الجزء 4

في مكان بعيد

ريان ماشة في الشارع مع ميمي ونظرات الكل ملاحقاهم بالاخص الشباب محتارين في جمال البنتين القدامهم ديل😍😍

اثناء ما هم ماشين وقفت ريان عشان تشتري "اسنكرز" من الكشك سمعت بنات وراها بيتهامسوا وحدة فيهم قالت بصوت عالي "اااي دي هي ريان الراجلا شرد وخلاها وكمان بي عين قوية جاية ترفه عن نفسها غايتو ناس ما بتستحي انا لو محلها كان انتحرت"

ريان بس الكلام وصل اضانا دموعا نزلت وبدت تبكي بي صوت عالي وجرت علي العربية الكانت منتظراهم ميمي اتخلعت شافت اختها جارية وبتبكي مشت لحقتا من غير ما تعرف الحصل شنو

ركبو العربية واتحركو علي البيت طول الشارع ريان بتبكي بصوت عالي

اول من وصلو البيت ريان جرت علي غرفتها والكل كان موجود في الصالة استغربو من ريان..احمد رفع يدو بيسأل في سارة"مالا"؟

ميمي ردت بسكوت ورفعت اكتافها بمعني "ما عارفة"

ريان دخلت غرفتها وبكت بعدين اتزكرت كلام ابوها😭😭 ومسحت دموعا

احمد ما قدر يستحمل يشوف حالة اختو كدا ووقف عشان يطلع وقف معاو حسام قال ليهو"انا ماشي معاك" لانو حسام عارف اخوهو ممكن يعمل اي شي وهو زعلان طلعو مشو النادي ولحسن حظهم لقو خالد قاعد مع اصحابو والناس بيباركو ليهو مبروك يا عريس

احمد من غير ما يتلفت مشي لي خالد وبدا يضرب فيهو خالد مصدوم حتي ما قدر يدافع عن نفسو 😳😳... جو اصحاب خالد بعدو احمد من خالد وجا مهند بعّد احمد

مهند بصوت عالي : اقسم بالله ياخالد حأقتلك

مهند بهدؤ: احمداسبقني علي العربية

طلع احمدوهو بيغلي من الغضب وطوالي ركب عربيتو ودور مشي ولا انتظر مهند

مهند وقف قدام خالد وقال: اقسم بالله يا ياسر لو ما جبتك مذلول قدام اختي عشان تسامحك ولو ما ذليتك انت وابوك وخليت الكل شمتان عليكم ما ابقي انا

مهند كان فيهو هيبة تخلي الكل يحترمو ويعمل الف حساب لي كلمتو رزييين وما بيقول كلام الا وهو متاكد انو قادر يعملو ودا الخلي خالد يرتبك وقال بصوت عالي بيعكس انو متوتر : " اعلي ما في خيلك اركبو"

واحد من اصحاب خالد قال : "والله مهند دا ما هين وقاااادر خالد عارف انو كلام صحبو صح بس قال بتكبر : ما بيقدر يعمل شي

مهند طلع من النادي ومشي جمب البحر اول مقعد لاقاهو قعد فيو وطلع تلفونو اتصل علي السواق عشان يجيب ليهو العربية ووصف ليهو المحل وقفل التلفون نهائي وبقي يعاين في البحر ..وبفكر انو لازم ينتقم من خالد لانو فترة اجازاتو قربت تخلص ولازم بعد دا يرجع لشغلو😓

ريان نزلت لقت ابوها وامها في الصالة وقعدت في نصهم وعاينت لي ابوها قالت ليو :بابا انت بتحبني صح

ابو ريان: اكيد يا ريونتي ودا سؤال تسأليهو ؟؟

ريان: انا عايزة ارجع اكمل جامعتي

ابو ريان واتبسط من كلام بتو : ابشررري

ام ريان: الحمدلله يارب والله احلي خبر سمعتو من ايام

ريان: بس ما عايزة اقرا هنا يا بابا

ابو ريان : محل ما انتي عايزة تمشي انا ما عندي مانع

ريان: عايزة امشي جامعه الخرطوم

ابو ريان بكررة بجهز ليك اوراقك عشان تمشي

طوالي رفع تلفونو عشان يفك ليها التجميد ويحولا جامعه الخرطوم

ريان كانت بتقرا صيدلة لانها كانت رغبتا وجمدت عشان المشاكل في الجامعة كتيرة وبعدها دخل موضوع الخطوبة وكانت ناوية تكمل جامعة بعد العرس بس حصل الحصل

ريان جعت غرفتا وهي مبسوطة من القرار الاخدتوو وقررت اتها حتبدا صفحة تانية من حياتا وتنسي الفات

