....
ميار بكت واتخجت قدرتا للحصل لي صحبتا وهي ما قادرة تستوعب انو ريان ممكن يحصل ليها كدا
وبقو حاضنين بعض هم الاتنين وبيبكووو
ام ميار بكت لحالة ريان وهدتها وبقت تقرا ليها قران لحدي ما نامت لحدي وهي نايمة بتشهق
ميار : الله ينتقم منو يارب
ام ميار : امين يارب
يوسف وصل القسم والدنيا سودا قدام وشو كيف ما تلقي سودا ومنزر حاول يغتصب حبيبتو وروح قلبو ...
وصل القسم لقي منزر ماسكنو من غير ما يتفاهم من زول تاني مشي يضرب فيهوو وناس المرور لسه واقغين بقو يقابضو في يوسف وجروهو مرقوهو برا بالغصب
الضابط بقي يهدي في يوسف لحدي ما اقنعو انو يرجع البيت وانو منزر حيفضل عندهم لحدي يوم المحكمة
يوسف رجع البيت وطوالي لي غرفة ميار
دخل لقي ريان نايمة وانو وميار قاعدين جمبها
سألهم كيفا امو ردت ليهو احسن الحمدلله
يوسف قاعد جمبها في السرير شايفا كيف بتشهق وهي نايمة العبرة خنقتو من حالتا
امو قالت ليو نهديك انت ولا نهديها هي
وائل بغضب : حاول يعتدي عليها الحقير
امو : حسبي الله عليهوو الله ينتقم منووو
ميار : يا قلبي علبك يا ريان
يوسف : والغبية دي كيف تمشي الشقة براها ليه ما كلمتني
ميار : عرفت انك نايم لانك ما اتصلت صبحت عليها وانا عيانة عشان كدا مشت براها
يوسف : والله بشرب من دمو النذل دا بس خليهو يصبر لي
ريان قامت مخلوعة وبتبكي لقت يوسف قداما ضمتو وبقت تبكي : يوسف قول ليهو يبعد عني وبدت تهلوس في الكلام
يوسف غلبو اليسوهو بس بقي حاضنا عليهو لحدي ما رجعت نامت تاني وهو بهدي فيها : اااششششش خلاص ريوو مافي شي اهو انا جمبك
وعدا اسبوع علي ريان بالحالة دي ويوسف ما كان بزح من جمبها ولا دقيقة حتي النوم كان بنوم في الكنبة اللي في غرفة ميار بعد اسبوع وشوية ريان حالتا اتحسنت
وطول الفترة الفاتت دي كل ما يتصلو اهل ريان كانت بترد عليهم ميار او امها ويفتشو حجج مرة ريان طلعت ومرة نايمة عشان ما عايزين اهلها يعرفو بشي ويقلقووو
ريان بقت احسن كتير من اول بس بقت تخاف تقعد براها
ريان لام يوسف وابوهو : عموو انا مفروض اسافر بعد دا
ام يوسف: لا يا بتي اقعدي معانا ما ترجعي احنا برضو اهلك
ريان اهلي وعلي عيني وراسي بس اشتقت لامي وابوي وطولت ما شفتهم
ابو يوسف : ان شاء الله يا بتي
هم قاعدين جا يوسف داخل ريان اتوترت
يوسف قعد بين امو وابوهو و بدوون سابق انذار : انا عايز اعرس
ابوهو : دا يوم الهنا
ام يوسف: يوم سعدي دا يا ولدي
ريان واعصابا تلجت طوالي استئذنت وقامت
ابو يوسف : منو العروس
ام يوسف: الكانت قاعدة هسي
ابو يوسف : ريان؟
يوسف: ايوا
ابو يوسف: والله عرفت تختار يا ولدي
ابو يوسف : خير البر عاجله واتصل علي ابو ريان وطلب يد ريان منو
وبحكم انو كان في بينهم تعامل واتواصلو شخصيا بقو يعرفو بعض وابو ريان عرف اسرة يوسف