ومزاجا كان هاادئ

يوسف قاعد في غرفتو وبفكر فيها وفي صوتا

بينو وبين نفسو يقول اسمها ريان ويتبسم

قرر انو يتصل عليها بس يسمع صوتا حتي لو تهزئو وتقفل الخط في وشو بس كلمة "الو" منها بتكفيهوو

رفع تلفونو واتصل

ريان بما انها متحمسة انها حترجع الجامعة فتحت خزنة دولابا الكانت خاتة فيها المراجع وبدت تطلعا

سمعت صوت التلفون رفعت لقت نفس الرقم ردت بهدؤ وبصوتها العذب ووببحتها اللطيفة :الو

يوسف من سمع صوتها حسي انو قلبو حيطلع من محلو واتوتر بس ضغط ٠علي روحو وردا :

[١٨/‏٥ ١٦:٢٤] Rayan: الوو

ريان: نعم؟!!

يوسف : بصراحة انا حابي نكون اصحاب

ولم قال كلمة اصحاب قلبو وجعو😔😔

ريان بنفس الهدؤ : مين قال ليك اني محتاجة اصحاب انت منو اصلا وعايز شنو يومها قلت ليك اني اتصلت بالغلط واعتذرت ليك تاني في شنو ؟؟😠😠

يوسف اتصدم من كلامها بس كان متوقع انو دي حتكون ردة فعلها وقال بصوت مكسور : اسف اذا ازعجتك بس حبيت انو تفضفضي لي وافضفض ليك ما اكتر وقفل الخط

ريان حست بتأنيب ضمير وانها ما كان المفروض تتكلم معاو كدا بس قالت يمكن كذاب وبيغش عليها ورمت التلفون ورجعت تقلب في المراجع

يوسف زح التلفون من اضانو وحسي بانو في شي في خدو لمس خدو لقي دمعة نازلة

مسحها سريع وحسي انو دي حاجة كبيرة وقال بصوت عالي :غبي يايوسف تنزل دمعتك عشان وحدة ما تعرف عنها الا صوتا وضرب الحيطة بيدو وندم علي انو اتصل عليها وطلع من البيت وهو متضايق

كان من عوايدو انو كل ما اتضايق بيمشي يقعد قدام النيل ويعاين في الموية وبحس انو فيها سحر بينسيهو همومو ويبعدو من زحمة الخرطوم وجوطتها.

ريان قاعدة في الارض

في غرفتها وفاكة شعرها الواصل لنهاية ظهرها وبتقلب في المراجع ااتزكرت المكالمة الجاتها واتزكرت برودها وندمت انها اتكلمت كدا😟😟

كيف تجرح زول غريب بي كلامها

قامت علي حيلها وشالت تلفونها وقررت انها ترجع تتصل

وفعلا اتصلت .....

يوسف قاعد قدام النيل سمع رنت تلفونو كان مقرر انو ما يرد بس افتكر انهم ممكن يكونو ناس المعرض محتاجين لي حاجة

رفع التلفون وشاف الاسم حسي بدقات قلبو مسموعة ضرب بي يدو علي صدرو وقال "اهدي يا قلب"

رد وهو بايع الدنيا بس صوتها ينسيه كل الزعل وكل القالتو

فتح الخط وهو غالبو الكلام وصوتو راح

سمعها بصوتها الحنين قالت :الو

يوسف ابتسم :الو

ريان : يا اخ....

يوسف قاطعها : يوسف

يوسف :يا اخ يوسف (لم قالت اسمو يوسف ضربات قلبو ذادت) انا بعتذر علي اسلوبي قبيل ما قصدت اضايقك بكلامي بس.😊😊

قاطعها يوسف : يا اخت .. وسكت لانو عارف اسمها بس حب انو يسمعها بتقولو

ريان ببحة : ريان

يوسف بينو وبين نفسو (اااااخ من اسمك ومن صوتك حيجنني صوتك دا اقسم بالله)

يوسف: يا اخت ريان انا والله ما قصدي شي كعب بس حبيت انو تفضفضي لي ونكون اصحاب واخوان انا غريب عنك وانتي قريبة لي (لحق روحو بسرعة وقال)

غريبة عني اعتبريني مراية وبتحكي ليها همومك واوعدك لو ما خففت عنك ما بزيدها عليك ....

ريان سكتت مساااااافة بتفكر في كلامو ....كانت محتاجة لي زول زي دا ...

تحكي ليهو ما يهمها بس المهم تفضفض ليهو...

يوسف افتكر انها حتشاكلو وتقفل الخط في وشو زي المرة القبلها وقال : بس لو ما مرحبة بالفكرة عا .......

قاطعو صوت ريان بدلع رباني : طيب موافقة

يوسف اتوتر وحسي انو اطرافو مخدرة لدرجة التلفون وقع من يدو

رفع التلفون سريع وقال ليها : ما سمعتك

كانو حابي يتاكد من السمعوو

قالت ريا ن: اووك موافقة نكون اصحاب😊😊

يوسف من غير ما يشعر وقف علي حيلو ورفع يدينو للسما وقال الحمدلله

رجع السماعة لاضانو وقال ليها ان شاء الله تلقيني صاحب واخ واكون عند حسن ظنك

ريان : ان شاء الله اخ يوسف

يوسف بما اننا حنكون اصحاب ياريت من غير رسميات ومن غير اخ دي قولي ريان بس

ريان:ان شاء الله يا يوسف

قال ليها : ان شاء الله ياريان

وقال: انا .... قبل يتم كلامو سمع زول بتكلم مع ريان ....

ماريا الشغالة :ريان ابوك عايزك تحت

ريان اووك ماريا نازلة

وقالت لي يوسف عن اذنك يوسف برجع ليك

يوسف :اووك تمام منتظرك

ريان باي

يوسف:قولي مع السلامة ما باي 😂

ريام بضحكة خفيفة : اوك مع السلامة وقفلت الخط

يوسف االف سؤال جا في بالو لعن ابليس وقعد يعاين للبحر وهو مبتسم لاخر ضرس

......

ريان نزلت لابوها لقتهم كلهم ملمومين

ابوها قال ليها: انا عملت الاجراءات وبكرة تمشي مع مهند يتم ليك باقي اجراءاتك والاسبوع الجاي تنزلي ان شاء الله

ريان قالت ليهم عايزة اطلب منكم طلب كلكم

باصوات مختلفة : اتفضلي ..اطلبي.. تأمري

ابتسمت ريان علي حب اهلها ليها واهتمامهم وقالت : عاايزة كلنا ننسي الموضوع الحصل ونواصل حياتنا عادي زي الما حصل شي ....

كلهم ردو :ان شاء الله ... اوك ما عدا احمد ومهند كانو ساكتين وسكتو علي كدا

.....

كل زول رجع غرفتو عشان ينوم

......

ريان اتزكرت يوسف وانها مفروض كان ترجع ليهو بس لقت الوقت اتاخر

[١٨/‏٥ ١٦:٢٤] Rayan: وم حتتصل عليهو في وقت زي دا

...

بينها وبين نفسها بس انا قلت ليهو برجع ليك ...

ريان رفعت تلفونها وقررت انها حتتصل وبعد جرسين حتقفل لانو حيكون نام

اتصلت وقبل ما يتم الجرس الاول جاها صوت يوسف المنتظر تلفونها بلهفة كانو روحو ما معاهو وبالمكالمة دي روحو بترجع:االوووو

ريتن : اسفة علي الازعاج عارفة الوقت اتاخر بس لاني وعدتك عشان كدا اتصلت كان المفروض اتصل الصباح

يوسف سااااكت وبسمع في صوتها المعذبو قال ليها : عارفك مزعجة بس انا صحبك ولازم استحملك وضحك ( قال كدا لانو كان حاب يكسر الحاجز بينهم )

ضحكت لنا ببحة وقالت :اسفة

يوسف زح التلفون من اضانو وخت يدو في قلبو وقال "اهددددددي" وبقي يتنفس بصوت عالي ورجع التلفون لاضانو

يوسفلم طول سكوتو قالت: يوسف وينك

يوسف: ما تقولي اسفة تاني ما بينا اسف

ريان : طيب

يوسف: طيب يا ريان انا اسمي يوسف ف.....

ريان : لا يوسف من غير اسماء...بس خلينا كدا انت يوسف وانا ريان من غير اسماء

يوسف : حااضر يا ست ريان تأمري بشي تاني؟!!

ريان : مايأمر عليك ظالم يلا الوقت اتاخر بعد دا النوم

يوسف :ان شاء الله يلا تصبحي بخير

ريان وانت من اهل الخير

يوسف نام الليلة ديك وهو مرتاح من قلبو

وريان بتتقلب في سريرا وبتفكر كيف حتكون حياتا الجديدة نامت وهي بتدعي من قلبها انو الجاي ينسيها الفات كلووو

💔💔💔

تابعوني في صفحتي الشخصبه عشان يصلكم كل جديييد حانزل كم حلقه تاني الليله😍😍

دوسو متابعه عشان الحلقات الجايه مشوقه