وابو يوسف كمان عرف اسرة ريان
وافق ابو ريان وقال ليهم في الاول والاخير الراي راي البت واحنا ما حنلقي لي بنتا احسن من ولدكم
ابو يوسف : علي بركة الله احنا بكرا ان شاءالله بنجيكم في شندي
والجمعة العقد
اب
و ريان : ابشر ان شاء الله
واتصل علي اعمام ريان كلمهم وكلهم وافقو بعد المرت بيهو لنا من خالد
ام ميار : ايوووووووووووووووووي😍😍
ميار جرررري طلعت لي ريان وحكت ليها وجات ام ميار باركت ليها وابو ميار سألا : يا بتي احنا عايزنك لي ولدنا ووالله م حنلقي احسن منك لي يوسف
خلجت م عرفت ترد بشنووو
ميار بشلاقة : والله موافقة يا ابوي
ابو يوسف : معناها مبرووك وربنا يتم علي خير وباسا في راسا وانا اتصلت ع ابوك وكلمتوووووو وهو شارو اعمامو وموافقين والعقد يوم الجمعة والمناسبة بعد ٣ اسابيع عشان تجهزي حالك وطلع
ريان والفرحة ما سايعاها اخيرا هي ويوسف حيبقو لبعض
ميار خلتا ونزلت لي امها لزوم يخططو للعقد والحركات دي واشتغلت التلفونات من ام ميار
وساقت ميار وجري علي محلات الدهب اختارو لي ريان احلي الاطقم ولفو ما خلو شي حايم في السوق لانهم عندهم يوم الليلة يجهزووو ويسافرو بكرا
يوسفاتصل ع ريان
يوسف : حبيبي
ريان وكانت واقفة بتفتح في الدولاب وتقفلو وترجع تفتحتو وتقفلوو من الفرحة
يوسف: مبروك ريان
ريان بخجل : الله يبارك فيك يارب
وبدا يتكلم معاها كلام رومانسي وهو واقف في الباب وهي ما شايفاهووو وهي من الخجل عايزة تمووت
يوسف: ريو
ريان: هااا
يوسف: ليه بتفتحي الدولاب وتقفليهوو وفك الضحكة؟ !!
ريان اتلفتت شافتو اقف بيعاين ليها وتاكي راسو في الباب
اتحرجت ودخلت في ضفورا
مشت جمبو لزتو وعاايزة تقفل الباب قال ليها : بحبك يالحتكوني حلالي
ريان وقلبها دقاتو زادت : وانا كمان بحبك
يوسف لاول مرة يسمعا منها حسي بقلبو حيقيف حسي بمغص قوي في بطنوووو : شنو قلتي شنو كدي عيديها
ريان ويدينا جمدت من الخجل : يلاااا امشي ياخ
يوسف: والله ما تقوليها ما ماشي من هنا وبقيف ليك للصباح
ريان عارفاهو مجنون وبيعملا دنقرت راسا وقالت ليو ببحة وهمس : بحبك
يوسف قرب منها شديد : ارفعي راسك وقوليها
ريان وخلاص اعصابا باظت بس قوت قلبها وقربت منو زيادة ووقفت علي اطراف اصابعا وقربت من اضانو : بحبك
وطوالي بعدت منو ودخلت وقفلت الباب
يوسف من ورا الباب : احسن شي عملتيهو والا والله كنت حتهور معاك
وفعلا سافروو واهل يوسف اتقدمو لي اهل ريان وواقفوا وعقدوو ليها وبعد شهر عملو المناسبة وتمت في امان الكريم
وبقو يوسف وريان مضرب مثل في الحب بين الاسرتين بعد ما جمعت بينهم مكالمة بالغلط
حلو ربنا اسهل علي وادعوا لي انا ويوسف خطيبي نتزوج ونكون مع بعض يارب ويرزقني منه الزريه الصالحه ياارب 😍😍😍
لنا لقاء بعد العيد ♡♡